$باکووری کوردستان$
- عومەر ئۆجالان پەرڵەمانتاری #هەدەپە#ی ڕوحا، ئاشکرای کرد کە #عەبدوڵڵا ئۆجەلان# ئەمڕۆ چاوی بەبراکەی محەمەد ئۆجالان کەتووە.[5] ئەو دیدارە دوای ئەوە دێت، کە چەند ڕۆژێک لەمەوبەر پلاتفۆڕمی ئازادی دژ بە گۆشەگیریی سەر ئۆجالان ڕایگەیاند، لە زیندانەکانی دەوڵەتی تورکدا دژی گۆشەگیریی سەر ئۆجالان، لانی کەم 600 زیندانی مانیان لە خواردن گرتووە و داوا دەکەن گۆشەگیریی سەر ئۆجالان هەڵبگیرێت. جگە لە تورکیا، لە پارچەکانی دیکەی کوردستان و ئەوروپاش بە سەدان کەس لە مانگرتندا بوون بۆ شکاندنیی گۆشەگیریی سەر ئۆجالان. مانگرتنەکان بۆ شکاندنی گۆشەگیریی سەر ئۆجالان بە مانگرتنی #لەیلا گوڤەن#، هاوسەرۆکی #کەجەدە# و پەرلەمانتاری هەدەپە دەستیپێکرد، کە ماوەی 65 ڕۆژە مانی لە خواردن گرتووە دژی گۆشەگیریی سەر ئۆجالان، لەیلا ئێستا باری تەندروستی خراپ بووە و ژیانی لە مەترسیدایە، داواکاریی لەیلا ئەوە بوو، کە ڕێگە بدرێت سەردانی ئۆجالان بکرێت، بۆیە پێدەچێت ئەم دیدارە مانگرتنەکان بشکێنێت.[2]
$رۆژهەڵاتی کوردستان$
- #کۆڵبەر#ێکی کورد بە ناوی شەهریار خزری تەمەن 20 ساڵ خەڵکی شاری #سەردەشت# بە تەقەی هێزە نیزامییەکانی حکوومەتی بە سەختی بریندار کرا.[6]
- کۆڵبەرێکی کورد به ناوی ئەیووب ئەمینی، کوڕی محەممەد، خەڵکی گوندی دەشوان سەر بە شاری #سەڵماس#، به هۆی سەرمابردووییەوە گیانی لە دەست دا.[6]
$باشووری کوردستان$
- فەرهاد محەمەد، منداڵە 3 ساڵەکە و نۆ ژنی دیکە لە دەستگیرکراوانی دوێنێی سەکۆی ئازادیی شاری #سلێمانی#، ئازاد کران.[2]
- وتەبێژی #تەڤگەری ئازادیی کۆمەڵگەی کوردستان# ڕایگەیاند، کە ڕێکاری یاسایی دژی دەستگیرکردنی ئەندامان و لایەنگرانی تەڤگەر دەگرنەبەر، ئاشکراشی کرد: ئاسایش هەوڵیانداوە بەڵێننامەیان پێ پڕبکەنەوە، بەڵام ئەوان ڕەتیان کردووەتەوە.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/165062/0009.JPG=KTML_ImageCaption_Title=لە مانشێتەکانی ئەمڕۆ: 12-01-2019=KTML_ImageCaption_CaptionStyle=000000=KTML_ImageCaption_Caption=لە مانشێتەکانی ئەمڕۆ: 12-01-2019=KTML_ImageCaption_End=
- فراکسیۆنی گۆڕان لە پەرلەمانی هەرێمی کوردستان دەڵێت، کە دەستگیرکردنی هاوڵاتیان و چالاکان لە دەرەوەی بڕیاری دادوەر، پێچەوانەی یاسا و هەموو ئه و بانگەشانەیە لە بەرنامەی حزبە سیاسیەکاندا هەیە، دەشڵێت: پێویستە پارتی و یەکێتی دەستبەرداری ئەم دەستێوەردانە خراپانه ببن.[2]
- دژی دەستگیرکردنی چالاکوانان، ڕۆژنامەنووسان، هاوڵاتیان و نوێنەری لایەنەسیاسییەکان، کە دوێنێ لەلایەن ئاسایشی سلێمانییەوە دەستگیرکران، #سەنتەری میترۆ# بۆ داکۆکیکردن لە مافی ڕۆژنامەنووسان، ڕاگەیەندراوێکی بڵاوکردەوە، تێیدا ڕایگەیاندووە: داوا دەکەین دەسبەجێ دەسبەسەرکراوەکان بە بێ مەرج ئازاد بکرێن.[2]
- ژمارەیەک لەسەرکردەکانی هاوپەیمانی عەرەبی لە#کەرکووک# لەکۆنگرەیەکی ڕۆژنامەوانیدا دژایەتی خۆیان بۆ هەڵکردنی ئاڵای کوردستان دووپاتکردەوە.[3]
- ئەمشەو لە شاری هەولێر نوێنەرایەتی هەدەپە کۆنگرەیەکی ڕۆژنامەنووسی لەسەر دیدارەکەی ئۆجالان و بەردەوامی مانگرتن ئەنجامدا. لە کۆنگرە ڕۆژنامەنووسیەکەدا، عابد ئیکە هاوسەرۆکی نوێنەرایەتی هەدەپە لە هەولێر وتی: وەک دەزانرێت محەمەد ئۆجالان چوەتە ئیمرالی و لەگەڵ بەڕێز ئۆجالان چاوپێکەوتنی ئەنجامداوە، بەڵام هێشتا وردەکاری چاوپێکەوتنەکە نازانرێت. باسی لەوەش کرد، ئەوان بەردەوام دەبن لە مانگرتن و چالاکییەکانیان تا ئەو کاتەی لێدوانێکی فەرمیی لە هەدەپەوە دەدرێت.[2]
- دوو فرۆکەی جەنگی عێراقی چەند پێگەیەکی #داعش#یان لە لە نێوان شارۆچکەی #خانەقین# و و شارەدێی #جەلەولا# بۆردومان کرد.[3]
- شەوی ڕابردوو ئه و سێ هاووڵاتییەی کە ڕۆژی 24-12-2018 لەلایەن داعشەوە لە گوندی پارە پارەی سەر بە شارۆچکەی #خورماتوو# ڕفێندرابوون لەسنووری شارەدێی ڕەشاد لەبەرامبەر بڕێک پارەدا ئازاد کران و بەیانی ئەمڕۆ بە کەسوکاری خۆیان شاد بوونەوە. ئه و سێ هاووڵاتییە ناوەکانیان کەنعان عەزیز قادر، ساڵم سەردار محەمەد وادی و محەمەد ئەحمەد هەدل-ە.[4]
- تەرمی منداڵێکی تازە لە دایکبوو لە نزیک گەڕەکی قەڵای نوێ لە شاری #هەولێر# دۆزرایەوە، پۆلیسی هەولێریش دەڵێت: گیانی لەدەستدابوو و تەرمەکەی ڕەوانەی پزیشکی دادوەری کراوە.[3]
- لە شاری هەولێر، دوو مێردمنداڵ کە دانیشتووی یەک گەڕەکن لە سەر کۆتر بووەتە شەڕیان و لەئەنجامدا باوک و کوڕێک بەناوەکانی (ئیبراهیم و ڕابەر) کوژراون.[3]
$رۆژئاوای کوردستان$
- مینێک بە ئۆتۆمبێلێکی هێزەکانی ئاسایشی ناوخۆی #منبج# تەقیەوە و دوو ئەندامی هێزەکانی ئاسایش شەهید بوون و ئەندامێکی دیکەش برینداربووە.[2]
$دەرەوەی کوردستان$=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/165062/0011.JPG=KTML_ImageCaption_Title=لە مانشێتەکانی ئەمڕۆ: 12-01-2019=KTML_ImageCaption_CaptionStyle=000000=KTML_ImageCaption_Caption=لە مانشێتەکانی ئەمڕۆ: 12-01-2019=KTML_ImageCaption_End=
- هاوڵاتیانی کورد و دۆستانی کورد، لە چوار گۆشەی ئەوروپا-وە بەرەو شەقامەکانی پاریس هاتن و بەرەو کۆڵانی لا فایتە کە شەش ساڵ لەمەوبەر سێ ژنە سیاسەتمەداری کورد تێدا کۆمەڵکوژ کران ڕێپێوانیان کرد. خۆپێشاندەران کە وێنەکانی #ساکینە جانسز#، ئەندامی دامەزرێنەری #پەکەکە#، فیدان دوغان، نوێنەری کەنەکەی پاریس و لەیلا شایلەمەز، ئەندامی تەڤگەری گەنجان-یان هەڵکردبوو، دەوڵەتی تورکیان شەرمەزار کرد.[2]
- سوپای ئیسرائیل چەند پێگەیەکی لە دەورووبەری فڕۆکەخانەی نێودوڵەتی دیمەشق بۆردوومانکرد و سوپای سووریاش دەڵێت، بۆردوومانەکە زیانی ماددی زۆری هەبووە، بەڵام زیانی گیانی نەبووە.[1]
- وەزیری دەرەوەی ئێران لە کاردانەوە بەرامبەر بەڕێوەچوونی کۆنفرانسی نێوەدەوڵەتی دژ بە ئێران لە وڵاتی پۆڵەندا، کۆنفرانسەکە بە پەڵەیەکی ڕەش و فەزاحەت بۆ پۆڵەندا ناودەبات.[3]

قەسەدە ڕایگەیاند، لە ماوەی 24 کاتژمێری ڕابردوودا گورزی تووندیان لە چەتەکانی #داعش# داوە و 15 چەتە کوژراون و دەستیش بەسەر بڕێکی زۆر چەک و تەقەمەنی و کەرەستەی سەربازیدا گیراوە.
#شەڕڤان#انی هێزەکانی سوریای دیموکراتی-قەسەدە، بەردەوامن لە دواهەمین قۆناغی هەڵمەتی گەردەلوولی جزیر لە چوارچێوەی شەڕی نەهێشتنی تێرۆردا لە سنووری دێرەزۆر، ئێوارەی ئەمڕۆش ئاماری 24 کاتژمێری ڕابردوویان بڵاوکردەوە.
قەسەدە ڕایگەیاندووە: شەڕڤانانی ئێمە لە شارۆچکەی شەفیعە و دەوروبەری هێرشیان کردە سەر بنکەکانی تێرۆریستان و شەڕێکی سەخت هاتەئاراوە، لە ئەنجامی ئەو شەڕەدا ژمارەیەکی زۆری تیرۆریستان کوژران، شەڕڤانان توانیان یەک کیلۆمەتر پێشڕەویی بکەن و 17 خاڵی نوێیان دامەزراند و فڕۆکەکانی هێزە هاوپەیمانانەکانیش چەندین جار بنکەی چەتەکانی داعشیان بۆردومان کرد.
ڕاشیگەیاندووە: چەتەکانی داعش لە دژی سەنگەرەکانی شەڕڤانانی قەسەدە بەچەکی قورس و ئامێری (درۆن) هێرشیان ئەنجامدا، بەڵام شەڕڤانان هێرشەکەیان تێکشکاند و ژمارەیەکی زۆر چەتە کوژران.
هەر لە ڕاگەیەندراوەکەدا هاتووە: لە ئەنجامی خەباتی پاککردنەوەی ناوچه ‌ڕزگارکراوەکاندا، بڕێکی زۆرچەک و تەقەمەنی کەوتە دەستی شەڕڤانان، تیمی ئەندازەی سەربازی چەندین مینیان پووچەڵ کردەوه، ‌ کە تێرۆریستان لە ناوچەکە جێگیریان کردبوون.
ئامارەکانی 24 کاتژمێری ڕابردووش بەم شێوەیەن:
ژمارەی تیرۆریسته ‌کوژراوەکان: 15 تیرۆریست
ئه و چەک و تەقەمەنییەی، کە کەوتووەتە دەستی شەڕڤانان‌: 4 چەکی ئێم 16، چەکی بی کەی سی، چەکی لاو، سندووقێک تەقەمەنیی دۆشکەی 14، 5ملم.
زیانەکانی تیرۆریستان: 20 بنکەی تیرۆریستان، کارگەیەکی ئامادەکردنی ئۆتۆمبێلی بۆمبڕێژکراو، 2 ئۆتۆمبێل، 3 بنکەی تۆپی هاوەن، 4 کارگەی تەقەمەنی و بنکەیەکی فڕاندنی فڕۆکەی سیخووڕی (درۆن) ڕووخێنران.
ژمارەی هێرشی فڕۆکەکانی هاوپەیمان: 28 جار[1]
#12-01-2019#