[1]

پەیامێک لە قوباد تاڵەبانییەوە:
بە داخێکی زۆرەوە لە ڕووبەڕووبوونەوەیەکی هێزەکانی ئاساییش لەگەڵ تیرۆریستان لە #قەرە هەنجیر#، کارمەندێکی هێزەکانی ئاساییش شەهید بوو و کارمەندێکی دیکەش برینداربوو.
لەگەڵ ئەوەی لە ماوەی چەند ساڵی ڕابردوودا بەهۆی هۆشیاری و هەوڵە بەردەوامەکانی هێزەکانی ئاساییش و هەموو هێزە ئەمنییەکانی کوردستانەوە لە ئاستێکی زۆر باشدا توانراوە ئاساییش و سەقامگیری کوردستان پارێزراوبێت، بەڵام هێشتا تیرۆر هەڕەشەیەکی جدییە بۆ سەر کوردستان و ئێراق. هەموولایەک دڵنیا دەکەینەوە هێزەکانمان لە هەوڵەکانیان بەردەوام دەبن تا دواین تیرۆریست بە سزای خۆی دەگەیەنن.
لە دڵەوە سەرەخۆشی ئاڕاستەی خانەوادە و کەسوکاری سەربەرز و هەڤاڵانی شەهید جوامێر ڕەشید لە هێزەکانی ئاساییش دەکەم و خۆم بە هاوبەشی خەمیان دەزانم، لە خودای گەورە داواکارم ڕوحی شەهید #جوامێر عەزیز ڕەشید# بە بەهەشت شاد بکات و هیوای چاکبوونەوەی خێراش بۆ کارمەندە بریندارەکەی هێزەکانی ئاساییش دەخوازم. [1]

#قوباد تاڵەبانی#
جێگری سەرۆکی ئەنجوومەنی وەزیران.
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=ڕاگەیاندراوێک لە مەڵبەندی #سۆران#ی #حزبی شیوعی کوردستان#ەوە #14-07-2024# =KTML_End=
هاوشاریانی ئیدارەی سەربەخۆی سۆران، لە کاتێکدا زیاتر لە دوومانگە مووچەی فەرمانبەران و مووچە خۆرانی کوردستان لە نێوان دوو حکومەتی هەرێم و فیدڕاڵ بەبارمتە گیراوە. لە چوارچێوەی شەپۆڵی نیگەرانی و ناڕەزایی دژ بەم دۆخە ناهەموارەی ڕووبەڕووی مووچەخۆران بۆتەوە و ڕۆژ لە دوای ڕۆژ خزمەتگوزاری سەرەتایی لە پاشەکشەدایە. شەوی ڕابردوو دانیشتوانی سنوری ناحیەی وەرتێ لە میانی ناڕەزایی دەربڕین بەرامبەر دواکەوتنی مووچە و بەتایبەت خراپی دۆخی کارەبا، گردبونەوە. بەداخەوە لەلایەن هێزی ئەمنییەوە دەستڕێژی گوللە لە خۆپیشاندەران کراو لە ئاکامدا شەهید و برینداری لێکەوتەوە. ئێمە لە مەڵبەندی سۆرانی حزبی شیوعی کوردستان ڕایدەگەیەنین؛ دەربڕینی ناڕەزایی و داواکاری و خۆپیشاندان مافێکی بنەڕەتی و یاسایی هاونشتیمانیانە، پێویستە دەسەڵات و لایەنە پەیوەندیدارەکان بەوپەڕی بەرپرسیارییەتیەوە مامەڵەی لەگەڵدا بکەن و لە بڕی بەکارهێنانی چەک و ئەنجامدانی توند و توتیژی بەرامبەر خۆپیشاندەران، لەسەر دەسەڵات پێویستە بەپیر داوا و داخوازییەکانی خەڵکەوەبێن. هاوکات ئیدانەی ئەم سەرکوتکردن و توند و تیژی شەوی ڕابردوو دەکەین کە بەرامبەر سەرەتایی ترین مافی خەڵک کرا.
لێرەدا پاڵشتی لە مافی ڕەوای دانیشتوانی ناحیەی#وەرتێ# و سنوری ئیدارەی سەربەخۆی سۆران دەکەین و پێویستە دەسەڵات بە زووترین کات لەپاڵ چارەسەرکردنی گرفتی کارەبا و دابینکردنی مووچەی فەرمانبەران. هاوکات دەست بەجێ ئەنجامدەرانی تاوانی دەستڕێژیکردن لە خۆپیشاندەران و بکوژی شەهید حەسەن ڕادەستی یاسا و دادگا بکرێت.
گیانی شەهید #حەسەن ڕەحمان#ئاسودە و ئارام بێت، هیوای تەندروسی باش بۆ برینداران دەخوازین. [1]

حزبی شیوعی کوردستان
مەڵبەندی سۆران
14ی تەمووزی 2025
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

$ڕوونکردنەوەیەک لە دەزگای ئاساییشی هەرێمەوە$
سەرلەبەیانی ئەمڕۆ #2024-07-14# کاتژمێر 8ی بەیانی لە شارەدێی (#قەرەهەنجیر#)، هێزەکانی بەڕێوەبەرایەتیی ئاساییشی #کەرکووک# لە ئەنجامی دەستخستنی زانیاری پێشوەخت و چاودێریی ورد و بەدواداچوون، بە مەبەستی دەستگیرکردنی دوو چەکداری #داعش#، ڕووبەڕووبوونەوە ڕووی دا، لە ئەنجامدا تیرۆریستێک کوژرا و یەک لە تیرۆریستان بەبرینداری دەستگیرکرا.
ئەم دوو چەکدارەی گرووپی تیرۆریستیی داعش بەمەستی ئەنجامدانی کردەوەی تیرۆریستی ڕوویان لە ناوچەکە کردبوو، لە ڕابردوودا چەند کردەیەکی تیرۆرستیان ئەنجام دابوو. لە کردەوەی یەکەم کارمەندێکی پۆلیس شەهید دەکەن لە گەڕەکی شۆراو و لە کردەوەی دووەم لە گەڕەکی پەنجا عەلی لە کاتی دانانی بۆمبی چێنراو ڕووبەڕووبوونەوە ڕوویدا و کارمەندێکی پۆلیس شەهیدبوو و هەروەها لە کردەوەی سێیەمیان دوو کارمەندی تری پۆلیسی کەرکووک لەناو بازاڕی کەرکووک شەهید دەکەن، لە کردەوەی چوارەمدا لە بەردەم نەخۆشخانەی کۆماری ئەفسەرێکی پۆلیسیان شەهیدکرد، تیرۆریستان چەندین کردەوەی تیرۆریستیان ئەنجامداوە.
بەداخەوە لە ئەنجامی ڕووبەڕووبوونەوە لە قەرەهەنجیر، کارمەندێکی ئاساییش بەناوی (#جوامێر عەزیز ڕەشید#) شەهیدبوو و کارمەندێکی ترمان برینداربوو. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=