[1]

مەکتەبی سیاسیی #یەکێتیی نیشتمانیی کوردستان# لە ساڵیادی دامەزراندنی حزبی دیموکراتی پێشکەوتنخوازی کورد لە سوریا پەیامێکی پیرۆزبایی ئاڕاستەکرد.
=KTML_Bold=دەقی پەیامەکەی مەکتەبی سیاسیی ی.ن.ک=KTML_End=

بەرێزان ئەندامانی مەکتەبی سیاسی و سەرکردایەتی
بەڕێزان ئەندامان و لایەنگرانی پارتی دیموکراتی پێشکەوتنخوازی کورد لەسوریا
لە ساڵیادی دامەزراندنی حزبی دیموکراتی پێشکەوتنخوازی کورد لە سوریا پیرۆزبایی گەرمتان ئاراستە دەکەین و هیوای سەرکەوتن و بەردەوامیتان بۆ دەخوازین.
حزبی دیموکراتی پێشکەوتنخوازی کورد لەسوریا، پارتێکی دێرینی ڕۆژئاوای کوردستانە و وەک یەکەم حزبی سیاسی نەتەوەیی کوردیی لە مێژووی خەباتی سیاسی ئەو بەشە خۆشەویستەی کوردستاندا ڕۆڵتان دیارە و شانازی بەرچاوتان بەردەکەوێ.
هەر لەم یادە شکۆدارەدا تەئکید لەو پەیوەندیە مێژینەیەی نێوان یەکێتیی نیشتمانیی کوردستان و حزبی دیموکراتی پێشکەوتنخوازی کورد دەکەینە کە دەگەڕێتەوە بۆ سەردەمی هاوڕێیەتی هەردوو ڕەمزی تێکۆشان سەرۆک مام جەلال و مامۆستا حەمید دەروێش کە لە چەندین وێستگەی ژیانی سیاسیاندا پێکەوە لە پێناو بەدیهێنانی مافە ڕەواکانی گەلەکەمان خەباتی نەتەوەییان درێژە پێداوە.
جارێکی تر پیرۆزبایتان لێدەکەین و یەکڕیزی و پێکەوەیی بۆ هەموو لایەنە سیاسیەکانی ڕۆژئاوای کوردستان دەخوازین. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

پێشوازى لە پەسەندکردنی بودجەی سێ ساڵيی عێراق دەکەین. هیوادارین ببێتە نەخشەڕێیەکی باش بۆ پێشکەوتنى ئابوورى و سەقامگیريی سياسى و زەمینەیەکی باشى وەبەرهێنان دروست بکات. دەستخۆشی لە هەموو ئه و بەڕێزانە دەکەين کە دڵسۆزانە بۆ بەرژەوەنديی هاووڵاتیيان و یەکسانيی خەڵکی عێراق کاریان کرد.
جێگەی داخە لە گفتوگۆکانی پەرلەماندا، هەندێ لە پەرلەمانتاران بە شێوەیەکی نادروست هەڵسوکەوتیان بەرامبەر مافەکانی هەرێمی کوردستان و ناوچە ناکۆکی لەسەرەکان کرد. ئەوەى ڕوويدا لەگەڵ بنەماکانى ڕێککەوتنى سياسيى هاوپەيمانيى بەڕێوەبردنى دەوڵەتدا نايەتەوە و ئه و ئاراستە و شێوەيە لە کارکردن، خزمەت بە پرۆسەى سياسى و دۆخ و داهاتووى عێراق ناکات.
پێويستە ياساى بودجە بە شێوەیەکی دادپەروەرانە جێبەجێ بکرێت و ڕەچاوی پێگەی هەرێمی کوردستان وەک قەوارەیەکی سیاسيی دەستووری و ناوچە کێشە لەسەرەکان بکات و ماف و بەرژەوەندیيەکانيان بپارێزێت. دەبێ دڵنیایيی تەواو هەبێ لەوەی شايستە داراییيەکان و مووچەی مووچەخۆرانی هەرێمی کوردستان بە هۆکاری سیاسی دوا ناخرێن و فەرامۆش ناکرێن.
ئەوەی لە کاتی گفتوگۆى بودجەدا بینیمان، مايەى نيگەرانييەکى قووڵە و جارێکی دیکە ئەو ڕاستییەى سەلماند کە دابەشبوونى لايەنە کوردستانييەکان زيان بە هەرێمى کوردستان دەگەيەنێت. وێڕاى ئەمەش بە ویستى سیاسيی هاوبەش و بە ڕەچاوکردنی بەرژەوەنديی گشتی، دەتوانین ئەمە بکەینە دەرفەتێک بۆ بەهێزکردنی متمانەى نێوانمان، ڕێکخستنەوەی باشترى ناوماڵی خۆمان، خاوکردنەوەی گرژیيەکان و چارەسەری کێشەکان بۆ بەهێزکردنی زیاتری عێراق و هەرێمی کوردستان. [1]

#نێچیرڤان بارزانی#
سەرۆکی هەرێمی کوردستان
#13-06-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

دکتۆر #ڕێواز فایەق#، سەرۆکی پەرلەمانی کوردستان لە تۆڕی کۆمەڵایەتی تویتەر پەیامێکی سەبارەت بە پەسەندکردنی پڕۆژە یاسای بودجەی عیراق بڵاوکردەوە، لە پەیامەکەدا هاتووە پەسەندکردنی بودجە پیرۆزبێت لەو وڵاتەی کە لە خراپترین دۆخیشدا دامەزراوەکانی بەپێی دەستوور و یاسا بەرکارەکان ئەرکی خۆیان جێبەجێ دەکەن، و ئیرادەی سیاسی چەندە ناجۆر و ناسازیش بێت ئاراستەی کاری دامەزراوەیی ناگۆڕێت. دکتۆر ڕێواز فایەق ئاماژەی بەوەشکردووە سەرباری تێبینی و کەموکوڕیش هێشتا خەڵک بە ئومێدەوە لە دامەزراوەکانی حکومەتی عیراق دەڕوانێت. سەرۆکی پەرلەمان باسی لەوەشکردووە لە هەرێمی کوردستان دوو خولی پێنج ساڵی پەرلەمان کۆتاییپێهاتووە و پەرلەمان و پەرلەمانتاران بە پاساوی نالۆژیکی لە جێبەجێکردنی گرنگترین ئەرکیان مەحرومکران. هاوکات دکتۆر ڕێواز فایەق نوسیوێتی بەشی زۆری ئەو شەڕەی برایە بەغدا و کەس تێیدا سەرکەوتوو نەبوو، دەبوو لە پەرلەمانی کوردستان بکرایە و کوڕ و کچەکانی هەرێمی کوردستان یەکلاییان بکردایەتەوە و بەڵێنەکانی هەڵبژاردنیان جێبەجێ بکردایە. لە پەیامەکەدا هاتووە پێویستە هەمووان سەیری پرۆسەی دەنگدان لەسەر گێڕانەوەی پاشەکەوتی مووچە بکەن و تێبگەن چی بەرامبەر قەوارەی هەرێم و بە هاووڵاتیان و دامەزراوەکان کراوە. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=