ناو: فوئاد
نازناو: فوئادی حەمەئەمین ئاغا
ناوی باوک: محەمەدئەمین
ڕۆژی لەدایکبوون: #22-03-1933#
ڕۆژی کۆچی دوایی: #19-03-2004#
شوێنی لەدایکبوون: #سلێمانی#
شوێنی کۆچی دوایی: هۆڵەندا
$ژیاننامە$
لە ساڵی 1933 لە شاری #سلێمانی# لەدایک بووە، باپیری پیاوێکی ئایینی و خواپەرست بووە ناوی حاجی عەبدوڵڵای حاجی ئاغا ساڵح بووە کە بە عەبدوڵڵای درێژ بەناوبانگ بووە، پیاوێکی زۆر بەئایین خیرکەر بووە هاوتەمەنی حاجی کاک ئەحمەدی شێخ بووە، وەک دەگێڕنەوە منارەی #مزگەوتی گەورە# ئەو درووستی کردووە، هەروەها خانی عەجەم لە شاری سلێمانی ئەم بینایەتی ناوە چونکە موڵکی خۆی بووە بەهۆی ئەوەی ئەم پێاوەزۆر خۆشەویستی حاجی کاک ئەحمەدی شێخ بووە پێش وەفات کردنی وەسێتی کردووە کە حاجی عەوڵا لە نزیک گۆڕەکەی بنێژن بۆیە کاتێک کەحاجی عەوڵا درێژ وەفاتی کردووە لە ساڵی 1322 کۆچی لە گۆڕستانی مزگەوتی گەورە نزیک مەرقەدی حاجی کاک ئەحمەدی شێخ لە دەرەوەی مەرقەدەکە نێژراوە.!=KTML_Photo_Begin=https://www.kurdipedia.org/files/relatedfiles/2008/489/0015.JPG=KTML_Photo_Alt=فوئاد حەمەمین ئاغای حاجی عەوڵای درێژ=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/489/0015.JPG=KTML_Photo_End=
حاجی عەبدوڵڵا چوار کوڕی هەبوە کە ئەمانەن حاجی ئاغا فەتحوڵڵا، ئیبراهیم ئاغا، حمەئاغا، حمەمین ئاغا کەباوکی مامۆستا فوئادە و ئەویش بەهەمان شێوەچوار کوڕی هەبوە کەئەمانەن
نووری ئاغا، حمەرەشید ئاغا، خەسرەو ئاغا، کاک فوئاد.!
مامۆستا فوئاد خۆێندنی سەرەتایی و ناوەندی لە شاری سلێمانی تەواو کردووە و لە ساڵی 1950 دا دواتر چووتەپەیمانگای مامۆستایان لە بەغدا و ساڵی 1953 پەیمانگای تەواو کردووە و گەڕاوەتەوە سلێمانی بووە بە مامۆستا، دواتر لە ساڵی 1957 ژنی هێناوەو خێزانی پێکەوەناوە، خێزانەکەی خەڵکی شاری سلێمانییە و ناوی خاتوو (نەزیرە عەلی حەسەن) ەو پێکەوهەبوونەتە خاوەنی هەشت منداڵ بەناوەکانی (#شادان فوئاد#، بەیان، شوان، کاوان، سامان، حەمە، شارا و شەم).
هونەرمەندی نەمر مامۆستا فوئاد تا ساڵی 1969 لە قوتابخانەی سەرەتایی شێخ مەحمودی کوڕان بە مامۆستایی ماوەتەوە و دوایی بووە بەیاریدەری بەڕێوەبەری قوتابخانەکە.!
ساڵی 1975 چوتە چالاکی قوتابخانەکانی سلێمانی ماوەی سێ ساڵ لەو بەڕیوەبەرایەتییە خزمەتی کردووە، تا دواتر لە ساڵی 1978 چووەتەبەڕیوەبەرێتی ڕۆشنبیری جەماوەر لە سلێمانی و ماوەی شەش ساڵ لەو بەڕێوەبەرایەتییە بووە و دواتر خۆی خانەنشین کردووەلە ساڵی 1984 دا وەک زۆر لەهونەرمەندان هەر لە منداڵییەوەخولیای هونەری شانۆ بووە و بۆ ئەم مەبەستەلە قوتابخانەو لەگەڵ هاوڕێیانی گەڕەک بەشداری کاری هونەری و شانۆیەکان بوەکەئەمەش گرنگی خۆی هەبووەلەپێگەیاندنی ژمارەیەکی زۆر لەشانۆکاران و درووست بوونی خۆشەویستی و نزیک بوونەوەلەشانۆ، لە ساڵی 1969 لەگەڵ کۆمەڵێک لەهونەرمەندان و ڕۆشنبیران لەوانە
(محەمەد سدیق مەحمود، محامی، ، نووری وەشتی، ، #تەها خەلیل#، ، نەوزاد مەجید، ، #شێرکۆ بێکەس#ی شاعیر، ، عەلی جۆڵا، ، عەلی توانا) وەک ئەندامی دەستەی بەڕێوەبەر تیپی هونەر و وێژەی کوردیان دامەزراندوە لە شاری سلێمانی کەتیپێکی گەورەبوو وەو شانبەشانی تیپی نواندنی سلێمانی خزمەتێکی زۆریان بەهونەری شانۆ و مۆسیقاو بوارەکانی تری هونەرکردووەلە سلێمانی و کوردستان، دوای ئەوە ئەم تیپەناوی گۆڕدرا بەتیپی کۆمەڵی هونەرە جوانەکانی سلێمانی، ماوەی زیاتر لە 39 ساڵەئەم تیپەبەهەمان تواناوەبەردەوامەلە خزمەتکردنی هەموو بوارەکانی هونەر و کلتوری کوردی.!
هونەرمەند مامۆستا فوئاد حمەمین ئاغا وەک ئەکتەرێکی سەرکەوتوو بەشداری کردووەلەنواندنی چەندین کاری شانۆیی و درامای تەلەفیزیۆنی و فیلمی سینەمایی و تەمسیلی ڕادیۆیی.
کارە هونەریە شانۆیی و درامی و سینەماییەکانی
(شانۆیەکان)
شێخی تەپلەڕەش نووسین و ئامادەکردنی عەلی توانا دەرهێنانی نەوزاد مەجید، ، شایی خۆیناوی نووسینی گارسیا لۆرکا دەرهێنانی نەوزاد مەجید 1971، ، پیسکەی تەڕپیر نووسینی
مۆلێر دەرهێنانی #ئەحمەد سالار# 1972، ، تاوانێک لە ئاسماندا نووسینی #تەها بابان# دەرهێنانی
نەوزاد مەجید بۆ شانۆ و حسێن نەسراوی بۆ تەلەفیزیۆن 1972، ، چاوی ڤیتنام نووسینی ڕیدسۆن
دەرهێنانی تەها خەلیل، شانۆیی ئایاری سەرکەوتنە، ، جەنابی موفەتیش نووسینی گۆگۆل
دەرهێمنانی ئەحمەد سالار 1971، ، پژمین نووسینی #عومەر عەلی ئەمین# دەرهێنانی تەها خەلیل 1973، ، کیچ نووسینی حەمەسدیق مەحمود دەرهێنانی نەوزاد مەجید 1970، دیوار نووسینی سارتەر دەرهێنانی تەها خەلیل 1974، ، پەیکەر نووسینی بۆل برۆڵا دەرهێنانی تەها خەلیل 1974، ، ئۆپەرێتی دایکی نیشتمان و ئۆپەرێتی بوک و زاوا، چرا دەرهێنانی کامەران ڕەئوف، ، شانۆیی نامەیەک لە خنکاوەوە، ، سارا خان نووسینی ئەلفرێد فەرەج دەرهێنانی جەمال محەمەد 1973، ، کاوەی ئاسنگەر نووسینی شێرکۆ بێکەس دەرهێنانی تەها خەلیل 1977، ، دکتۆری تێڵا نووسینی مۆلێر دەرهێنانی #عەبدولی حەمەجوان# 1977، ، کابرا سەیرەکەنووسینی نازم حیکمەت دەرهێنانی عەبدولی حەمەجوان 1985، ، بلیت و زاوا نووسینی حەمە سدیق دەرهێنانی حسێن نەسراوی 1972، ، مرۆڤ و زەوی نووسینی تەها بابان دەرهێنانی حیکمەت زەنون 1977، ، شار نووسینی #حسین عارف# دەرهێنانی کامەران ڕەئوف 1997، ، بازرگانی ڤنیسیا نووسینی مۆلێر دەرهێنانی #ئەنوەر تۆڤی# 1972.
(دراما تەلەفیزێۆنییەکان)
ژیان نووسینی #جەلیل زەنگنە# دەرهێنانی حیکمەت زەنون 1977، ، گوڵاڵە نووسینی #حەمەرەشید هەرەس# دەرهێنانی #شەماڵی عەبەڕەش#.
(فیلمەکان)
نێرگز بوکی کوردستان 1990، ، خولەپیزە، نووسین و دەرهێنانی جەلیل زەنگنە 1998
مامۆستا فوئادی حەمەمین ئاغا جگەلە بواری هونەری و کاری وەزیفی ساڵی 1965 لە مەلەوانگەی #سەرچنار# ڕاهێنەری مەلەوانیتی بوەو هەروەها ئەندام و ڕاهێنەری یاری شەترەنج بووەتوانیویەتی خزمەتی باشی ئەم دوو بوارەش بکات، هونەرمەند فوئادی حەمین ئاغا مرۆڤێکی خاوەن هەڵۆێست و کوردپەروەر بووە، لە تەمەنی لاوێتیدا پەیوەندی هەبوەلەگەڵ حیزبی شیویعی کوردستاندا و هەڵگری بیروباوەڕی چەپ و کۆمۆنیزم بووە ئەمەش وای کردووە لە ساڵی 1963 لە کاتی نەکبەی (مەنعی تەجەولەکەی) شاری سلێمانیدا لەلایەن ڕژێمی بەعسەوە بگیرێت و ماوەی نۆ مانگ لەبەندیخانە لە شاری #کەرکووک# بەند (زیندان) بکرێت؟
ئەوەی شایانی باسکردنەلێرەدا خێزانەکەی مامۆستا فوئاد، خاتوو نەزیرە توانیویەتی بەشداری کاری هونەری لە درامای نامەیەک لە خنکاوەوە و فیلمی نێرگز بوکی کوردستانە و فیلمی #خولە پیزە# و لەم دوایانەش بەشداری لەدرامای (لەگولێک کاڵترو و گەڕانێک بەدوای سیبەرەکانداو ژیلەمۆ) بکات و بەتایبەتیی لەدرامای گەڕانێک بەدوای سیبەرەکاندا ڕۆڵێکی بەرچاوی بەرجەستەکرد کەجێگای ڕەزامەندی بینەران بوو، بەمەش خاتو نەزیرەسەلماندی کەلەسەر ڕیبازی مامۆستا فوئاد بەردەوامەلە خزمەتکردنی هونەری کوردی داو مامۆستافوئاد زیندوو نەمرەو توانیویەتی لەپاش ئەو هەموو ساڵەی خزمەتی خۆی بۆ ڕێبازی هونەری کوردی هاوسەرێکی ئاوا لەپاش خۆی بۆ درێژەپێدانی ئەو ڕیگایەی کە لە ژیاندا هەڵیبژاردبوو بەفیڕۆ نەدات.؟
هەروەها هونەرمەندی شانۆکار (خاتو شادان فوئاد) کە کچی گەورەی مامۆستا فوئادە وەک خانمە ئەکتەرێکی کورد لەمێژە لە چەندان کاری شانۆیی و فیلم و درامای کوردیدا بەشداری کاریگەرو سەرکەوتوی کردووە و ئەکتەرێکی بەتوانایە، بێگومان ئەمەش دەگەڕیتەوە بۆ ئەو توانا و خۆشەویستییەی کە مامۆستا فوئاد توانیویەتی درووستی بکات لەناو خێزانەکەی دا بۆ هونەری کوردی، لە هەمان کاتدا خاتو شادان خێزانی ئەکتەری بەتوانای کورد شەماڵی عەبەڕەشە کە پێکەوە چ لە کوردستان و لە هەندەران (هوڵەندا) خزمەتی زۆری هونەری کوردی نەتەوەکەیان کردووە و چەندین شانۆیی و فیلمی کوردی بەهێزیان نمایش کردووەبەتایبەتیی لە وڵاتی هوڵەندا
هەندی لەوانەش فیلمی هۆڵەندی (ئەو کوڕەی ئیتر نادۆێ، ئۆپەرێتی هۆڵەندی کۆیستی فەناید، شانۆیی دووبارەی داستانێک، فیلمی ڕۆژانی زەرد، فیلمی هەلە و هۆڵەندا، فیلمی نامۆی)
جگە لەوەی هەردوو کچەکانی شایی و شارۆ و خەڵاتی یەکەمینیان وەر گرتووە.
لە ساڵی 1999 هونەرمەند فوئادی حەمەمین ئاغا کوردستان بەجێ دێڵی و بەرەو هەندەران کۆچ دەکات و لەهوڵندا جیگیر دەبێت بەڵام بەداخەوە دوای ساڵ و نیوێک جەڵتەی مێشک لی دەدات و لە ئەنجامدا توانای قسەکردنی نامێنێ تا لە ڕۆژی 7 مانگی ئازاری ساڵی 2004 لە نەخۆشخانە دەکەوێت و پاش سیانزە ڕۆژ لە کات ژمێر سێ و نیوی بەکاتی هۆڵەندا لە ڕێکەوتی نۆزدەی ئازاری ساڵی 2004 ئەو هونەرمەندە مەزنە ماڵاوایی یەکجاری لێکردین و کەسەرێکی گەورەی لەدڵی نەتەوەکەی بەگشتی و هونەرمەندان و بینەران بەتایبەتیی بەجێ هێشت، لە ڕۆژی 25 مانگی ئازای هەمان ساڵیشدا تەرمەکەی برایەوە سلێمانی لەگردی #سەیوان# نێژرا.[1]