$باکووری کوردستان$
- گیراوانی بەندیخانەی شاری #وان# بە ئامانجی کۆتایی هێنان بە گۆشەگیری سەر #عەبدوڵڵا ئۆجەلان# دەستیان داوەتە مانگرتن لەخواردن. مانگرتن لەخواردن لەلایەن گروپی دووهەمەوە بەردەوامە.[3]
- دادگەیەکی دەوڵەتی تورک سزای ساڵێک و 10 مانگ زیندانی کردنی بەسەر پەیامنێر #عەدنان بیلەن#-دا سەپاند و جێبەجێ کردنی سزاکەشی بۆ 5 ساڵ دواخست.[3]
- پارێزەرانی ئۆجالان بەمەبەستی دیدار لەگەڵ عەبدوڵڵا ئۆجەلان ئەمڕۆ جارێکی دیکە داواکارییان پێشکەشی سەرۆکایەتیی داواکاری گشتیی شاری بوورسا کرد، بەڵام ئەم جارەش داواکارییەکەیان ڕەتکرایەوە.[3]
$رۆژهەڵاتی کوردستان$
- به پێی ڕاپۆرتی هەواڵدەریی حکوومەتیی ئیسنا، ئارش کەیخوسرەوی، کوڕی ڕەشیدخان، پارێزەری خەڵکی شاری #سەقز#، لە لایەن قازی سەڵواتی، بەرپرسی لقی 15ی دادگای ئینقلابی تارانەوە به شەش ساڵ زیندان مەحکووم کراوە.[4]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/161307/0019.JPG=KTML_ImageCaption_Title=خوێندکارانی زانکۆی کوردستان: سەربەخۆیی کوردستان تەنیا ڕێگای وەدیهاتنی داخوازییەکانی نەتەوەی کوردە=KTML_ImageCaption_CaptionStyle=000000=KTML_ImageCaption_Caption=خوێندکارانی زانکۆی کوردستان: سەربەخۆیی کوردستان تەنیا ڕێگای وەدیهاتنی داخوازییەکانی نەتەوەی کوردە=KTML_ImageCaption_End=
- سادق زیباکەلام، چالاکی ڕێفۆرمخواز و مامۆستای زانستە سیاسییەکانی زانکۆی تاران له کۆبوونەوەیەکدا له هۆڵی مەولەویی زانکۆی کوردستان، کار و چالاکیی حکوومەتی ئێرانی خستە بەر باس و تاوتوێ کردن. ناوبراو به ئاماژه به ڕووداوەکانی کوردستان، دێموکراسیی وەک تەنیا ڕێگەچارە بۆ پرسی کورد لە ئێراندا ناو برد؛ وتوویشیەتی: به جێگیرکردنی دێموکراسی لە ئێراندا، بیری سەربەخۆییخوازی لە کوردستاندا جێگایەکی نامێنێت و هیچ قەومێک خوازیاری جیابوونەوە لە ئێران نابێ و ئەبێ بۆ ئەم مەبەستە هەوڵ بدەین. قسەکانی زیباکەلام دژکردەوەی توندی خوێندکارانی زانکۆی کوردستانی بەدواوە بوو و ئەوان بە ڕەخنەگرتن لە قسەکانی ناوبراو سەربەخۆیی کوردستانیان به تەنیا ڕێگەی وەدیهاتنی خواستەکانی نەتەوەی کورد زانی.[4]
- لاوێکی کورد بە ناوی سلێمان محەمەدنژاد خەڵکی گوندی گەرگوول سەر بە شاری #پیرانشار# لە لایەن هێزە ئیتلاعاتییەکانی سپای پاسدارانەوە دەسبەسەر کرا.[4]
- #کۆڵبەر#ێکی کورد بە ناوی زانیار عەزیززادە کوڕی سلێمان خەڵکی پیرانشار لە کاتی کۆڵبەریدا بە هۆی سەرمابردوویی گیانی لە دەست دا.[4]
$باشووری کوردستان$
- #ڕێباز حەملان# وەزیری دارایی و ئابوری حکومەتی هەرێمی کوردستان ڕایگەیاند: بڕیاردراوە کە #مووچە#ی سێ مانگی کۆتایی ئەمساڵ پاشەکەوت نەکرێت و هەموو 30 ڕۆژ جارێکیش مووچە دابەش دەکرێت.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/161307/0005.JPG=KTML_ImageCaption_Title=کەشوهەوای: 11-12-2018، تەم سلێمانی دادەپۆشێت=KTML_ImageCaption_CaptionStyle=000000=KTML_ImageCaption_Caption=کەشوهەوای: 11-12-2018، تەم سلێمانی دادەپۆشێت=KTML_ImageCaption_End=
- شاندێکی ئەمریکی بەسەرۆکایەتیی وەزیری وزە سەردانی #هەولێر#یان کرد و لەگەڵ #مەسعود بارزانی# و #نێچیرڤان بارزانی# کۆبوونەوە، وەزیری وزە ڕایگەیاند کە دەتوانین پێکەوە لە بواری وزەدا کاربکەین.[6]
- بەهۆی کۆبوونەوەی ئاو و دروستبوونی قوڕ و لیتاو لەبەر‌دەم پەیمانگەکەیان، خوێندکارانی پەیمانگەی تەکنیکی #دەربەندیخان# خۆپیشاندانیان ئەنجامدا و چوونەتە بەردەم قایمقامیەت.[1]
- شەوی ڕابردوو ڕۆژنامەنووس و دەرهێنەر خاتوو #بەهار مستەفا# هاوسەری هونەرمەند سەلام ڕەشید بەهۆی نەخۆشییەوە کۆچی دوایی کرد.[2]
- لە هێرشێکی چەکدارانی #داعش#دا بۆ سەر هێزێکی پۆلیس لە #خانەقین# چوار کارمەندی هێزەکە بوونە قوربانی، کوژراوێک و 3 برینداری لێکەوتەوە.[1]
- کۆنفرانسی ئابوری نێوان شاری #سلێمانی# و شاری #سنە# دەستیپێکرد بەمەبەستی هەوڵدان بۆ چارەسەرکردنی کێشە ئابوورییەکان و بەڕەنگار بوونەوەیان. کۆنفرانسەکە بە ئامادەبوونی پارێزگاری شاری سنە و سلێمانی و بەرپرسانی حکومی هەردولا و پەرلەمانتاران بەڕێوەچوو.[1]
- بە چاودێری د. یوسف گۆران وەزیری خوێندنی باڵا و توێژینەوەی زانستی و بەسەرپەرشتی لیژنەی سەرپەرشتیکاری کۆنفرانس و بەدروشمی (ئێمە پلان بە ستراتیژیانە دادەڕێژین یۆ بەڕێوەبردنی قەیران و چارەسەرکردنی) دووەمین کۆنفرانسی نێودەوڵەتی زانکۆی پۆلیتەکنیکی سلێمانی و زانکۆی کوردستان (سنە) و زانکۆی سلێمانی بەڕێوەدەچێت.[2]
- لە کۆڕێکدا لە شاری سلێمانی ڕۆڵی ژن لەناو بزوتنەوەی ئازادییخوازیی گەلی کورددا شرۆڤە کرا و بە گرنگ بیندرا ژنانی باشور هاوشێوەی ژنانی ڕۆژئاوای کوردستان خۆیان بەڕێکخستن بکەن و سود لە ئەزموونیان وەربگرن.[5]
- کۆمەڵەی شاخەوانی سلێمانی، یادی ڕۆژی جیهانی شاخ-یان بە کردنەوەی پێشانگایەکی فۆتۆگرافی کردەوە، بەئامانجی ئاشتکردنەوەی شارنشینەکان لەگەڵ سروشتی ناوچە شاخاوییەکاندا.[5]
- ئەمڕۆ بەشداری دەیان کەس لە چین و تویژە جیاوازەکانی #ڕانیە# یەکەمین چالاکی پڕۆژەی (ئۆتۆمبێل میوانە) یان ئەنجامداوە، لە ڕێگەی ڕێڕۆشتنی پیادە و لێخوڕینی پایسکیلەوە، لە داهاتوشدا دەیان چالاکی تر لە چوارچێوەی ئەو پڕۆژەیە ئەنجام دەدەن.[1]
$دەرەوەی کوردستان$
- لە شاری بەرلین بە ئامادەبوونی هاوژینەکەی و سەدان کەس لە دۆست و هاوڕێیانی #جەمال نەبەز# مەڕاسیمی پرسەکەی بەڕێوەچوو.[6]
- سەرۆکی ویلایەتە یەکگرتووەکانی ئەمریکا پرۆژەیاسایەکی کۆنگرێسی بە ژمارە 390 لەبارەی جینۆساید لە عێراق و سوریا واژۆکرد کە نوێنەری ئێزدییەکان ئامادەی بوو.[1]

ناوەندی ڕاگەیاندنی یەکینەکانی پاراستنی گەل-#یەپەگە# ئاشکرای کرد کە لەناوچەی شەرا وبلبلێ-ی #عەفرین# لە ڕێکەوتی 8 و 9ی کانوونی یەکەم/18 و19ی سەرماوەزدووچالاکییان لەدژی داگیرکەران ئەنجامداوە.
ڕاگەیەنرا کە لەچالاکییەکەدا گروپێک لەچەتەکانی سووڵتان موورادی سەربەدەوڵەتی تورکیا کراونەتە ئامانج و لەئەنجامدا سەرچەتەیەک و چەتەیەکی ترکوژراون.
لە ڕاگەیەنراوەکەی یەپەگەدا هاتووە تیمێکی ئێمە لە ناوچەی شەڕای عەفرین لەدژی ئۆتۆمبیلی سەرچەتەیەک بەناوی ئەبوو ئەل موت کە بەرپرسێکی کۆمیتەی پاراستنی گروپی سووڵتان موورداە، چالاکی ئەنجامدرا. لەوچالاکییەدا ئەوسەرچەتەیە کوژرا و شوفیرەکەشی برینداربوو.
لە ڕێکەوتی 9ی کانوونی یەکەمدا لەگوندی قوڕنە-ی بلبلێ-ی عەفرین لەدژی بارەگایەکی چەتەکانی سووڵتان مووراد چالاکیی ئەنجامدرا. لەوچالاکییەدا داگیرکەرێک کوژرا و2داگیرکەری دیکە برینداربوون.[1]
#11-12-2018#