$باکووری کوردستان$
- بە پێی ڕاگەیەنراوی والی #جولەمێرگ# لە 30 ناوچە لە ناوەندی جولەمێرگ و ناوچەکانی چەلێ، #شەمزینان# وگەڤەر، بۆ ماوەی 15 ڕۆژ قەدەغەی هاتووچۆ ڕاگەیەنراوە و هاووڵاتیان مافی ئەوەیان نییە سەردانی ئەو ناوچانە بکەن.[4]
- لە ماوەی 2 ڕۆژدا لە #ئامەد# هەڵکوتراوەتە سەر 73 ماڵ.[4]
$رۆژهەڵاتی کوردستان$
- کاسبکارێکی کورد، بە ناوی ناسر ئیبراهیم‌زادە، خەڵکی گوندی گەوڵانی شاری #سەردەشت# بە تەقەی هێزە نیزامییەکانی حکوومەتی کوژرا.[6]=KTML_Photo_Begin=https://www.kurdipedia.org/files/relatedfiles/2018/153210/0005.JPG=KTML_Photo_Alt=بە تەقەی هێزە نیزامییەکان کاسبکارێک لە شاری سەردەشت کوژرا=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153210/0005.JPG=KTML_Photo_End=
- هاجەر سەعیدی، چالاکی بواری مافی ژنان و ژینگەپارێزیی خەڵکی شاری #سنە#، لە لایەن هێزە ئیتلاعاتییەکانەوە دەسبەسەر کرا و بۆ شوێنێکی نادیار ڕاگوێزرا.[6]
- حەسەن گەڵوانی، زیندانیی سیاسیی کوردی خەڵکی شاری نە‌غەدە، لە گرتووخانەی شاری #ورمێ#، بۆ زیندانی ناوەندیی شاری ئەردەبێڵ دوور خرایەوە.[6]
$باشووری کوردستان$
- تۆپخانەکانی سوپای تورکیا جارێکی تر گوند و ناوچەکانی سنوری #برادۆست#یان بۆردوومان کرد و بۆردوومانەکە ناوچەکانی چیادێل و خواکوڕک و گەروی سیران و گەرووی کەوەرت و، دەوروبەری گوندی خەلیفان و گەلی خواکورک ز گەلی ڕەشی گرتۆتەوە. بەهۆی تۆپبارانەکەشەوە زیانێکی زۆر بە ڕەزو باخی دانیشتووانی ئه و ناوچانە کەوتووە و بەوهۆیەوە ئاگرێکی گەورە لە سنورەکە کەوتۆتەوە.[3]
- نزیکەی 20 ڕۆژە لە ‌#کەرکووک#، بە هۆی نەبوونی کارەبای نیشتمانییەوە زۆربەی وێستگەکانی کۆکردنەوەی ئاو لە ووشکبووندان و گەڕەکەکانی شارەکەی بەجۆرێک بێئاو کردووە کە خەڵکی بە تانکەر‌ ئاو دەکڕن.[1]
- #پارتی دیموکراتی کوردستان# داوای #بزووتنەوەی گۆڕان#ی لەبارەی دواخستنی هەڵبژاردنی پەرلەمانی کوردستان قبوڵنەکردوە، سەرچاوەیەکیش لە نێو گۆڕان دەڵێت ئێستا گۆڕان تەنها بڕیاری بایکۆتکردنی لەبەردەمدا ماوه و لە چەند ڕۆژی داهاتوودا لە لایەن جڤاتی نیشتمانییەوە ئه و بابەتە یەکلادەکرێتەوە.[2]
- لە نەخۆشخانەی شار لە #سلێمانی#، بە ئامادەبوونی بەڕێوەبەری نەخۆشخانه و سەرۆکی سەندیکای پزیشکان و پزیشک و کارمەندانی تەندروستیی نەخۆشخانە، مەراسیمێکی ماتەمینی بۆ د. #جەمال ئەحمەد ڕەشید# بەڕێوەچوو.[2]=KTML_Photo_Begin=https://www.kurdipedia.org/files/relatedfiles/2018/153210/0006.JPG=KTML_Photo_Alt=مەراسیمێکی ماتەمینی بۆ د. جەمال ئەحمەد ڕەشید=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153210/0006.JPG=KTML_Photo_End=
- وەزیری تەندروستی حکومەتی هەرێم بڕیاریدا ناوی نەخۆشخانەی فێرکاری منداڵانی سلێمانی بگۆڕدرێت بۆ نەخۆشخانەی دکتۆر جەمال ئەحمەد ڕەشید.[2]
- بەرپرسێکی کۆمپانیای نەوتی باکوری عێراق ئاشکرای دەکات، لە چوارچێوەی ڕێککەوتنی ئاڵۆگۆڕکردنی نەوت لەگەڵ ئێراندا، هەناردەکردنی نەوتی کەرکووک بۆ ئێران چووە بواری جێبەجێکردنەوه و ڕۆژانە 60 هەزار بەرمیل بەتانکەر ڕەوانە دەکرێت.[2]
- لە گەڕەکی وڵوبە لەشاری سلێمانی کچێکی تەمەن 13 ساڵان بەهۆی گوللەوە گیانی لەدەستدا.[3]
$رۆژئاوای کوردستان$
- لە چوارچێوەی هاریکاریيە بەردەوامەکانی هاوپەیمانی نێودەوڵەتی دژی تیرۆر بۆ هێزەکانی سوریای دیموکرات، نزیکەی 150 بارهەڵگر گەیشتنە شاری #قامیشلۆ#. ئه و بارهەڵگرانە کەلوپەلی سەربازی و لۆجیستیان هەڵگرتبوو، گەیشتە دەست هێزەکانی سوریای دیموکرات له و ناوچەیە.[3]=KTML_Photo_Begin=https://www.kurdipedia.org/files/relatedfiles/2018/153210/0008.JPG=KTML_Photo_Alt=هاوکاریەکانی هاوپەیمانی نێودەوڵەتی گەیشتە قامیشلۆ=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153210/0008.JPG=KTML_Photo_End=
$دەرەوەی کوردستان$
- بەگوێرەی هەواڵێک کە لە ڕۆژنامەکانی ئیسرائیلدا بڵاوبووەتەوە، سوپای ئیسرائیل پشتڕاستی کردووەتەوە، کە بۆسەر پێگە ئێرانییەکانی ناو سوریا 200 هێرشی ئاسمانی کردووە، هەروەها زیاتر لە 800 ڕۆکێتیشی هاویشتووەتە سەر ئەو پێگانە.[5]

#یەپەگە# ڕایگەیاند، #شەڕڤان#ان ڕۆژی 3ی ئەیلولی 2018 لە گوندی مەریەمین لە ناوچەی شەرای #عەفرین# لە دژی ئۆتۆمبێلێکی سەربازیی گروپی چەتەکانی لیوا شیمال چالاکییەکیان ئەنجامداوە و بەو هۆیەوە ئۆتۆمبێلەکە تێکشکاوە و 4 چەتەی ناو ئۆتۆمبێلەکەش کوژراون.
دەقی ڕاگەیاندراوەکەی یەپەگە:
هێزەکانمان لە چوارچێوەی هەڵمەتی قۆناغی دووەمی بەرخۆدانی سەردەم لەعەفرین بەردەوامن لە ئەنجامدانی چالاکییەکانیان لە دژی سوپای تورکیای داگیرکەر و چەتەکانی.
هێزەکانمان ڕۆژی 3ی ئەیلولی 2018 لە گوندی مەریەمین لە ناوچەی شەرای عەفرین لە دژی ئۆتۆمبیلێکی سەربازیی چەتەکانی گروپی لیوا شیمال چالاکییەکی کاریگەرییان ئەنجامدا. بەهۆی ئەو چالاکییەوە ئۆتۆمبێلی چەتەکان بە تەواوی تێکشکا و هەر 4 چەتەی ناو ئۆتۆمبێلەکەش کوژران.
ناوی چەتە کوژراوەکان بریتین لە: عەبدولکەریم شهادە خەڵکی حومس، دیبۆ ئیسماعیل خەلکی حەلەب، عومەر هەشەش خەڵکی ئیدلب و محەمەد مستەفا خڵکی مینخ.
ئێمە لە ڕاگەیاندراوی ڕۆژی 4ی ئەیلولدا بۆ ڕای گشتیمان بڵاوکردبووە، کە هێزەکانمان ڕۆژی 3ی ئەیلول لە ناوەندی عەفرین و گوندەکانی شێراوا زنجیرە چالاکییەکیان ئەنجامداوە و بەهۆی ئەو چالاکییانەوە سەرەک چەتەیەک و 14 چەتە و سەربازی سوپای تورکیای داگیرکەر کوژراون، کە 4 لە کوژراوەکان سەربازی سوپای تورکیای داگیرکەرن.[1]
#05-09-2018#