حاجیانی هەرێمی کوردستان سەرقاڵی خۆ کۆکردنەوه و خۆ ئامادە کردنن بۆ گەڕانەوە بۆ کوردستان و دەستو دیارییان زۆرێک لە کەلوپەل و بابەتی حەج و دیاری جۆراوجۆرە کە بە نزیکەی 250 تەن بەبڕی 3 ملیۆن دۆلار دەخەمڵێنرێت.
بەوتەی مەریوان نەقشبەندی وتەبێژی وەزارەتی ئەوقاف و کاروباری ئاینی حکومەتی هەرێمی کوردستان لەعەرەبستانی سعودیەوە،
لەگەڵ نزیکبونەوەی وادەی گەڕانەوەی حاجیانی هەرێم کە ژمارەیان بەحاجیانی کەرکووکەوە زیاتر لە 4000حاجی دەبێت بۆ خاکی نیشتمان " سەرقاڵی ڕەوانەکردنەوە و پێچانەوەی ئەو دیاری و کەلوپەلانەن کە قورساییەکەی نزیکەی 250 تەن دەبێت و لەشارەکانی مەککە و مەدینە کڕیویانە و خەرجی ئەم دیاری و کەلوپەلانەش لەئەنجامی خەمڵاندنێکی نزیکەیی کە بەهاوکاری حەملەدارەکانی حەج و جۆری کەلوپەلەکان کردومانە "کۆی گشتی نرخەکەی لە 3 ملیۆن دۆلار نزیک دەبێتەوه.
"بەهۆی زۆری وەزنی ئەم دیاری و کەلوپەلانەش ئەو فرۆکانەی حاجیانی هەرێم دەهێننەوە ناتوانن هەمووی بهێننەوە" بۆیە حاجیان پێشوەختە لەگەڵ چەند ئوتومبیلێکی بارهەڵگردا لەرێگەی وشکاییەوە بەشی زۆری دیاری و کەلوپەلەکانیان بەبڕێک پارە ناردۆتەوە بۆ کوردستان"کەدیارترین جۆری ئەو دیاریانە (ئاوی زەمزەم و خورما و تەسبیح و پۆشاک و جلوبەرگ و سیواک و بۆن و دیاری جۆراوجۆری منداڵان و هەندێ لەحاجیانیش زێڕ دەکڕن چونکە زێڕی سعودیە یەکێکە لەباشترین جۆرەکانی زێڕ لەجیهاندا).
سەرەرای ڕێنمایی بەردەوامی مامۆستایانی ئاینی کوردستان بۆ ئادابی سەردانیکردن و کەمکردنەوەی گوشاری مادی لەسەر حاجیان لەکاتی بەخێرهێنانەوەیان "بەڵام بەهۆی داب و نەریتەوە ناچاردەبن کەلوپەل و دیاری بۆ خزم و هاوڕێ و کەسوکار لەسعودیە بکڕن و وەک شیرینی و دیاری بیبەخشنەوە.
- 25-10-2013