$باکووری کوردستان$
- هاوسەرۆکی #هەدەپە#، #سەزای تەمەلی# دەربارەی بڕیارەکەی ویلایەتەیەکگرتووەکانی ئەمەریکا بۆ کشانەوەی هێزەکانیان لە سووریا ڕایگەیاند، با هەموو هێزە دەرەکییەکان لە سووریا بکشێنەوە بە تورکیا و ڕووسیاشەوە.[5]
- دانیشتنی دادگەیی کردنی ڕۆژنامەوانانی ڕۆژنامەی (ئۆزگور گوندەم) حوسێن ئایکۆل، زانا کایا، ئینان کزلکایا و سیاسەتمەداری کورد #خەتیب دیجلە# لە دووەمین دادگەی سزادانی ئیستەنبووڵ بەڕێوەچوو. لە دانیشتنەکەدا ڕۆژنامەوانان ئایکۆل، کایا و کزلکایا هەروەها سیاسەتمەدار خەتیب دیجلە ئامادە نەبوون. لە بری ئەوان پارێزەرەکانیان ئامادە بوون. نوێنەری ڕێکخراوی پەیامنێرانی بێسنوور (RSF) لە تورکیا ئەرۆل ئۆنەرئۆغلو و پەیامنێرانی دەزگەکانی ڕاگەیاندن چاودێری دانیشتنەکەیان کرد. دەستەی دادگە دانیشتنەکەی بۆ 21ی شوباتی 2019 دواخست.[5]
$رۆژهەڵاتی کوردستان$
- مستەفا عەلیپوور، باوکی هووشمەند عەلیپوور، زیندانیی سیاسیی کورد، لە نامەیەکدا ڕوو بە خەڵکی کوردستان داوای کرد، که بۆ ئازادکرانی هووشمەند عەلیپوور و محەممەد ئوستادقادر هەوڵ بدەن و گیانیان لە مەترسی ڕزگار بکەن.[2]
- #ئومید شامحەمەدی# مامۆستای کوردی خەڵکی شاری #دیواندەرە#، پاش 40 ڕۆژ لە دەستبەسەرکرانی، بە دانانی بارمتەی 100 میلیۆن تمەنی ئازاد کرا.[2]
- لە ناوچەی دەشتە بێلی #شنۆ#، کاروانێک لە کۆڵبەران دەکەونە بەر دەستڕێژی هێزە نیزامییەکانی حکوومەتی ئێران و لە ئاکامدا کۆڵبەرێک بە ناوی عەلی مامەند بە تۆندی بریندار دەبێت.[2]
- لاوێکی کورد بە ناوی عوسمان فەرەجی، خەڵکی شاری #بانه# لە لایەن هێزە ئیتلاعاتییەکانەوە دەسبەسەر کرا و بۆ شوێنێکی نادیار ڕاگوێزرا.[2]
$باشووری کوردستان$
- دوای چەندجارێک هۆشداریدان بەحکومەتی عێراق بۆ ئەوەی مووچەکانیان خەرجبکات، دواجار هێزەکەی کاکەییەکان لەچوارچێوەی #حەشدی شەعبی#دا سەنگەرەکانیان لە باشووری #کەرکووک# بەجێهێشت.[1]
- ژنێک لە #کەلار# خۆی سوتاند و بەهۆی زۆری سوتاوییەکەیەوە ڕەوانەی نەخۆشخانەی سوتاوی لە #سلێمانی# کرا.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/161316/0008.JPG=KTML_ImageCaption_Title=بەڕێوەچوونی شەوی یەڵدا لە سلێمانی=KTML_ImageCaption_CaptionStyle=000000=KTML_ImageCaption_Caption=بەڕێوەچوونی شەوی یەڵدا لە سلێمانی=KTML_ImageCaption_End=
- بەپێی ڕاگەیەنراوێکی بەڕێوەبەرایەتی گشتی کەشناسی و بومەلەرزەزانی هەرێمی کوردستان شەوی ڕابردوو سەعات 12:17 دەقیقەی شه و بومەلەرزەیەک بەگوڕی 3.5 پلەی ڕێختەر بەدووری 24 کم لە#ئاکرێ#وە ڕوویدا.[3]
- #محەمەد زاخۆیی# ئەندامی #تەڤگەری ئازادیی کۆمەڵگەی کوردستان#، لەلایەن ئاسایشی #دهۆک#ەوە ئازادکرا.[6]
- هەڵمەتی کوتانی منداڵان دژی نەخۆشی ئیفلیجی دەستپێدەکات و تەندروستی سلێمانیش دەڵێت هەڵمەتەکە پێج ڕۆژ بەردەوامدەبێت و منداڵانی خوار تەمەن پێنج ساڵ دەگرێتەوە.[3]
- لە دوای کۆتاییهاتنی یاریی نێوان یانەی ڕزگاری و یانەی #خانەقین# لە شارۆچکەی ڕزگاری، لەلایەن هەندێک کەسەوە کە خۆیان وەکو هاندەری یانەی ڕزگای پیشانداوە، هێرشکرایە سەر ئۆتۆمبێلی یاریزانانی یانە خانەقین. به و هۆیەشەوە شەش یاریزان بریندار بوون.[4]
- لە سلێمانی بەچالاکی جۆراوجۆر یادی #شەوی یەڵدا# دەکرێتەوە کە درێژترین شەوی ساڵە.[3]
- هەڵبژاردنی چوارەمین شاجوانی کوردستان لەنێوان 107 بەشداربوو بەڕێوەچوو، #سانا مەحمود# لە شاری #هەڵەبجە# وەک شاجوان هەڵبژێردرا.[7]
$رۆژئاوای کوردستان$
- وتەبێژی #تەڤدەم# ڕاگەیاند: هێزەکانی سوریای دیموکرات، دەربارەی کشانەوەی هێزەکانی ئەمریکا لە سوریا هەڵوێستی ڕەسمی خۆیان ڕانەگەیاندووە، هەر وتەیەک بەناوی ئه و هێزەوە بڵاوکرابێتەوە ڕاست نییە.[1]
- بۆ ئیدانەکردنی مامەڵەی قێزەونی نێوان بەڕێوەبەریی ئەمریکا و تورکیا بەرامبەر بە گەلانی باکوو و ڕۆژهەڵاتی سوریا، لە بەردەم بارەگای هێزەکانی هاوپەیمانیی نێودەوڵەتیی دژ بە داعش لە #کۆبانی# کۆدەبنەوە.[5]
- قەسەدە، ڕایگەیاند، کە هێشتا شەڕی داعش بەردەوامە و بڕیاری کشانەوەی هێزەکانی ئەمریکا، بۆشایی سیاسیی و سەربازیی دروست دەکات.[6]
$دەرەوەی کوردستان$=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/161316/0020.JPG=KTML_ImageCaption_Title=لە گاڵتەوگەپەکانی ئەمڕۆ: 20-12-2018=KTML_ImageCaption_CaptionStyle=000000=KTML_ImageCaption_Caption=لە گاڵتەوگەپەکانی ئەمڕۆ: 20-12-2018=KTML_ImageCaption_End=
- لیندسی گراهام، سیناتۆری ئەمریکی پەیوەست بە ڕاگەیاندنی کشانەوەی هێزەکانی ئەمریکا لە سوریا، دەڵێت: ئەوانەی دەڵێن هێزەکانی #داعش#مان لە سوریا بە یەکجاریی لەناوبردووە، ئەمە لێدوانێکی ڕاست نییە، بەڵکو تەنیا توانراوە زیانیان پێبگەیەنرێت و تواناکانیان کەمبکرێتەوە، ئەوەش دوای ئەوەی هەموو توانایەک خرایە بەردەستی هێزەکانمان بۆ بەرەنگاربوونەوەی داعش، بەڵام ڕازی نیم بوترێت کۆتایی بە داعش هێنراوە لە عێراق و سوریا.[1]
- دۆناڵد ترەمپ بەرگری لە بڕیاری کشانەوە لە سووریا دەکات و دەڵێت ئێمە پۆلیسی ڕۆژهەڵاتی نێوەڕاست نین. دەشڵێت، ڕووسیا و ئێران خۆشحاڵ نین ئەمریکا سووریای جێهێشتووە چونکە دەبێ لەمەودوا خۆیان شەڕی داعش بکەن.[4]
- سەرۆکی ڕوسیا ڕایگەیاند: بوونی هێزە سەربازییەکانی ئەمریکا لە سوریا ناڕەوایە و کشانەوەی ئەم هێزانە هەنگاوێکی ڕاستە، دەشڵێت: پشتگیری وتەکانی سەرۆکی ئەمریکا دەکەم لەبارەی لەناوبردنی داعش-ەوە.[1]
- نوێنەری پارتیی یەکێتیی دیموکراتی (پەیەدە) لە فەڕەنسا خالید عیسا بە ئاژانسی فەڕەنسا (AFP)ی ڕاگەیاند، هاوسەرۆکانی ئەنجومەنی سووریای دیموکراتی (مەسەدە) ڕیاز دەرار و #ئیلهام ئەحمەد# لە کۆشکی ئەلیزێ لە پاریس پێشوازییان لێ دەکرێت. هاوکات کۆشکی ئەلیزێ ڕایگەیاند، ڕۆژی هەینی هەردوو نوێنەرەکەی باکووری سووریا (ڕۆژاڤا) دەبنە میوانی کۆشکی ئەلیزێ.[5]
- جیم ماتس وەزیری بەرگری ئەمریکا، دەست لەکارکێشانەوەی خۆی ڕاگەیاند، سەرچاوەکان باس لەوەدەکەن کە هۆکاری دەست لەکارکێشانەوەکەی، کشاندنەوەی هێزەکانی ئەمریکا بووە لە ڕۆژاوا.[7]