此产品根据Kurdipedia的美元尚未敲定！

پاش نیوەڕۆی ئەمڕۆ 7 ی تشرینی یەکەمی 2022 لەرووداوێکی نەخوازراودا لەشاری هەولێر، ئۆتۆمبێلەکەی بەڕێز عەقید هاوکار عەبدوڵا ناسراوبە (هاوکار جاف)کرایە ئامانج و بەداخەوە شەهیدکرا.

شەهید هاوکار کە پێشتر لەئەرک و فەرمانی ڕەسمیدابوو ڕۆڵی بەرچاوی هەبووە لەهێزەکانی دژەتیرۆر و بواری ئەمنیدا و خزمەتی ئارامی و ئاسایشی هەرێمی کردووە.

وێڕای دەربڕینی هاوخەمی پرسەو سەرەخۆشی ئاڕاستەی بنەماڵە تێکۆشەرەکەیان دەکەین کە نمونەیەکی بەرزی قوربانیدانن، هیوای زووچاکبوونەوەش بۆ بریندارەکان دەخوازین، داواش دەکەین لەهێزە ئەمنییەکانی هەرێم لەلێکۆڵێینەوەکانیاندا وردبن و ڕاستی ڕووداوەکە و تۆمەتباران بۆ ڕای گشتی ئاشکرابکەن و ڕووبەڕووی دەسەڵاتی دادوەریان بکەنەوە و سزای یاساییان بەسەردابسەپێنن.[1]

ئاژانسی پاراستن و زانیاری / زانیاری

دەقی ڕاگەیەندراوەکەی ئەنجوومەنی ئاسایشی هەرێمی کوردستان:
ڕاگەیەندراوێک لە ئەنجومەنی ئاسایشی هەرێمی کوردستانەوە
ئەمڕۆ هەینی 7ی تشرینی یەکەمی 2022، کاتژمێر 12:20ی پاشنیوەڕۆ، لە گەڕەکی سەربەستیی شاری #هەولێر# لە کردەوەیەکی تیرۆریستیدا ئەفسەرێکی ئاژانسی پاراستن و زانیاری/ زانیاریی سەر بە ئەنجومەنی ئاسایشی هەرێمی کوردستان بە ناوی هاوکار عەبدوڵڵا ڕەسووڵ، کە لە ماوەی ڕابردوودا بەهۆی ناکۆکی و ململانێیەکانی ناو دەزگای زانیاری ئەرکەکەی خۆی گواستبوویەوە بۆ شاری هەولێر، لە ڕێگەی دوو بۆمبی لکێندراو بە ئۆتۆمبێلەکەیەوە کرایە ئامانج و بەداخەوە شەهید بوو، هاوکات چوار سەرنشین کە لە هاوسەرەکەی و دوو منداڵی و خوشکێکی پێک هاتبوون، بریندار بوون.
ئەنجومەنی ئاسایشی هەرێمی کوردستان زۆر بە توندی ئەم کردەوە تیرۆریستییە ترسنۆکانەیە سەرکۆنە دەکات و، لێکۆڵینەوەکانیان لەو بارەوە دەست پێ کردووە و بکەرانی ئەم کردەوە تیرۆریستییە بە سزای یاسایی خۆیان دەگەن.
ئەنجومەنی ئاسایشی هەرێمی کوردستان
7ی تشرینی یەکەمی 2022[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!