جاران پەناگای شەوانم
ئامێزی ئاوەڵای ژن بوو
گەرمی و نەرمی ئەو ئامێزە
مایەی حەسانەوەی من بوو
***
دەردی ژیان، ڕەنجی خەبات
ماندووبوونی ڕۆژی ناخۆش
بە شەو لە ئامێزی ئەودا
هەمووم دەکردن فەرامۆش
***
نیگای چاوی، بزەی لێوی
برینی دەکردم ساڕێژ
برینی ئەو دڵەی دوژمن
بەتیر دەیکرد دابێژ دابێژ
***
نازی، تۆرانی، زیزبوونی
لاواندنەوەی، ئاشتبوونەوەی
هەموو لە جێی خۆی شیرین بوون
زۆر سەختە لەبیرچوونەوەی
***
بەڵێ سەختە، یەکجار سەختە
دووری لە ژن، نامرادی
بەڵام لە ژن خۆشەویستتر
لە لای من، ئەتۆی ئازادی
هۆزانەوان: #هێمن موکریانی#
دیوان: #تاریک و ڕوون# [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 443 ganger
Skriv din kommentar om dette elementet!