$باکووری کوردستان$
- بۆ ماوەی 6 مانگی دیکە دیداری #عەبدوڵڵا ئۆجەلان# قەدەغە کرا.[3]
$رۆژهەڵاتی کوردستان$
- حکوومەتی ئێران چەکوچۆڵی قورسی بۆ شارەکانی #سنە# و #کامیاران# هەناردە کردووە. شایەتحاڵان وێنە و فیلمی هەناردەکردنی ئەم چەکوچۆڵە قورسانەیان لە ڕێگاکانی سنە و کامیاران بۆ ئاژانسی کوردپا ناردووە.[6]
$باشووری کوردستان$
- محەمەد حەلبووسی، سەرۆکی پەرلەمانی عێراق بە سەردانێک گەیشتە #هەولێر#.[3]=KTML_Photo_Begin=https://www.kurdipedia.org/files/relatedfiles/2018/153226/0001.JPG=KTML_Photo_Alt=لە چالاکییەکانی ئەمڕۆ: 22-09-2018=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153226/0001.JPG=KTML_Photo_End=
- خاڵێکی گومرگی لەنێوان #کەرکووک# و #سلێمانی# لە نزیک ناوچەی چیمەن کرایەوە.[2]
- بۆ یەکەمجار و بەئامادەبوونی ژمارەیکی بەرچاو لە چین و توێژە جیاوازەکانی شاری #هەڵەبجە#، یەکەمین کەرنەڤاڵی ئاشتی جیهانی لە شارەکە بەڕێوەچوو، تیایدا چەندین چالاکیی هونەریی جۆراوجۆر پێشکەشکران.[5]
- پێنجەمین فێستیڤاڵی کولتوورە جیاوازەکان لە #ڕانیە# بەڕێوەدەچێت. فێستیڤاڵەکە بە بەشداری 12 گرووپە کە لە چوار وڵاتەوە هاتوون و ماوەی دوو ڕۆژ دەخایەنێت و ئەمڕۆ دوایین ڕۆژییەتی.[4]
- سکرتێری مەکتەبی سیاسی #پارتی دیموکراتی کوردستان# ئاشکرایدەکات کە حیزبەکەی بەربژێرکردنی #بەرهەم ساڵح#ی قبووڵ نییە بۆ پۆستی سەرۆککۆمار و دەڵێت، کاندیدی ئێمە لەلایەن بارزانییەوە دەستنیشان دەکرێت.[4]
$دەرەوەی کوردستان$
- هەفتەی کولتووری کوردستان کە لە برۆکسلی پایتەختی بەلجیکا بەڕێوەدەچێت، لە ڕۆژی دووەمیدا بە نمایشکردنی مەڕاسیمی ئاهەنگی هاوسەرگیری کوردان بەردەوامە.[1]
- هێرشکرایە سەر نمایشێکی سەربازی لە شاری ئەهوازی ئێران و دەیان پاسدار کوژراون و بریندار بوون.
[2]=KTML_Photo_Begin=https://www.kurdipedia.org/files/relatedfiles/2018/153226/0007.JPG=KTML_Photo_Alt=پۆلیسی تورکیا هێرشی کردە سەر دایکانی شەممە لە ئیستەنبووڵ=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153226/0007.JPG=KTML_Photo_End=
وتەبێژی باڵای هێزە چەکدارەکانی ئێران ڕایدەگەیەنێت: چوار هێرشبەرەکەی سەر نمایشی سەربازی لە شاری ئەهواز، سەر بە ئەمریکا و موسادن و لە دوو وڵاتی کەنداوی عەرەب پاڵپشتی دارایی و سەربازییان لێدەکرێت و ڕاهێنانی سەربازیان پێکراوە.[2]
- مارک پۆمپیۆ وەزیری دەرەوەی ئەمریکا بە کەناڵی (سی ئێن ئێن)ی ڕاگەیاند: خودی تاران بەرپرسیارێتی هەر هێرشێکی دەکەوێتە ئەستۆ کە لەلایەن کرێگرتەکانی ئێرانەوە بکرێتە سەر بەرژەوەندیەکانی واشنتۆن لە خۆرهەڵاتی ناوەڕاستدا و ڕاستەوخۆ وەڵامی تاران دەدەینەوە.[2]
- کۆماری ئیسلامی ئێران دوو دەروازی سنوری لەگەڵ عێراق داخست بەهۆی ئه و هێرشەی کە ئەمڕۆ کرایەسەر سەر نمایشێکی سەربازیی لە شاری ئەهوازی باشوری ئێران.[2]
- پۆلیسی تورکیا ئەمڕۆ جارێکی دیکە هێرشی کردە سەر چالاکیی دایکانی شەممە لە شاری ئیستەنبووڵ، بەشداربوانیش بە درووشم وەڵامی هێرشی پۆلیسیان دایەوە.[1]

ناوەندی ڕاگەیاندنی هێزەکانی سووریای دیموکراتیک (قەسەدە) ڕاگەیەنراوێکی بڵاوکردەوە و ئەنجامی شەڕی 24 کاتژمێری ڕابردووی قۆناغی کۆتایی هەڵمەتی گەردەلوولی جزیری ئاشکرا کرد. قەسەدە ڕایگەیاند، لە ماوەی 24 کاتژمێری ڕابردوودا 26 چەتە کوژراون و تاکە شوێن کە لە کۆنتڕۆڵی چەتەکانی داعسشدا ماوەتەوە ڕۆژهەڵاتی چەمی فوراتە.
قەسەدە لە ڕەگەیەنراوەکەی خۆیدا ئەم زانیاریانەی بلاوکردووەتەوە:
'بەرەی باخۆز'
دوای ئەوەی کە هێزەکانی قەسەدە توانیان سارۆچکەکە لەدەستی چەتەکانی #داعش# ڕزگار بکەن، هەڵمەتی گەڕان وپاککردنەوەی ناو شارۆچکەکە و دەورووبەری دەستی پێکردووە. تیمە تایبەتەکانی پووچەلکردنەوەی مین وتەقەمەنی بەدەیان مینیان پووچەڵکردووەتەوە.
چەتەکانی داعش جارێکی تر هەوڵیاندا هێرش بکەنە سەر شارۆچکەکە و کۆنتڕۆڵی بکەن، لە هێرشەکەدا جۆرەها چەکی قوورس ومام ناوەندیان بەکارهێنا. هێرشی چەتەکان بەرەو ڕووی بەرخۆدانی #شەڕڤان#انی قەسەدە بویەوە. لە ئەنجامدا چەتەیەک کوژرا.
چەتەکانی داعش لەسەر ئاسمانی شارۆچکەی باخۆز فڕۆکەی بێ فڕۆکەوانیان بەکارهینا. باڵەفرێ چەتەکان کرایە ئامانج و تێکشکا.
بەرەبەیانی ئەمرۆ فرۆکەجەنگییەکانی هاوپەیمانان تونێلێکی چەتەکانی داعشیان کردە ئامانج ولە ئەنجامدا 3 چەتەی داعش کوژران. ئیستاکە لە ناوچەکەدا بێدەنگی هەیە.
'بەرەی ئەل سووسێ'
لەو بەرەیەدا هەتاکو شەو تا ئاستێک بێدەنگی سەروەربوو. بەرەبەیانی ئەمڕۆ هەتا ئامادەکردنی ئەم هەواڵە لەو بەرەیە بیدەنگی سەروەرە و شەڕ ڕووی نەداوە.
ئەنجامی هێرشی ئاسمانی و ژمارەی کوژراوەکانی داعش لە هەموو بەرەکانی شەڕ.
بە گشتی 10 هێرشی ئاسمانی کراوەتە سەرمۆڵگەکانی داعش. لە ئەنجامی ئەو هێرشانەدا 26 چەتەی داعش کوژران و تونێلێکی چەتەکانی داعش تێکشکێندرا وهێڵی بەرگری داعش لە نزیک باخۆز تێکشکێندراوە.[1]
#22-09-2018#

ناوەندی ڕاگەیاندنی یەکینەکانی پاراستنی گەل (#یەپەگە#) دەربارەی چالاکییەکان لە ناوەندی #عەفرین# و ناوچەکانی جندرێس، شەرا و مابەتا ڕاگەیەنراوێکی بڵاوکردەوە.
بە گوێرەی ڕاگەیەنراوەکە، ڕۆژی 19ی ئەیلوول\28ی خەرمانان لە ناوەندی شاری عەفرین دژی ئۆتۆمبێلێکی سەربازیی سوپای تورکیای داگیرکەر چالاکییەک ئەنجامدراوە و بەهۆیەوە 2 سەرباز کوژراون و زۆریشیان بریندار بوون.
یەپەگە دەستنیشانی کردووە، ڕۆژی 20ی ئەیلوول\29ی خەرمانان-یش لە شوێنێکی نێوان گوندەکانی گازێ و مەزین-ی سەر بە ناوچەی مابەتا دژی ئۆتۆمبێلێکی سەربازیی چەتەکانی فەیلەقی شام چالاکییەکیان ئەنجامداوە. لە چالاکییەکەدا 4 چەتە کوژراون و 2 چەتەش بریندار بوون.
لە درێژەی ڕاگەیەنراوەکەی ناوەندی ڕاگەیاندنی یەپەگەدا هاتووە، ڕێکەوتی 21ی ئەیلوول\30ی خەرمانان لەنێوان گوندەکانی خەزاوی و ئیسکا-ی سەر بە ناوچەی جندرێس، هێزەکانیان لە تانکێکی جۆری T55ی گرووپی چەتەی فەیلەقی شامیان دا. لە ئەنجامدا تانکەکە تێکشکێنرا و چەتەیەکیش کوژرا.
یەپەگە ڕاشیگەیاند، 20ی ئەیلوول\29ی خەرمانان لە شوێنێکی نێوان گوندەکانی خالتا و گۆبەل-ی سەر بە ناوچەی شەرای عەفرین لە چالاکییەکدا 2 سەربازی تورکیای داگیرکەر کوژراون. یەپەگە هێمای بۆ ئەوەش کردووە، بە گوێرەی زانیارییە نوێیەکانیان له و چالاکییەدا 3 سەرباز کوژراون و 2ی دیکەش بریندار بوون.[1]
#22-09-2018#