$ژیاننامە$
-ناوی تەواوی (ئاراس عومەر فەتحوڵڵا کاوێس مەلاک) ە، نەوەی بایەزید بەگی شێخانی بن داسنییە، زیاتر لە 200 ساڵ لەمەوبەر باوانی هاتونەتە گوندی #ئیلنجاغی گەورە# و ئاوەدانیانکردووەتەوە، ساڵی 1976 لە خانەوادەیەکی کشتیاری مەڕلەوڕێن لە گوندی (ئیلنجاغی گەورەی شێخانان- شارۆچکەی #تەقتەق#- شارۆچکەی #کۆیە#) هاتۆتە ژیانەوە، لە تەمەنی (3-4) ساڵی بەهۆی بوونی نەوتەوە لەگوندەکەیان دەردەکرێن و ئاوارەی هەولێر و کۆیە و دواجار لە ساڵی 1981ەوە لە (تەقتەق) نیشتەجێ بووە و لەوێ پەروەردە بووە بەڕەنج وبازووی باوکێکی جۆڵا و دایکێکی تەونکاری ماندوو:
$خوێندن$
1-قۆناغەکانی خوێندنی (سەرەتایی1982-1988 و ناوەندی 1989-1991و ئامادەیی1992-1994) لە شارۆچکەی (تەقتەق) تەواوکردووە.
2-بڕوانامەی بەکالۆریۆسی لە #زانکۆی سەڵاحەدین#، کۆلیژی ئاداب، بەشی جوگرافیا لە ساڵی (1997-1998) بەدەستهێناوە.
3-لە (20-10-1998) لەخوێندنگەی (ناوەندی تەواوکاری ئیلنجاغی گەورە) بەپیشەی مامۆستا دامەزراوە.
$کاری ڕۆژنامەنووسی$
1- لە هاوینی ساڵی (2000) بۆ یەکەمجار لەرۆژنامەی (#هەنگاو#) ی لۆکاڵی کە کۆمەڵێک گەنج ولاوی #حزبی زەحمەتکێشانی کوردستان# لە ناوچەی تەقتەق دەریانکردووە، {div class="ArticlePhoto" style="width:width:20%;height:20%;float:right;"}{img alt="" src="https://www.kurdipedia.org/files/relatedfiles/2012/73895/0009.JPG" style="width:100%;" onclick="Galarry(0,[[this.src, this.title]]);" title="ئاراس ئیلنجاغی"}{p class="textShadow media" style="cursor:default;text-align:center;color:rgb(0,0,0);"}ئاراس ئیلنجاغی{/p}{/div}یەکەم بابەتی بە ناونیشانی (تورک وسیاسەتی بەئاو کردنی کوردستان) بڵاوکردووەتەوە.
2- دەستەی نووسەرانی مانگنامەی (تەقتەق) بووە لە ماوەی ساڵانی (2001-2002) کە بەڕێوەبەرایەتی شارەدێی تەقتەق دەری دەچواند.
3-هاوکار و پەیامنێری ڕۆژنامەی (#ڕێگای کوردستان#) ی زمانحاڵی حزبی شیوعی کوردستان بووە لە ساڵی (2001-2002) .
4-سەرنووسەری ڕۆژنامەی (#تاک) # بووە لە ماوەی ساڵانی (2004-2008) کە ناوەندی ڕۆشنبیری تەقتەق مانگانە دەریدەکرد.
5-پەیامنێری (#کوردستانی نوێ#) ی زمانحاڵی #یەکێتیی نیشتمانیی کوردستان# بووە لە ماوەی ساڵانی (2008-2011)
6-پەیامنێری گۆڤاری (بەڵگە) بووە لە ساڵی (2009-2010)
7-سەرپەرشتیاری وەشاننامەی (تەقتەقی نوێ) بووە ساڵی 2009.
8-پەیامنێری ماڵپەڕی (پی یو کەی میدیا) ی یەکێتیی نیشتمانیی کوردستان بووە لە ماوەی (2010-2011)
9-پەیامنێری ماڵپەڕی (وشە) بووە لە ماوەی (2014-2015)
10-پەیامنێری هەفتە نامەی (وشە) بووە لە ماوەی (2014-2015)
11-سەرنووسەری گۆڤاری (#دکتۆر ڕەئوف#) ی پەروەردەیی بووە لەنێوان ساڵانی (2015-2019)
12-هاوکارانی (#کوردیپێدیا#) یە لە ساڵی 2017ەوە.
13-لەبڵاوکراوە و ڕۆژنامەکانی (هەنگاو، تەقتەق، هاموون، خەرمان، تەقتەقی نوێ، ئامانج، ڕێگا، تاک، ڕێگای کوردستان، ڕزگاری، کوردستانی نوێ، ماڵپەڕی پیوکەی میدیا، ماڵپەڕی وشە، هەفتەنامەی وشە، گۆڤاری چاوی گەنج، گۆڤاری #کەکۆن#، گۆڤاری ساڵانەی دکتۆر ڕەئوف، کوردیپێدیا) بابەتی جۆراوجۆری بڵاوکردووەتەوە.
$ڕێکخراوەیی$
1-لە دامەزرێنەرانی (ناوەندی ڕۆشنبیری تەقتەق) ە لە ساڵی 2004ز.
2-ئەندامی بەشداری لقی سلێمانی (#سەندیکای ڕۆژنامەنووسانی کوردستان#) ە لە ساڵی 2008ەوە.
3-ئەندامی (#بنکەی خێرخوازی دکتۆر ڕەئوف#) بووە لە ساڵی 2010 ەوە و بەڕێوەبەری هەمان بنکە بووە لەنێوان ساڵانی (2015-2019) .
4- ئەندامی (کۆمەڵەی ئینسایکلۆپیدیای کوردستان) ە و لە هەردوو کۆنفراسی (2012-2014) کۆمەڵەکە بەشداربووە.
5-ئەندامی بنکەی کۆیەی ڕووناکبیری گەلاوێژە لە ساڵی 2012ەوە.
$بواری نووسین$
جگە لەوەی بابەتێکی لەسەر (شارۆچکەی تەقتەق) بۆ ئینسکلۆپێدیای شاری هەولێر نووسیووە، دەستنووسی ئامادەکراویشی بۆ ئنسکلۆپێدیای کۆیە تایبەت بە هەردوو شارەدێی سێگردکان و تەقتەق ئامادەکردووە بۆ کۆمەڵەی ئینسایکلۆپێدیای کوردستان، هەروەها (1) دەستنووسی ئامادەکراوی هەیە بۆ چاپ بەناوەکانی:
1- دەسکەنە، کۆمەڵێک بابەتی جۆراوجۆری بڵاوکراوەی ڕۆژنامە و گۆڤارەکان و بابەتی بڵاونەکراوەیە.
تا ئەمڕۆِ (9) بەرهەمی چاپ و بڵاوکراوەتەوە وەک:
1-#تەق تەق پەلکەزێڕینەی کەنار زێی بچووک# ، تیراژ 500 دانە، چاپخانەی یاد، سلێمانی، مایسی 2007ز.
2-#حاجی کرمانجێک لەوپەڕی مەزنیدا#، تیراژ 1000دانە، چاپخانەی پەیوەند، سلێمانی، شوباتی 2012ز.
3-#کەسایەتی دکتۆر ڕەئوف؛ ژیان و کار و هەڵوێستی مرۆڤدۆستانەی#، تیراژ1000دانە، چاپخانەی کەمال، سلێمانی، مایسی 2012ز.
4-#پارتیزانەکانی کەرکووک#، بەدواداچون وبیرەوەری، تیراژ1000دانە، چاپخانەی کەمال، سلێمانی، ئابی 2012ز.
5-#ساتوقەڵا هەرێمی ئیدۆ#، تیراژ500دانە، چاپخانەی کەمال، سلێمانی، شوباتی 2013ز.
6-#سێگردکان و سێبەرنشینەکانی#، تیراژ500دانە، چاپخانەی یاد، سلێمانی، کانونی دووەمی 2014ز.
7-#زێودەر#، لێکۆڵینەوەیەکی مەیدانی مێژوویی و جوگرافی و ئابووری و کۆمەڵایەتی، تیراژ500دانە، چاپخانەی یاد، سلێمانی، تشرینی یەکەمی 2014ز.
8-#مێرجاڕ#، لێکۆڵینەوەیەکی مێژویی و سیاسی یە، لەسەر 50ساڵ خەباتی ئیلنجاغیەکان (1940-1990) .
9-#ئاراسنامە#، شیکردنەوەی پەند وئیدیۆمی کۆکراوەیە لە کوردیپێدیادا تۆمارێکی داتابەیسی-دیجیتاڵیە بە هاوکاری هاوکارانی بڵاوکراوەتەوە.
10- سەرپەرشتیاری پەروەردەیی لە بەردەم گۆڕانکاری نوێدا، 2019 لەکوردیپێدیادا بڵاوکراوەتەوە.
11-#فەرهەنگی دەشتودەری کۆیە#، 2025.