$باکووری کوردستان$
- لە ماوەی هەفتەیەکەدا ژمارەی تووشبووان لە پارێزگای #ئامەد# لە 50 کەسەوە بۆ 213 کەس بەرزبووەوە. دۆخی تەندروستیی 18 لە تووشبووەکان جێگیر نییە. بەگوتەی بەرپرسانی تەندروستیی ئامەد تەنیا لە سێ گوندی ئەو پارێزگایە زیاتر لە 100 تووشبووی کۆرۆنا تۆمارکراون.[2]
$رۆژهەڵاتی کوردستان$
- بەپێی هەواڵێکی #کۆڵبەر#نیوز، شەوی ڕابردوو لە ناوچە سنوورییەکانی شاری چاڵدێران-ی سەر بە پارێزگای ورمێ، هێزە چەکدارەکانی دەوڵەتی ئێران بە شێوەی ڕاستەوخۆ تەقەیان لە کۆڵبەران کردووە. بە گوێرەی هەواڵەکە، لەو هێرشەدا، کۆڵبەرێک بەناوی سەجاد دالایی میلان خەڵکی گوندی'مەسجد لوی' بە تەقەی ڕاستەوخۆی هێزە ئەمنییەکانی ئێران کوژراوە.[4]=KTML_Photo_Begin=https://www.kurdipedia.org/files/relatedfiles/2020/383583/0021.JPG=KTML_Photo_Alt=سەجاد دالایی میلان=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/383583/0021.JPG=KTML_Photo_End=
- بومەلەرزەیەک بە پێوەری پێنج پلەی ڕیختەر سنووری نێوان ڕۆژهەڵات و باشوری کوردستانی هەژاند و زیانەکانی نادیارن.[4]
- هاووڵاتییەکی کورد بە ناوی حوسێن عەبدوڵڵازادە تەمەن 26 ساڵ و خەڵکی شاری #شنۆ#، پاش تەواوبوونی قۆناغی لێپرسینەوەکەی، ڕەوانەی زیندانی ناوەندیی #ورمێ# کرا. هێزە ئەمنییەتییەکان ئەو هاووڵاتییە کوردەیان بە تۆمەتی هاوکاری لەگەڵ یەکێک لە حیزبە کوردییەکانی ئۆپۆزسیۆنی حکوومەتی ئێران دەسبەسەر کردووە.[5]
- لە درێژەی سوووتاندنی دارستانەکان لە شارەکانی کوردستان، چەند کەسێکی نەناسراو داوێنی کێوی ئاویەریان ئاگر تێبەردا.[7]
$باشووری کوردستان$
- لە هەرێمی کوردستان ژمارەی قوربانییانی ڤایرۆسی #کۆرۆنا# گەیشتە 14 کەس، تەنیا لە 24 کاتژمێری ڕابردوو 7 کەس لە کوردستان بەهۆی کۆرۆنا گیانیان لەدەستداوە.[1]=KTML_ImageCaption_Begin==KTML_StyleDiv=width:25%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/383583/0013.JPG=KTML_ImageCaption_Title=لە تۆڕە کۆمەڵایەتییەکانەوە: 03-06-2020=KTML_ImageCaption_CaptionStyle=000000=KTML_ImageCaption_Caption=لە تۆڕە کۆمەڵایەتییەکانەوە: 03-06-2020=KTML_ImageCaption_End=
- لە بەردەوامی پشکنینەکان و گەڕان بەدوای گومانلێکراوان و تووشبووان، نۆزدە تووشبووی ڤایرۆسی کۆڕۆنای نوێ COVID-19 لە پارێزگای #دهۆک# دەستنیشانکران، هەشت پیاو و هەشت ئافرەت و سێ منداڵ. هەموویان بەرکەوتووی تووشبوێکی پێشوون لە بەشداربوونیان لە داوەتێکی نان خواردن و دانیشتووی ناو شاری دهۆکن.[1](بڕوانە فایلی پەیوەندیدار)
- لە بەردەوامی پشکنینەکان و گەڕان بەدوای گومانلێکراوان و تووشبووان، دوو تووشبووی ڤایرۆسی کۆڕۆنای نوێ COVID-19 لە پارێزگای #هەولێر# دەستنیشانکرا، دوو ئافرەت تەمەن 75 و 32 ساڵ، تووشبوێکیان نیشانەی نەخۆشیەکەی هەیە و تووشبووەکەی دیکە بەرکەوتووی هەمان نەخۆشە.[1](بڕوانە فایلی پەیوەندیدار)
- لە بەردەوامیی پشکنینەکان و گەڕان بەدوای گومانلێکراوان و تووشبووان، 50 تووشبووی دیکەی ڤایرۆسی کۆرۆنای نوێ COVID-19 لە پارێزگای سلێمانی دەستنیشانکران، 24 پیاو، 24 ئافرەت و دوو منداڵن.[1](بڕوانە فایلی پەیوەندیدار)
- لە بەردەوامی پشکنینەکان و گەڕان بەدوای گومانلێکراوان و تووشبووان، دوو تووشبووی دیکەی ڤایرۆسی کۆرۆنای نوێ COVID-19 لە دەڤەری ڕاپەڕین دەستنیشانکران، خێزانێکی ژن و مێردن لە پیاوێکی تەمەن 43 ساڵ و ئافرەتێکی تەمەن 32 ساڵ پێکهاتوون، نیشانەی نەخۆشیان هەیە، دانیشتووی گەڕەکی نەورۆزن لە شارۆچکەی #ڕانیە#.[1](بڕوانە فایلی پەیوەندیدار)
- لەبەر ڕێکارەکانی خۆپارێزی لە بڵاوبوونەوەی ڤایرۆسی کۆرۆنا و قەدەغەی هاتووچۆ، جووتیارانی هەرێمی کوردستان 570 ملیۆن دینار زیانیان بەرکەوتووە و ناتوانن بەرهەمەکانیان ساخبکەنەوە.[2]
- سەرۆکی بۆردی ڕووبەڕووبوونەوەی کۆرۆنا لە پارێزگای #سلێمانی# ڕایگەیاند، سێ تووشبووی کۆرۆنا لە سلێمانی تەندروستیان ناجێگیرە و سەروو 50 تووشبووی دیکەش نیشانەکانی ڤایرۆسەکەیان بە تووندی تێدا دەرکەوتووە.[2]
- وەزارەتی تەندروستی و ژینگەی عێراق ئاماری نۆی تووشبوونی بە ڤایرۆسی کۆرۆنای ڕاگەیاند، لە ڕاگەیاندراوەکەی وەزارەتی تەندروستیدا هاتووە، ئەمرۆ لە شاری #کەرکووک# 35 حاڵەتی نوێی تووشبوون بە ڤایرۆسی کۆرۆنا تۆمارکراوە.[6]
- هێزە عێراقییەکان ئۆپراسیۆنێکیان لەسنووری #خورماتوو# #خانەقین# ئەنجامدا، بەهۆی بۆردوومانی فڕۆکە جەنگییەکانەوە نزیکەی 500 دۆنم دەغڵودانی جوتیارانی سنووری شارەدێی #زنانه# سوتا.[4]
- لە دووەم ڕۆژی ئۆپراسیۆنی هێزە عێراقییەکان لەسنووری شاری کەرکووک دژی چەتەکانی داعش، 15 تونێلی چەتەکان تەقێندرانەوە و 60 بۆمبی چێندراویش پوچەڵکرانەوە.[4]
- زۆربەی بەربەستەکانی شەقامی 60 مەتری و شەقامەکانی دیکەی سلێمانی لابران کە بە مەبەستی قەدەغەی هاتوچۆ لە سەر شەقامەکان دانرابوون. هاتوچۆش لە شارەکە بەرەو ئاسایی بوونەوە دەچێت.[3]
- بەرپرسی میحوەری گوێر - #مەخموور#ی هێزی پێشمەرگەی کوردستان ڕایگەیاند، هێزی ئاسمانیی هاوپەیمانان لە 24 کاژێری ڕابردوودا سێجار #داعش#یان لە چیای قەرەچووخ بۆردوومانکردووە، لە دوو بۆردوومانی یەکەمدا 12 چەکداری داعش کوژراون.[2]
$دەرەوەی کوردستان$
- جیهانپور، ڕایگەیاند: لە 24 کەتژمێری ڕابردوودا، تووشبوونی سێ هەزار و 134 کەسی دیکە بە ڤایرۆسی کۆرۆنا پشتڕاست کراوەتەوە و 70 کەسیش بەو ڤایرۆسە گیانیان لەدەستداوە، بەوپێیەش ژمارەی گشتی تووشبووان لە ئێران گەیشتە 160 هەزار و 696 کەس و ژمارەی گیانلەدەستدانیش، گەیشتە هەشت هەزار و 12 کەس. ڕاشیگەیاند: تا ئێستا 125 هەزار و 206 کەس لە تووشبووان چاکبوونەتەوە و دوو هەزار و 557 تووشبووش لەژێر چاودێری چڕی پزیشکیدان.[4]
- بەرپرسانی تورک ڕایانگەیاند، لە تورکیا لە ماوەی 24 کاتژمێری ڕابردوودا بەهۆی ڤایرۆسی کۆرۆناوە 24 کەس گیانیان لەدەستدا. لە تورکیا بە گشتی 4609 کەس بەهۆی کۆرۆناوە گیانیان لەدەستداوە و 166 هەزار و 422 کەس تووشی نەخۆشیەکە بوون.[6]
- وەزارەتی تەندروستیی عێراق ڕایگەیاند، لە 24 کاژێری ڕابردوودا هەشت هەزار و 585 پشکنینی کۆرۆنا تۆمارکراون، ئەنجامی پشکنینی 781 کەسیان پۆزەتیڤ بووە؛ کۆی گشتیی پشکنینەکانیش گەیشتووەتە 260 هەزار و 299 پشکنین. بەپێی ئامارەکانی 24 کاژێری ڕابردووی وەزارەتی تەندروستیی عێراق، 21 تووشبووی کۆرۆنا گیانیان لەدەستداوە، کە 10 کەسیان لە بەغدا بوون.[2]

بۆ/ هەموو یەکە کارگێڕیی و فەرمانگە پەیوەندیدارەکانی سنوری پارێزگای #سلێمانی#
بابەت/ گشتاندن
پاڵپشت بە بەیانی ژمارە (38)ی ساڵی (2020)ی #وەزارەتی ناوخۆ#و پاشکۆکانی و بڕیارەکانی کۆبوونەوەی لیژنەی باڵای ئۆپراسیۆنەکانی هەرێمی کوردستان ڕۆژی (2/6/2020)و بڕیارەکانی کۆبوونەوەی لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆنا لە ڕۆژی (1/6/2020)، لەپێناوی پاراستنی ئاسایشی تەندروستی و تەندروستیی گشتیی هاووڵاتیان و بەرگرتن لە تەشەنەکردنی پەتای کۆرۆنا و بەرزکردنەوەی ئاستی خۆپارێزیی لەلایەن هاووڵاتیانی بەڕێزەوە، لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆنا بڕیاری لەم ڕێکارو ڕێنماییانەی خوارەوە داو پێویستە وەکو خۆیان جێبەجێ بکرێن و هەر خەمساردیی و کەمتەرخەمییەک، لایەنی فەرمیی جێبەجێکار ڕووبەڕووی لێپرسینەوەو ڕێکاری یاسایی و کارگێڕیی توند دەکاتەوە:
1-بەیانی ژمارە (38)ی ساڵی (2020)ی وەزارەتی ناوخۆی حکومەتی هەرێمی کوردستان و هەردوو نووسراوی ژمارە (7253 و 7254)ی ڕۆژی (1/6/2020)ی وەزارەتی ناوخۆ وەکو خۆیان جێبەجێ دەکرێن جگە لەو بڕگانەی کە لەم ڕاگەیەندراوەدا هەموارکراونەتەوە، پێویستە هەموولایەک پابەندی بڕگەکانی ئەم بڕیارانە بن.
2- لە سەعات (6)ی ئێوارەی ڕۆژی (3/ 6/2020)ەوە بەپێی ئەم ڕاگەیەندراوەو ڕێکارو ڕێنماییەکانی پێشتر لەلایەن وەزارەتە پەیوەندیدارەکان و لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆناو قائمقامیەتی شارۆچکەی مەڵبەندی سلێمانی و بەڕێوەبەرایەتی گشتی تەندروستی سلێمانی و فەرمانگە پەیوەندیدارەکانی تر پەیوەست بە بوارە جیاجیاکان دیاریکراون، لەژێر چاودێریی و لێپرسینەوەو پشکنینی وردو توندی لیژنەکانی بەدواداچوون و لیژنەکانی قائمقامیەتەکان و بەڕێوەبەرایەتی گشتی تەندروستیدا، سێکتەرەکان دەکرێنەوە، هەرکەس و شوێنێک پابەندی تەواوی ڕێکارورێنماییە تەندروستیی و کارگێڕیی و ئارامییەکان نەبێت، شوێنەکەی بۆ ماوەی هەفتەیەک دادەخرێت ورێکاری یاساییش بەرامبەر خۆی دەگیرێتەبەر.
3- پێویستە هەموو ئەو بوارو سێکتەرو شوێنی کارو دامەزراوانە لە کەرتی گشتی و تایبەتدا، پابەندی تەواوی ڕێوشوێنەکانی تەندروستیی و خۆپارێزیی بن و پێداویستی پاکژکردنەوەو کەلوپەلی خۆپارێزیی بەکاربهێنن و پەیڕەوی ڕێنماییە تەندروستییەکان بکەن.
4-پێویستە دووریی نێوان کەسێک بۆ کەسێکی تر لە هەموو شوێنە گشتیی و فەرمانگەو دامەزراوەکان و بازاڕو مۆڵ و مارکێتەکاندا لە (یەک مەترو نیو) کەمتر نەبێت و نابێت لە هیچ شوێنێکدا بەریەککەوتن و تێکەڵاوبوون و کۆڕو کۆبوونەوەو قەرەباڵغی ڕووبدات، بەپێچەوانەوە ئەو شوێنە دادەخرێت و خاوەنەکەی ڕووبەڕووی ڕێکاری یاسایی دەکرێتەوە، لە فەرمانگەکانی دەوڵەتیشدا بەڕێوەبەری فەرمانگەکە ڕووبەڕووی لێپرسینەوەی یاسایی و کارگێڕیی دەکرێتەوە.
5- لە ڕۆژی (7/ 6/2020)ەوە بەپێی ئەو بەرنامەیەی پێشتر لەلایەن هەر فەرمانگەیەکەوە دیاریکراوە دەوامی فەرمیی فەرمانگەکانی دەوڵەت دەستپێدەکاتەوە، پێویستە فەرمانبەران پابەندی تەواوی ڕێوشوێن و ڕێکارو ڕێنماییە تەندروستیی و خۆپارێزییەکان بن و پێشوازیی لە هیچ سەردانکەرو هاووڵاتییەک ناکرێت ئەگەر کەلوپەلی خۆپارێزیی (ماسک و دەستکێش)ی بەکارنەهێنابێت، لە هەموو فەرمانگەکاندا پێویستە لەڕێی سیستمی یەک پەنجەرەوە مامەڵەکان لە هاووڵاتیان وەربگیرێت و لەهەمان شوێنەوە وەڵام بدرێنەوەو هاتنە ناو بەڕێوەبەرێتی و بەش و ژوورەکانی فەرمانگەکان قەدەغەیە، لە هەر شوێنێکدا سەرپێچی بکرێت بەڕێوەبەری ئەو فەرمانگەیە ڕووبەڕووی لێپرسینەوەو ڕێکاری یاسایی دەکرێتەوە.
6- پێویستە هاووڵاتیانی خۆشەویست پابەندی تەواوی بڕیارو ڕێنمایی و ڕێکارە تەندروستیی و خۆپارێزییەکان بن و ڕۆڵی شیاوی خۆیان لە پاراستنی تەندروستی خۆیان و خەڵکدا ببینن و لە ڕوودانی هەر نەخۆشیی و ناخۆشییەک و کەمتەرخەمییەکدا خۆیان بەرپرسیار دەبن و ئەگەر زیانیان بە تەندروستیی گشتیی گەیاند لەلایەن فەرمانگەی داواکاری گشتییەوە ڕێکاری یاساییان لەبەرامبەردا دەگیرێتەبەر.
7- تیمی تەندروستی و پشکنین لە هەموو دەروازە نێودەوڵەتی و بازگە سەرەکییەکانی نێوان سلێمانی و شارەکانی تری دەرەوەی هەرێمی کوردستاندا بە جێگیریی دەمێننەوەو پشکنین و ڕێنمایی تەندروستیی پێشکەش دەکەن، هەر کەمتەرخەمییەک لەم بوارەدا بەڕێوەبەری دەروازەو مەرزو بازگەکان و بەڕێوەبەرێتی گشتیی تەندروستی ڕووبەڕووی لێپرسینەوەی یاسایی و کارگێڕیی دەکاتەوە.
8- دوای تەواوبوونی ماوەی کەرەنتینەکردنی دیاریکراوی دەروازەی نێودەوڵەتی باشماخ وەک لە بڕگەی (دەیەم)ی بەیانی ژمارە (38)ی ساڵی (2020)ی وەزارەتی ناوخۆدا هاتووە، دەروازەکە لەژێر ڕێوشوێن و ڕێکارو ڕێنمایی توندی تەندروستیی و کارگێڕیی و ئارامییدا دەکرێتەوەو هەماهەنگیی لەگەڵ لایەنی کۆماری ئیسلامیی ئێران دەکرێت بۆ کۆنترۆڵکردنی تەواوی لایەنی تەندروستیی لە هەردوولاوە.
9- هاتووچۆ لەنێوان سنوری ئیداری پارێزگای سلێمانی و پارێزگاکانی تری دەرەوەی هەرێمی کوردستاندا بە ڕاگیراوی دەمێنێتەوەو لەدوای (7/6/2020)یشەوە پێویستە تەنها بە ڕەزامەندیی وەزارەتی ناوخۆو بەپێی پشکنین و ڕێکاری تەندروستیی و کۆرەنتینەکردن هاتووچۆی دیاریکراوی ڕێگەپێدراو هەبێت، بازگەی جێگیرو تیمی گەڕۆک لە هێزەکانی ئاسایشی ناوخۆ ڕاسپێردراون بۆ کۆنترۆڵکردن و ناوچەو ڕێگا لاوەکیی و نایاساییەکان و هەرکەس هەوڵی بە نایاسایی هاتنە سنوری ئیداریی پارێزگای سلێمانی بدات ڕووبەڕووی ڕێکاری یاسایی توند دەکرێتەوە.
10- داوا لە هەموو لایەنە سیاسییەکان و دەستەبژێرو کەسایەتییە ئایینی و سیاسیی و کۆمەڵایەتی و ڕۆشنبیرییەکان دەکەین، کە هەماهەنگیی تەواوی دامودەزگاکانی حکومەتی خۆجێی سلێمانی و حکومەتی هەرێمی کوردستان بن و، ڕۆڵی شایان و پێویستی خۆیان لە پاراستنی ئاسایشی تەندروستیی و تەندروستیی گشتیدا ببینن و هەموو ئەندام و لایەنگرو هەوادارەکانیان دڵنیا بکەنەوە، کە مەترسیی پەتای کۆرۆنا مەترسییەکی جدییە و هەر کەمتەرخەمیی و بەکەمگرتنێک کارەساتی گەورەی تەندروستیی و مرۆیی لێدەکەوێتەوە.
11- داوا لە هەموو دەزگاو کەناڵەکانی ڕاگەیاندن و چالاکانی تۆڕە کۆمەڵایەتییەکان دەکەین، کە ڕۆڵی مێدیایی و نیشتمانیی و مرۆیی خۆیان لە ڕووبەڕووبوونەوەی کۆرۆناو بەرزکردنەوەی ئاستی پابەندبوون و خۆپارێزیی هاووڵاتیاندا ببینن و وەک هەمیشە چاودێرێکی وردی سەر دامەزراوە دەوڵەتیەکان بن بۆ جێبەجێکردنی ئەرک و ڕێکارە یاساییەکان، هەرکەس و کەناڵێک گیانی سەرکەشیی و بێباکیی و گومانی بەکەمگرتن و شێواندنی ڕاستییەکان بڵاوبکاتەوە، لەلایەن فەرمانگەی داواکاری گشتییەوە ڕێکاری یاسایی پێویستی بەرامبەر دەگیرێتەبەر.
12- هەرکەسێک هەوڵی بەقاچاخ هاتنەوە، یان بەقاچاخ هێنانەوەی خەڵک بدات، ڕێکاری یاسایی توندی بەرامبەر دەگیرێتەبەر.
13- هەموو هۆکانی گواستنەوەی گشتی (تەکسی، پاس، مینی پاس) پێویستە پابەندی ڕێکارو ڕێنماییە تەندروستیی و خۆپارێزییەکان بن و بەپێچەوانەوە لەلایەن بەڕێوەبەرایەتی هاتووچۆی پارێزگای سلێمانییەوە بۆماوەی هەفتەیەک دەست بەسەر ئۆتۆمبێلەکانیاندا دەگیرێت.
14- لیژنەیەکی بەدواداچوونی هاوبەش لە هەموو یەکە کارگێڕییەکانی سنوری پارێزگای سلێمانیدا، لە (نوێنەری قائیمقامیەت، هێزە هاوبەشەکانی لیژنەی ئارامیی، نوێنەری هەریەک لە بەڕێوەبەرایەتیەکانی تەندروستی، ئەوقاف، گەشتوگوزار، شارەوانی) لە ئەمڕۆوە لەژێر چاودێری قائیمقامی قەزاکاندا پێکدەهێنرێت و ڕێکاری ڕاستەوخۆ و خێرا بەرامبەر هەرکەس و شوێنێکی سەرپێچیکار دەگرنەبەرو هەماهەنگیی تەواوی لیژنە هاوبەشەکانی قائیمقامیەتەکان و بەڕێوەبەرایەتی تەندروستیی و بەڕێوەبەرایەتی خۆپاراستنی تەندروستیی دەبن.
15- پێویستە بەنزینخانەو کارمەندانی بەنزینخانەکان پابەندی تەواوی ڕێکارو ڕێنماییە تەندروستییەکان بن و لەلایەن کارگوزاری بەنزینخانەکانەوە سوتەمەنیی بکەنە ئۆتۆمبێلەکانەوەو نابێت شۆفێر یان سەرنشین لە ئۆتۆمبێلەکانیان بێنە خوارەوە.
16- بەهەموو شێوەیەک سەردانیکردنی نەخۆش لە نەخۆشخانەکاندا قەدەغەیە.
17- پرسەدانان و ئاهەنگگێڕان و، هەر کۆڕو کۆبوونەوەیەک کە بەریەککەوتن و تێکەڵاویی دروست بکات قەدەغەیە.
د. هەڤاڵ ئەبوبەکر
پارێزگاری سلێمانی
سەرۆکی لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆنا
#03-06-2020#