[1]

داوا لە خەڵکی خۆشەویست و خۆڕاگری کەرکوک دەکەم بە هەموو نەتەوە و پێکهاتەکانییەوە، هێمنیی شارەکە بپارێزن و بە ئاشتی و ئارامییەوە گوزارشت لە سەرکەوتنەکان بکەن.
بەڵێنتان پێدەدەم هەموومان پێکەوە ئاهەنگی سەرکەوتن دەگێڕین، بەڵام تکایە ئارامبن و دروستکردنی پشێوی و نائارامیی ئاکارێکی یەکێتییانە و #کەرکووک#ییانە نییە.[1]

براو دڵسۆزتان
بافڵ جەلال تاڵەبانی
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ئێوارەی ئەمڕۆ دووشەممە #18-12-2023# #مەسرور بارزانی#، سەرۆکی #حکومەتی هەرێمی کوردستان#، لە کوەیت، بەشداریی لە پرسەی میری کۆچکردووی کوەیت شێخ نەواف ئەحمەد جابر ئەلسەباح.
سەرۆکی حکوومەت، سەرەخۆشی و هاوخەمی خۆی و هەرێمی کوردستانی بە شێخ مەشعەل ئەحمەد جابر ئەلسەباح میری دەوڵەتی کوەیت و بنەماڵەی ئەلسەباح گەیاند و هیوای خواست خوای مەزن گیانی خوالێخۆشبوو بە میهرەبانیی خۆی شاد بکات و ئارامی و دڵنەواییش بە هەمووان ببەخشێت.
سەرۆکی حکوومەت هەروەها سوپاس و پێزانینی بۆ هاوکاری و پشتیوانیی دەوڵەتی کوەیت بۆ ئاسایش و سەقامگیریی هەرێمی کوردستان و عێراق دەربڕی.

پاشنیوەڕۆی ئەمڕۆ دووشەممە 18-12-2023 سەرۆکوەزیران مەسروور بارزانی، بەسەرۆکایەتی شاندێکی حکوومی، بەرەو کوەیت بەڕێکەوت بۆ بەشداری لە پرسەی شێخ نەواف ئەحمەد جابر ئەلسەباح.
سەردانەکەی سەرۆکوەزیران مەسروور بارزانی بۆ کوەیت و گەیاندنی سەرەخۆشی و هاوخەمی خۆی و هەرێمی کوردستانی بە شێخ مەشعەل ئەحمەد جابر ئەلسەباح میری دەوڵەتی کوەیت و بنەماڵەی ئەلسەباح، بووە جێی بایەخی میدیای فەرمیی کوەیت ناسراو بە (کونا).
ڕۆژی شەممە #16-12-2023#، نەواف ئەحمەد جابر ئەلسەباح میری کوەیت، لە تەمەنی 86 ساڵیدا کۆچی دوایی کرد، بەو بۆنەیەوە سێ ڕۆژ پشوو لە سەرتاسەری وڵاتەکە و 40 ڕۆژ ماتەمینی ڕاگەیەندرا. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی هاوپەیمانی #کەرکووک# هێز و ئیرادەمانە لە لێدوانێکی ڕۆژنامەوانیدا ڕایگەیاند نەیارانی کورد ویستییان هەڵبژاردنی ئەنجوومەنی پارێزگا لە کەرکووک بەڕێوەنەچێت، بەڵام سوپاس بۆ خوا نەمانهێشت ئەو ویستەی ئەوان جێبەجێ ببێت.
#ڕێبوار تەها#، سەرۆکی هاوپەیمانی کەرکووک هێز و ئیرادەمانە، لە کاتی دەنگداندا لە بنکەی 11ی ئازار لە گەڕەکی ئیسکانی شاری کەرکووک، بە ڕۆژنامەنووسانی ڕاگەیاند ئەمڕۆ ڕێکەوتی #18-12-2023# هەستێکی زۆر خۆشم هەیە، چونکە ڕۆژی گەڕانەوەی کوردە بۆ دەسەڵات لە پارێزگای کەرکووک.
ڕێبوار تەها، وتیشی لە ماوەی شەش ساڵی ڕابردوو ستەمێکی زۆر لە خەڵکی کورد کرا لە کەرکووک، بە پشتیووانی خوا ئەو ستەمە ئەمڕۆ 18-12-2023 لە ڕێی سندوقی دەنگدانەوە کۆتایی دێت. [1]