$باکووری کوردستان$
- #هەپەگە# ڕایگەیاند:هێزەکانمان لە هەنگاوی شۆڕشگێڕانەی شەهید نودەم و شەهید سەردەمدا، ڕۆژی 16ی ئەیلول لە گردی گارسیای سەربە #سێرت# چالاکییەکیان ئەنجامدا دژی هێزەکانی سوپای تورک، لەو چالاکییەدا سێ سەربازی تورک کوژران و دووانی دیکەش برینداربوون.[2]
$رۆژهەڵاتی کوردستان$
- لە شارەکانی #سنە# و #مەهاباد# و شوێنەکانی تر بەبۆنەی ڕیفراندۆمی باشووری کوردستانەوە خەڵکی ڕژانە سەر جادەکان و ئاهەنگیان گێڕا.[1]
$باشووری کوردستان$
- ڕۆژی #ڕیفراندۆم# بۆ سەربەخۆیی لە باشووری کوردستان.[1]
- بە تەقەی هێزەکانی #حەشدی شەعبی#ی تورکمان لە #خورماتوو# پێشمەرگەیەک شەهید بوو و یەکێکی تریش بریندار.[1]
- #عومەر سەید عەلی#، ڕێکخەری گشتی #بزوتنەوەی گۆڕان#، ئەمڕۆ لە قوتابخانەی پیرەمەگرون لە #سلێمانی# بەشداری پڕۆسەی ڕیفراندۆمی کرد و لە لێدوانێکدا بۆ ڕۆژنامەنوسان وتی: دەنگم بە بەڵێ دا.[1]
- ئەنجوومەنی نوێنەرانی ئێڕاق بڕیاریدا بۆ داخستنی دەروازەکانی نێوان ئێڕاق و هەرێم، هەروەها داوای لە کۆمپانیاکانی #نەوت# کرد بۆ کشانەوە لە دابڕێنراوەکانی باشووری کوردستان.[1]
- ئەردۆگان ڕایگەیاند: هەناردەی نەوتی هەرێم بۆ دەرەوە ڕادەگرین.[1]=KTML_Photo_Begin=https://www.kurdipedia.org/files/relatedfiles/2017/140223/0021.JPG=KTML_Photo_Alt=25-09-2017=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2017/140223/0021.JPG=KTML_Photo_End=
- یەکەمین ڕاپۆرتی چاودێرییکردنی بەڕێوەچوونی پرۆسەی ڕیفراندۆم بڵاوکرایەوە و بە پێی ڕاپۆرتەکە، کە لەلایەن تۆڕی شەمس-ەوە بڵاوکراوەتەوە، لە لە چەندین بنکەی #هەولێر# بەبێ دڵنیاکردنەوە لە هیچ ناسنامەیەک دەنگ دەدرێت و بانگەشەش بەردەوامە.[2]
- # کۆمسیۆنی باڵای سەربەخۆی هەڵبژاردن و ڕاپرسی# هەرێم ڕونکردنەوە لەسەر دەنگدان بە خوێن دەدات و دەڵێت دەنگدان بە خوێن ئەژمار ناکرێت.[3]
- وەزارەتی دەرەوەی ئێران ڕایگەیاند، ئێران سنورەکان لەگەڵ هەرێمی کوردستاندا دانەخستووە، ئه و بەیاننامەشیان ڕەتکردەوە کەپێشوتر بەناوی وتەبێژی وەزارەتەکەیەوە بڵاوکرابووەوە.[3]
- هەندێک سەرچاوەی نافەڕمی ئەوەیان ڕاگەیاند کە ڕێژەی بەڵێ بۆ سەربەخۆیی کوردستان ٪85 بووە.[1]
- سەرۆک وەزیرانی کەنەدا ڕایدەگەیەنێت، لای سەیرە کە وڵاتان دەستوەردەدەن لە بڕیارێک کە پەیوەندی بە کاروباری ناوخۆی وڵاتێکەوە هەیە، دەشڵێت وەک خۆی ڕێز لە ئەو پڕۆسەیە دەگرێت کە کوردی ئەنجامیداوە.[3]
- زۆرێک لە ڕاگەیاندنەکانی باشووری کوردستان لەجیاتیی هەرێمی کوردستان، زاراوەی باشووری کوردستان بەکاردێنن.[1]
- بەهۆی #تەقەی خۆشی#یەوە لە ناوچە جیاوازەکانی کوردستان چەندین کەس برینداربوون.[1]
- پارێزگاری #کەرکووک# لەکۆنفرانسێکی ڕۆژنامەوانیدا ڕایگەیاند لەئێستادا لەشارەکەدا قەدەغەی هاتوچۆی ئۆتۆمبیل ڕاگەیەنراوە و دوای تەواوبوونی پرۆسەی دەنگدان لە ڕیفراندۆمی سەربەخۆیی هەرێمدا قەدەغەی هاتوچۆی گشتی ڕادەگەیەندرێت.[3]
- نرخی یەک بەرمیل نەوت گەییشتە 60 دۆلار و نرخی لیرەی تورکیش دابەزی.[1]
$رۆژئاوای کوردستان$
- فڕۆکە جەنگییەکانی ڕوسیا سەنگەرەکانی هێزەکانی سوریای دیموکرات لە دەوروبەری کۆمپانیای گازی کۆنیکۆی دێرەزۆر بۆردومان دەکەن.[2]

- جەماوەری دڵسۆزی کوردستان... - حیزب و لایەن و هێزە‌ سیاسییەکانی کوردستان..
- دۆست و ئەندام و لایەنگرانی YNDK...
ئەنجامدانی #ڕیفراندۆم# لە ڕۆژی 25-9-2017 و خواستی ڕاگەیاندنی سەربەخۆیی کوردستان، مافێکی ڕەوای گەلی کوردستانە، کە ساڵەهایە خەبات و تێکۆشانی بۆ دەکەین و لەم پێناوەدا هەزاران شەهید و قوربانی دراوە و گەلەکەمان دووچاری ئاوارەبوون و ئەنفال و کیمیابارانکردن و وێرانکردنی شار و شارۆچکە و گوندەکان بۆتەوە و هەر لە ڕۆژی لکاندنی باشووری کوردستان بەعێراقی عەرەبی، نەوەک هەر کورد هیچ نەتەوە و پێکهاتەیەک لەژێر ئاڵای عێراق خۆشی بەخۆیەوە نەدیوه و هەموو دەسەڵاتە یەک لەدوای یەکەکانی عێراق دژی مافەکانی گەلی کوردستان بوونە.
دوای ئەوەی حکومەتی عێراقی بودجە و قوت وموچەی موچەخۆرانی کوردستانی بڕی و پابەندی ‌دەستوور نەبوو، لەهەمان کاتدا هەموو گفتوگۆکانی بێ چارەسەر هێشتەوە،‌ سەرۆک مەسعود بارزانی سەرۆکی کوردستان و سەرکردایەتی کوردستان، بڕیاری ڕیفراندۆم و سەربەخۆیی کوردستانیاندا‌، ئەمەش مافی ڕەوای خۆمانە، ئێمەش وەکو هەموو نەتەوەکانی دیکە له ‌رۆژهەلاتی ناوەڕست خاوەنی کیانی خۆمان بین و دەوڵەتی کوردستان ڕابگەیەنین و تیایدا هەموو نەتەوه و ئایین وپێکهاتەکان لەژێر ئاڵای پیرۆزی کوردستان بەمافەکانی خۆیان بگەن.
ئێمە لە یەکێتی نەتەوەیی دیموکراتی کوردستان YNDK هەر لەسەرەتای دامەزارندنمانەوە دروشمی سەرەکیمان سەربەخۆیی کوردستان بووه و‌، بەردەوام لەم پێناوەدا کارمان کردووە، تەنانەت لەم پێناوەدا زۆر باجمان داوه و دژایەتیمان کراوە، بەڵام ئەمڕۆ خۆشبەختانە ئەم ئارمانجەمان هاتەدی، لەبەرئەوە‌ سەرخستنی‌ ئەم پرۆسه بە ئەڕکی نەتەوەیی و نیشتمانی خۆمان دەزانین‌، لێرەوە جارێکی دیکە پشتیوانی خۆمان یۆ ئەم پرۆسەیە دوپات دەکەینەوە و، بە پێویستی دەزانین هەموو لایەکمان سەرجەم هێزو لایەنەکان و جەماوەری کوردستان ئەم پرۆسەیە سەربخەین و بەهیچ شێوەیەک نابێ دەستبەرداری ئەم مافەمان بین و پێویستە ڕیفراندۆم لەکات و وادەی خۆی ئەنجامبدرێ و چونکە جەماوەری تێنووی سەربەخۆیی کوردستان دواخستنی ڕیفراندۆم ڕەتدەکەنەوە، ئێستا کاتی ئەوە هاتووە لەعێراق جیابینەوە و سەربەخۆیی ڕابگەیەنین، بێگومان دەوڵەتی کوردستان بەهیچ شێوەیەک هەڕەشە نیە بۆ سەر ئاسایشی ڕۆژهەلاتی ناوەراست و بگرە فاکتەرێکە بۆ هێنانەدی هێمنی و ئارامی بۆ ناوچەکە.
‌ دواخستنی ڕیفراندۆم بەهیچ شێوەیەک لەبەرژەوەندی گەلی کوردستان نیە و دەوڵەتان دەیانەوێ لۆزانێکی دیکه و‌ ڕێککەوتننامەیەکی هاوشێوەی ڕێکەوتننامەی جەزائیر‌ بەسەر گەلی کوردستان بهێنن، دەوڵەتانی ئەقلیمی هەموو کات ناکۆکیەکانیان وەلاوە ناوه و بۆ دژایەتی گەلی کوردستان‌ کۆک و دۆست بووینە و، هەندێ دەوڵەتی بڕیاربەدەستی بەرژەوەند پەرستیش هەموو کات داوای دواخستنی داواکاری و دەست هەڵگرتنی گەلی کوردستانیان لەمافەکانیان کردووه، ‌هەر بۆنمونە لەدوای ڕاپەڕینی بەهاری ساڵی 1991 داواییان کرد هەڵبژاردنی پەرلەمانی کوردستان نەکرێ کەچی هەڵبژاردن کراو لە ساڵی 2003 لەگەڵ ڕووخانی ڕژێمی بەعس، داواییان کرد هێزی پێشمەرگە نەچێتە کەرکووک و کرا، بەڵام ئەوانە هەمووی خۆی لەبەردەم ئیڕادەی پۆڵایینی گەلی کوردستان نەگرتووەو‌ گەلی کوردستان ئیڕادەی هەردەم سەرکەوتوو بووه،‌ لەم دیگایە نەتەوەیی و نیشتمانیەدا داوا لەهەموو لایەک دۆست و ئەندام و لایەنگرانمان و جەماوەری دڵسۆز و نیشتمانپەروەری کوردستان و لایەنەکان دەکەین لەرۆژی 25-9-2017 لەهەموو باشووری کورستان بەناوچە دابڕێنراوەکانی کوردستانیشەوە بەره و سندوقەکانی دەنگدان بچین و بە بەڵێ دەنگ بۆ ڕیفراندۆم و سەربەخۆیی کوردستان بدەین و دەوڵەتی کوردستان ڕابگەیەنین و ئەوکاتە دەبێتە واقیع و دەوڵەتان دانی پێدادەنێن و پەیوەندی دبلۆماسی و ئابووری لەگەڵ دەبەستن.
- سەرکەوێ ئیرادەی گەل و ڕیفراندۆم...
- بێتەدی کوردستانێکی سەربەخۆ و ئازاد و یەکگرتوو دیموکرات.
مەکتەبی سیاسی
یەکێتی نەتەوەیی دیموکراتی کوردستان YNDK
2017-09-22
هەولێر- باشووری کوردستان

ئەنوەر کەریم
بزووتنەوەی گۆڕان
2017

بەپێی ئه و زانیاریانەی‌ دەست خەندان کەوتوون، لە شارەدێی #بنگرد# 4172 کەس مافی دەنگدانی هەبووە، 2100 هاوڵاتی بەشداری دەنگدانیان کردووە.
له و ڕێژەیە 1583 کەس بەبەڵێ دەنگیان داوە، هەروەها 463 دەنگی نەخێر دراوە.
هەر بەپێی ئەنجامەکان، 2072 کەس بایکۆتی‌ پڕۆسەکەیان کردووە.[1]
26-09-2017

ڕۆژی یەکشەممە 10ی 9ی 2017 لە سەلاحەدین ئەنجومەنی باڵای ڕیفراندۆم بە سەرپەرشتیی #مەسعود بارزانی# و ئامادە بوونی #کۆسرەت ڕەسوڵ عەلی# و ئامادەبوونی کۆمیسیۆنی باڵای سەربەخۆی هەڵبژاردن و ڕاپرسی لە هەرێمی کوردستان و سەرۆکی دەستەی ناوچە کوردستانییەکانی دەرەوەی ئیدارەی هەرێم کۆبوونەوەی ئاسایی خۆی بەست.
لە کۆبوونەوەکەدا پێشهاتە سیاسییەکان و دوایین هەڵوێستی ناوخۆ و عێراق و کۆمەڵگەی نێودەوڵەتی و هەروەها سەردانەکەی ئەمینداری گشتیی کۆمکاری عەرەبی بۆ هەرێمی کوردستان تاوتوێ کرا.
هەر لەو کۆبوونەوەیەدا ئامادەبووان ڕێککەوتنی مێژوویی نێوان پارتی و یەکێتی لە 10ی سێپتێمبێری 2017 بۆ کارا کردنەوەی پارلەمانی کوردستانیان بەرز نرخاند و بە هەنگاوێکی گرنگ و نیشتیمانی و مێژوویی وەسف کرا و ئومێدی ئەوە خوازرا کە ئەو هەنگاوە ببێتە هۆی خێراتر بوونی پڕۆسەی سیاسی و پاراستنی بەرژەوەندییە باڵاکانی گەلی کوردستان.
کۆبوونەوەی ئەنجومەنی باڵای ڕیفراندۆم دوای ڕاگۆڕینەوە و گوێ گرتن لە تێبینی و پێشنیاری لایەنە سیاسییەکان و پێکهاتە نەتەوەیی و ئایینییەکان و هەروەها خوێندنەوەی ڕاپۆرتی ڕێوشوێنە پڕاکتییەکانی پڕۆسەی ڕیفراندۆم لە لایەن کۆمیسیۆنی باڵای سەربەخۆی هەڵبژاردن و ڕاپرسی لە هەرێمی کوردستان بەو ئەنجامانەی خوارەوە گەییشت:
یەکەم: ئەنجومەنی باڵای ڕیفراندۆم جەخت لە ئەنجام­دانی ڕیفراندۆم لە وادەی دیاری کراوی خۆی لە 25ی سێپتێمبێری 2017 لە هەرێمی کوردستان و ناوچە کوردستانییەکانی دەرەوەی ئیدارەی هەرێم دەکاتەوە و هەموو ئەو دەنگۆ و پڕۆپاگەندانە ڕەت دەکاتەوە کە باس لە دواخستنی ڕیفراندۆم دەکەن.
دووەم: کۆبوونەوەکە بە ڕەچاو کردنی دۆخی هەستیاری کوردستان جەختی لە پێویستیی یەکڕیزی و هاودەنگیی نیشتیمانی و هەماهەنگیی نێوان هێزە سیاسییەکان بۆ هەڵمەتی هاوبەشی بانگەشە بۆ ڕیفراندۆم کردەوە.
سێیەم: کۆبوونەوەکە تەئکیدی لە پاراستن و ڕەچاو کردنی ماف و داواکاریی پێکهاتە نەتەوەیی و ئایینییەکانی کوردستان لە هەموو قۆناغەکاندا کردەوە و دەرئەنجامی کۆبوونەوەکانی لیژنەی تایبەت بە زەماناتی پێکهاتەکان خرایە بەر باس و داوا لە سکرتاریەتیی ئەنجومەنی باڵای ڕیفراندۆم کرا کە داواکارییەکان یەک بخات و کۆبوونەوەکە پاڵپشتیی خۆی بۆ داواکاریی پێکهاتەکان دەربڕی.
چوارەم: حزب و لایەنەکانی بەشدار لە ئەنجومەنی باڵای ڕیفراندۆم ڕێککەوتن کە ڕۆژی پێنجشەممە 14ی 9ی 2017 پارلەمانی کوردستان کارا بکرێتەوە و دانیشتنی ئاسایی خۆی دەست پێ بکاتەوە.
پێنجەم: ئەنجومەنی باڵای ڕیفراندۆم پشتیوانیی تەواوی خۆی بۆ ئیجرائات و هەنگاوە پڕاکتیکییەکانی کۆمیسیۆنی باڵای هەڵبژاردن و ڕاپرسی بۆ پڕۆسەی ڕیفراندۆم دووپات دەکاتەوە و داوایش لە حکوومەت و لایەنە پەیوەندی دارەکان دەکات کە هاوکاری کۆمیسیۆنی باڵای هەڵبژاردن و ڕاپرسی لە هەرێمی کوردستان بن.
شەشەم: ئەنجومەنی باڵای ڕیفراندۆم داوا لە ڕێکخراوە بیانییەکان و ڕێکخراوەکانی کۆمەڵگەی مەدەنی دەکات کە بەشدار بن لە چاودێری کردنی پڕۆسەی ڕیفراندۆم لە هەرێمی کوردستان.
10-09-2017

ئەنجومەنی باڵای ڕیفراندۆم ڕاگەیەندراوێکی بڵاوکردەوە و ڕایگەیاند هێڵەگشتییەکانی دانسوتان دیاریکراوە.
ڕۆژی شەممە 12ی 8ی 2017 لە #سەلاحەدین# بەسەرپەرشتی #مەسعود بارزانی# ئەنجوومەنی باڵای ڕیفراندۆم کۆبۆوە.
لەو کۆبوونەوەیەدا سەردانی چاوەڕوانکراوی شاندە باڵاکەی هەرێم بۆ #بەغداد# بەمەبەستی دانوساندن لەمەڕ پرسە سیاسییەکان و ئاییندەی پەیوەندیی نێوان هەرێم و بەغدا تاوتوێ کرا و هێڵە گشتییەکان و ناوەڕۆکی دانوساندنەکانیش دیاری کرا.[1]
ئەنجوومەنی باڵای ڕیفراندۆم
12-08-2017

لە ئەنجومەنی ناوەندییەوە
بۆ بەڕێزان/ هەڤاڵ کاک کۆسرەت
هەڤاڵانی لێپرسراوو ئەندامانی دەستەی کارگێڕی مەکتەبی سیاسی
هەڤاڵانی ئەندامی مەکتەبی سیاسی و ئەنجومەنی سەرکردایەتی
بابەت/ پرسی ڕیفراندۆم
لەسەروبەندی ئەو گۆڕانکاری و پێشهاتانەی لەئارادان سەبارەت بەپرسی مافی چارەی خۆنووسین و ئەنجامدانی ڕیفراندۆم، ئێمە لە ئەنجومەنی ناوەندی لەکۆبوونەوەی سکرتاریەت و لێپرسراوی کۆمسیۆنەکان و پاش هەڵسەنگاندن و لێکەوتەو کاریگەرییەکانی:
1- ئەگەر بڕیارە ڕیفراندۆم لەکاتی خۆیدا بکرێت ئەوا لەسەرجەم ناوچەکان ئەنجامبدرێت بەکەرکووکی قودسی کوردستان و تەواوی ناوچە کوردستانییە دابڕێنراوەکانیشەوە.
2- ئەگەر بڕیاری دواخستنی ڕیفراندۆم لەبەر هەر هۆکارێک لە کەرکووک و ناوچە کوردستانییە دابڕێنراوەکان بدرێت ئەوا کۆی پرۆسەکە بەتەواوەتی دوابخرێت، واتە لەهیچ شوێنێک ڕیفراندۆم ئەنجام نەدرێت.
3- ئەنجومەنی ناوەندی ڕەخنەی توند دەگرێ سەبارەت بە لێدوانی پێچەوانەی بەشێک لە ئۆرگان و بەرپرسەکان کە لێدوانی نابەرپرسانە لەسەر پرۆسەی ڕیفراندۆم دەدەن.
24-09-2017

[1]

لە ژمارەیەک میدیا و دەزگەی ڕاگەیاندن، لەسەر بنەمای نووسینێکی بەڕێز پاڤێڵ تاڵەبانی دەنگۆی ئەوە بڵاو کراوەتەوە کە گوایە پارتی و یەکێتی پاکێجی ڕێکخراوی نەتەوە یەکگرتووەکان و ئەمەریکا و فەڕەنسا و بەریتانیایان پەسەند کردووە و ڕیفراندۆم ئەنجام نادرێت.
بە گشت لایەک ڕادەگەیێنین کە ئەم هەواڵە هیچ ئەساسێکی نییە و دوورە لە ڕاستی و ڕیفراندۆم لە کاتی دیاریکراوی خۆی ئەنجام دەدرێت.
#ئەنجوومەنی باڵای ڕیفراندۆم#
23-09-2017

ڕۆژی پێنجشەممە 21ی9ی2017، بەڕێز #مەسعود بارزانی# سەرۆکی هەرێمی کوردستان پەیوەندییەکی تەلەفۆنی لەگەڵ بەڕێز ئێمانوێل ماکڕۆن سەرۆکی فەڕەنساوە پێگەییشت.
لەو پەیوەندییە تەلەفۆنییەدا سەرۆککۆماری فەڕەنسا ستایشی کوردستانی کرد و ڕۆڵی کوردستانی لە شەڕی داعش و حەواندنەوەی ئاوارە و لێقەوماوان بەرز نرخاند. هەروەها پشتیوانیی وڵاتەکەشی بۆ یەکپارچەیی عێراق و مافەکانی گەلی کوردستان لەچوارچێوەی دەستووری عێراقدا خستەڕوو و داواشی کرد #ڕیفراندۆم# دوابخرێت.
لە بەرانبەردا سەرۆک بارزانی سوپاسی سەرۆک و حکوومەت و گەلی فەڕەنسای کرد بۆ پشتگیریی بەردەوامیان بۆ کوردستان، ڕاشیگەیاند ڕیفراندۆم لە کاتی دیاریکراوی خۆیدا ئەنجام دەدرێت و دەرگای گفتوگۆش دانەخراوە و دوای ڕیفراندۆم، کوردستان لەگەڵ بەغدا گفتوگۆ دەکات.
21-09-2017