ناڤ: سیلڤانا
ناڤێ بابی: خدر
ساڵا ژ دایکبوونێ: 1998
ڕوژا دزین و بێسەر و شوینکرنێ: #03-08-2014#
ڕوژا ڕزگارکرنێ: #05-01-2025#
جهێ ژ دایکبوونێ: گوندێ #کۆچۆ# / #شنگال#
$ژیاننامە$
سیلڤانا خدر کەسر خەلکا گوندێ کۆچۆ یا سەر ب باژێرۆکێ شنگال یا باشوورێ کوردستانێ یە، ل ڕێکەفتا 03-08-2014 ژ لایێ هێزێن دەولەتا ئیسلامی یا داعش ڤە هاتییە دزین و ڕەڤاندن و ل ڕوژا 05-01-2025 هاتە ڕزگارکرن
سيلڤانا خدر کەسر خەلکا گوندێ کۆچۆ ل ساڵا 1998 ژدایکبوویە ژیێ وێ شازدە (16) ساڵ بوون لدەمێ دەولەتا ئیسلامی یا ب ناڤێ داعش هێرش کرییە سەر شنگالێ لدەمێ داعش کۆچۆ دورپێچ کری بۆ ماوێ 15 ڕۆژان و وان سۆز دان مە کوو چوو کەسان ئازار نادەن لێ هەموو دەرەو بوون، ل ڕۆژەکێ وان دڕندا گۆت هەموو کۆم بن ل قوتابخانا گوندێ کۆچۆ و پشتی ئەم کۆم کرین ژن و زەلام و کچک و زاڕۆک ژ هەڤ جودا کرن و زێرێن وان و دراڤێ وان ژێ ستاندن و ئەم برن موسڵ و ژ موسڵ بۆ تلعفەر لێ من گۆت وان ئەز یا نساخم ئەز زڤراندم دەف خوشکا من سامیا خدر و مە هەوڵ ڕزگارکرنا خوە دا لێ پشتی داعش ئاگەهدار بوون و زانین ئەم هەوڵا ڕەڤین دەن ئەم گرتن و ڤەگراندن گوندی و پشتی هنگی ئەز و دگەل خوشکێن من و ژن برا من ب پاسان و ترومبێلان برن بۆ باژێڕێ ڕەقە ل سووریا ئەم د هۆلەکا مەزن دا کۆم کرن و هەموو فرۆتن خوشکێن من و ژن برا من ئەز ب تنێ هێلام، پشتی ماوەکی ڕۆژەکێ شێخەکێ دەولەتا ئیسلامی هات ڕیهێن وی و پرچا وی د درێژ بوون “هنجی هند ئەز ژ سەر و بەرێ وی د ترسیام ئەز هندە ژ ڕوحا خۆ نە د ترسیام” ئەز کڕیم و برم ماڵا خوە و چەندین جارا من هەوڵا ڕەڤین ژی دا لێ هەر ئەز گرتم و ئەشکەنجە ددام و زیندان کرم. پشتی هنگی هاتم ڤەگوهاستن بۆ حەلەب و ژ حەلەب بۆ ئەدلب و بۆ ڕەقە و بۆ باخۆز و گەلەک جهێن دی. کەسێن کوشتی لواندەرا د هاڤێتی بوون و مرۆڤێن پارچە پارچە کری بوون ججارا وان دیمەنا ژبیر ناکەم. پشتی هنگی ئەز 4 ساڵان ل ئەدلب بووم دیسا من بەردەوام هەوڵا ڕزگارکرنا خوە ددا و بەردەوام هەوڵ ددا کەسێن خێزانا خوە ببینم یان ژمارێن موبایلا وان بەلێ من هەر پسیار دکر و هەر پسیار دکر یا بێ فایدە بوو، ئەز ژ ئەدلب دەرکەتم بۆ مەنبەج ب لنگان و جارنا دگەل هندەک ترومبێلان هەتا گەهیشتم مەنبەج پاشی ب هەمان ڕەزیلی بەرەف قامشلۆ ب ڕێ کەتم ل وێدەر چۆم ماڵا ئێزدیان پاشی ب هاریکاریا وان هاتم ڤەگوهاستن بۆ کوردستانێ. ژیێ من 16 ساڵ بوو ل دەمێ کەفتم دەستێ داعش لي هەتا ڕزگار بووم ژیێ من بوو 27 ساڵ و نهۆ ژی من نە دەیک هەیە و نە باب و نە برا تنێ خوشکێن من ێن زەوجی و ئەز نهۆ لدەف خوشکا خوە ملوکە ل شاریا، هیڤیە هاریکاری من بهێت کرن و هاریکاریا وان کچێن ددەستێ وان دڕندا دا بهێت کرن و بهێن ڕزگار کر. [1]