$باکووری کوردستان$
- سەربازی تورکیا لە ناوچەی لیجەی #ئامەد# دەستیان بە ئۆپراسێۆن کرد، لە کۆڵانێک 6 گۆڕی شەهیدیان تێکدا. گۆڕی عیزەت توگال کە لەساڵی 1995-1996 لە لایەن ئەندامی میتی تورک شەهیدکرابوو، بەهادین تۆفان کە لە 10 تەموزی ساڵی 1991 لە مەراسیمی تەرمی ڤەدات ئایدن شەهیدکرا، گەریلای #پەکەکە# ئایدن بەدران و ئینایەت تانرڤەردی لە ساڵی 1990 لە لیجە و موش لە شەردا شەهیدببوون، هەروەها خەیاڵ زەنگین و کوڕەکەی موستەفا زەنگین لە ساڵی 1993 لە لایەن جاشەکان شەهیدکران، بوونە ئامانجی هێڕشی دڕندانە و نامرۆڤانەی سەربازەکانی تورک.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/383590/0002.JPG=KTML_ImageCaption_Title=سەربازەکانی تورکیا 6 گۆڕی تری شەهیدانیان ڕووخاند=KTML_ImageCaption_CaptionStyle=000000=KTML_ImageCaption_Caption=سەربازەکانی تورکیا 6 گۆڕی تری شەهیدانیان ڕووخاند=KTML_ImageCaption_End=
- پۆلیسی تورک لە ئامەد و مێردین هەڵیانکوتایە سەر ژمارەیەک ماڵ و ئەمروڵلا کاڵکان ئەنجامی ئەنجومەنی پارتی #هەدەپە# و 4 کەسی تریان دەستگیرکرد.[2]
- بە بڕیاری #ڕەجەب تەیب ئەردۆغان#، سەرۆککۆماری تورکیا لە درەنگانی شەوی ڕابردوودا پارێزگاری 41 پارێزگای باکووری کوردستان و تورکیا گۆڕدران. پارێزگارەکانی هەریەک ؛ سەمسور، ئامەد، مێردین، دێرسیم، سێرت، گمگم، ئەرزینجان، #خارپێت#، #ئاگری# و ئیدر لە باکووری کوردستان کەوتوونەتە چوارچێوەی گۆڕانکارییەکان.[3]
- دوای چەند ڕۆژ دەستبەسەرکردن لەلایەن هێزە ئەمنییەکانەوە، #لەیلا گۆڤەن# پەرلەمانتاری هەدەپە ئازا دەکرد.[4]
$رۆژهەڵاتی کوردستان$
- داگیرکەری ئێران ڕایگەیاند، #هیدایەت عەبدوڵڵاپوور# زیندانی سیاسی لە سێدارەدراوە.[1]
- لە پارێزگای #ئیلام# ژمارەی تووشبووان جارێکی دیکە بە خێرایی بەرزدەبێتەوە، بەڵام بەشێک لە هاونیشتمانییان پابەندی ڕێنماییەکان نین. لە باشووری ئیلام ژیان بە تەواوی ئاسایی بووەتەوە و قەرەباڵخییەکی زۆریش بە بازاڕەکانەوە دیارە بۆیە مەترسیی ئەوە دەکرێت ژمارەی تووشبووان لەوەی ئێستاش بەرزتر ببێتەوە.[3]
$باشووری کوردستان$
- تووشبوویەکی دیکەی #کۆرۆنا# له شاری سلێمانی گیانی لەدەستدا. تووشبووەکە پیاوێکی تەمەن 65 ساڵەیە و دانیشتووی سلێمانییە.[1]
- تەندروستی #سلێمانی# ڕایگەیاند تا ئێستا لە سلێمانی 909 کەس تووشی کۆرۆنا بوون و 26 کەسیش گیانیان لەدەستداوە.[4]
- جووتیارانی دەشتی #هەولێر# و دەوروبەری لە شێوازی وەرگرتنی گەنمەکانیان ناڕازین. چەند ڕۆژە گەنمیان لە بارهەڵگردایە و پارەیان لەسەر دەکەوێت، بەڵام بەشێکیشیان بە بیانوی ئەوەی گەنمەکەیان پاک نییە و نیسکی تێدایە لێیان وەرناگیرێت، بۆیە لەبەردەم سایلۆی #مەخموور# گردبوونەوە و داوایان کرد چارەسەرێکیان بدۆزرێتەوە.[3]
- نوێنەر و بەڕێوەبەری 155 پەیمانگا فێرکارییەکانی کوردستان لە دژی بڕیاری وەزیری پەروەردە سەبارەت بە داخستی پەیمانگا فێرکارییەکان کە نزیکەی سێ مانگ زیاترە داخراون لەبەردەم پارێزگای سلێمانی گردبوونەوە. لە کۆنگرەیەکی ڕۆژنامەوانیشدا داوای کردنەوەی پەیمانگاکانیان کرد بەڕێکاری تەندروستی وەک شوێنەکانی دیکە.[4](بڕوانە فایلی پەیوەندیدار)
- ئەندامێکی ئەنجومەنی پارێزگای سلێمانی ئاشکرایکرد: لەسەدا 75ی کارگەی بەرهەمهێنانی ئۆکسجینی سلێمانی لەکارکەوتەوەو بۆ چاککردنەوەی پێویستی بە 26 ملیۆن دینار هەیە بەڵام لەلایەن وەزارەتی تەندروستیەوە پەراوێزخراوەو وەڵامی داواکارییەکانیان نادرێتەوە.[5]
- لە ئاگادارینامەیەکدا، بانکی خوێنی سلێمانی ڕایگەیاند، هیچ پلازمایەکی خوێن لە بانکی خوێنی سلێمانیدا نەماوە و پێویستیان بە پلازمای خوێنی چاکبووەکانی کۆرۆنا هەیە.[5](بڕوانە فایلی پەیوەندیدار)
- بۆ دووەم ڕۆژ لەسەر یەک، دانیشتوانی شارەدێی #ئاغجەلەر#ی سەر بە شارۆچکەی #چەمچەماڵ#ی سەر بە پارێزگای سلێمانی، دژ بە جێبەجێنەکردنەکانی بەلێنەکانی حکومەت، دەستیان بە خۆپیشاندان کردووە و تا ئێستا بەردەوامە.[6](بڕوانە فایلی پەیوەندیدار)
- خاوەن پشکەکانی پڕۆژەی گەشتیاری چاڤیلاند لە شاری سلێمانی گردبوونەوەیەکی ناڕەزاییان لە دژی #شاسوار عەبدولواحید# ئەنجامدا و داوای گەڕاندنەوەی مافەکانیان کرد، کە ماوەی زیاتر لە 7 ساڵە لەلایەن شواسوارەوە خوراوە و تا ئێستا نەک تەنیا قازانج، بەڵکو پارەی کڕینی پشکەکانیشیان بۆ نەگەڕاندووەتەوە.[7](بڕوانە فایلی پەیوەندیدار)
- لەسەر کێشەیەکی کۆمەڵایەتی، لە #سەید سادق# تەقە لە مامۆستای ئایینی کامەران عەلی، بەڕێوەبەری حەج و عومرەی سلێمانی کراوە، فیشەکێک بەر قاچی کەوتووە و بریندارە.[3]
$رۆژئاوای کوردستان$
- بەیانی ئەمڕۆ #شەڕڤان# دەروێش، وتەبێژی ئەنجومەنی سەربازی #منبج# لە هەوڵێکی تیرۆرکردن ڕزگاری بوو. ڕووداوەکە لە کاتێکدا بووە کە #شەڕڤان دەروێش# لەڕێگادا بووە لە منبجەوە بەرە و ئەبو قەلقەل بڕوات لەوکاتەشدا بۆمبێکی چێنراوی پێدا تەقیوەتەوە.[6]
- چەتەکانی سەر بە دەوڵەتی داگیرکەری تورک لە گوندی قەرقینی سەر بە ناوچەی شەرای #عەفرین# 300 دارە زەیتونیان بڕیەوە.[2]
$دەرەوەی کوردستان$
- وەزارەتی تەندروستیی عێراق ڕایگەیاند، لە 24 کاژێری ڕابردوودا هەزار و 146 کەسی دیکە تووشی ڤایرۆسی کۆرۆنا بوون و 34 تووشبووی دیکەش گیانیان لەدەستداوە، ئەوەش ژمارەیەکی پێوانەیی گیانلەدەستدانە بە کۆرۆنا کە لە 24 کاژێردا تۆمارکرابێت.[3]
کوردیپێدیا، ڕۆژانە (بێلایەنانە) مێژووی کوردستان تۆماردەکات... 出来事の年表