$باکووری کوردستان$
- عومەر یلدرم هاوسەرۆکی پارتی دیموکراتیکی گەلان - #هەدەپە#، لەناوچەی هەواگێ-ی ڕەحا لەلایەن پۆلیسی تورکەوە دەستگیرکرا و ڕەوانەی بەندیخانەکرا.[4]
$رۆژهەڵاتی کوردستان$
- کۆڵبەرێکی کورد بە ناوی بەختیار حەسەنی کوڕی ئەحمەد، خەڵکی گوندی بلەسەن سەر بە شاری #بانە#، بە تەقەی ڕاستەوخۆی هێزە نیزامییە حکوومەتییەکان لە سنووری هەنگەژاڵ گیانی لە دەست دا.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182386/0019.JPG=KTML_ImageCaption_Title=بەختیار حەسەنی=KTML_ImageCaption_CaptionStyle=000000=KTML_ImageCaption_Caption=بەختیار حەسەنی=KTML_ImageCaption_End=
- #سەحەر کازمی#، چالاکی مەدەنیی خەڵکی شاری #سنە#، لە لایەن دادگای ئینقلابی ئەم شارەوە بە 5 ساڵ زیندان مەحکووم کرا.[2]
- شەپۆلێکی نوێی سەرماوسۆڵە و بەفربارین لە ڕۆژی هەینییەوە جارێکی دیکە ڕۆژهەڵاتی کوردستانی گرتووەتەوە و بەفرێکی زۆر بەتایبەت دوو پارێزگەی #ورمێ# و سنەی سپیپۆش کردووە. بەهۆی بەرفربارینەوە ئەمڕۆ قوتابخانەکانی زۆربەی شار و گوندەکانی ئەو دوو پارێزگەیە داخراون. بەگوێرەی ڕاگەیاندنی پەروەردەی پارێزگای سنە ئەمڕۆ شەممە 16-02-2019 هەموو قوتابخانەکانی شار و گوندەکان لە بانە، #سەقز# و #دیواندەرە# هەروەها ناوچەکانی زێویە، کەڵاتەرزان، سەرشیو، کۆماسی و جانەوەرەش داخراون. ڕێگای پەیوەندیی زیاتر لە 150 گوند لە ناوچەکانی #مەریوان#، بانە و سەقزیش داخراون.[3]
$باشووری کوردستان$
- گوتەبێژی میحوەری (باکووری عێراق)ی #حەشدی شەعبی# ڕایگەیاند، تاوەکو ئێستا حەشدی شەعبی لە سنووری #خورماتوو# و هیچ ناوچەیەکی دیکە نەکشاوەتەوە و هیچ گفتوگۆیەکیشی لەوبارەوە نەکردووە.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182386/0012.JPG=KTML_ImageCaption_Title=کۆبوونەوەی ئەمڕۆی یەکێتی لە سلێمانی=KTML_ImageCaption_CaptionStyle=000000=KTML_ImageCaption_Caption=کۆبوونەوەی ئەمڕۆی یەکێتی لە سلێمانی=KTML_ImageCaption_End=
- ئاستی ئاوی #بەنداوی دوکان# گەیشتووەتە زیاتر لە 505 مەتر لەئاستی ڕووی دەریا، بەڕێوەبەری بەنداوەکەش دڵنیایی دەدات کە زۆربوونی ئاوەکە زیانی بۆ ناوچە گەشتیارییەکان نابێت.[5]
- ئەنجومەنی سەرکردایەتی یەکێتیی بە کۆی دەنگ بڕیاریداوە بە دوورخستنەوەی #نەجمەدین کەریم#، ئەندامی مەکتەبی سیاسی یەکێتی لە حیزبەکە.[5]
- ئەنجومەنی سەرکردایەتی یەکێتیی بڕیاریداوە بە دانانی #لەتیف شێخ عومەر#، وەک وتەبێژی نوێی یەکێتیی.[5]
- دوای وەرگرتنی مۆڵەت لە لایەنە پەیوەندیدارەکانی شاری #خانەقین# و پارێزگاری دیالە، #تەڤگەری ئازادیی کۆمەڵگەی کوردستان# بە ئامادەبوونی هاوسەرۆکی گشتی و ئەندامان ولایەنگرانی بەفەرمی بارەگای خۆی لە خانەقین کردەوە.[4]
$رۆژئاوای کوردستان$
- #شەڕڤان#انی هێزەکانی سوریای دیموکرات دوا پێگەی #داعش#یان کۆنترۆڵکردەوە و هەسەدەش ڕایدەگەیەنێت: لەنزیکترین کاتدا مژدەی سەرکەوتن ڕادەگەیەنن.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/182386/0008.JPG=KTML_ImageCaption_Title=چیا فرات: مزگێنییەک دەدەینە هەموو جیهان=KTML_ImageCaption_CaptionStyle=000000=KTML_ImageCaption_Caption=چیا فرات: مزگێنییەک دەدەینە هەموو جیهان=KTML_ImageCaption_End=
- #چیا فورات#، فەرماندەیەکی هێزەکانی سوریای دیموکرات- قەسەدە، لەسەر کۆتا قۆناغی شەڕی کۆتایی هێنان بە تیرۆر لە هەنگاوی گەردەلوولی جزیرە، لە دێرەزۆر کۆنگرەیەکی ڕۆژنامەنووسیی بەڕێوەبرد. چیا فرات ڕایگەیاند: لە باخۆزی سەروو چەتەکانی داعش گەمارۆ دراون و لە مەودایەکی 600 بۆ 700 مەتر ماونەتەوە، بەهۆی ئەوەی چەتەکان خەڵکی سڤیل وەک قەڵغان بەکار دێنن، هێزەکانمان بە ئارامی پێشڕەوی دەکەن.[5]
- لەناوچەی باغوزی ڕۆژهەڵاتی فورات لەسوریا، لەلایەن شەڕڤانان 10 شەڕڤان کەلەلایەن داعشەوە بەدیلگیرابوون ڕزگارکران.[7]
$دەرەوەی کوردستان$
- زۆرینەی سەرچاوە کوردییەکان بڵاویانکردەوە کە دکتۆر #کەمال مەزهەر ئەحمەد#، مێژوونوسی ناوداری کورد، لە شاری بۆن ئەڵمانیا کۆچی دواییکردووە، بەڵام پاشتر ئەم هەواڵە بەدرۆ خرایەوە.[1]
- لە زۆریک لە شارەکانی ئەورو#پاوە# دەیان هەزار کەس ڕوویان لە ستراسبۆرگ کرد. جەماوەری گەل دروشمەکانی ئازادی بۆ ئۆجالان و #لەیلا گیوڤەن# شکۆ و کەرامەتمانە دەڵێنەوە.[4]
- دەیان سیناتۆر و پەرلەمانتاری فەرەنسی داوایانکرد، حکومەتی فەرەنسا بە خێرایی لە ئەنجوومەنی ئاسایشی #نەتەوە یەکگرتووەکان# خاوەنداری لە ڕۆژئاوا بکات، کە تورکیا کردوویەتییە ئامانج و خاوەنداریش لە بەرخودانی ژنانی کوردی مانگرتوو بکات.[4]
- ئەنگێلا مێرکڵ ڕاوێژکاری ئەڵمانیا لەسەر کشانەوەی هێزەکانی ئەمریکا لە سوریا هۆشداریی داوە و ڕایگەیاندووە: کشانەوەی هێزەکانی ئەمریکا لە سوریا دەبێتە هۆی بەهێز بوونی ئێران و ڕوسیا لە ناوچەکە، هاوکات جێگری سەرۆکی ئەمریکا ڕایگەیاند، ئەمریکا هەروا دەستبەرداری چەتەکانی داعش نابێت.[6]
- #ئەردۆگان# ڕایگەیاند: بەهیچ شێوەیەک لە بڕیاری کڕینی سیستمی موشەکی ئێس 400ی ڕوسی ناکشێینەوه و هیچ فشارێکیش له و بارەیەوە کاریگەری نابێت.[7]
- لە لێدوانێکی هاوبەشدا، 12 تۆڕ و هاوپەیمانیی عێراقیی، داوای ئازادکردنی چالاکوانانی بادینان دەکەن و دەڵێن، پێمانوایە خودی دەستگیرکردنە، پێشلکارییە بۆ مافێکی دەستووریی، کە بریتییە لە مافی ڕێکخستنی خۆپیشاندان.[6]

ئەمڕۆ (16ی شوبات) بەسەرپەرشتی هەڤاڵ #کۆسرەت ڕەسوڵ عەلی# جێگری سکرتێری گشتی و بەئامادەبوونی د.بەرهەم ئەحمەد ساڵح جێگری دووەمی سکرتێری گشتی، کۆبونەوەی ئاسایی ئەنجومەنی سەرکردایەتی #یەکێتیی نیشتمانیی کوردستان#، لە شاری #سلێمانی# بەڕێوەچوو.
کۆبونەوەکە، کە بە دەقیقەیەک وەستان بۆ ڕێزگرتن لە گیانی پاکی شەهیدانی کوردستان دەستیپێکرد، بارودۆخی سیاسی کوردستان و عێراق و پارێزگای #کەرکووک# و ناوچە کوردستانییە دابرێنراوەکان و ناوچەکە تاوتوێکرا و دواپێشهاتەکانی پرۆسەی گفتوگۆکان لەبارەی ڕێکەوتنی سیاسی لە نێوان یەکێتی و پارتی بۆ پرسەکانی هەرێمی کوردستان و بەغدا و کەرکووک و پرسە نەتەوەیی و نیشتمانیەکان بەوردی هەڵسەنگێندرا و ڕاو بۆچوونی لەبارەوە گۆڕدرایەوە.
ئەنجومەنی سەرکردایەتی، سیاسەتی یەکێتی دووپات دەکاتەوە، کە پابەندە بە بنەماکانی ڕێکەوتنی سیاسی نێوان مەکتەبی سیاسی یەکێتی و پارتی کە لە ڕۆژی (5ی شوباتی 2019) ئیمزاکراوە کە بەستنی کۆبونەوەی ئەنجومەنی پارێزگای کەرکووک بۆ دانانی پارێزگار و ئاسایی کردنەوەی دۆخی پارێزگاکە هاوکاتی دانیشتنی پەرلەمانی کوردستان بێت.
بۆیە یەکێتیی نیشتمانیی کوردستان جەختدەکاتەوە، ئامادەیە بۆ ڕێکەوتنێکی سیاسی گشتگیر کە پرسەکانی کوردستان و کەرکووک و عێراق وەک یەک پاکێچ ڕێککەوتنی سیاسی لەگەڵ پارتی لەسەر بکرێ، بەهاوکاری و هاوبەشی هێزە سیاسیەکانی کوردستان، لەپێناوی بەدیهێنانی یەکڕیزی لایەنەکانی کوردستان و شەراکەتی ڕاستەقینە کە لە خزمەتی بەرژەوەندییە باڵاکانی گەلی کوردستان بێت.
لەم ڕوانگەیەوە هەر هەنگاوێک بەبێ ڕێککەوتنی سیاسی لایەنەکان، بەتایبەتی یەکێتی و پارتی خزمەت بە بەرژەوەندییە باڵاکانی گەلەکەمان و پرۆسەی سیاسی ناکات، لەکاتێکدا، کە ناوچەکە لەبەردەم گۆڕانکاریدایە و بەرژەوەندی گەلەکەمان ئەوەمان لێدەخوازێت هەموو لایەنەکان یەکڕیز و یەکدەنگ بن بۆ ڕووبەڕووبوونەوەی مەترسییەکان و بۆ پاراستنی بەرژەوەندییەکانی گەلەکەمان.
ئەنجومەنی سەرکردایەتی
یەکێتیی نیشتمانیی کوردستان
#16-02-2019#

ڕۆژی 16 /2 /2019 شاندی باڵای پارتی دیموکراتی کوردستان و بزوتنەوەی گۆڕان لە شاری سلێمانی، کۆبوونەوەو لە کەشوهەوایەکی دۆستانەدا، گفتوگۆیەکی ڕاشکاوانەی بەرپرسیارانە کرا، پەیوەندیی هەردوولا و گفتوگۆی پێکهێنانی کابینەی نۆیەمی حکومەتی هەرێم و ڕێککەوتنی سیاسیی نێوان هەردوولا خرایەڕوو.
لەکۆبوونەوەکەدا هەردوو شاند، ڕێککەوتن لەسەر ئەم خاڵانە:
1 - ڕێککەوتنی سیاسیی نێوان پارتی و بزوتنەوەی گۆڕان پەسەند کرا.
2- لە کۆبوونەوەکەی 18ی 2ی پەرلەمانی کوردستاندا فراکسیۆنی پارتی و فراکسیۆنی گۆڕان بەشداردەبن.
3- لەسەر شێوازی پێکهێنانی حکومەت گەیشتوونەتە قۆناغی کۆتایی و بەرەوپێشچوونی بەخۆیەوە بینیوە.
4- پڕۆژەی ڕێککەوتن دەبرێتەوە بۆ سەرکرادایەتیی هەدوولا بۆ پەسەندکردنی.
#16-02-2019#