ناوەندی چاپەمەنی #قەسەدە# لە ڕۆژی سێیەمی ئۆپەڕاسیۆنی قەسەدەدا لەدژی چەتەکانی #داعش# ڕاگەیەنراوێکی بڵاوکردەوە و ڕاگەیەنراوەکە بەم شێوەیەیە:
هێزەکانمان قەسەدە، بە بەشداری هێزەکانی ئاسایشی ناوخۆ، هێزەکانی پاسەوانی سنور، یەکینەکانی پاراستنی ژنان، یەکینەکانی کۆماندۆ و بە هاوکاری هێزەکانی هاوپەیمانان بەردەوامی بە قۆناغی دووەمی ئۆپەڕاسیۆنی لەناوبردنی تیرۆر لە هەرێمی دێرەزۆر لەدژی تیرۆریستانی داعش دەدات.
لە ئۆپەڕاسیۆنی سەرداگرتن و پاککردنەوەدا لەدژی بارەگای تیرۆریستان و گۆمانلێکراوەکاندا، 6 ئەندامی ڕێکخستنی داعشی تیرۆریست دەستگیرکران.
هەروەها هێزەکانمان دەستیان بەسەر ژمارەیەک چەکی کلاشینکۆف، ژمارەیەک مین و تەقەمەنی و 5 تەلەفۆن و لاپتۆپدا گرت.[1]

ئەنجوومەنی سەربازی هێزەکانی سوریای دیموکراتیک-#قەسەدە#، دوێنێ کۆبوونەوەی ئاسایی خۆی بەڕێوەبرد، و تێیدا بابەتەکانی ڕێکخستنکردنی سەربازی، ڕۆڵی ئەنجومەنە سەربازییە هەرێمیەکان شیکرایەوە.
لە کۆبوونەوەکەدا تیشک خرایە سەر گرنگی پێشخستنی هێزی سەربازی لەلایەنی ژمارەو پەروەردەوە لە ڕێگای زیادکردنی ژمارە، چەک و جبەخانە و پەروەردەی تایبەت، تاوەکو ئەو هێزانە بەگوێرەی دۆخەکە ئامادەبن.
هاوکات ڕێککەوتنی سوتچی و بە گەرەنتی ڕووسیا کە لە 22ی 10ی ساڵی ڕابردوو ئەنجامدرا، بابەتێکی دیکەی کۆبوونەوەکە بوو.
ئەوەش خراوەتەڕوو، کە دەوڵەتی تورک بەپێی بەندەکانی ئەو ڕێککەوتننامەیە ناڕوات و تا ئێستاش بەشێوەیەکی ئەنقەست بەندەکانی ئەو ڕێککەوتنە پێشێل دەکات ئەمەش ئاسایش و ئارامی ئەو هەرێمە بەتەواوی دەخاتە مەترسییەوە.
سەبارەت بە ڕێککەوتنی نێوان ئەمریکا و دەوڵەتی تورک کە لە 17-10ی ساڵی ڕابردوو بەسترا، قەسەدە ئاماژەی بۆ ئەوەکردووە، دەوڵەتی تورک بەندەکانی ئەو هاوپەیمانێتیەش پێشێل دەکات و تا ئێستاش سیاسەتی گۆڕینی دیموگرافی و قڕکردنی ئەتنیکی بەڕێوەدەبات.
هەر لە ئەنجامنامەکە داوا لە وڵاتانی گەرەنتیکار کراوە کە بەرپرسیاریەتی یاسایی سەرشانی خۆیان پێکبهێنن و سنورێک بۆ ئەو تاوانە دژە مرۆڤایەتیانە دابنێن.
هەروەها جەختیش لە بەردەوامکردنی ئۆپەراسیۆنە هاوبەشەکانی قەسەدە لەگەل هاوپەیمانی نێودەوڵەتی لە دژی چەتەکانی #داعش# کراوەتەوە بۆ لەناوبردنیان بۆ ئەوەی جارێکی دیکە نەگەڕێنەوە هەرێمەکە.[1]
#16-01-2020#

ناوەندی ڕاگەیاندنی هێزەکانی سوریای دیموکراتیک (#قەسەدە#) ڕایگەیاند، هێرشە داگیرکارییەکانی دەوڵەتی تورک و چەتەکانی بەردەوامن. بەپێی ڕاگەیاندراوەکەی قەسەدە لە بەرپەرچدانەوەی هێرشەکان لەلایەن #شەڕڤان#ەکانیانەوە، لانی کەم 61 چەتە کوژراون.[1]

بەڕێوەبەرانی قەسەدە لە کۆنفرانسێکی ڕۆژنامەنووسیدا ئاماری شەڕی 9ی کانوونی یەکەمی 2019 / 19ی بەرفرانبار تاوەکو 16ی ئاداری 2019 / 25ی ڕەشەمە لە چوارچێوەی ئۆپەراسیۆنی کۆتایهێنان بە تیرۆر، کە لە دژی چەتەکانی #داعش# بەڕێوەدەچێت بڵاوکردەوە. لە ئامارەکەدا زانیاری لەبارەی ژمارەی ئەو هاووڵاتییانەی لە باغۆز ڕزگار کراون خراوەتەڕوو.
کینۆ گابریەل وتەبێژی هێزەکانی سوریای دیموکراتیک (قەسەدە) ڕایگەیاند شەڕی کۆتایهێنان بە تیرۆر، کە لەلایەن هێزەکانمەوە لە ڕۆژی 9ی کانوونی یەکەمی 2019 / 19ی بەرفرانبارەوە دەستپێکرد بەردەوامیی هەیە. لە قۆناغی ئێستادا هەڵمەتی قەسەدە لە دژی داعش سەرکەوتنێکی گەورەی بەدەستهێناوە. ڕێکخستنی داعش لە سنوورێکی بچووکدا لە باغوز، لە ڕۆژهەڵاتی دێرەزۆر گیردراوە.
گابریەل ڕایگەیاند، هێزەکانیان هەزاران هاووڵاتیی مەدەنی کە لەلایەن ڕێکخستنی تیرۆری داعشەوە کرابوون بە قەڵغانی زیندوو ڕزگارکردووە و بردونیان بۆ ناوچەی ئارام و دوای ئەوەش ئەو تاکە گوندە، کە چەتەکانی تیادا ماوە گەمارۆ دراوە.
لە بەردەوامیی ڕاگەیاندراوەکەدا گابریەل وتی هێزەکانی ئێمە لە سەر زەوی و هێزەکانی هاوپەییمانانیش لە ئاسمانەوە گورزی قورس لە ڕێکخستنی تیرۆر دەدەن. دوای ئەو گورزە قورسانە بەشێکی گەورە لە ئەندامانی ڕێکخستنی تیرۆر و بنەماڵەکانیان خۆیان ڕادەستکرد. هەروەها سەدانیشیان لێ کوژراو و بریندار بوون.
گابریەل وتیشی هاووڵاتییە مەدەنییەکان ڕزگاکراوەکان و ئەندامانی ڕێکخستنی تیرۆریش لەگەڵ بنەماڵەکانیان لە هەرێمەکە دوورخراونەتەوە. لەبارەی #شەڕڤان#ە شەهیدەکانی قەسەدە لەو شەڕەدا و وردەکاریی ئامارەکانی تر ئەم زانیارییانەی خستەڕوو:
ئەو تیرۆریستانە و بنەماڵەکانیان کە خۆیان ڕادەستکردووە: 29 هەزار و 600 کەسن، (زیاتر لە 5 هەزار تیرۆریست).
ژمارەی ئەو تیرۆریستانەی لە ئەنجامی ئۆپەراسیۆنە تایبەتەکاندا و لەلایەن هێزەکانمانە دەستگیرکراون: 520 تیرۆریستن.
ژمارەی ئەو هاووڵاتییانەی ڕزگارکراون: 34 هەزار کەسن.
ژمارەی تیرۆریستە کوژراوەکان لەو ماوەیەدا: 1306 تیرۆریست و لەگەڵ برینداربوونی ژمارەیەکی زۆری تیرۆریستەکان.
82 شەڕڤانمان شەهید بوون و 61 شەڕڤانیش برینداربوون.[1]
#17-03-2019#

بەرخودانی سەردەم لە #عەفرین#، سەرکەوتووانە 45 مین شەو و ڕۆژی پڕ کردوە و ئەمڕۆ، ناوەندی ڕاگەیاند و چاپەمەنی ‌هێزەکانی سوریای دیموکراتی - قسەدە، ئاماری 24 کاتژمێری شەڕ و پێکادان و بەرخودانی عەفرینی بەم شێوەیە ڕاگەیاند:
$بەرەی شەرا$
لە دەورەبەری گوندی چەما، هێزە داگیرکەرەکانی تورکیا هەوسڵی پێشڕەویان داوە، بەڵام لەلایەن شەڕڤانانەوە لێیان دراوە و پاشەکشیان پێ کراوە و ماشێنێکی سەربازی بەسەرنشینەکانیەوە تەقێندرایەوە.
لە هەمان هەرێمدا، گوندە ئێزیدنیشینەکانی وەک، سینکا، بافلۆن، مەیدانکێ، و ناوەندی شەرا شەڕ بەدژواری تا ئەم ساتانە بەردەوامە.
$بەرەی جەندریسێ$
ئەرتەشی تورک لە ناوەندی ناوچەکە و گوندەکانی کەفەر سەفێ، مەسەکێی لە زەمین و ئاسمانەوە بۆردومان کردوە، بەو هۆیەوە ژمارەیەکی زۆر هاوڵاتی مەدەنی بە شیکیان ژمن و منداڵن شەهید و برییندار بوون و گەلێک خانووی هاوڵاتیان ڕوخاون.
$بەرەی ڕاجۆ$
لە زەمین و ئاسمانەوە ناوەندی ناوچەکە و گوندەکانی مەیدان ئەکبەسێ و بەربانێ، لە لایەن ئەرتەشی تورکیاوە بۆرودمان کراون و بەو هۆیەوە ژمارەیەک هاوڵاتی شەهید و بریندار بوون و زیانی زۆریش وەبەر ماڵ و موڵکی هاوڵاتیان کەوتووە.
$بەرەی ماباتا$
لە زەمین و ئاسمانەوە ناوەندی ناوچەکە و گوندەکانی دەوروبەری، لە لایەن ئەرتەشی تورکیاوە بۆرودمان کراون و بەو هۆیەوە زیانی زۆر وەبەر ماڵ و موڵکی هاوڵاتیان کەوتووە.
$بەرەی بلبلێ$
لە زەمین و ئاسمانەوە ناوەندی ناوچەکە و گوندەکانی بیرمەجێ، شیتکا و میرکان، لە لایەن ئەرتەشی تورکیاوە بۆرودمان کراون و بەو هۆیەوە زیانی زۆر وەبەر ماڵ و موڵکی هاوڵاتیان کەوتووە.[1]
#05-03-2018#

ناوەندی ڕاگەیاندنی هێزەکانی سووریای دیموکراتی - قەسەدە ئاماری 24 کاتژمێری ڕابردووی شەڕ و بەرخۆدانی #عەفرین# لە بەرانبەر داگیرکاریی تورکیای بڵاوکردەوە.
دەقی ڕاگەیەندراوی قەسەدە:
هەرچەندە ئەنجومەنی ئاسایشی نەتەوەیەکگرتووەکان بڕیاری ژمارە 2401ی بۆ ئاگربەست لە سووریای پەسەند کردووە، بەڵام سوپای تورکیا بەردەوامە لە دڕندایەتیی خۆی دژی هەرێمی عەفرین و بڕیارە نێونەتەوەییەکان پشتگوێ دەخات. سوپای تورکیای داگیرکەر هەموو تەکنەلۆژیایەکی سەربازی بە ئامانجی قڕکردنی گەلی عەفرین بەکاردێنێت. لەبەرئەوە هێزەکانی ئێمە ناچار بوون مافی خۆپاراستنی ڕەوا بەکاربێنن و وەڵامی هێرشەکانی داگیرکەران بدەنەوە.
$عەفرین$
تۆپبارانی سوپای تورکیای داگیرکەر و چەتەکانی لەسەر ناوەندی شاری عەفرین بەمەبەستی کۆچبەرکردنی هاوڵاتیانی سیڤیل بەردەوامە. لەم چوارچێوەیەدا، ئەمڕۆ بەیانی دوو تۆپ بە ناوەندی شاری عەفرین کەوتن، لە ئەنجامدا چەند هاولاتییەکی سیڤیل بریندار بوون کە لەنێویاندا منداڵ هەبوون.
$شەرا$
لە گوندەکانی شەرا لەنێوان شەڕڤانانی ئێمە و سوپای تورکیای داگیرکەر و چەتەکانی شەڕ ڕوودەدات. بەتایبەت بەیانیی ئەمڕۆ لە گوندی مەتینا شەڕی قورس ڕوویدا. هاوکات فڕۆکەجەنگییەکانی سوپای داگیرکەر بەیانیی ئەمڕۆ گوندی ئەلچیا-یان بۆردومان کرد. هەروەها لە شەوی ڕابردووەوە فڕۆکەجەنگییەکانی سوپای تورکیا گوندەکانی سینکا، مەیدانکێ و ناوەندی ناوچەکەیان بۆردومان کرد.
$ڕاجۆ$
دوێنێ تا درەنگانی شه و فڕۆکەجەنگییەکانی سوپای تورکیای داگیرکەر دەوروبەری ناوچەی ڕاجۆ و گوندەکانی دەوروبەرییان بۆردومان کرد.
$بلبلێ$
هەموو گوندەکانی بلبلێ لە شەوی ڕابردووەوە تۆپباران دەکرێن.
$جندرێس$
سوپای تورکیای داگیرکەر و چەتەکانی ناوەندی ناوچەی جندرێس، گوندەکانی دەوروبەری و بەتایبەت گوندی دەرویش-یان تۆپباران کرد.
هەروەها فڕۆکەجەنگییەکانی سوپای داگیرکەر ناوەندی ناوچەی جندرێس-یان بۆمباران کرد. لە ئەنجامدا هاوڵاتیانی سیڤیل بوونە قوربانی و تەرمی قوربانیان کە لەنێویاندا ژن و منداڵ هەن، هێشتا لەژێر داروپەردووی ڕووخاودان.
هەروەها گوندی مسکی لە دوێنێوە هەتا ئێستا تۆپباران دەکرێت. لە هەمان کاتدا فڕۆکەجەنگییەکانی سوپای داگیرکەر گوندی فراری -یان بۆردومان کرد. لە ئەنجامدا هاوڵاتیانی. سیڤیل کە لەنێویاندا ژن و منداڵ هەن، بوونە قوربانی.
$شیێ$
لە شەوی ڕابردوو هەتا بەیانی ئەمڕۆ ناوەندی ناوچەی شیێ و گوندەکانی دەوروبەری هێرشی ئاسمانییان دەکرێتەسەر. لە هەمان کاتدا ناوەند و گوندەکان تۆپباران دەکرێن. بەتایبەت گوندی ئەرەندێ بەچڕی بۆردومان کرا.
$ماباتا$
فڕۆکەجەنگییەکانی سوپای تورکیای داگیرکەر گوندەکانی بەریمجە، میرکان و شیکتا-یان بۆردومان و تۆپباران کرد.[1]
#06-03-2018#

قەسەدە ڕایگەیاند: لەماوەی 23 ڕۆژی ڕابردوودا لە ئەنجامی هێرشەکانی سەر #عەفرین#دا، 180 هاوڵاتی شەهیدبوون و 413 هاوڵاتیش برینداربوون، هەروەها 862 سەرباز و چەتەی سوپای تورکیش کوژراون.
ئێوارەی ئەمڕۆ، ناوەندی ڕاگەیاندن و چاپەمەنیی هێزەکانی سوریای دیموکرات-قەسەدە، بە ڕاگەیەندراوێک، ئاماری شەڕی 23 ڕۆژی ڕابردووی لە عەفرین بڵاوکردەوە.
ڕاگەیەندراوەکەی قەسەدە بەمشێوەیە:
هێرشی سوپای تورک و گروپە توندڕەوەکان بۆ سەر کانتۆنی عەفرین، لە کاتژمێر 05:00 ی ئێوارەی ڕۆژی 20ی کانوونی دووەم دەستیپێکردووە و تا ئەمڕۆ 12ی شوبات بەبێ‌ ڕاوەستان بەردەوامە، ئەنجامی شەڕەکان هەتا ئەمڕۆ بەمشێوەیە:
1 دوژمن بە چەکی قورس و فڕۆکە شوێنی نیشتەجێبوونی هاوڵاتیانی کردووەتە ئامانج و لە ئەنجامدا 180هاوڵاتی کە زۆربەیان ژن و منداڵن شەهیدبوون، ناوی سەرجەم شەهیدان لە نەخۆشخانە تۆمار کراوە.
2 لە ئەنجامی هێرش بۆ سەر خانوو و شوێنی نیشتەجێبوونی هاوڵاتیان، 413 هاوڵاتی برینداربوون و ناوی هەموو بریندارەکانیش لە نەخۆشخانەکاندا تۆمارکراوە.
3 لە بەرخۆدانی قارەمانانە و شەڕی دەستەویەخەی شەڕڤانانی ئێمە لە دژی هێرشکاراندا 98 شەڕڤان شەهیدبوون و سەرجەم شەهیدان بەمەراسیمی سەربازیی بەخاک سپێردراون.
4 لەو شەڕ و چالاکییەکانی هێزەکانماندا 862 سەربازی سوپای تورک و چەتەی گروپە تیرۆریستە جیهادییەکان کوژراون، ئەم ڕێژەیەش هێزەکانمان لێی دڵنیابوونەتەوە.
5 دەوڵەتی تورکی داگیرکەر 668 جار هێرشی ئاسمانیی بە فڕۆکەی جەنگیی ئەنجامداوە و ناوچەی نیشتەجێبوونی بەشێوەیەکی هەرەمەکیی بۆردوومانکردووە و لە ئەنجامدا خانوو، وێستگەی ئاوی خواردنەوە، خوێندنگە و شوێنی بەخێوکردنی مریشک خاپووربوون.
6 هێلیکۆپتەرەکانی سوپای تورک 16 جار هێرشیان ئەنجامداوە و لەو هێرشانەشدا ناوچەی مەدەنیی و خانووی هاوڵاتیان بە ئامانج گیراون.
7 دەوڵەتی تورکیا و چەتەکانی، دوو هەزار و 645 جار بە هەموو جۆرە چەکێکی قورس و تانک، تۆپبارانی ناوچەکانی کانتۆنی عەفرینیان تۆپباران کردووە.
8 هێزەکانی ئێمە 409 جار لەگەڵ دوژمن کەوتوونەتە شەڕەوە کە ئەنجامەکانی ئاشکرابووە، ئەنجامی 108 ڕووبەڕووبوونەوەش نەزانراوە.
9 هێزەکانی ئێمە 2 هێلیکۆپتەری سوپای تورکیان خستووەتە خوارەوە، کە یەکێکیان لە جۆری کۆبرا و ئەوەی تریشیان سیکۆرسکی تایبەت بە گواستنەوەی سەرباز بووە، لە هەردوو هێلیکۆپتەرەکەدا 11 سەربازی تورک کە پلەداریشیان تێدایە کوژراون، هەروەها هێزەکانی ئێمە فڕۆکەیەکی سیخوڕیی جۆری 'درۆن' و فڕۆکەیەکی جۆری 'بەیرەقدار'یان خستووەتە خوارەوە، ئەو فڕۆکە بەیرەقدارە هەمان فڕۆکەیە کە ئەردۆغان لە وێنەیەکدا واژۆی لەسەر کردبوو.
10 هێزەکانی ئێمە 51 ئامێری سەربازیی وەکو تانک، زرێپۆش و ئۆتۆمبێلی سەربازییان تێکشکاندووە و گورزیان لە 15 تانک و زرێپۆشی دیکەش وەشاندووە.[1]
#12-02-2018#

هێزەکانی سووریای دیموکراتیک (قەسەدە) بە هاریکاریی هێزەکانی هاوپەیمانەتیی نێونەتەوەیی لە 11ی ئەیلوول\20ی خەرمانان دەستی بە قۆناغی کۆتایی هەڵمەتی گەردەلوولی جزیر کرد لە چوارچێوەی (شەڕی نەهێشتنی تێرۆر)دا.
ناوەندی ڕاگەیاندنی قەسەدە ڕاگەیەنراوێی بڵاوکردەوە و ئاماری شەڕی 24 کاتژمێری ڕابردووی ئاشکرا کرد:
بەرەی باغۆز\شەجلە
لەم بەرەیە هەتا شەوی ڕابردوو شەڕ هەبوو. چەتەکانی #داعش# هەوڵیان دا هێرش بکەنە سەر خاڵی هێزەکانمان. #شەڕڤان#ان لە بەرانبەر ئه و هەوڵانە وەستانەوە و هێرشی چەتەکانیان تێکشکاند. فەرماندەی ئه و بەرەیە ڕایگەیاند کە 5 چەتە کوژراون و بڕێک چەکی چەتەکانیش دەستی بەسەردا گیراوە.
بەرەبەیانیی ئەمڕۆ شەڕڤانانمان لە دەوروبەری گوندی شەجلە هەڵمەتی پاککردنەوەی پاشماوەکانی چەتەکانیان دەستپێکرد. لە زۆر خاڵدا لەنێوان شەڕڤانانی ئێمە و چەتەکانی داعشدا شەڕ ڕوویدا. لە ئەنجامدا زۆر خاڵ لەژێر داگیرکاریی چەتەکان ڕزگار کران و زۆر چەتە له و شوێنانە کوژران.
فڕۆکەکانی هاوپەیمانانیش بەشداری شەڕی دوێنێ و ئەمڕۆیان کرد. فڕۆکەکان لە زۆر شوێنی بەرگریی چەتەکانیان دا و ڕووخاندنیان. لە هێرشەکەدا تۆپخانەی چەتەکان کرانە ئامانج.
بەرەی سووسە\شەجلە
لەم بەرەیە شەوی ڕابردوو شەڕێکی سەخت ڕوویدا. چەتەکان هەوڵیان دا هێرش بکەنە سەر خاڵی هێزەکانمان. شەڕڤانانی ئێمە هەوڵی چەتەکانیان تێکشکاند و زیانی گەورەیان لێ دان. دەربارەی ژمارەی ئه و چەتانەی کوژراون زانیاری بەدەستنەخرا.
بەیانیی ئەمڕۆ شەڕڤانانی ئێمە بەردەوامییان دا بە پێشڕەوی لە لای چەپی گوندی شەجلە و نزیکەی کیلۆ مەترێکیان پاک کردەوە. لێرە 10 خاڵی ژێر دەستی چەتەکان ڕزگار کران. یەکینە سەربازییەکانی سەر بە هێزەکانمان بە دەیان مینیان پووچەڵ کردەوە.
فڕۆکەکانی هاوپەیمانانیش لەم بەرەیە بەشدارییان لە شەڕ کرد و 5 هێرشیان کردە سەر جموجۆڵی چەتەکان و بنکەیەکی فەرماندارەتیی چەتەکانیان ڕووخاند. هەروەها فڕۆکەکان کۆگەیەکی تەقەمەنییان تەقاندەوە.
دوایین ئەنجام
ژمارەی هێرشی ئاسمانی: 20
ژمارەی ئه و خاڵانەی ڕزگار کراون: 28
زیانی چەتەکان: 40 کوژراو، چەندین چەتەی دیکەش لە پێکدادانی جیاجیادا کوژران کە ژمارەیان ڕوون نەبووەتەوە.
دەیان مین پووچەڵ کرانەوە.
تونێلێکی چەتەکان تێکدرا.
بنکەیەکی فەرماندارەتیی چەتەکان و کۆگەیەکی تەقەمەنی ڕووخێنران و سوارەیەکی سەربازی تەقێنرایەوە.[1]
#24-09-2018#

ناوەندی ڕاگەیاندنی هێزەکانی سووریای دیموکراتی (قەسەدە) ڕاگەیەنراوێکی بڵاوکردەوە و ئاماری 24 کاتژمێری ڕابردووی شەڕی قۆناغی دووەمی هەڵمەتی گەردەلوولی جزیر-ی ئاشکرا کرد کە ماوەی چەند ڕۆژێکە لەسەر سنووری سووریا و عێراق دژی چەتەکانی #داعش# دەستی پێکردووە.
قەسەدە ڕایگەیاند، #شەڕڤان#ان لە گوندی باخۆز لە پێشڕەویدان و لە 12 خاڵیش خۆیان جێگیر کردووە. ئاشکراشی کرد، لە دەوروبەری گوندی سووسە پێکدادانی شەڕڤانان و چەتەکان بەردەوامە و دەیان هاوڵاتیی سیڤیلیش ڕزگار کراون.
ڕاگەیەنراوی قەسەدە:
(لە دەوروبەری گوندی باخۆز لەنێوان هێزەکانمان و چەتەکانی داعشدا شەڕ ڕوویدا. گورزی تووند لە چەتەکان درا. هەروەها هێزەکانمان بەشێوەیەکی بەرچاو لەنێو گوندەکە پێشڕەوییان کرد و زۆر خاڵیان ڕزگار کرد کە چەتەکان تیایاندا جێگیر بووبوون.
چەتەکان مینیان لە بەردەم هێزەکانمان داناوە بۆ ئەوەی ڕێ لە پێشڕەوییەکانمان بگرن. شەڕڤانانی ئێمە گورزی تووندیان لە هێڵەکانی بەرگریی چەتەکان دا و شەڕ کەوتە نێو گوندەکە.
لە ئێوارەی دوێنێوە تا بەرەبەیانیی ئەمڕۆ شەڕ بەردەوام بوو. هێزەکانمان 12 خاڵیان لەنێو گوندی باخۆز دانا. هەروەها تۆپخانەکانی هاوپەیمانەتیی نێونەتەوەیی بنکەکانی چەتەکانیان کردنە ئامانج و ڕووخاندنیان.
لە دەوروبەری گوندی سووسە لە ئێوارەوە هێزەکانمان دەستیان بە جموجۆڵ کرد و بەره و گوندەکە چوون. لەوێ شەڕی ڕووبەڕوو لەگەڵ چەتەکان هاتە ئاراوە. چەتەکان ڕەختی بۆمبڕێژکراویان بەکارهێنا و 2 چەتەش خۆیان تەقاندەوە. لە ئەنجامدا 2 شەڕڤانی ئێمە شەهید بوون و چەند شەڕڤانێکیش بریندار بوون.
هەروەها هێزەکانمان هێرشیان کردە سەر چەتەکان. نزیکەی 2 کیلۆمەتر پێشڕەوییان کرد و 11 خاڵی چەتەکانیان ڕزگار کرد. هەتا ئێستاش ئه و شوێنە تۆپباران دەکرێت.
لە ئەنجامی شەڕی 24 کاتژمێری ڕابردوو لە هەردوو بەرەی شەڕ، 13 چەتە کوژران. کۆمەڵێک چەتەش بریندار بوون کە ژمارەیان ڕوون نەبوویەوە. تیمەکانی ئەندازەیی سەربازی 4 مین و 2 ڕەختی بۆمبڕێژکراویان پووچەڵ کردەوە. هەروەها فڕۆکەکانی هاوپەیمانەتیی نێونەتەوەیی جموجۆڵی چەتەکانیان کردە ئامانج. له و شەڕەدا 2 شەڕڤانی ئێمە شەهید بوون و 3 شەڕڤانیش بریندار بوون.
ماوەی 2 ڕۆژە ژمارەی ئاوارەکان زیاد بووە. هێزەکانمان زۆر هاوڵاتیی سیڤیلیان لە ناوچەکانی شەڕ ڕزگار کردووە و لە کەمپەکانی ئیوا-ی سەر بە گوندی بەحرە جێگیریان کردوون و هەموو پێداویستییەکی ژیانیان بۆ دابین کردوون.)[1]
#17-09-2018#

قەسەدە ڕایگەیاند، کە 24 کاتژمێری ڕابردوودا لە #عەفرین#، شەڕڤانان چەند بنکەیەکی سەربازیی سوپای تورک و چەتەکانیان کردووەتە ئامانج، ئاشکراشیکردووە، کە لە 24 کاتژمێری ڕابردوودا 32 چەتە و 4 سەربازی سوپای تورک کوژراون.
ئێوارەی ئەمڕۆ، ناوەندی ڕاگەیاند و چاپەمەنیی هێزەکانی سوریای دیموکرات-قەسەدە، ئاماری شەڕ و ڕووبەڕووبوونەوەکانی 24 کاتژمێری ڕابردووی لە عەفرین بڵاوکردەوە.
لە ڕاگەیەندراوەکەدا، هاتووە: دوێنێ هێزەکانمان لەدەوروبەری گوندی دێرسەوا لە بەرەی شارۆچکەی شەرا، ئۆتۆمبێلێکی سەربازیی سوپای تورکیان تێکشکاند و سەربازەکانی ناو ئۆتۆمبێلەکەش کوژران، هەروەها هێزەکانمان لە گوندی عەقینا-ش ئۆتۆمبێلێکی سەربازیی سوپات تورک-یان تەقاندەوە.
ئەوەش هاتووە: هێزەکانمان لە گوندی دێرسەوا، سەرچەتەیەکی سوڵتان موراد-یان بەناوی حەسەن ئەحمەد ناسراو بە بابۆ عەلی کوشتووە.
قەسەدە، ڕاشیگەیاندووە: هێزەکانمان لە بەرەی شارۆچکەی ڕاجۆ-وە چالاکییان لەدژی بنکەیەکی سەربازیی سوپای تورک و چەتەکانی ئەنجامدا، لەئەنجامدا بنکە سەربازییەکە بەتەواویی خاپوور کرا و ژمارەیەکی زۆر سەربازی سوپای تورک و چەتەی سەر بەو وڵاتە کوژران و بڕێک چەک و کەلوپەلی لۆجستیش کەوتە دەست شەڕڤانان.
لەبەشێکی دیکەی ڕاگەیەندراوەکەی قەسەدە-دا، هاتووە: لە بەیانی ئەمڕۆوە تا ئامادەکردنی ئەم ئامارە، لە گوندی مۆسکایا لە ڕاجۆ، لەنێوان ‌‌هێزەکانمان و سوپای تورک و چەتەکانیدا شەڕ و ڕووبەڕووبوونەوە بەردەوامە.
ئەوەش خراوەتەڕوو: سوپای تورک و چەتەکانی لە شارۆچکەی شەرا، کاروانێکی مەدەنییان کردە ئامانج، کە بۆ پشتگیریی عەفرین چووبوونە ئەو کانتۆنە، لەئەنجامدا شەهید و برینداری لێکەوتوەوە.
هەر لە ڕاگەیەندراەوکەی قەسەدە-دا هاتووە: هاوڵاتییەکی مەدەنیی عەفرین لە سنووری شەرا، کاتێک داوای تەراکتۆرەکەی لە سەربازان و چەتەکانی تورک کردووەتەوە، بە‌شێوەیەکی دڕندانە و لەلایەن سەبازەکانەوە تیرۆرکرا.
قەسەدە، ئاماژەی بەوەشکردووە: هێزەکانمان حیجێ-ی سەر بە شارۆچکەی شییە، چالاکییان لەدژی خاڵێکی سەربازیی سوپای تورک و چەتەکانی ئەنجامدا، لەئەنجامدا خاڵە سەربازییەکە بەتەواویی خاپوورکرا و 8 چەتەش کوژران.
لە کۆتایی ڕاگەیەندراوەکەدا، قەسەدە ڕاگەیاندووە: =KTML_Mark_Begin=لە 24 کاتژمێری ڕابردوودا 32 چەتە و 4 سەربازی سوپای تورک لە 24 کاتژمێری ڕابردوودا کوژراون و 14 چەتە و 2 سەربازیش برینداربوون=KTML_Mark_End=.
بەپێی ڕاگەیەندراوەکەی قەسەدە، لەماوی 24 کاتژمێری ڕابردوودا، هەموو بەرەکانی شەڕ زۆرینەی گوندەکانی کانتۆنی عەفرین، ڕووبەڕووی بۆردوومان و تۆپبارانی سوپای تورک و چەتەکانی بوونەتەوە.[1]
#23-02-2018#