دواڕۆژ، ئاکۆ حەمەد ڕابی
وەزیری کاروباری شەهیدان و ئەنفالکراوان ئاشکرایدەکات، لەوەتەی شەڕی داعش دەستیپێکردوە دە هەزار و 760 پێشمەرگە بوونەتە قوربانی، دەشڵێت، 63 پێشمەرگەش و بەدیلی کەوتونەتە دەستی چەکدارانی ئه و ڕێکخراوە.
مەحمود حاجی ساڵح، وەزیری شەهیدان و کاروباری ئەنفالکراوان ئەمڕۆ یەکشەممە 4ی حوزەیرانی 2017 لە کۆنگرەیەکی ڕۆژنامەوانیدا ڕایگەیاند، لەوەتەی شەڕی دژی داعش لە کوردستان و ناوچەکە دەستیپێکردووە تاکو ئێستا 1760 پێشمەرگە له و شەڕانەدا شەهیدبوون و 9 هەزار پێشمەرگەش برینداربوون.
لەبارەی ژمارەی پێشمەرگە دیلەکانیشەوە وەزیری شەهیدان ئاماژەی بەوەدا 63 پێشمەرگەش وەک دیل لای داعشن و چارەنووسیان نادیارە.
ئاشکراکردنی ئه و زانیاریانە لەلایەن وەزیری شەهیدانەوە ئەمڕۆ لەمیانەی کردنەوەی مۆزەخانەی کەلوپەلی شەهیدانی سۆران-دا بوو کە لەلایەن کچە پێشمەرگەیەکی شارۆچکەکە لە نێو بینای بەڕێوەبەرایەتی شەهیدانی سۆران کرایەوە.
04-06-2017

دواڕۆژ، ڕەڤەند گوهەرزی
فەرمادەیەکی هێزەکانی پێشمەرگە لە میحوەری کەسکێ ڕایگەیاند، تائێستا نزیکەی هەزار و 500 ئاوارەی ناحیەی عیازیە و #تەلەعفەر# خۆیان گەیاندووەتە سەنگەرەکانی پێشمەرگە و لە ترسی چەکدارانی داعش و لەبەر نەبوونی خوراکیش دوێنێ چوار ژن و پیاوێک گیانیان لە دەستداوە.
رائید سەردار بەرواری، فەرمادەی هێزەکانی پێشمەرگەی کوردستان لە میحوەری کەسکێ بە دواڕۆژی ڕاگەیاند ڕۆژ لە دوای ڕۆژ ڕێژەی ئەو ئاوارانەی کە لە قەزای تەلەعفەر و ناحیەی عیازیەوە بەرەو سەنگەرەکانی پێشمەرگە دێن لە زیادبووندان.
وتیشی تائێستا نزیکەی هەزار و پێنج سەد کەس لە ترسی دەستپێکردنی شەڕی ڕزگارکردنی ناحیەی عیازیە و تەلەعفەر و ناوچەکانی دەوروبەری، خۆیان گەیاندووەتە سەنگەرەکانی پێشمەرگە.
ئاماژەی بەوەشدا، تیمە تەندروستییەکانی هێزی پێشمەرگەی کوردستانیش بەردەوام لەناو ئاوارەکاندان و چارەسەری بریندارەکان و نەخۆشەکانیان دەکەن.
بەرواری ڕاشیگەیاند پێنج کەس لەو ئاوارانە لە نزیک سەربازگەی کەسکێ لە بەر ترسی چەکدارانی داعش و نەبوونی خۆراک و برسێتی گیانیان لە دەستدا کە چواریان ژن بوون و یەکێکیشیان پیاو بووە.
ئاشکراشیکرد، لە دوو ڕۆژی ڕابردوودا پێنج چەکداری داعش کە خۆیان لە ناو ئاوارەکانی ناحیەی عیازیە و قەزای تەلەعفەر شاردبووەوە دەستگیرکران.[1]
19-08-2017

لە مانگی حوزەیرانی 2014 ەوە هەتا ڕزگارکردنی ناحیەی گوڵاڵە لە دەست تیرۆریستانی داعش 168 پێشمەرگە شەهید بوون و ئەمڕۆ سێشەممەش مەراسیمی یادی ئه و شەهیدانە لە ڕێگای کۆباشی لەسەر ڕێگای ناحیەی سەعدییە بەڕێوە دەچێت.
خەلیل خوداداد، بەرپرسی کۆمیتەی یەکێتیی نیشتیمانیی کوردستان لە ناحیەی گوڵاڵە بە خەندانی ڕاگەیاند: "کاتژمێر 2:00 ی دوانیوەڕۆی ئەمڕۆ سێشەممە 29 ی کانونی یەکەمی 2015، لە ناوچەی کۆباشی لەسەر ڕێگای ناحیەی سەعدییە، مەراسیمی یادی ئه و پێشمەرگە شەهیدانە بەڕێوە دەچێت کە لە شەڕی داعش لە سنووری گوڵاڵە شەهیدبوون".
وتیشی لە ڕۆژی 8 ی حوزەیرانی 2014 ەوە هەتا ئازادکردنی گوڵاڵە لە کۆتاییەکانی مانگی تشرینی دووەمی 2014دا، 168 پێشمەرگەی دانیشتووی ناوچە جیاوازەکانی کوردستان له و سنوورەدا شەهیدبوون.
ئەوەشی خستەڕوو لە مەراسیمەکەی ئەمڕۆدا کەسوکار و بنەماڵەی ئه و شەهیدانە ئامادەدەبن.
- 29-12-2015

یەکێتی تۆپی سەرمێزی سلێمانی لەنێو هۆڵی داخراوی کۆچکردوو فایەق قەسابی تایبەت بە #یانەی وەرزشی سلێمانی# دوا جەولەی یارییەکانی پاڵەوانێتی تۆپی سەرمێزی یانەکانی شاری #سلێمانی# و دەوروبەری ئەنجام دا و لەسەر ئاستی خونچەکان و دوای بەشداری 20 یاریزان کە بە شێوەی خول ڕکابەرییەکانی بەڕێوەچوو دواجار #محەمەد دلاوەر 01#ی یاریزانی تیمی خونچەی یانەی پێشمەرگە توانی پلەی دووەم بەدەست بهێنێت.
سەبارەت بەو ئەنجامەیان #هەردی ئەحمەد 01# ڕاهێنەری فێرگەی تۆپی سەرمێزی یانەی پێشمەرگە بۆ پێشمەرگە سپۆرت وتی، ئەم خولە ماوەی یەک مانگی خایاند کە خۆشبەختانە یاریزانانی #یانەی وەرزشی پێشمەرگەی سلێمانی# توانیان ڕکابەری بکەن و ئەنجامەکانیشمان شاهیدی سەرکەوتنەکان بوون کە لە دوایی ڕکابەرییەکی بەهێز محەمەد دلاوەری یاریزانی تیمەکەمان توانی لەنێو 20 یاریزان پلەی دووەم بەدەست بهێنێت.[1]

بەرپرسێ بەشێ راگەهاندن و پەیوەندیێن جەماوەری ل کومسیۆنا سەربەخۆیا هەلبژارتنێن ئیراق تایێ دهۆک خویاکر کو؛ ل 21 بنگەهێن تۆمارکرنێ ل سنۆرێ پارێزگەها #دهۆک# 430264 وەلاتییان ناڤێ خۆ ب شێوەیێ بایۆمەتری ل کەرتێ گشتی تۆمار کرینە کو رێژەیا وێ دبیتە 64% و ل رێزا ئێکێ دهێت ل هەرێمێ.
#سەگڤان حەسەن# بەرپرسێ بەشێ راگەهاندن و پەیوەندیێن جەماوەری ل کومسیۆنا سەربەخۆیا هەلبژارتنێن ئیراق تایێ دهۆک بۆ دواڕۆژ رۆهنکر کو؛ لسەر ئاستێ هێزێن ناڤخۆ 26000 کەس و لسەر ئاستێ هێزێن پێشمەرگەی 18785 هاتینە تۆمارکرن و بنگەهێ تایبەت ب ئاوارەیان ژی هەتا نوکە 82826 کەس ئانکو ب رێژەیا 18% وەلاتیێن ئاوارە تۆمار کرینە و هەتا نوکە ژی چ دەمێ دەستنیشانکری بۆ دوماهی ئینانا تۆمارا بایۆمەتری ل کومسیۆنا هەلبژارتنێن ئیراقێ نەهاتییە دەستنیشانکرن.
ناڤبۆری ئاماژەکر کو؛ بەردەوام پلەیا پارێزگەها دهۆک بۆ رێژەیا تۆمارکرنێ ل ئیراقێ بەرەڤ سەری دچیت و ل دەمێن بۆری ل رێزا پێنجێ ل ئیراقێ و ل رێزا ئێکێ ل هەرێمێ دهێت و تیمێن گەرۆک ژی ب بەردەوام ل دەڤەرێن پێدڤی دگەڕن و کارێ تۆمارکرنێ ئەنجام ددەنم و دوماهی جار 6 دەڤەرێن دهۆک ئەڤ کارە هاتییە ئەنجامدان.[1]
ماڵپەڕی دواڕۆژ 07-08-2017

یەکێتی ناوەندی تۆپی پێی ئێراق درێژە بە چالاکی و خولەکانی دەدات و لەو چوارچێوەیەشدا و ڕۆژی دووشەممە ڕێکەوتی #19-02-2024# و لەنێو بارەگەی یەکێتییەکەی و بە ئامادەبوونی نوێنەری یانەکانی بەشدار لە خولی لاوان، تیروپشکی یارییەکانی خولەکە لەلایەن لیژنەی پێشبڕکێکانی ئەو یەکێتییە بە بەشداری 31 یانە بەڕێوەچوو.
تێیدا و دوایی ڕاکێشانی تیروپشک یانەکان دابەشی سەر چوار کۆمەڵە کران بە پێی ناوچەکان و هەرچی وادەی یارییەکانی بوو بۆ #01-03-2024# دیاری کرا.
ئەمە و بڕیار درا کە یارییەکان بە دوو قۆناغ بەڕێوە بچێت و هەروەک یانەکانی بەم شێوەیە دابەش کران.

=KTML_Bold=کۆمەڵەی یەکەم:=KTML_End=
قوە جەویە، تەڵەبە، کارەبا، نەفت، کەرخ، (الحسین)، قاسم، کەربەلا.
=KTML_Bold=کۆمەڵەی دووەم:=KTML_End=
شوڕتە، زەورا، ئەمانە بەغدا، حدود، سەناعە، سەناعات کارەبائیە، ڕومادی، سامەرا.
=KTML_Bold=کۆمەڵەی سێیەم:=KTML_End=
#هەولێر#، نەورۆز، #دهۆک#، #زاخۆ#، پێشمەرگە، غاز شیمال، شەرگات.
=KTML_Bold=کۆمەڵەی چوارەم:=KTML_End=
ناسریە، مینا، نەفت بەسرە، نەفت میسان، نەجەف، نەفت وەسەت، کوفە و بەحری. [1]

یارییەکانی جەولەی یەکەمی خولی فێرگەکانی شاری #سلێمانی# و دەوروبەری دەست پێدەکات و بڕیارە لە یەکەم یاری خۆیدا، فێرگەی #یانەی وەرزشی پێشمەرگەی سلێمانی# ڕووبەڕووی فێرگەی سلێمانی نوێ‌ ببێتەوە.
سەبارەت بە بەشداریان لەو خولە و بەڕێوەچوونی یەکەم یاریان، فەرمان محەمەد سەرپەرشتیاری هونەری فێرگەی تۆپی پێی یانەی وەرزشی پێشمەرگە بۆ پێشمەرگە سپۆرت وتی، ئەم خولە بە بەشداری 36 فێرگە بەڕێوە دەچێت و دوای تیروپشکی یارییەکانی فێرگەکان دابەشی سەر سێ‌ کۆمەڵە کراون.
هەروەک ناوبراو وتی، خولەکە تایبەتە بە لە دایکبووانی ساڵی (2012و2013) و لە یەکەم یاریشمان ڕووبەڕووی فێرگەی سلێمانی نوێ‌ دەبینەوە کە ئەو یارییە لە کاتژمێر 10:00ی سەرلەبەیانی ڕۆژی شەممەی داهاتوو ڕێکەوتی #24-02-2024# و لەسەر یاریگەی کازیوەی یەک بەڕێوە دەچێت.
دواجار فەرمان محەمەد باسی لە ئامادەکاری فێرگەی پێشمەرگە کردوو وتی، تیمەکانمان لە سەرجەم ئاستەکان بەردەوام لە مەشق و ئامادەکاری دان و دەمانەوێت لە خول و پاڵەوانێتییەکان یاریزانی نوێ‌ و ئاست بەرز بخەینە نێو یارییەکان تا بتوانین لە ساڵانی ئاییندە و وەک هەمیشە قوتابخانەیەک بین بۆ گەیاندنی چەندین یاریزانی ئاست بەرز بە تەمەنەکانی تازەپێگەیشتووان تا پێشکەوتوان. [1]

سۆران کەریم
دوای‌ ئەوەی‌ بە نووسراوێک، پەرلەمانتار سۆران عومەر، داوای‌ لە سەرۆکایەتی‌ پەرلەمانی‌ کوردستان کرد دۆسیەی دیار نەمانی‌ بڕی‌ 40 ملیار دیناری‌ هێزەکانی‌ پێشمەرگە ئاراستەی‌ لایەنە پەیوەندیدارەکان بکات، سەرۆکی‌ پەرلەمان، بە نووسراوێک دۆسیەکەی‌ بۆ هەریەک لە داواکاری‌ گشتی‌ و دەستەی‌ دەستپاکی‌ هەرێم ڕەوانە کرد.
سۆران عومەر، سەرۆکی‌ لیژنەی‌ مافی‌ مرۆڤ و پەرلەمانتار لەسەر لیستی‌ کۆمەڵی‌ ئیسلامی‌، لە 15ی‌ کانونی‌ دووەمی‌ 2015، نووسراوێک ئاراستەی‌ سەرۆکایەتیی‌ هەرێم کرد و تیایدا ڕوونی کردەوە، پاش بەدواداچوون بۆ ئه و بڕە پارەیە کە بریتییە لە 40 ملیار دیناری‌ هێزەکانی‌ پێشمەرگە، کە لە یاسای ژمارە 1ی‌ ساڵی‌ 2013ی‌ بودجەی‌ گشتی‌ هەرێمی‌ کوردستان هاتووە.
لە وەڵامدا وەزارەتی‌ پێشمەرگە لەرێگەی‌ ئەمینداری‌ گشتی‌ وەزارەتەوە بە نووسراو وەڵامی‌ داوەتەوە و دەڵێت:" ئه و 40 ملیار دینارە لەلایەن وەزارەتی‌ پێشمەرگەوە، وەرنەگیراوە".
سۆران عومەر، داوا لەسەرۆکایەتیی‌ پەرلەمان دەکات، دۆسیەکە ئاراستەی‌ لایەنە پەیوەندیدارەکان بکات بۆ بەدواداچوون بۆ چارەنووسی‌ ئه و بڕە پارەیە بکات.
لە بەرامبەریشدا یوسف محەمەد سادق، سەرۆکی‌ پەرلەمانی کوردستان بە ژمارە 4/3/569 لە 2ی‌ شوباتی‌ 2015 نووسراوێک ئاراستەی‌ هەریەک لە داواکاری‌ گشتی‌ و دەستەی‌ گشتی‌ دەستپاکی‌ لە هەرێمی‌ کوردستان دەکات.
لە نووسراوەکەی سەرۆکی پەرلەماندا هاتووە :" هاوپێچ لەگەڵ نووسراوماندا دەقی‌ نووسراوی‌ پەرلەمانتار بەڕێز (سۆران عومەر) سەبارەت بە دیارنەمانی‌ چارەنووسی‌ 40 ملیار دیناری‌ پێشمەرگە ئاراستەتان دەکەین بەمەبەستی‌ بەدواداچوون و جێبەجێکردنی‌ کاری‌ پێویست بەپێی یاسا."
- 13-02-2015

بۆ سەرۆکایەتیی هەرێمی کوردستان
سەرۆکایەتیی پەرلەمانی کوردستان
سەرۆکایەتیی حکوومەتی کوردستان
حیزب و لایەنە سیاسییە کوردستانییەکان
جەماوەری بەشەرەفی کوردستان.
سڵاو و ڕێز.....
ئێمە کۆمەڵێک پێشمەرگەی کوردستان کە ناومان لە خوارەوە هاتووه،‌ لە ڕوانگەی هەستکردنمان بە بەرپرسیاریەتیی نەتەوەیی و نیشتیمانی لەم قوناغەی کوردستان و ناوچەکەی پێدا تێدەپەڕێت، بە ئەرک و بەرپرسیاریەتیی خۆمانمان زانی ئەم پەیامە ڕابگەیەنین:
بەرێزان،
بە شاهیدیی هەموو دونیا، ئەوە ماوەی زیاتر لە ساڵێکە بە درێژاییی زیاتر لە (1000) کیلۆمەتر لە خانەقین و جەلەولاوە تا شنگال و زوممار، تا دەگاتە کۆبانی، دەیان هەزار پێشمەرگە و خۆبەخش لە ڕۆڵەکانی ئەم گەلە خێرنەدیوە لە بەرەکانی پێشەوەی بەرگریکردنن لە خاک و گەلی کوردستان لە دژی دڕندەترین تیرۆرستانی ئەم سەردەمە و لە قورسترین بارودۆخدا بەسەرما و گەرما، شەونخوونی دەکەن لە سەنگەرەکاندا و زیاتر لە (1200) پێشمەرگەی قارەمان شەهید بوون، بە هەزارانیش بریندار و پەککەوتە بوون، کەچی بەداخەوە لە بارودۆخێکی هەستیار و مەترسیدار لەسەر هەرێمی کوردستان، لایەنە سیاسییەکان کەوتوونەتە ململانێیەکی نادروست و ناوەخت، کە خەریکە هەرێم بەره و ئاراستەیەکی نادیار دەبات.
بۆیە ئێمە بەناوی خۆمان و برا پێشمەرگە قارەمانەکان، داوا دەکەین بۆ ڕێزگرتن لە خوێنی شەهیدانمان و ماندووبوونی پێشمەرگە قارەمانەکان و بە لەبەرچاوگرتنی مەترسییەکانی سەر هەرێمی کوردستان، کە ئێمە لە هەموو کەس زیاتر هەستی پێ دەکەین و بۆ پاراستنی یەکێتی و یەکڕیزیی گەلەکەمان، هەروەها لەبەرچاوگرتنی بار و گوزەرانی هاووڵاتیانی کوردستان، کە بەدەست دەیان کێشە و گرفتەوە دەناڵێنن، داواتان لێ دەکەین هەرچی زووە بگەڕێنەوە سەر مێزی گفتوگۆ و دوور لە نەفەسی حیزبایەتی و به ڕۆحێکی نیشتیمانپەروەرانە هەنگاو بنێن بو چارەسەرێکی ئاشتیانه و دوور لە هەر دەمارگیرییەک، کە لە دەرەنجامدا گەلی کوردستان باجەکەی دەدات.
داوا دەکەین ماندووبوون و خەباتی پێشمەرگە ڕێزی لێ بگیرێت. ئەمە قوناغێکی هەستیارە و پێویستە بە ڕۆحێکی بەرزی نیشتیمانی و نەتەوەیی، مامەڵەی لەگەڵدا بکەن و بە هەنگاوێکی دلخۆشکەر، ورەی پێشمەرگە بەرزتر دەکەنەوە و ڕۆحی فیداکارییان بەهێزتر دەکەن.
بەرێزان ساڵێک لەمەوبەر کەس لە ماڵ و چارەنووسی خۆی دڵنیا نەبوو، هێزی پێشمەرگەی کوردستان وڵاتی پاراست و گەیشتین بە ئەمرۆ، بۆیە دەرەنجامە خراپەکانی ئەم بارودۆخە کە کاریگەر‌ی بەسەر هەموو گەلی کوردستانەوە دەبێت، کاریگەری بەسەر هێزی پێشمەرگەی کوردستانیشەوە دەبێت. دەبێ هەموو لایەک بزانن هەر هەنگاوێک بۆ چارەسەریی کێشەکان لەلایەن هێزی پێشمەرگەوە پشتیوانی دەکرێت و لەلایەن گەلی کوردستانیشەوە بە ڕێزەوە حیسابی بۆ دەکرێت. چاوەڕوانی هیممەت و هەڵوێستی بەرزی کوردایەتی و دڵسۆزانەتانین.
لەگەڵ ڕێز و خۆشەویستیمان.
07-08-2015
تێبینی: بۆ ئاگاداریی هەموو لایەک، دەیان پێشمەرگەی تر پەیوەندییان کردووە بۆ پشتگیریی ئەم هەڵویستە و بەردەوامیشی هەیە.
1‌-‌ محەمەدی حاجی مەحموود
2-‌ مەحموود سەنگاوی
3-‌ زەعیم عەلی
4‌- شێخ جەعفەر شێخ مستەفا
5-‌ فەرەیدوون جوانڕۆیی
6-‌ مستەفا چاوڕەش
7-‌ حەمید ئەفەندی
8-‌ جەمیل هەورامی
10‌- قادر قادر
10‌- عەدنانی حەمەی مینە
11-‌ ملازم یوونس
12-‌ حامدی حاجی غالی
13-‌ محەمەد مەلا عەلی هەڵەبجەیی
14-‌ مامۆستا جەلال
15-‌ ئەنوەری حاجی عوسمان
16-‌ فەریق جەمال ئێمنکی
17-‌ وەستا ڕەسوول
18-‌ سەید کاکە
19-‌ عەبدوڵڵا‌ بۆر
20-‌ جەمال مورتکە
21- عەزیز وەیسی
22- حەمە ڕەشید قەرەداخی
23- موحسین دەشتی
24- محەمەد حاجی قادر
25- بەڵێن عەبدوڵڵا‌
26- بەهمەن حسێن
27- سەعد خالد
28- مام غەفوور
29- شێخ عەلی
30- محەمەد خالد بۆسەڵی
31- عوسمان قاسم
32- عەلی تێلی
33- قاسم شەشۆ
34- خالد کۆچەر
35- خالد بانی
36- عادل ڕەش
37- مەریوان کەریم ئاغا
38- سەید هەژار
39- شێخ زرار شێخ قادر
40- حەسەن نووری
41- تارق هەرنی
42- سەعدی عەلی بڕنۆ

لەم گۆڤارەدا هەموو چالاکییەکانی یانەی پێشمەرگە لەساڵی 2013 بۆ 2017
لە بوارەکانی تۆپی پێی کوڕان، بالەی کوڕان، بالەی کچان، باسکە، کاراتی، تێنسی سەر مێز- کوڕان، تۆپی سەر مێزی کچان، تێنسی سەر زەوی، گۆڕەپان و مەیدان، شەترەنج، سەوڵ و کانو، نیشان شکاندن بە وێنە خراوەتەڕوو.
خاوەن ئیمتیاز: مەحمود ئەحمەد موراد
سەرنووسەر: سیروان شەوکەت
ئامادەکردن: میران محەمەد ئەمین
فۆتۆ: ئارام مەولود، سەروەر عەبدولکەریم، شاڵاو عەبدولواحید، ئەردەڵان
تایپ: وەفا نەقشبەندی
دیزاین: هەرێم عوسمان
تیراژ: 1000 دانە
ساڵی چاپ 2018
چاپ: کوردستان- سلێمانی
نۆبەتی چاپ: چاپی یەکەم