[1]

#قوباد تاڵەبانی#، جێگری سەرۆکی ئەنجومەنی وەزیران، بەبۆنەی 79ەمین ساڵیادی دامەزراندنی #پارتی دیموکراتی کوردستان#ەوە، پەیامێکی پیرۆزبایی ئاڕاستەی کاک #مەسعود بارزانی# دەکات.
=KTML_Bold=ئەمە دەقەکەیەتی=KTML_End=:
بەڕێز کاک مەسعود بارزانی
سەرۆکی پارتی دیموکراتی کوردستان
بەبۆنەی یادی دامەزراندنی پارتی دیموکراتی کوردستانەوە پیرۆزبایی لەبەڕێزتان و سەرکردایەتی و سەرجەم ئەندامانی پارتی دەکەین.
بەهیواین ئەم یادە ببێتە دەستپێکێکی نوێ بۆ هەوڵێکی دەستەجەمعی یەکخستنی هێز و لایەنە سیاسیەکانی کوردستان و رەخساندنی زەمینەیەک بۆ تەبایی و ئاشتی و بەدیهێنانی هەموو ئامانجەکانی گەلەکەمان. [1]

قوباد تاڵەبانی
جێگری سەرۆکی ئەنجومەنی وەزیران
#16-08-2025#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#بافڵ تاڵەبانی#، سەرۆکی #یەکێتیی نیشتمانیی کوردستان#، بەبۆنەی 79ەمین ساڵیادی دامەزراندنی #پارتی دیموکراتی کوردستان#ەوە، پەیامێکی پیرۆزبایی ئاڕاستەی کاک #مەسعود بارزانی# و جێگرەکانی و سەرکردایەتی و ئەندامان و جەماوەری پارتی دەکات کە ئەمە دەقەکەیەتی:
=KTML_Bold=بەڕێز کاک مەسعود بارزانی، سەرۆکی پارتی دیموکراتی کوردستان=KTML_End=
بەبۆنەی 79ەمین ساڵیادی دامەزراندنی پارتی دیموکراتی کوردستان، پیرۆزبایی گەرم لە بەڕێزتان، جێگرانی سەرۆکی پارتی، سەرکردایەتی، ئەندامان و جەماوەری پارتی دیموکراتی کوردستان دەکەم و هیوای سەرکەوتنتان بۆ دەخوازم.
جەخت لە هەماهەنگی و تەبایی نێوان یەکێتیی نیشتمانیی کوردستان و پارتی دیموکراتی کوردستان و سەرجەم هێز و لایەنە سیاسییە کوردستانییەکان دەکەینەوە، لەپێناو کارکردنی پێکەوەیی و ڕاپەڕاندنی ئەرکە نیشتمانی و چارەنووسسازەکان و بەهێزترکردنی قەوارەکەمان و باشترکردنی ژیانی خەڵکە خۆشەویستەکەمان. [1]

بافڵ جەلال تاڵەبانی
سەرۆکی یەکێتیی نیشتمانیی کوردستان
#16-08-2025#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

مەکتەبی سیاسیی یەکێتیی نیشتمانیی کوردستان، بە بۆنەی تێپەڕبوونی 79 ساڵ بەسەر دامەزراندنی #پارتی دیموکراتی کوردستان#ەوە، پەیامێکی پیرۆزبایی ئاڕاستەی مەکتەبی سیاسیی و ئەندام و لایەنگرانی پارتی دەکات کە ئەمە دەقەکەیەتی:

پیرۆزبایی
=KTML_Bold=بەڕێزان مەکتەبی سیاسیی پارتی دیموکراتی کوردستان=KTML_End=
بە بۆنەی تێپەڕبوونی حەفتا و نۆ ساڵ بەسەر دامەزراندنی پارتی دیموکراتی کوردستانەوە گەرمترین پیرۆزبایی ئاڕاستەی ئێوە و ئەندام و لایەنگرانی پارتی دەکەین.
بەم بۆنەیەوە تەئکید لەسەر پێویستی یەکڕیزی هێزە سیاسییەکانی کوردستان، بە تایبەتیش یەکێتی و پارتی، دەکەینەوە لە پێناوی پێکهێنانی حکومەتێکی پتەوو کارا کە ئەرکی چاکسازی و راستکردنەوەی رێڕەوی حوکمڕانی بگرێتە ئەستۆ، لە رێی سەرخستنی ویستی گەلەکەمان لە دابینکردنی ماف و ئیستحاقە دەستورییەکانی لە عیراق، بە تایبەتیش مووچە و شایستە داراییەکانیان، لەسەروبەندی هەڵبژاردنی داهاتووی ئەنجومەنی نوێنەراندا.
جارێکی تر پیرۆزە و سەرکەوتووبن. [1]

مەکتەبی سیاسیی
#یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=