$باشووری کوردستان$
- #زرار سلێمان بەگ دەرگەڵەیی# نووسەر و کەسایەتی ناسراو و ئەفسەر و پێشمەرگەی #کۆماری کوردستان# لە شارۆچکەی #سۆران# کۆچی دوایی کرد و بڕیارە ئەمڕۆش تەرمەکەی بە خاک بسپێردرێت.[1]
- لە گوندی کانی خومارە لەنزیک مەرزی کێلەشین لە شارەدێی #سیدەکان#ی سەر بەشارۆچکەی سۆران لە پارێزگای هەولێر، لەلایەن پاسدارانی ئێرانەوە تەقە لە هاوڵاتییەکی ڕۆژهەڵاتی کوردستان کرا و کوژرا.[3]
- ژمارەیەک چەکداری #داعش# لە باشووری #کەرکووک# کەوتنە بۆسەی هێزە سەربازییەکانەوە و 5 کەسیان کوژران.[1]
- لە سۆران دەست بەسەر 38 کیلۆ هێرۆیندا گیرا، بەڕێوەبەری ئاسایشی قەزاکەش دەڵێت لە ماوەی مانگێکدا دەستیان بەسەر زیاتر لە 100 کیلۆ ماددەی هۆشبەردا گرتووە.[4]
$رۆژئاوای کوردستان$
- دەوڵەتی تورکیا و چەتەکانی لە #عەفرین# بە زۆر دەچنە ناو ماڵی هاووڵاتییان، هاووڵاتییان دەڕفێنن و ئەشکەنجەیان دەکەن. هەروەها فیدیەیان لە بەشێک لەو کەسە ڕفێندراوانە سەندووە.[2]
- ماڵی ئیزەدییەکان هەرێمی جەزیرە و یەکیەتی ئیزەدییەکانی کانتۆنی عەفرین بە بەیاننامێکی هاوبەشدا، تێکدانی ماڵی ئیزەدییەکان لە گوندی ئیفشێ-ی ناوچەی نسیبین-ی #ماردین# کە لە لایەن دەوڵەتی تورکیاوە ئەنجامدراوە بەتوندی شەرمەزارکرد.[2]
- فەوجێکی سوپای عێراق هاتونەتە گوندێکی نزیک بە ناوچەی “شێخ باوە”ی سەر بە شارۆچکەی #کفری# و چەند ماڵێکی کوردیان “داگیرکردوەو کردویانە بە بارەگای سەربازی.”[5]
$دەرەوەی کوردستان$
- ئەمڕۆ، ژنانی هەریەکە لە ڕێکخراوی تەڤگەری ژنانی کوردستان لە ئەوروپا، کۆمەڵگای ژنانی ئازادیی کوردستان-کەژار، یەکێتی نیشتمانی کوردستان، بزووتنەوەی گۆڕان، یەکگرتوو و کۆمەڵی ئیسلامیی، پارتی دیموکراتی کوردستان-عێراق، تەڤگەری ئازادیی ژنانی ئێزدی-تاژێ، جڤاکی ئیسلامیی کوردستان، پەیەدە، کۆنگرەستار، ژنانی کاکەیی و فەیلی و ژنانی ئەندام لە کۆنگرەی نەتەوەی کوردستان-کەنەکە، لەبارەی پێکهێنانی کۆنگرەی نەتەوەییەوە لە هۆڵەندا کۆبوونەوە.[3]

لە ئەنجامی چەند چالاکییەکی گەریلاکانی #هەپەگە# لە #ئاگری#ی، #جولەمێرگ# و #بەدلیس# 15 سەربازی سوپا تورک کوژران.
ئەمڕۆ ناوەندی ڕاگەیاندنی هێزەکانی پاراستنی گەل- هەپەگە، ڕاگەیەندراوێکی لەبارەی چالاکیی گەریلاکانەوە بڵاوکردەوە.
هەپەگە ڕایگەیاند: گەریلاکانمان ئەمڕۆ کاتژمێر 7:30 خولەکی سەرلەبەیانی لە شارۆچکەی بازیدی سەربە پارێزگای ئاگریی زنجیرە چالاکییەکی شۆڕشگێڕانەیان ئەنجامدا، لەو چالاکییانەدا ژمارەیەکی زۆر لە سەربازەکانی سوپای تورک کوژران، پاش ئەوەی ژمارەی ڕێکی کوژراوانمان بۆ ئاشکرابێت بە ڕای گشتیی ڕادەگەیەنین.
لە بەردەوامیی ڕاگەیەندراوی هەپەگەدا هاتووە: گەریلاکانمان ڕۆژانی 18 و 19ی ئایار لە هەنگاوی شۆڕشگێڕانەی شەهید ئاگریی و شەهید پیرۆز چالاکییان لەدژی سوپای تورک ئەنجامدا، 18ی ئایار کاتژمێر 10:00ی شەو لە ناوچەی نێوان جولەمێرگ و چەلێ، لەدژی کاروانێکی سەربازیی سوپای تورک چالاکییەک ئەنجامدرا، لەو چالاکییەدا ئۆتۆمبێلێکی سەربازیی لەجۆری کوبرا تێکشکێندرا و نۆ سەربازی سوپای تورکیش کوژران.
هەپەگە، هەروەها ڕایگەیاندووە: دوێنێ کاتژمێر 6:30 خولەکی سەرلەبەیانی لەسەرگردی کۆردینەی سەربە چەلێ چالاکییەکمان ئەنجامدا و تیایدا گورزی سەخت لە سوپای تورک درا، بەڵام ژمارەی کوژراو و بریندارەکانیان نەزانرا.
ئەوەش، هاتووە: هەر دوێنێ کاتژمێر 06:30 خولەکی ئێوارە لەگردی لێکانی باشوری کوردستان چالاکییەک لەدژی سوپای تورک ئەنجامدرا، لەو چالاکییەدا سێ سەرباز کوژران و سیانی دیکە برینداربوون، کاتژمێر 08:3 خولەکی شەویش گەریلاکانمان لەسەر گردی لەیلەکی سەربە شەمزینانی جولەمێرگ چالاکییەکیان ئەنجامدا، لەو چالاکییەشدا دوو سەرباز کوژران و سەربازێک برینداربوو.
لەکۆتاییدا هەپەگە ڕایگەیاندووە: دوێنێ کاتژمێر 11:20 خولەکی نیوەڕۆ لەسەر ڕێگای تەتوان بۆ خیزانی بەدلیس چالاکییەک ئەنجامدرا، لەو چالاکییەدا سەربازێکی سوپای تورک کوژرا و سەربازێک برینداربوو.[1]
#20-05-2018#