$باکووری کوردستان$
- تیپی وەرزشی جیزرە سپۆرت کە تیپێکی تۆپی پێیە، بۆ بەشداریکردن لە یارییەک لە جزیر-ی باکوری کوردستانەوە چووبوونە ئەنتالیا، تووشی هێرشی نەژادپەرەستانەی لایەنگرانی تیپی بەرامبەر هاتن. پێش ئەوەی یارییەکە دەستپێبکات، لایەنگرانی تیپی بەرامبەر دژی جزیرە سپۆرت دروشمی نەژادپەرەستانەیان وتەوە، دوای یارییەکە گروپێک لە لایەنگرانی تیپی بەرامبەر هێرشیان کردە سەر یاریزانانی تیپی جزیرە سپۆرت و سێ یاریزانیان و ڕاهێنەرێکیان برینداربوون و بە ناچاری شارەکەیان جێی هێشت.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182388/0004.JPG=KTML_ImageCaption_Title=لە ئەنتالیا هێرش کرایە سەر یاریزانانی جزیرە سپۆرت=KTML_ImageCaption_CaptionStyle=000000=KTML_ImageCaption_Caption=لە ئەنتالیا هێرش کرایە سەر یاریزانانی جزیرە سپۆرت=KTML_ImageCaption_End=
- دادگەیەکی دەوڵەتی تورک جارێکی دیکە بڕیاری دا کە ئه و منداڵانەی لە کاتی هێرشەکانی سەر ناوچەی نسێبین دەستگیر کراون، بە زیندانیکراوی بمێننەوە.[3]
- کاتژمێر 19:31 بە کاتی باکووری کوردستان، بوومەلەرزەیەک بە گوڕی 4.2 ناوچەی سەرا-ی شاری #وان#ی هەژاند. بە گوێرەی زانیارییەکان بوومەلەرزەکە هیچ زیانێکی گیانی و ماددی لێ نەکەوتووەتەوە، بەڵام ترسی لای هاوڵاتییانی دروست کردووە. لایەنەپەیوەندیدارەکان ڕایانگەیاند، چەقی بوومەلەرزەکە لە قووڵایی 5 کم لەژێر زەویدا بووە.[3]
$باشووری کوردستان$
- یەکێتی ڕایدەگەیەنێت: تا پرسی پارێزگاری کەرکووک یەکلانەکرێتەوە بەشداری کۆبوونەوەی پەرلەمان و پێکهێنانی حکومەت ناکەن.[2]
- کۆبوونەوەی #پەرلەمانی کوردستان# بۆ چەند کاژێرێک دواخرا و پاشتر بەبێ فڕاکسیۆنی یەکێتی دەستی بە کۆبوونەوەکانی کرد.[1]
- هەریەک لە #حزبی شیوعی کوردستان# و #یەکگرتووی ئیسلامیی کوردستان# دەنگیان بە هەڵبژاردنی سەرۆکایەتیی پەڕڵەمان نەدا.[1]
- میدیاکانی یەکێتی باس لەوە دەکەن کە پەڕڵەمانتارانی گۆڕان دەنگیان بە کاندیدەکانی پارتی داوە.[2]
- سەرۆک و جێگری سەرۆکی پەرلەمان هەڵبژێردران، #ڤالا فەرید# بە سەرۆکی پەرلەمان و #هێمن هەورامی#، وەک جێگری یەکەمی سەرۆکی پەرلەمانی کوردستان و #مونا قەهوەچی# بە جێگری دووەم هەڵبژێردران.[6]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/182388/0014.JPG=KTML_ImageCaption_Title=بەڵگەنامەکانی ئەمڕۆ: 18-02-2019=KTML_ImageCaption_CaptionStyle=000000=KTML_ImageCaption_Caption=بەڵگەنامەکانی ئەمڕۆ: 18-02-2019=KTML_ImageCaption_End=
- بڕیاربوو ئەمڕۆ کۆبوونەوەی ئەنجومەنی پارێزگای #کەرکووک# ئەنجامبدرێت، بەڵام بەهۆی ڕێکنەکەوتنی پارتی و یەکێتی ئەنجامدانی هەڵوەشایەوە.[1]
- ئەنجومەنی سەرکردایەتی یەکێتی پەیامێک ئاراستەی پارتی دەکات و داوادەکات پابەندبێت بە ناوەرۆکی ڕێککەوتنی 5ی شوبات و دەشڵێت: ئەگەر دەیانەوێت خۆشگوزەرانی بۆ خەڵک بێتەکایەوە، ئەوا دەبێت بە بەشداری هەموومان حکومەت پێبهێنرێت.[5]
- ئەمشه و ژمارەیەک چەکداری داعش پەلاماری دانیشتوانی گوندی حسێن مەمەیان لە #خانەقین# داو و شەڕ و پێکدادان ڕوویدا، لە ئەنجامدا شوانێک بە سەختی برینداربوو.[2]
- ئەمشه و ژمارەیەک لە تیرۆرستانی داعش پەلاماری گوندی عەساکرەیان لەشارەدێی سەعدیە دا، لەئەنجامی ئه و پەلامارەدا دوو چەکداری داعش برینداربوون و چەکدارێکی #حەشدی شەعبی#ش بەسەختی پێکراوە.[2]
- کارمەندانی خۆبەخشی ناوەندە تەندروستییەکان، لە سنوری ئیدارەی #گەرمیان#، بۆ جاری سێیەم گردبوونەوە و داوای دامەزراندنیان کرد، داواکارییەکانیان بە یاداشتێک گەیاندە ئیدارەی گەرمیان.[4]
$دەرەوەی کوردستان$
- وەزیری بەرگری فەرەنسا سەبارەت بە چارەنووسی کورد کە هێشتاش لەگەڵ #داعش#-دا دەستەو یەخەن، هۆشداریی دەدات و ڕایدەگەیەنێت: نابێت ڕێگە بدەین کوردەکان دوای کشانەوەی ئەمریکا لە سوریا جارێکی دیکە لە سوریا ببنە قوربانی.[4]

لە کاتێکدا کە جەماوەری گەلەکەمان و دۆستانمان لەناوەوه و درەوەی هەرێم لە چاوەڕوانی ئەوەدابوون، لەپاش تێپەڕبونی نزیکەی چوار مانگ بەسەر ڕاگەیاندنی ئەنجامی کۆتایی هەڵبژاردنی پەرلەمانی کوردستان و لەدەرئەنجامی ڕێککەوتنێکی گشتگیری هەمەلایەنە لە نێوان لیستە براوەکاندا و بەشداربوانی ئەم خولەی پەرلەمان، ئەنجامدانی دانیشتنی تەواوکاری پەرلەمان بەمەبەستی گرتنەبەری ڕێکارە یاساییەکان بۆ هەڵبژاردنی دەستەی سەرۆکایەتی پەرلەمان و هەنگاونان بۆ پێکهێنانی کابینەی نوێی حکومەتی هەرێمی کوردستان، بەڵام جێگای سەرسوڕمانی هەموو لایەک بوو کە #پارتی دیموکراتی کوردستان# بە هاوکاری و هەماهەنگی چەند لیستێکی بچوکی تر بەدەر لە ڕێککەوتن لەگەڵ دووهەمین لیستی براوەی هەڵبژاردنەکان کە لیستی یەکێتی نیشتمانی کوردستانە، سەبارەت بە شێوزای حکومرانی و پلان و بەرنامەی هاوبەش بۆ باشترکردنی ژیان و گوزەرانی کۆمەڵانی خەلکی کوردستان و بوژانەوەی ژێرخانی ئابوری کوردستان، هەروەها بۆ چارەسەرکردنی کێشەکانی نێوان هەرێمی کوردستان لەگەڵ ناوەندو ئاسایکردنەوەی دۆخی ناسروشتی #کەرکووک# و ناوچە کێشە لەسەرەکانی تر بە شێوازێکی پەلەپرۆزێیانە کۆبوونەوەی پەرلەمانیان بە کەمو کوڕیەکی زۆری سیاسی و یاساییەوە ئەنجامدا، کورد ووتەنی (گرێی دەستیان خستە دەم)، لە کاتێکدا کە یەکێتی نیشتمانی کوردستان داوای دواخستنی کۆبوونەوەکەیان تەنها بۆ ماوەی بیست و چوار کاتژمێر کردبوو بەمەبەستی گەیشتن بە ڕێگا چارەی گونجاوو لەسەر تێپەڕاندنی جیاوازیەکان، بەڵام بەداخەوە لەوەشدا بڕیاری نابەرپرسانە دراو کۆبوونەوەکەیان به و شێوازە ئەنجامدا کە هەموو لایەک بینیمان هەر بۆیە یەکێتی نیشتمانی کوردستان تێبینی زۆری لەسەر ئه و دانیشتنە هەیه و پێمان وایە کە ئەوە خزمەت بە بەرەو پێشچوونی پرۆسەی سیاسی و لێکەوتەکانی لەداهاتوودا لە هەرێمی کوردستان و ناوچەکە ناکات.
‎مەکتەبی سیاسی
‎#یەکێتیی نیشتمانیی کوردستان#
#18-02-2019#

#کەرکووک# و یەکێتی دوو پایەی یەک ستراتیژن
گرنگیدان بە کێشەکانی خەڵکی کەرکووک و هەوڵدان بۆ کاراکردنەوەی ئەنجومەنی پارێزگا و دانانی پارێزگارێکی کورد بۆ شارەکەمان، کە دەبێتە هۆکاری چارەسەری زۆربەی کێشەکان. لە ئەژێندای وەفدی دان وساندکاری (ی.ن.ک) بۆ پێکهێنانی کابینەی نوێی حکومەتی هەرێمی کوردستان. بۆ ئێمەی کەرکووکی هەڵوێستێکی چاوەڕوانکراو بوو.
بۆیە بەناوی مەڵبەندی کەرکووک و تەواوی دۆستان و خەمخۆرانی شارەکەمانەوە، سوپاس و دەستخۆشیمان ئاراستەی
هەڤاڵ کۆسرەت ڕەسوڵ جێگری یەکەمی سکرتێری گشتی
هەڤاڵ دکتۆر بەرهەم صاڵح جێگری دووەمی سکرتێری گشتی
تەواوی هەڤاڵانی مەکتەبی سیاسی و ئەنجومەنی سەرکردایەتی و هەڤاڵان باڤڵ تاڵەبانی و لاهورتاڵەبانی و وەفدی گفتوگۆی یەکێتی نیشتمانی کوردستان دەکەیەن.
وەک هەمیشه و لە سەر ڕێبازەکەی مامی گەورەمان، داکۆکی کاری سەرسەختی مافی کەرکووکییەکان، بوون و کەرکووکیان لە چارەنو وس و کێشەکانی هەرێم جیانەکردەوە.
ئەم هەڵوێستە و سوور بوونی یەکێتی لە سەر چارەسەری کۆی کێشەکانی هەرێم، بە کێشەکانی کەرکووک و ناوچەدابڕاوەکان و هاوهەڵوێستی کورد لە بەغدا، ئاماژەی ڕونن بۆ دونیابینی فراوانی نیشتمانی (ی.ن.ک) کە پەروەردەی تێگەیشتن و هەڵوێستی بەرزی سەرۆک مام جلال بووە.
یەکێتی نیشتمانی کوردستان، به و پەڕی هەست بە لێپرسراوێتییەوە کار بۆ چارەسەری کێشەکانی هەرێم دەکات و بڕوای پتەوەی بە گفتوگۆ و کاری هاوبەشی تەواوی هێزەسیاسییەکان هەیە. بەڵام کێشەکانی خەڵک و شاری کەرکووکیش وەک بەشێک لە کێشەی تەواوی خەڵکی کوردستان سەیردەکات، ئەم ڕاستییە لە هەڵوێست و کارەکانی یەکێتی بۆ پێکهێنانی حکومەتی هەرێم بەتەواوی چەسپا و جێگیربوون. هاوڵاتیانی شاری کەرکووک خوازیاربوون خەم و کێشەکانیان لە بەرنامەی سیاسی حزبەکاندا ڕەنگ بداتەوە و هاوشانی هەوڵەکان بۆ چارەسەری کێشەکانی هەرێم، کێشەی ئیدارەو خەڵکی کەرکووکیش ببنە سەرمێزی گفتوگۆ و کێشە و خەمی خەڵکی کەرکووک کۆیان بکاتەوە. بەڵام زۆر بەداخەوە ئەمە ڕووینەدا و کێشەو خەمەکانی کەرکووک تەنها لە بەرنامەی یەکێتیدا ڕەنگی دایەوە.
بۆیە بەناوی مەڵبەندی کەرکووک و خەڵکی خۆڕاگری شارەکەمانەوە سوپاسی ئەم هەستی لێپرسراوێتیە دەکەین، وەک هەمیشە پەیمانی پابەندبوونمان بەڕێبازەکەی سەرۆک مام جلال دوپات دەکەینەوە.
#یەکێتیی نیشتمانیی کوردستان#
مەڵبەندی دووی ڕێکخستنی کەرکووک
#18-02-2019#

هێزەکانی ڕزگاریی #عەفرین# دەربارەی چالاکییەکانیان دژ بە هێزە داگیرکەرەکان ڕاگەیەنراوێکی بڵاوکردەوە. تیایدا هاتووە: (چالاکییەکانی #شەڕڤان#انی ئێمە لە دژی سەرباز و چەتەکانی سوپای تورکی داگیرکەر لە عەفرین و دەوروبەری بەردەوامن. لەم چوارچێوەیەدا، شەڕڤانانمان ڕۆژی 17ی شوبات\28ی ڕێبەندان لە ناوچەی عەفرین و ناوچەی عەزاز 3 چالاکیی کاریگەریان دژی داگیرکەران ئەنجام داوە.)
هێزەکانی ڕزگاریی عەفرین ڕایگەیاندووە، (ڕۆژی 17ی شوبات\28ی ڕێبەندان شەڕڤانانی ئێمە لە ناوچەی بلبلێی عەفرین دژی ئۆتۆمبێلێکی دەوریە کە سەرباز و چەتەکانی دەوڵەتی تورکی تێدابوون، چالاکییەکیان ئەنجام دا. لە چالاکییەکەدا سەربازێک و 2 چەتە بەسەختی بریندار بوون.)
لە ڕاگەیەنراوەکەدا ئاماژە بۆ ئەوە کراوە، هەمان ڕۆژ لە ناوچەی جندرێسی سەر بە عەفرین شەڕڤانان دژی بنکەیەکی گرووپی چەتەکانی نوورەدین زەنگی چالاکییەکیان کردووە. چالاکییەکە کوژراوی لێکەوتووەتەوە، بەڵام دەربارەی ژمارەیان زانیاریی ڕوون دەستنەکەوتووە.
هێزەکانی ڕزگاریی عەفرین ڕاشیگەیاند، ڕۆژی 17ی شوبات\28ی ڕێبەندان شەڕڤانانیان لە گوندی کل جبرین-ی سەر بە عەزاز لە دژی بنکەیەکی گرووپی چەتەکانی جەبهەی شامیە چالاکییەکیان کردووە. لە ئەنجامدا چەتەیەک بە ناوی عومەر جاسم کوژراوە و یەکێکی دیکەش بە ناوی مەحموود عەلی بریندار بووە.[1]
#18-02-2019#