فیدان دۆغان لە #17-01-1982# دا لەناوچەی ئەلبستانی مەڕەش لەدایکبوە. لەگەڵ بنەماڵەکەیدا دەچێتە ئەوروپاو لەوڵاتی فەڕەنسا دەژی. لەشاری ستراسبۆرگ تا ئاستی ناوەندی دەخوێنێت. لەتەمەنێکی منداڵیدا بنەماڵەکەی پەیوەندی بەتەڤگەری ئازادییەوە دەکەن، ئەو لەساڵی 2001وە لەدامودەزگاکانی تەڤگەری ئازادی کورداندا دەست بەخەبات دەکات.
فیدان وەک گەنجێکی چالاک لەناوەندەکانی گەنجان، ژنانو دیبلۆماسیدا خەباتی گرنگ دەکات. پاشان بۆ ماوەیەکی کاتی دێتە چیاکانی باشوری کوردستان. لەئەوروپاش لەڕیزی کۆنگرەی نەتەوەیی کوردستان بەشێوەیەکی زۆر چالاک کار دەکات. فیدان دۆغان لەڕیزی خەباتی ژنانو لەناوەندی دبلۆماسیەتیش کاری دەکرد.
فیدان دۆغان لەگەڵ ساکینە جانسز و لەیلا سۆیلەمەز لە 9ی چلەی ساڵی 2013 لەپاریسی پایتەخی فەڕەنسا کۆمەڵکوژ کران.

بە سەرپەرشتی ڕێکخراوی ژنانی ئازادی کوردستان (رەژاک) نۆهەمین ساڵیادی شەهیدکردنی هەریەکە لە ساکینە جانسز و لەیلا شایلەمز و فیدان دۆغان ئەنجامدرا. لە ساڵیادەکەدا بەیننامەی ڕێکخراوەکە بۆ ئامادەبوان خوێندرایەوە و بە گرنگیەوە باس لە کەسایەتی ئەو سێ شەهیدەکرا کە لە پاریسی پایتەختی فەڕەنسا تیرۆرکران. تارا حسێن، جێگری هاوسەرۆکانی تەڤگەری ئازادی، وتارێکی لەو بارەیەوە پێشکەش کرد و ئاماژەی بە پێگە و کەسایەتی ئەو شەهیدانە کرد. لە مەراسیمەکەدا، خەڵاتی ساکینە جانسز بەخشرایە کۆمەڵەی شۆڕشگێڕی ژنانی ئەفغانستان (RAWA) و خەڵاتی دووەمیش بەخشرایە ژنە پەرلەمانتاری کورد ئایسەل توغلو، کە ئێستا لە زیندانەکانی دەوڵيتی تورکدایە و دۆخی تەندروستی باش نییە. هەردوو خەڵاتەکە لەلایەن دایکانی شەهیدانەوە پێشکەش کران و بەهۆی دۆخی تایبەتی ئەو دوولایەنەی خەڵاتەکەیان پێشکەشکرا بە نوێنەرایەتی وەرگیران.[1]

بۆ یادکردنەوە ساکینجە جانسز(سارا) یەکێک لە دامەزرێنەرانی #پەکەکە#، فیدان دۆغان (ڕۆژبین) نوێنەری کەنەکە و لەیلا شایلەمەز (ڕۆناهی) ئەندامی تەڤگەری گەنجانی کورد لە کەمپی پەنابەرانی شەهید ڕۆستەم جودی (مەخمور) ڕێپێوانێکی جەماوەریی ئەنجامدرا، کە لە 09-01-2013 دا لە پاریسی پایتەختی فەڕەنسا شەهیدکرابوون.
ڕێپێوانەکە کە بە دەستپێشخەری ئەنجومەنی عەشتار سازکرا، لە کاتژمێر 14:00 لەبەردەم ئەنجومەنی خانەوادەی شەهیدان دەستیپێکرد و تاوەکو بەردەم هۆڵ کۆنفڕانس بەردەوام بوو.
لە ڕێپێوانەکەدا پۆستەری سارا، ڕۆژبین و ڕۆناهی شەهیدانی پاریس و سێڤێ دەمیر، پاکیزە نایر و فاتیمە ئویار شەهیدانی بەرخۆدانی خۆبەڕێوەبەری ساڵی 2016 لە شڕنەخ بەرزکرانەوە.
هەروەها ئاڵای کەجەکە، پەکەکە و وێنەی عەبدوڵلا ئۆجالان بەرزکرانەوە. لە ڕێپێوانەکەدا بێ وەستان دروشمی ' بێ سەرۆک ژیان نابێت'، 'بمرێت خیانەت'، ' ژن ژیان ئازادی، سارا ڕۆژبین و ڕۆناهی ' وترانەوە.
چالاکوانان لەبەردەم هۆڵی کۆنفڕانس وەستان و ڕاگەیەنراوێک خوێنرایەوە. بەر لە ڕاگەیەنراوەکە چالاکوانان خولەکێک بۆ گیانی پاکی شەهیدان بە بێدەنگی وەستان.
بە ناوی دانیشتوانی کەمپی مەخمور، فلیز بوداک ئەندامی کۆردیناسیۆنی ئەنجومەنی عەشتار قسەی کرد و ڕایگەیاند، لە کەسایەتی بەرخۆدێر، تێکۆشەر و ئازادیخواز شەهید سارادا یادی هەموو شەهیدانی شۆرش بەڕێزەوە دەکەنەوە و وتی، ئەمڕۆ بۆ شەرمەزارکردن و ڕووڕەشکردنی پیلانگێری شەهیدکردنی سێ ژنی شۆڕشگێر وەک 15ی شوبات کە لە کەسایەتی هەڤاڵ سارادا ئەنجامدرا لێرەین. ئەو ژنانەی داوای ژیانی ئازاد دەکەن، لە بەرانبەر هێرشی سیستمی دەسەڵاتدار، ڕۆحی بەرخۆدان، ڕاپەڕین دەڕژێننە کۆڵانەکان و خۆیان ڕێکدەخەنەوە. ئەو ژنانەی کە پێشەنگایەتی دەکەن، ئەو ژنانەی کە هیوا و بڕوا بە ئازادی ژنان دەبەخشن دەکرێنە ئامانج. یەکێک لەو ژنانەش هەڤاڵ سارا یەکێک لە دامەزرێنەرانی پەکەکە بوو.
بوداک ئاماژەی بەوەکرد کە شەهید سارا لە ڕۆژهەڵاتی ناوەڕاست بوو بە داستان و وتی، دوژمن زیندانەکان بۆ تەسلیمیەت و چۆکدادان و شکاندنی ئیرادەی هێزە شۆڕشگێرەکان بەکار دەهێنێت. بەڵام لە زیندانی #ئامەد# هەڤاڵ سارا لەبەرانبەر کودەتای سەربازی ساڵی 1980دا هێزی تێکۆشانی پیشاندا و لە زینداندا سەرکەوت و بە ئەسەد ئوکتای وت، ئەگەر تۆ ئەسەد ئوکتای منیش ساکینە جانسزم و بەم شێوەیە لە بەرانبەر فاشیزم سەرکەوت و کۆماری تورک تێکشکا. ئەمڕۆ شەهید سارا لە هەموو ڕۆژهەڵاتی ناوەڕاست بووەتە داستان و مانیفیستوی ئازادی ژنان کە لەبەرانبەر سیستم سەری دانەنەواند. شوێن پەنجەی شەهید سارا لە مەخمور زۆرە، شوێن پەنجەی شەهید سارا لە قوتابخانەی مەخمور هەیە. یادەوەری شەهید سارا لای هەموو تاکێکی کەمپی مەخمور هەیە. بە خەبات و ئیرادەی شەهید سارا جارێکی دیکە دوژمن تێکدەشکێنرێت و ڕێکخراوی ژنان سەردەکەوێت و نەتەوەی کورد کە درێژە پێدەری ڕێگەی هەڤاڵ سارەیە سەردەکەوێت.
بوداک لە کۆتایی قسەکانیدا ئاماژەی بە هەڵوێستی دەوڵەتی فەڕەنسا کرد و گوتی، ئەگەر کۆمەڵکوژیەکە ئاشکرا نەکرێت، فەڕەنسا تاوانبارە، پاریس هاوبەشی کۆمەڵکوژیەکەیە. ئێدی پاریس شارێکی خۆشەویست نییە، شاری نادادیە. شارێکە کە نەتوانی ئەڤینی ئازادی شەهید سارا هەڵبگرێت. ئازادی بە تەئکیدی بەشی هێزی گەلی کورد، هزری ڕێبەر ئاپۆ و ڕۆحی شەهید سارا دەبێت.
ڕێپێوانەکە بە دروشمی ' شەهید نامرن'، ' بژی سەرۆک ئاپۆ' و ' بمرێ خیانەت' کۆتایی هات. [1]

دەقی ڕاگەیەندراوەکەی #پەکەکە#:
نۆ ساڵ لەمەوبەر شۆڕشگێڕی گەورە ساکینە جانسز (سارا) و هەڤاڵ ڕۆژبین (فیدان دۆغان) و ڕۆناهی (لەیلا شایلەمەز) لە پاریس شەهیدکران. بەڕێزەوە یادی هەڤاڵە ژنە شۆڕشگێڕەکانمان دەکەینەوە و بەڵێنمان دووپات دەکەینەوە کە کوردستانێکی ئازاد لەسەر هێڵی ئازادیی ژنان بنیات بنێین کە ئەویش داواکاری ئەوان بوو.
ئەو کۆمەڵکوژییە لەلایەن دەوڵەتی تورکی داگیرکەرەوە ئەنجامدرا. بکوژ عومەر گونەی ئەندامی میت بوو. ئەوەی کە فەرمانی ئەو کۆمەڵکوژیەیدا کە لە ناوەندی پاریسدا ئەنجامدرا، حکومەتی دەوڵەتی تورکە بە سەرۆکایەتی تەیب ئەردۆغان. بڕیاری ئەو جۆرە کۆمەڵکوژییە کە دەوڵەتی تورک دەخاتە ژێر تاوانباریەکی قورس و ڕووبەڕووی سزادانی دەکاتەوە، ئەستەم بوو ئیدارەی میت بە تەنیا ئەنجامی بدات. چەند مانگێک پێش ئێستا ناوی 22 سەرکردەی پەکەکە کە لە لیستی کوشتندابوون، لە سەرچاوەکانەوە ئاشکراکران.
هەڤاڵ سارا کرایە ئامانج چونکە یەکێک بوو لە دامەزرێنەرانی پەکەکە و تەڤگەری ئازادیی ژنان. هەڤاڵ سارا بە بەرخۆدانی خۆی لە زیندانەکاندا خۆشەوێستیەکی گەورەی لە دڵی گەلدا کردەوە و بۆیە هێرشی لەبەرانبەر ئەنجامدرا.
دەوڵەتی تورک ڕێبەری ئاپۆ و پەکەکە وەک گەورەترین دوژمن دەبینێت، بۆیە دامەزرێنەرانی پەکەکە دەکرێنە ئامانج. شەهیدکردنی هەڤاڵ سارا هەوڵێکە بۆ تۆڵەسەندنەوە لە تێکۆشانی ئازادیی گەلی کورد. شەهیدکردنی ئەو ژنە شۆڕشگێڕە مەزنانە ئاستی دوژمنایەتی دەوڵەتی تورک بەرامبەر بە کورد نیشان دەدات. چونکە دەیانەوێت هەبوونی کورد لەناوبەرن، ئەوانەی خاوەنداری لە هەبوونی کورد دەکەن، وەک گەورەترین دوژمن دەبینرێن.
دەوڵەتی تورک ڕیسکی زۆری لەبەرچاو گرت و بەم شێوەیە هەڤاڵ سارا و هاوڕێکانی شەهید کرد. ئەوەش قەبارەی تێکۆشانی هەڤاڵی سارا ئاشکرا دەکات. هەڤاڵ سارا وەک تووڕەیی خەڵکی کوردستان و خەڵکی دێرسیم چووە پاڵ گروپی ئاپۆیی و بوو بە یەکێک لە دامەزرێنەرانی پەکەکە. پەیوەندیکردن بە گروپی ئاپۆیی و بەشداریکردن لەدامەزراندنی پەکەکە نیشانەی بوێرییەکی گەورەیە وەک ژنێک، ئەو لە خەباتێکی ئاوا گەورەدا بەشداری کرد و ئەرکێکی گەورەی لە ئەستۆ گرت. ئەمەش دەریدەخات کە هەڤاڵ سارا چۆن کەسایەتییەکی هەیە.
کەسایەتی هەڤاڵ سارا لە بەرخۆدانی زیندانی ژمار 5ی #ئامەد#، بە هەموو تایبەتمەندیەکانیەوە ئاشکرا بوو. هەڤاڵ سارا بە بەرخۆدانی خۆی بۆ هەموو هەڤاڵانی ژن لەنێو قاووشی زینداندا بووە بوێری، هەروەها سەرچاوەیەکی گەورەی مۆڕاڵ بوو بۆ بەرخۆدانی زیندانەکان. لەبەرامبەر فشار و ئەشکەنجەیەکی تونددا میلیمێک لە ئیرادە و هەڵوێستێ خۆی پاشگەز نەبووەوە. هیچ جۆرە فشار و ئەشکەنجەیەک نەیتوانی هەڵوێستەکەی بشکێنێت. گوشار و زوڵم بووە هۆی ئەوەی کە هەڵویستێکی وا بنوێنێت کە تفی لە دوژمن کرد.
هەڤاڵ سارا بەشداری ئەم خەباتە بوو چونکە وڵاتەکەی و گەلەکەی زۆر خۆشدەویست. بە خۆشەویستییەکی زۆرەوە، دڵسۆزیەکی زۆ بۆ حیزب و هەڤاڵانی تا دوا ساتی ژیانی بەرخۆدانی ئازادی بەڕێوەبرد. هەستی ئەو ژنانەی کە 5000 ساڵە بەدەست سەروەری پیاوەوە دەناڵێنن خستە دڵیەوە و لە هەموو ساتێکی ژیانیاندا بۆ سەرکەوتن تێکۆشانی کرد. هەڤاڵ سارا لە هەموو ڕوویەکەوە پەرۆشی تێکۆشانی ئازادیی ژنان بوو. پەرۆشی و حەزی خەباتەکەی هەمیشە وەک گڕکان لەبەردەم دوژمندا تەقیوەتەوە. ژیانی بە خۆشەویستی دەوروبەر و هەڤاڵانی بەسەر برد و وزەی پۆزەتیفی بڵاو کردەوە. ئەو هەڤاڵانەی کە تەنیا بۆ ماوەیەکی کەم ئەویان بینیبوو زۆریان خۆشدەویست و ڕێزیان لە هەڤاڵ سارا دەگرت. یادی هەڤاڵ سارا هەمیشە لە تێکۆشانی ئازادیی گەلی کورد و ژناندا دەمێنێتەوە و وەک یەکێک لە کەسایەتییە ڕەمزییەکانی ئەم خەباتە لە نێو نەمراندا جێگەی خۆی دەگرێت.
ڕۆژبین هەڤاڵێکی دڵپاک بوو کە لە ڕۆژئاوای فوراتەوە ناچاربوو کۆچ بکات بۆ ئەوروپا کە دەوڵەتی تورک هەوڵی کۆچپێکردنی کوردی دەدا لەو ناوچەیە. کاری دیپلۆماسی دەکرد بۆ ئەوەی ببێتە دەنگی گەلی کورد لە ئەوروپا. ڕۆڵی هەبووە لە ناسینی تێکۆشانی ئازادیی گەلی کورد و پێشخستنی تێکۆشانی ڕزگاریی ڕێبەر ئاپۆدا. جێگەی هەڤاڵ ڕۆژبین تاوەکو ئێستاش دیارە.
هاوڕێ ڕۆناهی هاوڕێیەکی لاوی ئێمە بوو کە وەک عەلی چیچک لە دڵیدا ئازار و پەرۆشی و تووڕەیی گەلی کورد هەبوو. بە بەرپرسیارییەتی مسۆگەرکردنی هەبوونی گەلی کورد و ئازادی هەمیشە دەیویست لە پێشەنگی خەباتدا بێت. بۆ ئەوەی شایستەی ئەستێرەی سوری گەلی کورد (عەلی چیچەک) بێت دەستی بە تێکۆشانێکی گەورە کرد.
کەیسی کۆمەڵکوژییەکەی پاریس کەیسی هەموو ژنانی جیهانە
هەرچەندە هەڤاڵ سارا و فیدان و ڕۆناهی لە ناوەندی پاریس کۆمەڵکوژکران، بەڵام سیستەمی دادوەریی فەرەنسا، دەوڵەتی تورک و ئەوانەی فەرمانی ئەو کۆمەڵکوژییەیان دا ڕاپێچی دادگا نەکرد. دادپەروەری لە پێناو بەرژەوەندی ئابووری و سیاسی وەلاوەنراوە. ئەگەر دەوڵەتێک دادپەروەری بخاتە لاوە، ئەو دەوڵەتە لە ڕووی بەها ئەخلاقییەکانی لاواز بووە. تا فەرەنسا ئەنجامدەرانی ڕاستەقینەی ئەم کوشتارە دادگایی نەکات، هەمیشە وەک دەوڵەتێک دەبینرێت کە لە ڕووی دادوەریەوە لاوازە. دەزگا فەرمیە فەڕەنسیەکان لەوانەیە دادپەروەری بۆ بەرژەوەندی خۆیان وەلا بنێن، بەڵام چاوەڕوانی ئێمە ئەوەیە کە گەل و هێزە دیموکراتەکانی فەرەنسا وەک خاوەنی ڕاستەقینەی ئەم کەیسە هەڵوێست وەربگرن و هەوڵ بدەن ئەنجامدەرانی ڕاستەقینەی کۆمەڵکوژیەکە دادگایی بکرێن. کەیسی کۆمەڵکوژی پاریس تەنیا بۆ دیمۆکراتەکانی کورد و فەڕەنسی نییە، بەڵکو کەیسی ژنانی جیهانە. ئێمە لەو باوەڕەداین کە ژنان لە هەموو جیهاندا خاوەنداری لەم کەیسە دەکەن و هەوڵی دادگاییکردنی ئەنجامدەرانی دەدەن.
گەلی کورد دەست لە ئەنجامدەرانی ئەم کۆمەڵکوژییە ئەو کەسانەی کە فەرمانی کۆمەڵکوژییان داوە هەڵناگرێت، بەئازادکردنی کوردستان و دیموکراتیزەکردنی تورکیا بەتوندی وەڵامی ئەو کۆمەڵکوژییە دەداتەوە. بێگومان دادگاییکردنی بکوژان ئەرکی سەرەکی دەبێت بۆ گەلی کورد و ژنان.
ئێمە بە ڕێزەوە یادی ئەو هەڤاڵانە دەکەینەوە کە لە 9ی کانوونی دووەم لە پاریس شەهید بوون و بەڵێنی خۆمان دووپات دەکەینەوە کە بە فراوانکردنی تێکۆشان خاوەنداری لە داواکاری حەسرەتی ئەوان دەکەین.
هەروەها بە ڕێز و خۆشەویستیەوە یادی هەڤاڵ ڕوبار و خەلیل و موراد دەکەینەوە کە لە 6ی کانوونی دووەمی 2017دا لە هێرش ئاسمانی دەوڵەتی تورکدا شەهید بوون. ئاڵای خەباتیان ئەمڕۆ لە هەموو دەڤەرێکی کوردستان دەشەکێتەوە.
هەروەها بەڕێزەوە یادی سێڤێ دەمیر و پاکیزە نایر و فاتیمە ئویار تێکۆشەرانی بەرێوەبەری دەکەینەوە کە لە مانگی تشرینی دووەمدا شەهید بوون. بەڵێنی خۆمان دووپات دەکەنەوە کە خاوەنداری لە تێکۆشانی ئازادی بوێری شەهیدان دەکەین و کوردستانێکی ئازاد و تورکیا و ڕۆژهەڵاتی ناوەڕاستی دیموکراتی بنیات دەنێێن کە داواکاری و حەسرەتی شەهیدانە.[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی ڕاگەیەندراوەکەی کەژەکە:
ئێمە لە نۆیەمین ساڵیادی شەهیدبوونی ساکینە جانسز کادری پێشەنگی #پەکەکە# و تەڤگەری ژنانی کورد، فیدان دۆغان نوێنەری دبلۆماسی و لەیلا شایلەمەز ئەندامی بزووتنەوەی گەنجانداین کە لەلایەن میتی تورکەوە بە فەرمانی سەرۆکی فاشیستی ئاکەپە تەیب ئەردۆغان لە 9ی تشرینی دووەمی 2013دا لە پاریس شەهیدکران.
ئەزموونی ژیانی هەڤاڵ ساکینە جانسز مێژووی ژنانی کوردە. هەموو ساتێکی ژیان کە لە کەسایەتی هاوڕێی ساکینە جانسزدا بینرا داواکاری بۆ ئازادیە. ئەمە ژیانێکی فیدایی داخوازی ئازادیە. هەڤاڵ ساکینە قارەمانانە شێوازەکانی ژیانی سیستەمی سەرمایەداری و ئەو نەریتەی کە ژن کۆیلە دەکات پچڕاند و بووە گەورەترین بەرخۆدانی ژنان زیندانە تاریکەکانی 12ی ئەیلولی ڕۆناک کردەوە. هەڤاڵ ساکینە بەبەشداریی خۆی سەرچاوەی سوودبەخشینی بزووتنەوەکەمان و گەلەکەمان بوو. بە سەرکەوتوویی نوێنەرایەتی ژنی قارەمانی کورد دەکات لە ژیانیدا، هەروەها #شەڕڤان#ێکی خۆبەخشی ئازادی بوو. ئەو هەرگیز دەستبەرداری بەرخۆدان نەبوو و بە سووربوونی خۆی هەمیشە پێشەنگی تێکۆشانی ئازادیی ژنان و گەلەکەمان بوو. نیشانی داین کە چۆن ژنێک لە ژیاندا ئازاد دەکرێت و بەم شێوەیە ژنێکی بەهێز لە ژیاندا دروست دەبێت. ئەمە نموونەیەک بوو بۆ ئێمە. لەسەر ئەم بنەمایە لە کەسایەتی ساکینە جانسز و فیدان دۆغان و لەیلا شایلەمەز هەموو ژنە شەهیدەکانمان بە ڕێز و خۆشەویستی و سوپاسەوە بەبیر دەهێنینەوە. ژنە شەهیدەکانمان میراتێکی گەورەی بەرخۆدان و ئازادیان بۆ ئێمە بەجێ هێشت. ئێمە شایستەی بیرەوەرییەکانی ئەوان دەبین. بێگومان سەردەکەوین.
ئەو کۆمەڵکوژیە قێزەونە لە پاریس جارێکی تر ڕووی ڕاستەقینەی دەوڵەتانی وەک فەرەنسا و ئەڵمانیای ئاشکرا کرد. هەرچەندە نۆ ساڵ تێپەڕیوە بەڵام هێشتا کۆمەڵکوژیەکە ڕوون نەکراوەتەوە کە ئەمە جگە لە خواستی پەردەپۆشکردنی ڕاستی و ئەم تاوانە گەورەیە هیچی تر ناگەیەنێت. ئەو دەوڵەتانە کە خۆیان بە پێشکەوتنخواز و دیموکرات و ئازاد دەبینن، پێوەرەکانی یاسا و دادپەروەرییان پێشێل کردووە بۆ ئەوەی سزای تاوانبارانی کۆمەڵکوژییەکەی پاریس نەدرێت. بەم شێوەیە نیشانیاندا کە چۆن لە تێکۆشانی ئازادیی گەلی کورد و تەڤگەری ئازادیی ژنانی ئێمە نزیک دەبنەوە. بۆیە نەک هەر دەوڵەتی تورک بەڵکو فەرەنسا و ئەڵمانیاش کە سیستەمی مۆدێرنیتەی کاپیتالیزمن بەرپرسیارن لە کۆمەڵکوژییەکەی 9ی کانوونی دووەم لە پاریس. بۆیە لەگەڵ بەرپرسانی سەرەکی ئەم کۆمەڵکوژییە فەرەنسا و ئەڵمانیاش شەرمەزار دەکەین.
هێڵی ئازادی و بەهاکان کە لەلایەن هەڤاڵان ساکینە جانسز و فیدان دۆغان و لەیلا شایلەمەزەوە نوێنەرایەتی دەکرێن، بەهای جیهانین. دەیانویست ژیانێکی ئازاد و یەکسان بۆ مرۆڤایەتی و ژنان دروست بکەن. هێرشکردنە سەر ئەو ژنانەی کە بەها جیهانییەکانی لەو جۆرەیان لە کەسایەتی خۆیاندا هەڵگرتبوو، جارێکی تر ڕووی قێزەونی سیستمی حوکمڕانی و دەوڵەتداریان خستەڕوو. بۆیە لە کەسایەتی ئەو هەڤاڵانەدا، هێرش کرایە سەر ژنانی جیهان کە هەوڵی ئازادی ژنان و گەلان دەدەن.
ژنانی کورد هەمیشە لەسایەی ڕێبازی ئازادی سەرۆک ئاپۆ بەرەو پێشەوە چوون. لە سەرەتای دامەزراندنی پەکەکەوە لە ڕیزی پێشەوەی تێکۆشان و بەرخۆداندا جێگەی خۆیان گرت. تەڤگەری ئازادی ژنانی ئێمە کە بە ساکینە جانسز دەستی پێکرد، ئەمڕۆ لەسەر بنەمای پارتیبوون و سوپای ژنان گەیشتووەتە ئاستی بنیاتنانی کۆنفیدرالیزمی ژنانی دیموکرات. لەگەڵ شۆڕشی ڕۆژاڤادا شۆڕشی ژنان بەڕێوە دەچێت. بۆیە سەرکردایەتی شۆڕشی ژنان دەکەن. بە کارەکانمان بووینە سەرچاوەی سوود وەرگرتن بۆ بزاڤە ئازادیخوازەکان و بزووتنەوەی ژنان لە هەموو جیهاندا.
بۆیە دەوڵەتی تورکی فاشیست کە دوژمنی ژنان و گەلانە، پشت بە ئەمریکا و ئەوروپا دەبەستێت و بە بەردەوامی هێرش دەکاتە سەر بزووتنەوەی ڕزگاریخوازی ژنان.
ئەو عەقڵییەتەی ساکینە جانسز و فیدان دۆغان و لەیلا شایلەمەزی شەهید کرد، پاشان پشتگیری #داعش#ی کرد و سەرکردایەتی داعشی کرد و ڕۆڵی سەرەکیان لە کۆمەڵکوژیی ژناندا بینی، هێشتاش هەمان ڕۆڵ دەبینێت. ئەو عەقڵییەتیە بەرپرسیارە لە کۆمەڵکوژیی ژنانی شەنگال لە ساڵی 2014دا تاوەکو ڕفاندن و دەستدرێژیکردنە سەر ژنان لە #عەفرین# لە ساڵی 2018ەوە کە تاوەکو ئێستاش بەردەوامە.
لە باکوری کوردستان چەندین ساڵە هێرش دەکرێتە سەر ژنان. ڕۆژی 4ی کانوونی دووەمی 2016 لە کەسایەتی سێڤێ دەمیر و پاکیزە نایر و فاتمە ئویاردا وڵامی ئەو ژنانەیان دایە کە بەرخۆدانیان دەکرد. ویستیان کە ئەو پەیامە بدەن کە ئەگەر بەرگری بکەیت، ئەوا کۆمەڵکوژ دەکرێن. سەرەڕای هێرشەکان بە هەموو شێوەیەک ژنان هەمیشە ڕاپەڕین و بەرخۆدانیان کردووە. ئەمڕۆ کۆمەڵکوژی دژی ژنان بەردەوامە. کوشتنی دەنیز پۆیرازی #هەدەپە#یی، کردەوەی تایبەت لە دژی ژنانی کورد لە زیندانەکان لەسەر ئاستی ئەشکەنجە بەردەوامە. لە ئەنجامی ئەم کردەوانەدا غەریبە گەزەر لە 9ی کانوونی یەکەمی 2021دا لە زیندان شەهیدکرا.
نەک هەر لەباکوری کوردستان هێرش دەکاتە سەر ژنان لەهەموو ناوچەیەک کە بتوانێت خۆی بگەیەنێت هێرش بەردەوامە. لە ڕۆژئاوا لە ساڵی 2019دادا هەڤرین خەلەف، لە ساڵی 2020 لەیلا ئاکگری، ساڵی 2021 لە #حەسەکە#، بەڕێوەبەرانی کۆمەڵەی ژنان، هیند و سەنی عەرەب، هەروەها سێ ژنی گەنج بە ناوەکانی ڤیان و نوژیان و ڕۆژین لە کۆبانێ کۆمەڵکوژکران. ئێمە بە ڕێزەوە یادی ئەو شەهیدانە دەکەینەوە. ژیان و ئامانجەکانی شەهیدان سەرچاوەی سەرەکی هێزن بۆ ئێمە. هەموو ئەمانە ئەوە دەردەخات کە بزووتنەوەی ژنانی کورد و سەرکردەکانی لەلایەن دەوڵەتی تورکەوە دەکرێنە ئامانج.
لەگەڵ ئەو کۆمەڵکوژییەی کە لە کەسایەتی هەڤاڵ ساکینە جانسزدا ئەنجامدرا، دەوڵەتی تورک چەندین پەیامی ڕۆژانە و مێژوویی دا بە گەلەکەمان و ژنانی خۆڕاگر. وەک دەزانرێت دەوڵەتی تورک لە باکوری کوردستان ویستی بە کۆمەڵکوژیی دێرسیم بە تەواوی کۆتایی بە پرسی کورد بهێنێت. هەنگاوی ئازادی پەکەکە ئەم پلانەی پووچەڵ کردەوە. واقیعی ژنانی کورد، کوردێکی تێگەیشتوو و ڕێکخراوەیی دروست کرد. هەڤاڵ ساکینە جانسز یەکێک بوو لەو هەڤاڵە بێوێنەیانەی کە باوەڕی بە ئازادی گەلەکەمان و ژنان و مرۆڤایەتی هەبوو. ئەو شەڕڤانێکی پێشەنگ بوو کە دڵسۆزانە باوەڕی بە ئاشتی و پێکەوەژیانی گەلان هەبوو. ساکینە جانسز و پاشان دەیان ژن کە باوەڕیان بەم بزووتنەوەیە هەبوو لەسەر ئەم بنەمایە کرانە ئامانج. بەهەزاران ژنی چالاک بەناحەقی و بێئەخلاقی دەستگیرکران. سەدان گەریلای ژن شەهید بوون. کچانی لاوی کورد لەسەر بنەمای سیاسەتی شەڕی تایبەت بە کاری لەشفرۆشی و دەرمان و سیخوڕی و دەستدرێژی سێکسی کرانە ئامانج. دەوڵەتی تورک لە ڕێگەی ئەو سیاسەتە دڕندانە و قێزەون و نائەخلاقی و بێویژدانیەوە هێرشی کردە سەر دۆز و هێڵی ئازادی ژنان. لە کەسایەتی ژنانی کورددا ئەمڕۆ ژنانی کورد بە شۆڕشی ڕۆژئاوا پێشەنگی تەڤگەری ئازادی ژنان لە ڕۆژهەڵاتی ناوەڕاست و جیهان دەکەن. سیاسەتەکانی دەوڵەتی ئاکەپە – مەهەپە لە دژی ژنان نەک تەنها دژی بزووتنەوەی ژنانی کوردە، بەڵکو دژی هێڵی ئازادی جیهانی ژنانە لە کەسایەتی ژنانی کورددا.
هەرچەندە سیستەمی مۆدێرنیتەی سەرمایەداری بە هەموو شێوەیەک پشتگیری لە حکومەتی فاشیستی ئاکەپە - مەهەپە دەکات، بەڵام بە شێوەیەکی سەرەکی بەرخۆدانی ژنانی یەژا ستار و هەڤاڵانی زیندان، دایکانمان و ژنانی گەنج لە هەموو ئەو جێگەیانەی کە بزووتنەوەکەمان لەوێیە بەردەوامە.
هەڤاڵ ساکینە جانسز ڕێبەری بزووتنەوەی ژنانی کوردە. ئێمە خاوەن هەستێکی گەورەین بۆ تۆڵەسەندنەوەی کۆمەڵکوژیەکە. ئێمە قبوڵی ناکەین و تۆڕەین لەوەی ئەم کەیسە لە تاریکیدا ماوەتەوە. ژنان لە ئەوروپا، هاوڕێیانی ئێمە، هەمیشە لە تێکۆشاندان بۆ ئەوەی بکوژەکان سزا بدەن. سڵاو و ڕێزەو و خۆشەویستی خۆمان ئاڕاستەی گەلەکەمان لە ئەوروپا و ژنان و دۆستانی نێودەوڵەتیمان دەکەین کە هەوڵی ئاشکراکردنی ئەم کەیسە دەدەن.
خۆشەویستی و بەشداری لەخەباتی ئازادی ژنان لەجیهان و ڕۆژهەڵاتی ناوەڕاست و کوردستان ڕۆژ لەدوای ڕۆژ ڕوو لەزیادبوون دەکات. ئەمەش هێزە دەسەڵاتدارە پیاوسالارەکان دەترسێنێت. لایەنی لاوازی سیستەمی مۆدێرنیتەی کاپیتالیزم، خەباتە بۆ ئازادی ژنان. کاپیتالیزم سیستمێکی نێرسالارانەی دامەزراند بۆ داگیر کردنی خەڵک و ژنان، بە قێزەونکردنی خۆشەویستی و عەشق، سیستمی پیاوسالاری دامەزرند. ئێمە لەگەڵ هاوڕێکانمان گەورەترین تۆڵە لەم سیستەمە دەکەینەوە لە سەدەی 21 دا. بە بەرخۆدانی تەڤگەری ئازادیی ژن، لەگەڵ ئەو بزووتنەوانەی لە دژی سیستم کار دەکەن و ژیانێکی یەکسان ئازادیان دەوێت، بە فکر و ڕێکخراوەیی و وەک بەشێک لە خەباتێکی گەردونی، هەموو ڕۆژێک سەرلەنوێ ژیان بنیات دەنێین.
حەز و باوەڕی ئێمە بەئازادی گەورەیە. ژنانی کورد ڕوویان لەئازادی و سەرکەوتن کردووە. هیچ هێزێک ئەمڕۆ ناتوانێت لە بەرامبەر ویست و هەستی ژیانی یەکسان و ئازادی ژنان بوەستێتەوە. وەک ساکینە جانسز هەمیشە بەرخۆدان دەکەین و ژیانێکی ئازاد و یەکسان و شکۆمەندانە بۆ ژنان و هەموو گەلان بەدەست دێنین. سەرکەوتن بۆ ژنان دەبێت کە بۆ ئازادی بەرخۆدان دەکەن.[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!