- گەریلاکانی‌ هەپەگە چەند بۆسەیەک لە شوێنە تایبەتەکانی‌ قەزای‌ شەنگال بەرامبەری‌ چەکدارانی‌ داعش دادەنێن، لە ئەنجامدا توانیان‌ 14 چەکدار بکوژن و دەستبەر سەر چوار تەن TNT دا بگرن.
- هێزەکانی‌ پێشمەرگەی‌ کوردستان لە سنوری‌ نەقشبەندیەوە هێرشیان بۆ سەر گروپە چەکدارەکانی‌ داعش دەستپێکرد و توانیان چوار ڕەبایە لە بەرزایەکانی‌ ناحیەی‌ جەلەولا و پردەکەی‌ جەلەولا کۆنترۆڵ بکەن کە پێشتر بە دەست گروپە چەکدارەکانی‌ داعشەوە بووە.
- بە مەبەستی وەستاندنی بەردەوامیی هەڵمەتی هێزەکانی پێشمەرگە بۆ ناو ناحیەی جەلەولا، ئێوارەی ئەمڕۆ چەکدارانی داعش هەر دوو پردی دەروازەی ناحیەکەیان تەقاندەوە، هێزەکانی پێشمەرگەش بەردەوامن لەبۆردومانکردنی مۆڵگە و حەشارگەکانی داعش لەناوچەکە.
- سێ تەقینەوە لە دوو ناوچەی جیاوازی شاری کەرکووک روویداو بەهۆیەوە 16 شەهید و 50 برینداری لێکەوتۆتەوە. یەک لە شەهیدەکان رۆژنامەنووس هەژار ئاغا مەنتک - هەژاری لاوان بوو.
- تەقینەوەیەک لە نزیک پەیمانگای‌ تەکنیکی‌ هەولێر لە سەر رێگەی‌ هەولێر –کەرکوک روویدا و 4 کەس برینداربوون.
- مام رۆستەم، یەکێک لە دامەزرێنەران و هەڵسوڕاوی دیاری بزووتنەوەی گۆڕان، وازهێنانی خۆی لە بزووتنەوەکە راگەیاند.

محەمەد کەرکوکی
بە هۆی ئه و سێ تەقینەوە خۆکوژییەی‌ ئێوارەی رابردووی شاری کەرکوک 108 کەس شەهید و بریندار بوون، کە زۆربەی قوربانییەکان لە هێزەکانی پێشمەرگەن.
سەرچاوەیەکی ئاگادار بە خەندانی راگەیاند: دوای ئەوەی‌ ئێوارەی رابردوو لە رێگەی بەغداو لە گەڕەکی رەحیماوای شاری کەرکوک سێ تەقینەوە کەلە رێگەی ئۆتۆمبێلی بۆمبرێژکراوەوە کە سێ تیرۆریستی خۆکوژ لیان دەخوڕی ئەنجامدرا، بە هۆیانەوە 23 کەس شەهید بوون و 85 کەسیش بریندار بوون.
سەبارەت بە تەقینەوەکان ئه و سەرچاوەیە بۆ خەندان روونیکردەوە: تەقینەوەی‌ یەکەم لە ناوچەی رێگەی بە غدای شاری کەرکوک و نزیک باڵەخانەی (جەدوع) کە لە رێگەی ئۆتۆمبێلێکی بارهەڵگرەوە تیرۆریستێکی خۆکوژ لێی دەخوڕی و هێزەکانی پێشمەرگەی کردبووە ئامانج ئەنجامدرا و بە هۆیەوە 10 شەهید و 19 برینداری لێکەوتەوە کە زۆربەیان لە هێزەکانی پێشمەرگەن.
وتیشی: "تەقینەوەی دووەمیش لە هەمان ناوچه و ئەویش لە رێگەی ئۆتۆمبێلێکی جۆری کیای بارهەڵگرەوە کە خۆکوژێ لێیدەخوڕی و هێزەکانی پێشمەرگەی کردبووە ئامانج ئەنجامدرا کە بە هۆیەوە شەش شەهیدو 38 برینداری لێکەوتەوە کە زۆربەی قوربانییەکان لە هێزەکانی پێشمەرگەن.
سەرچاوەکە راشیگەیاند: تەقینەوەی سێیەمیش لە گەڕەکی رەحیماوای شاری کەرکوک کە گەڕەکێکی کورد نشینه و ئەویش لە رێگەی ئۆتۆمبێلێکی جۆری گلایزەرەوە کە خۆکوژێ لێی دەخوڕی ئەنجامدرا بە هۆیەوە حەوت شەهید و 28 برینداری لێکەوتەوە، ئەمە جگە لەوەی زیانێکی زۆری مادی بە ناوچەکە گەیشتووە.
- 24-08-2014