$باکووری کوردستان$
- بە گوێرەی ڕاگەیەنراوی والی #شڕناخ# هەرێمی فەراشین-ی ئیلکێ، هەرێمی مەزرا وگونەیاکا وهەرێمی سێگرکێ-ی قیلبانێ بەگشتی 66 هەرێم، وەک هەرێمی پاراستنی تایبەت دیاری کراوە و بۆ ماوەی 15 ڕۆژ قەدەغەی هاتووچۆی تێدا ڕاگەیەنراوە.[2]=KTML_Photo_Begin=https://www.kurdipedia.org/files/relatedfiles/2018/104169/0008.JPG=KTML_Photo_Alt=سوپای تورکیا چیاکانی هەرێمی دەرسیم بۆردومان دەکات=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/104169/0008.JPG=KTML_Photo_End=
- بەرەبەیانی ئەمڕۆ کاتژمێر 05:30 خولەک هەتاکۆ کاتژمێر 7 هێلیکۆپتەرەکانی سوپای تورکیا چیای سینجیک-یان لە #دەرسیم# بۆردومان کردووە. دوای بۆردومانەکە لە ڕێگەی هێلیکۆپتەروە یەکینەیەکی سەربازی سوپای تورکیا لە ناوچەکە جێگیر بووە ودەستیان بە ئۆپەراسیۆن کردووە.[2]
- سەربازەکانی سوپای تورک لە گوندی پاکونیی سەربە چەولگ هێرشیان کردە سەر گڵکۆی گەریلای #هەپەگە# و کێلەکەیان شکاندن.[5]
$رۆژهەڵاتی کوردستان$
- محەمەدئەمین قازی خەڵکی گوندی گوندەوێڵە سەر بە شاری #شنۆ# لە لایەن هێزه ئیتلاعاتییەکانی سەر بە ئیتلاعاتی سپا دەسبەسەر کرا.[6]
$باشووری کوردستان$
- تەرمی زەکی شەنگالی بەخاکدەسپێردرێت.[1]=KTML_Photo_Begin=https://www.kurdipedia.org/files/relatedfiles/2018/104169/0011.JPG=KTML_Photo_Alt=تەرمی زەکی شەنگالی بە مەراسیمێکی بەشکۆ بەخاکسپێردرا=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/104169/0011.JPG=KTML_Photo_End=
- بە بەشداریی هەزاران کەس لە هاووڵاتییان، مەراسیمێکی بە شکۆ بۆ بەخاکسپاردنی ئەندامی دەستەی بەڕێوەبەریی ئێزدییەکانی شەنگال و ئەندامی دەستەی بەڕێوەبەریی کەجەکە زەکی شەنگالی، کە بەهۆی هێرشی دەوڵەتی تورکیاوە لە 15ی تەباخدا شەهید بوو بوو، لە مەزارگەی شەهید دڵگەش و بەرخۆدان، مەراسیمێکی بەشکۆ بەڕێوەدەچێت. تەرمی مام زەکی شەنگالی لەسەر شان برایە مەزارگەکە و لە مەزراگەکە مەراسیمێکی سەربازیی بۆ ئەنجامدرا.[2]
- خانەوادەی مام زەکی شەنگالی، بە مەبەستی بەشداریکردن لە مەراسیمی بەخاکسپاردنی مام زەکیدا گەیشتنە شەنگال.[5]
- سەرلەباینی ئەمڕۆ لقی #سلێمانی#ی پارتی ئازادی و دیموکراسیی ئێزدییەکان (پادێ - PADÊ) لە گردی عەلی ناجی نزیک بەڕێوەبەرایەتیی کشتوکاڵی سلێمانی پرسەی بۆ شەهید مام زەکی شەنگالی ئەندامی کوردیناسیۆنی ئەنجوومەنی گەلی ئیزدی دانا. ئەمڕۆ یەکەم ڕۆژی پرسەکەی بوو. پرسەکە بۆ ماوەی 3 ڕۆژ بەردەوام دەبێت.[2]
- لە #پێنجوێن# کۆنفڕانسێک بۆ #موفتی پێنجوێنی#ی شاعیر بەڕێوەدەچێت، کۆنفڕانسەکە دوو ڕۆژ دەخایەنێت.[1]
- گوتەبێژی #یەکێتیی نیشتمانیی کوردستان# ڕایگەیاند بۆ گفتوگۆ لەگەڵ حکومەتی عێراق و پێکهێنانی کابینەی نوێ‌ لەگەڵ پارتی، ڕەشنووسێکی 27 خاڵییان ئامادە کردووە. دەشڵێت چوار لایەنەکەی دیکە دەتوانن خاڵی دیکە بۆ ڕەشنووسەکە زیاد بکەن.[3]=KTML_Photo_Begin=https://www.kurdipedia.org/files/relatedfiles/2018/104169/0009.JPG=KTML_Photo_Alt=فڕۆکە جەنگییەکان دارستانەکانی قەندیل-ی کردە ئامانج=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/104169/0009.JPG=KTML_Photo_End=
- فڕۆکە جەنگییەکانی سوپای تورکیا چیای #قەندیل#-یان بۆردومان کرد. بەهۆی ئەو بۆردومانانەوە دارستانەکانی ناوچەکە ئاگری تێبەربوو.[2]
- دژی هێرشە ئاسمانییەکەی دەوڵەتی تورک بۆ سەر شەنگال و شەهیدکردنی زەکی شەنگالی، ئەنجومەنی هەرێمی کەرکووکی تەڤگەری ئازادیی گردبوونەوەیەکیان ئەنجامدا و وێڕای ئیدانەکردنی هێرشەکە، ئەو هێرشەیان بە زەنگێکی مەترسیدار بۆ سەر تەواوی خاکی باشوری کوردستان و بەتایبەتیش کەرکووک ناوبرد.[5]
- بە بۆنەی تێپەڕ بوونی سێ ساڵ بەسەر ناساندنی وەک(هاوناز ئەحمەد) یەکێک لە منداڵە دۆزراوەکانی #هەڵەبجە# و دواجار دروست نەبوونی ناوەکەی، سەر لە ئێواەی ئەمڕۆ بە ئامادە بوونی کەسوکاری منداڵە ونبووەکانی هەڵەبجە و بەرپرسانی حکومی و لایەنە پەیوەندیدارەکان، لە مەراسیمێکی تایبەتدا هاوسۆزی و پشتیوانی بۆ مریەم هەڵەبجەیی سازکرا کە ئێستا ناوی خۆی ناوە (ژیان کامەران).[4]
- زەردەشتییانی کوردستان، جەژنی پەیمانیان لە ئەشکەوتی مێژووی قزقاپان پیرۆزکرد.[2]
$دەرەوەی کوردستان$
- ئەمڕۆ لە ئەنقەرەی پایتەختی تورکیا شەشەمین کۆنگرەی ئاسایی ئاکپارتی بەڕێوەدەچێت و جگە لە #هەدەپە# سەرجەم پارتە سیاسییەکانی ئەو وڵاتە بە فەرمی بانگهێشتکراون. پارتی تەنیا حیزبی باشووری کوردستان بوو کە بۆ کۆنگرەی ئاکپارتی بانگهێشتکرابوو.[3]
- لە شەشەمین کۆنگرەی ئاکپارتیدا لە کۆی 50 ئەندامی ئەنجوومەنی ناوەندی بڕیار و بەڕێوەبردن تەنیا 21 ئەندام لە پۆستەکانیاندا مانەوە و ژمارەیەک لە وەزیر و بەرپرسانی ئاکپارتی لە ئەنجوومەنەک دوورخرانەوە.[3]

$باکووری کوردستان$
- لە نێوان گوندەکانی کوملوپنار و کۆجابەی لە ناوچەی هەزۆ لە پارێزگای ئێلح بەهۆی ئۆپراسیۆنی سوپای تورکیاوە شەڕ ڕوویدا. لەو شەڕەدا 2 سەرباز برینداربوون و گوسترانەوە بۆ نەخۆشخانەی حکومیی هەزۆ و دواتر ئەو 2 سەربازە لە نەخۆشخانە بەهۆی قورسیی برینەکانیانەوە مردن.[4]=KTML_Photo_Begin=https://www.kurdipedia.org/files/relatedfiles/2018/152229/0006.JPG=KTML_Photo_Alt=سووتاندنی دارستانەکان لەلایەن دەوڵەتی تورکەوە بەردەوامە=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152229/0006.JPG=KTML_Photo_End=
- ئەمڕۆ هاوسەرۆکایەتیی کۆنسەی بەڕێوبەری کۆما جڤاکێن کوردستان- کەجەکە، لەبارەی سووتاندنی دارستانەکانی کوردستانەوە ڕاگەیەندراوێکی بڵاوکردەوە. کەجەکە لە ڕاگەیەندراوەکەیدا، سووتاندنی دارستانەکانی #دەرسیم# تا #ئامەد# و بۆتان تا #قەندیل#ی بە تاوانێکی دژە مرۆڤانە ناوناوە و بێدەنگیی دەوڵەتانی ئەوروپایی، ئەمریکا و نەتەوە یەکگرتووەکانی بە بەشداری لەو تاوانەدا زانیوە.[2]
- بەرەبەیانی ئەمڕۆ، لە گەڕەکی گیناڤاز لە ناوچەی نسێبینی سەر بە مێردین، کاتێک کە ئۆتۆمبێلێکی زرێپۆشی سەربازیی تێپەڕ دەبوو، بۆمبێکی پێدا تەقیەوە.[4]
- والیی تورکیا لە شاری دەرسیم، قەدەغەی هاتووچۆی لە 31 هەرێمی ئەو پارێزگایە ڕاگەیاند. بەشێک لەو هەرێمانە بریتین لە هەرێمەکانی ناوەندی دەرسیم، ناوچەی پولور، ناوچەی پیلەمووری، ناوچەی خۆزاد و ناوچەی قسڵە، کە لە سبەینێوە هەتا 15 ی ئەیلول هاتووچۆیان تێدا قەدەغە کراوە.[4]
- بە گوێرەی ڕاگەیەنراوی پارێزگەی #جۆلەمێرگ#، لە شارۆچکەی خرڤاتەی سەر بە ناوچەی گەڤەری جۆلەمێرگ لە ئەنجامی تەقینەوەیەکدا سەربازێکی تورکیا کوژراوە.[4]
- ئه و ئاگرەی کە دوێنێ بەهۆی تۆپبارانی سوپای تورکیای داگیرکەر لە دەڤەری گردی بێمرگێ و شلێرووت لە هەرێمی چیای جوودی کەوتەوە سات بە سات تەشەنە دەکات.[4]
$رۆژهەڵاتی کوردستان$=KTML_Photo_Begin=https://www.kurdipedia.org/files/relatedfiles/2018/152229/0008.JPG=KTML_Photo_Alt=سنە بە سرودی شۆڕشگێڕانە یادی شەهیدانی ژینگەی کردەوە=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/152229/0008.JPG=KTML_Photo_End=
- سەرلەبەیانیی ئەمڕۆ لە بەرزاییەکانی چیای ئاوییەری شاری #سنە#، ژمارەیەکی زۆر لە هاوڵاتیان گردبوونەوە و یادی شەهیدانی ژینگەیان بەرز ڕاگرت. هاوڵاتیان بە بەرزکردنەوەی وێنەی #شەریف باجوەر#، ئۆمێد حسێن زادە، ڕەحمەت حەکیمی نیا و محەمەد پەژوهی، و وتنەوەی دروشمی شەهیدان نامرن، یادی ئەو شەهیدانەیان کردەوە.[2]
- هاووڵاتییەکی کورد بە ناوی مەهدی خۆگەر خەڵکی گوندی دەلی سەر بە شاری #سەوڵاوا# بەهۆی تەقینەوەی مین بە سەختی بریندار بوو. ئەم هاووڵاتییە کوردە لە لە کاتی کاری وەرزێڕیدا تووشی ئەم ڕووداوە هاتووە کە بووەتە هۆی برینداربوونی لاقی.[6]
- دوو هاووڵاتیی کورد بە ناوەکانی سیروان هوشمەند و موختار وەلیپوور خەڵکی شاری #مەریوان# لە کاتی کۆبوونەوە لە بەردەم دەکەی شەریف باجوەر دەسبەسەر کران.[6]
$باشووری کوردستان$
- تەرمی شەهید ماهیر سەرحەد، کە لەگەڵ مام زەکی شەنگالی کرابووە ئامانجی هێرشی فڕۆکە جەنگییەکانی سوپای تورک و برینداربووبوو دوای 14ڕۆژ پێرێ شەهید بوو، بەخاکسپێردرا.[2]
- فڕۆکە جەنگییەکانی تورکیا بۆردومانی سنوری شارەدێی #سیدەکان#ی دەستپێکردەوە و بەوهۆیەشەوە ئاگرێکی گەورە لەناوچەکە کەوتە.[3]
- تاوەکو دێت ناڕەزایەتییەکان لە گەڕانەوەی عەرەبەکان بۆ شارۆچکەی سنوونێ لە باکووری ڕۆژئاوای #شنگال# زیاددەکات و دانیشتوونی شنگال دەڵێن، ئەو عەرەبانەی گەڕاونەتەوە هاوکاری #داعش# بوون.[1]=KTML_Photo_Begin=https://www.kurdipedia.org/files/relatedfiles/2018/152229/0005.JPG=KTML_Photo_Alt=لە چالاکییەکانی ئەمڕۆ: 31-08-2018=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152229/0005.JPG=KTML_Photo_End=
- بە ئامادەبوونی ژمارەیەکی زۆر لە سەرکردەکانی یەکێتی و لێپرسراوانی حزبی و حکومیی، لە شاری #کەرکووک# یادی 30 ساڵەی شەهیدکردنی #ئازاد هەورامی# کرایەوە.[5]
- شێخ عەمەر عەجاج، سەرۆکی عەشیرەتی شێخ خەلەف و گەورەی گوندی گوهبەل، باسی فەرمانی 3ی ئاب دەکات و لەبارەی نەگەڕانەوەی ئێزدییەکان بۆ گوندەکانیان ڕەخنە لە حکومەتی عێراق دەگرێت، هەروەها بانگەوازیی سەرۆک عەشیرەتە عەرەبەکانی کرد، کە ئەو کەسانەی هاوکاریی فەرمانەکەیان کردووە بدۆزنەوە و ڕادەستی عەدالەتیان بکەن.[2]
- سەرۆکی فراکسیۆنی یەکێتی لە پەرلەمانی کوردستان ڕایدەگەیەنێت، شەرمە بۆ ئه و کەسانەی کە لە ئەم ڕۆژە شەرمهێنەرەی 31ی ئاب دا، برینەکان هەڵدەدەنەوە.[5]
- لە شاری کەرکووک ئەمڕۆ بەئامادەبوونی سەدان کەس یەکەم ڕۆژی پرسەی گەریلای شەهیدی #هەپەگە# گۆران محەمەد ناسراو بە سەرکەوت گابار لە مزگەوتی گوندی گورگەچاڵ بەڕێوەچوو.[4]
- لە کاتژمێر 7ی بەیانی ئەمڕۆوە ئاگرێک لە زنجیرە چیای سەفین کەوتەوە.[3]
- وتەبێژی دەستەی مافی مرۆڤی هەرێم ڕایدەگەیەنێت، لەماوەی 10 ڕۆژدا لە هەرێم 10 هاووڵاتی کوژراون و خۆیان کوشتووه و دەڵێت دیاردەکانی کوشتن بە دەزگا ئەمنییەکانی هەرێم کۆنتڕۆڵ ناکرێت و چاوەڕێی دۆخی خراپتر دەکرێت.[3]
- دانیشتوانی شارۆچکەی #خانەقین# لەهەڵمەتێکدا هەزاران سێت ئاوی خواردنەوەیان بۆ هاوکاریکردنی پارێزگای بەسڕە کۆکردەوە و دوێنێ هەینی ڕەوانەی پارێزگاکەیان کرد.[3]
$رۆژئاوای کوردستان$
- ژووری چالاکییەکانی تووڕەیی زەیتوون ڕایگەیاند، لە ئەنجامی چالاکییەکی هێزەکانیان لە ناوچەی شیێی #عەفرین# سەرچەتەیەکی فەیلەقی شام بە ناوی زیاد محەمەد خەیووب کوژراوە. ژووری چالاکییەکانی تووڕەیی زەیتوون دیمەنی چالاکییەکەشی بڵاوکردەوە.[4]
- پێنتاگۆن قۆناخی دووەمی جێبەجێکردنی نەخشەڕێگەی منبجی ڕاگەیاند و وەزیری بەرگریی ئەمریکاش دەڵێت، ئامادەکاری پێویستکراوە و بەمزووانە ڕاهێنانی هاوبەش دەستپێدەکەن و دواتریش دەستدەکەن بە دروستکردنی گەشتی هاوبەشی سەربازیی ئەمریکا و تورکیا لە منبج و دەوروبەری.[1]
$دەرەوەی کوردستان$
- #ڕەجەب تەیب ئەردۆغان# سەرکۆماری تورکیا ڕاگەیاند لە باکوری عێراقەوە ❞هەرێمی کورستان❝ هێرش دەکرێتە سەرمان ئەوەش وەک ئاماژەیەک بۆ ئه و پێکدادانانەی کە لەنێوان سوپای تورکیاو پارتی کرێکارانی کوردستان (#پەکەکە#) لە سەر سنوری نێوان هەرێم و تورکیا ڕوودەدەن. ئەمڕۆ هەینی 31ی ئاب ڕەجەب تەیب ئەردۆغان لە وتارێکدا ڕاگەیاند داوای چەکی قورسمان لە هاوبەشەکانمان کردووە پێیان نەداوین و داوای فڕۆکەی ئێف 35 مان کردووە و ئەگەر پێمان نەدەن هەڵویستمان دەبێت، وتیشی تورکیا ڕووبەڕووی پیلانگێڕی دەبێتەوە کە دواترینیان سزا ئابورییەکانی ئەمریکایە.[3]

کە ناوی #شەنگال# دەهێنرێت، ڕاستەوخۆ جینۆسایدی ئێزدییەکانت پێش چاو دەکەوێت، 8ی ئابی 2014 مێژوویەکی ڕەش بوو بۆ ئەوان و خەڵکی شەنگال، ئەوان ئه و بەرەبەیانە لەخەوێکی قوڵدا بوون، هاواری ترسناکی چەکدارەکانی داعش و دەنگی فیشەک بەخەبەری هێنانەوە، هەر ئه و ڕۆژە دەیان هاوڵاتی ئه و شارە کوژران و گوللەباران کران.
ئەمڕۆ 3ی‌ ئاب، سێ ساڵە سەدان خێزانی ئێزدی‌ بێ خواستی‌ خۆیان لەنێو کەمپەکاندا ژیان دەگوزەرێنن، لای ئەوان هێشتا ئه و برینە ساڕێژنەبووەتەوە کە داعش بەرامبەریان ئەنجامیداوە، ئەوان ئێستا چەندین خەم لەناخیاندا پەنگ دەخواتەوە، (خەمی کچەکانیان، خەمی منداڵە ونبووەکانیان، خەمی گەڕانەوەیان بۆ زێدی خۆیان، خەمی ئاوەدانکردنەوەی ناوچەکەیان، خەمی بژێوی و بەردەوامیی چیان لەنێو چیرۆکە تاڵەکانی کوچه و کۆڵانەکانی شەنگالدا).
لەهاوینی 2014دا، داعش هێرشێکی کتوپڕی کرد و بەشێوەیەکی چاوەڕوان نەکراو دەستیگرت بەسەر موسڵی دووەم گەورە شاری عیراقدا‌ و بەتەنها 1200 چەکداری داعش نزیکەی 30 هەزار چەکداری سوپا و هێزە ئەمنییەکانی عیراقی شکاند، پاشان ئه و هێزەی داعش هێرشیان کردەسەر ئه و ناوچانەی کە لەژێر کۆنترۆڵی حکومەتی هەرێمی کوردستاندا یوو لەسنوری موسڵ.
ئه و هێرشە لەبەرەبەیانێکی زووی ڕۆژی 3ی ئابی 2014دا دەستیپێکرد بۆ سەر ئه و ناوچانەی کە ئێزدییەکان لێی نیشتەجێن لەشنگال، هێزەکانی پێشمەرگە بەبێ شەڕکردن و بەرگرتن لەداعش له و ناوچەیە کشانەوە، دانیشتووانە ئێزدییەکانیان لەبەر ڕەحمەتی ئه و چەکدارانەی داعشدا بەجێهێشت و زۆربەیان بەدیل گیران و کوژران و خرانە گۆڕی بەکۆمەڵەوە.
هەر دوای گرتنی شەنگال، دەستبەجێ چەکدارانی داعش دەستیانکرد بە نمایشکردنی دیمەنە تۆقێنەرەکانیان، وەک جیاکردنەوەی پیاوان لەژنان و هەرزوو چەندین پیاو و گەنج گوللەباران کران، بەڵام بەشێک له و خەڵکە بەنەهامەتیی خۆیان گەیاندە چیاکانی شەنگال، بۆ چەندین مانگ لەنەهامەتیی ناو چیاکاندا مانەوه و بە بێ نان و ئاو ژیانیان دەگوزەراند، ڕۆژانە منداڵ و کەسانی بەتەمەن گیانیان دەسپیارد، نەشیاندەتوانی خۆیان ڕزگار بکەن، چونکە داعش گەمارۆی دابوون و بەردەوامبوو لەهێرشکردنەسەریان.
ئەحمەد دەروێش یەکێکە لە سەرکردە مەیدانییەکانی‌ ڕێکخراوی‌ دەوڵەتی‌ ئیسلامی‌ ناسراو بە داعش کە لەلایەن هێزەکانی‌ ئاسایشی‌ ڕۆژئاوا لەشارۆچکەی‌ ڕمێلانی‌ ڕۆژئاوای‌ کوردستان لەشەڕێکدا بە برینداریی دەستبەسەرکراوە، بەمشێوەیە باس لەسەرەتای چوونی بۆ شەنگال دەکات.
ئه و سەرکردەیەی داعش دەڵێت لەرۆژانی‌ سەرەتای‌ دەستبەسەرداگرتنی‌ شەنگالدا، ئافرەتە ئێزدییەکان بەبێ‌ بەرامبەر بەسەر سەرکردە و چەکدارانی‌ داعشدا دابەش دەکران، دواتر لە ناوچەکانی‌ ژێر دەسەڵاتی‌ ڕێکخراوەکەدا کڕین و فرۆشتنیان پێوەدەکرا.
ئەحمەد دەروێش دەگێڕێتەوە لە هەندێک حاڵەتی‌ دەگمەندا بە پارەیەکی‌ زۆر کە دەگەیشتە سێ‌ هەزار دۆلار ئافرەتە ئێزدییەکان دەفرۆشران، چونکە جوان بوون و ئەندامانی‌ ڕێکخراوەکە لە ژنەکانی خۆیانیان بە باشتر دەزانی.
بەپێی‌ ئامارێکی نووسینگەی‌ کاروباری‌ ئێزدییەکان،‌ تا ئێستا زیاتر لە سێ هەزار و 700 هاوڵاتی ئێزدی لەهەردوو ڕەگەزی نێر و مێ لەژێر دەستی چەکدارانی داعشدا ماون و ڕزگارنەکراون.
ئه و پیاوە ئێزدییانەی بەدیلگیران و نەبوون بە ئیسلام کوژران، هەرچی ژن و منداڵەکانیشە لە نۆ ساڵ بەسەرەوە لەچەند ناوەندێک کۆکرانەوە، پاشان نێردران بۆ شارۆچکەی تەلەعفەری نزیک موسڵ و وەک کەنیزەک فرۆشران بە چەکدارەکانی داعش لەهەموو ئه و ناوچانەی کە لەژێر کۆنترۆڵی داعشدا بوون.
بەپێی ئامارەکانی سەنتەری هاوکاری ئێزیدییەکان، کە سەر بە ئەنجومەنی وەزیرانە و بارەگاکەی لەپارێزگای دهۆکە زیاتر لە 10 هەزار ئێزیدی شەهید و بێسەروشوێنن و ئاوارە بوونە.
بۆ ئێزدییەکان، 2014 مێژووی نوێ کردەوە، ئەوانەی باس لەرووداوەکانی ساڵی 2014ی سەر ئێزدییەکان دەکەن، دەڵێن ئەمە قەتڵوعامی حەفتاو سێیەمینی ئێزدییەکانە، کە پێشتر لەسەدەی 19یەم لەلایەن سوڵتان عەبدولحەمیدی دووەم سوڵتانی عوسمانییەکانەوە بڕیاردراوە بۆ داگیرکردنی ناوچە دوورەدەستەکانی ئێزدیی نشین بۆ ژێر ڕکێڤی خۆی، هەروەک خزمەتی سەربازیی زۆرەملێ و باجی بەسەردا سەپاندن و بەزۆر دەیکردن بە موسڵمانی سوننە مەزهەب.
بەپێی ئامارە نافەرمییەکان ئەگەرچی تائێستا دوو هەزار ژنی ئێزدی ئازادکراون، بەڵام هێشتا نزیکەی سێ هەزار ژنی دیکەی ئێزدی لەژێر دەستی داعشدا دیل و دەستبەسەرن کە زۆربەیان براون بۆ ڕەققەی پایتەختی داعش لەسوریا و ڕۆژانە پاش ڕزگارکردنی گەڕەکەکانی ئەوشارە دانە دانە ژنان و کچان و منداڵانیان بەدەردەکەون و ڕزگار دەکرێن.
03-08-2017

[1]

ئەنجومەنی خۆبەڕێوەبەری دیموکراتی شەنگال، پەیامێک ئاڕاستەی مستەفا کازمی دەکات و داواکارە دۆسیەی ئێزدییەکان بکاتە ئەولەویاتی کارەکانی کابینەکەی و سنوورەکان لە هێرشی دەرەکی بپارێزێت.
لە پەیامەکەیدا ئەنجومەنی خۆبەڕێوەبەری دیموکراتی شەنگال - مەخەدەشە پیرۆزبایی خۆی ئاڕاستەی مستەفا کازمی سەرۆک وەزیرانی نوێی عێراق کردووە و هیوای سەرکەوتنی بۆ خواستووە.
مەخەدەشە هیواش دەخوازێت یەکێک لە کەسە لێهاتووەکانی پێکهاتەی ئێزدی لەناو حکومەتەکەیدا بکرێتە وەزیر، بۆ زیادکردنی ڕۆحی هاوڵاتی بوون و بەرز نرخاندنی پێکهاتەکان بەهۆی ئەوەی کە هەموو پێکهاتەکان لە ناوەندی بڕیار بن.
مەخەدەشە دووپاتیدەکاتەوە کە هێشتا پێکهاتەی ئێزدی ئاسەواری قڕکردنی ساڵی 2014ی لەسەر ماوە و دەخوازێت دۆسیەی لەناوبردنی ئێزدیەکان لە ئەولەویاتی کارەکانی کابینەکەی بێت و ڕێگایەکی خێرا بدۆزرێتەوە بۆ ئەو ئاوارە ئێزدیانەی کە لە خێمە و کەمپەکاندا دەژین.
داواش دەکات شەنگال دووبارە بونیاد بنرێتەوە، هیوا خوازیشە کە حکومەتەکەی پارێزگاری لە یەک پارچەیی خاکی عێراق و پاراستنی سنوورەکان لە هێرشی دەرەکی بکات و ژیانێکی باشتر بۆ هاوڵاتیان دەستەبەر بکات.[1]
#11-05-2020#

ئه و هێرشەی دوێنێ کرایە سەر ڕۆڵەکانی ئێمەی ئێزیدخان - یەکینەکانی بەرخۆدانی شەنگال (YBŞ) بەتووندی شەرمەزار دەکەین.
هەر وەک چۆن لە فەرمانەکەدا بینیمان کە حکوومەتی عێراق کچ و ڕۆڵەکانی ئێمەی نەپاراست و ئێزیدخانی بۆ چەتەکانی #داعش# بەجێهێشت، ئەمڕۆش لە بری ئەوەی خۆی بە بەرپرسیار بزانێت لە پاراستنی کۆمەڵگەی ئێزدیدا، هێرشمان دەکاتەسەر. لە نیسانی 2018 بەدواوە؛ دوای ئەوەی سوپای عێراق هاتە هەرێمەکە زۆر جار هێرشی کردووەتە سەر میللەتی ئێمە، زەختی خستووەتەسەر کچ و کوڕانی ئێمە، لە هەموو ڕوویەکەوە ژیانی لێمان تەنگ کردووە و ئێمەی گەمارۆ داوە. هاتنی ئەوان بۆ شەنگال لە هیچ ڕوویەکەوە نەبووەتە گۆڕانێکی ئەرێنی بۆ کۆمەڵگەی ئێمە. بۆ نموونە ئه و دەروازەیەی کە کچ و کوڕانی ئێمە بۆ ڕزگارکردنی میللەتی خۆیان بە خوێنی خۆیان کردبوویانەوە و دەروازەکە بەتایبەتی لە ڕووی تەندرووستی و پێداویستییەکانی ژیانەوە بۆ ئێمە وەک جێی هەناسەدان بوو، داخرا. بەداخەوە بە هاتنی سوپای عێراق جێی هەناسەدانی کۆمەڵگەی ئێمە داخرا. هەتا ئێستا کچ و ڕۆڵەکانی ئێمە لە دەستی داعش ڕزگار دەکرێن، بەڵام لە لایەن سوپای عێراقەوە ڕێگرییان لێ دەکرێت و دەروازەیان بەڕوودا دادەخرێت. دایکانی ئێمە و میللەتی ئێمە کە دەیانەوێت ئه و دەروازەیە بکرێتەوە، هەموو جارێ لە لایەن سوپای عێراقەوە چەکیان لێ ڕادەکێشرێت و هەڕەشەیان لێ دەکرێت. هەموو جیهانیش باش دەزانێت کە دوای فەرمانەکە میللەتی ئێمەی ئێزدی لە هەموو دەڤەرەکانی جیهان بڵاوبووەتەوە. بەڵام هیچ کەس وەک حکوومەتی عێراق بۆ گەڕانەوەی ئێزدییەکان بۆ سەر خاکی خۆیان بەربەستی درووست نەکردووە.
دەیانەوێت ئیرادەی کۆمەڵگەی ئێمە بشکێنن
بەر لە چەند ڕۆژ فالح فەیاز بە ناوی دەوڵەتەوە هاتە شەنگال و داوای لە لایەنە ئێزدییەکان و بەتایبەتی هێزەکانی پاراستنی کۆمەڵگەی ئێزدی کرد کە بخرێنە چوارچێوەی پۆلیسی فیدڕاڵی. ئەمە دەریدەخات کە نە لە ڕووی پاراستنەوە، نە لە ڕووی سیاسییەوە لە مەنتقی دەوڵەتدا گۆڕانکارییەک درووست نەبووە و دەیەوێت جارێکی دیکە وەک کاتی بەر لە فەرمانەکە ئەم کۆمەڵگەیە بخاتە ژێر کۆنتڕۆڵی خۆی. کاتێک سەیری ئەم هێرشەش بکرێت کە کرایە سەر ڕۆڵەکانمان #شەڕڤان#انی یەبەشە، دەردەکەوێت کە دەوڵەت نەیتوانی لە ڕووی سیاسییەوە ئەم ئیرادەیە بشکێنێت و تێگەیشت ئەم ئیرادەیە وەک پێشوو زوو بە زوو تەسلیم نابێت. بۆیە جارێکی دیکە دەیەوێت لە ڕێی چەکەوە ئه و کچ و کوڕانەی ئەم کۆمەڵگەیە دەپارێزن بکاتە ئامانج و بیانترسێنێت.
با گەلەکەمان ناڕەزایەتی پیشان بدات
ئێمە وەک ئەنجومەنی خۆبەڕێوەبەریی دیموکراتیی شەنگال بەتووندی ئه و هێرشەی سوپای حکوومەتی عێراق شەرمەزار دەکەین و داوا لە گەلەکەمان دەکەین لە بەرانبەر پیلانەکانی دەوڵەتی عێراق وشیار بن و ڕێ نەدەن کە دەوڵەت ئیرادەی ئازادی کۆمەڵگەکەمان پێشێل بکات. لە هەمان کاتدا داوا لە گەلی خۆمان لە هەر چوار پارچەی کوردستان و هەندەران دەکەین کە بە ڕۆحی بەرخۆدانی شەنگال ڕاپەڕن و لە بەرانبەر ناوەندە نەتەوەییەکان، نەتەوەیەکگرتووەکان و دامودەزگەکانی مافی مرۆڤ ئه و هێرش و پێشێلکارییانە شەرمەزار بکەن کە دژی ئیرادەی کۆمەڵگەی ئێزدی دەکرێن.
#18-03-2019#

لەبارەی ڕێکەوتنی نێوان حکومەتی هەرێم و حکومەتی عێراق، ئەنجومەنی خۆسەری دیموکراتی شەنگال، ڕوونکردنەوەیەکی بڵاوکردەوە و ڕایگەیاند: لە ڕۆژی 9ی تشرینی یەکەم ڕێکەوتنێک لە نێوان هەریم و ناوەند ئەنجامدرا لەسەر شەنگال، بە بێ وەرگرتنی ڕای ئێزدیەکان و پێکهاتەکانی دیکە و گەلی شەنگال.
ئەنجومەنی خۆسەری دیموکراتی شەنگال ئاماژەی بەوەش کردوە، گفتوگۆکان هەرچی دەبێت و لە هەرکوێ دەبێت، پێویستە بیرکردنەوە و بڕیار و پڕۆژەی ئێزدیەکان بۆخۆیان ببێتە بنەما سیاسەتی فەرزکردن ئەنجام بەدەست ناهێنێت.
هەروەها لە ڕونکردنەوەکەدا ئەوەش خراەوەتەروو، ئێمە بۆ بەدەستهێنانی ماف و خواستەکانی کۆمەڵگەکەمان و گەرەنتی پاراستنی پێگەی شەنگال و ئێزدیەکان دەخوازین بگەینە تێڕوانێکی هاوبەش کە تێیدا ئیرادەی هەبوونی ئێزدیەکان پارێزراو بێت.
ئەنجومەنەکە ڕاشیگەیاندووە بۆ ئەوەی ئەو گفتوگۆیانە بگاتە ئەنجام پێویستە ئەوانیش ببنە لایەنێک لە گفتوگۆکان و بە بێ ئەوەش ئەو گفتوگۆیانە قەبوڵکراو نین، تەنها چارەسەریش گفتوگۆکردنە و هیچ چی دیکە.[1]

ماوەیەکە لە نێوان هەولێر و بەغدا، لەسەر بابەتی ئەمنی و بەڕێوەبەرایەتی شەنگال گوتوبێژ ئەنجام دەدرێت بە بێ ئەوەی بیروڕا و ئیرادەی گەلی شەنگال لەبەرچاو بگیرێت و هەوڵ دەدەن لە ناوچەکە گۆڕانکاری نوێ ئەنجام بدەن.
ئەنجومەنی خۆسەریی دیمۆکراتیکی شەنگال لەم بارەیەوە ڕاگەیێنراوێکی بڵاو کردەوە و تێیدا ئاماژەی بەوە کرد کە، لە کاتی شەڕی داعشەوە تا ئێستا، ئەوان قوربانی گەورەیان داوە و بەم شێوەیەش گەلی شەنگال بووە بە خاوەنی ئیرادە و جەختیشی کردەوە، ئەوان بە بێ ئیرادەی گەلی شەنگال، هیچ بڕیارێک لە بارەی شەنگالەوە قبوڵ ناکەن.
لە ڕاگەیێنراوەکەدا تیشک خرایە سەر کۆمەڵکوژی و قڕکردنی کۆمەڵگای ئێزدی و بەم شێوەیە باسی لێوە کرا، دوایین جار لە بەرواری 3ی ئابی 2014دا دوای ئەوەی پارتی دیمۆکراتی کوردستان، شەنگالی ڕادەست کرد و حکومەتی عێراقیش هیچ خاوەنداریەکی لە شەنگال نەکرد، داعش دەستی بە کۆمەڵکوژی کرد.
ئەنجونەکە ڕاشیگەیاند، ئامانجی نەیاران، سەرکەوتوو نەبوو و لە ئەنجامی تێکۆشان و خۆڕاگریدا، کۆمەڵگای ئێزدی بوو بە هێز و ئیرادە و بە قوربانیدانێکی زۆر، ڕێگری لە دوژمن کرد و وتیشی، بەر لە ساڵی 2014 ئیرادە و سیاسەتی پارتە سیاسیەکان بەسەر ئێزدیەکاندا دەسەپێنرا، بەلام کۆتایی بەو سەردەمە هاتووە، کۆمەڵگای ئێزدیشی وەکو پێشووتر نیە.
ئەنجومەنی خۆسەریی دیمۆکراتیکی شەنگال هاوکات تیشکی خستە سەر دانوستانەکانی نێوان هەولێر و بەغدا لە بارەی ناوچە جێناکۆکەکان و ڕایگەیاند، گۆتوبێژەکان چی دەبن باببن، بەڵام پڕۆژە و بیروبۆچوونەکانی سەر شەنگال بە بێ بیروڕا و ئیرادەی ئێزدیەکان ناگەن بە هیچ ئەنجامێک.
ئەنجومەنەکە ڕاشیگەیاند، ئامانج و داواکاریی سەرەکی ئەوان ئەوەیە کە کۆمەڵگاکەیان بپارێزرێت و ببێت بە خاوەنی پێگەی خۆی و بەم شێوەیە دوا:لە هەر بارودۆخێکدا ئەگەر بیروڕا و ئیرادەمان پشتگوێ بخرێت، ئەوا بڕیارەکان بێئەنجام دەمێننەوە و جێبەجێ ناکرێن.
لە کۆتاییشدا ئەنجومەنەکە جەختی کردەوە کە ئەوان دان بە هیچ بڕیارێکدا نانێن و جێبەجێی ناکەن، ئەگەر نەخرێنە ناو دانوستان و گوتوبێژەکانەوە و ڕاشیگەیاند، بۆ ئەوەی گۆتوبێژەکانی سەر مادەی 140ی تایبەت بە ناوچە جێناکۆکەکان بگەن بە ئەنجان، دەبێت ئەوانیش وەکو لایەنێک جێی خۆیان لە دانیشتن و گوتوبێژەکاندا بگرن.[1]

ئەنجومەنی خۆبەڕێوبەری دیموکراتی شەنگال، بەبۆنەی ساڵیادی هێرشی دەوڵەتی داگیرکەری تورک بۆسەر شەنگال، داوای خۆبەڕێکخستن کردنی کۆمەڵگای ئێزدی دەکات.
دەوڵەتی داگیرکەری تورک ڕۆژی 25-4-217 بە فڕۆکە هێرشی کردەسەر شەنگال، ئەنجومەنی خۆبەڕێوبەریی دیموکراتی شەنگال لەسەر ئەو بابەتە ڕاگەیەندراوێکی بڵاوکردەوە.
لە ڕاگەیەندراوەکەدا ئاماژە بەوە کراوە، کە لە مێژوودا سەدان جار هێرش کراوەتە سەر کۆمەڵگای ئێزدی و زۆربەیان بەدەستی عوسمانییەکان کراوە و هاتووە: ئەو ڕقە هێشتاش لەبەرامبەر کۆمەڵگای ئێزدی بەردەوامە، 25ی نیسانی 2017 کە هێشتا بەشێکی شەنگال بەدەست چەتەکانی #داعش#ەوە بوو و هێشتا خوێن لە برینی خەڵکی ئێزدی دەچۆڕا، دەوڵەتی داگیرکەری تورک دوای هێرشەکەی 3ی ئازار کە لەژێر ناوی پێشمەرگەی ڕۆژ کرایەسەر خانەسۆر، ئەمجارە بە فرۆکەی جەنگی هێرشی کردەسەر ئێزدیخان.
لە بەردەوامیدا هاتووە: لەم هێرشەدا هەرچەند، #شەڕڤان#، گەریلا و پێشمەرگە بوونە ئامانج و ژمارەیەک پێشمەرگەش گیانیان لەدەستدا، بەڵام حکومەتی عێراق و حکومەتی هەرێم بێدەنگ بوون، ئەم بێدەنگییە ڕێی لەبەر بەردەوامیی هێرشەکانی دەوڵەتی تورک کردەوە، حکومەتی هەرێم و لە سەرویانەوە پارتی لەجێی هەڵویست نیشاندان، شانیاندایە شان دەوڵەتی تورکەوە و لەو هێرشەدا جێیان گرت و بوون بە هاوکاری داگیرکەر.
هەروەها هاتووە: دەوڵەتی تورک بەو هێرشە ویستی گەلی کورد کە لە شەنگال بوونەتە خاوەن ئیرادە، لەناو ببات و جارێکی دیکە کۆچبەریان بکات و عوسمانیی نوێ دروست بکات، سەرەڕای ئەو هەموو هێرش و هەڕەشانە، بەڵام نەیانتوانی ئیرادەی خەڵکی ئێزدی لەناوببەن.
لە کۆتاییشدا هاتووە: هەموو شەهیدانی ئێزدیخان و شەهیدانی ڕێگای ئازادی بەبیردێنینەوە و داوا لە خەڵکی ئێزدی دەکەین، بۆ ئەوەی ڕێگە لە هێرشەکان بگرین پێویستە خۆمان بە ڕێکخستن بکەین و خۆمان بەهێز بکەین.[1]
#25-04-2020#

بانگەوازێک بۆ ڕایگشتی جیهانی
بۆئەوەی #عەفرین# نەبێت بە شەنگالێکی تر
ئەوەی ئێستا خۆرهەڵاتی ناوین لە هەموو کاتێک زیاتر پێویستی پێیەتی ئاشتییە نەک جەنگ، بیناکردنەوەیە نەک کاولکاریی و عەقڵانیەتی سیاسییە نەک حەماسەتی دینیی و ناسیۆنالیستیی. گەلی کوردستان بەتایبەت و گەلانی ناوچەکە بەگشتیی ساڵانێکە ماندووی جەنگی بەردەوامی دەوڵەت و سەرکردە ستەمگەر و گروپە تیرۆریستەکان و ئەو هێزە شەڕانگیزانەن کە جەنگی بەوەکالەت بۆ دەوڵەتە ئیقلیمیی و زلهێزەکانی دونیا پیادەدەکەن. لەمڕۆشدا بەهۆی ئەو لەشکرکێشییە دڕاندانە و بەرفراوانەی دەوڵەتی تورکیا بۆسەر کانتۆنی عەفرین، خەڵکی مەدەنیی شار و شارۆچکە و گوندەکانی لەبەردەم ڕەحمەتی فرۆکە و تانک و تۆپ و گوللەی لەشکری تورکیا و گروپە بەکرێگیراوەکانیانن. ئێمە لەرێگای ئەم بانگەوازەوە، هۆشداریدەدەین کە مەترسییەکی گەورە لە کانتۆنی عەفرین لەئارادایە، مەترسیی ئەزموونێکی نوێی کۆمەڵکوژیی لەدوای شەنگال. ئەمەی ئێمە دەیڵێین تەنها مەزەنەکردن و ترساندن نییە، بەڵکو ئەگەرێکی تەواو واقیعییە. گوێگرتن لە ئەردۆگان خۆی و سەیرکردنی ئەو هێزە ئیسلامییە توندڕەوانەی بۆی دەجەنگن، ئەم ڕاستییەمان پێدەڵێن.
گەلانی ناوچەکە چاوەڕوانی بەرپرسیارێتی سیاسیی و ئەخلاقیی هەموو ئەو هێز و دەوڵەتانەن، ڕێگە لەوەبگرن ئەم هێرشەی دەوڵەتی تورکیا نەبێتە هۆکارێک بۆ جینۆسایدێکی نوێ دژ بە گەلی کورد و گەلانی ناوچەکە لە کانتۆنی عەفرین. ئەم جەنگە جگە لەوەی بە هەموو پێوەرەکان دژ بە بەها و یاسا نێودەوڵەتییەکانە، دژ بەهەموو ڕێسایەکی نێودەوڵەتیی جەنگیشە، چونکە هیچ تەباییەک لە نێوان هێزی بەرگریی خەڵکی عەفرین و هێزی هێرشبەری یەکێک لە پڕچەکترین دەوڵەتانی هاوپەیمانیی ناتۆدا، بوونی نییە.
$بێدەنگبوونی دەوڵەتانی دونیا و نەتەوە یەکگرتووەکان بەرامبەر بەم سیاسەتە شەڕانگیزییەی ئەردۆغان و دەوڵەتی تورکیا، مەترسیی جینۆسایدکردنی خەڵکی عەفرین گەورەتردەکات. ئەم لەشکرکێشییە گشتگیرەی لەشکری تورکیا تەنها شەرعییەتدان نییە بە سیاسەتی عەسکەرتاریی ئەردۆغان بۆ ئەم سەرپێچییەی لە یاسای نێودەوڵەتیی، بەڵکو بەشداربوونێکی ڕاستەوخۆیە لە دروستبوونی هەر تراژیدیایەکی تری سیاسیی و ئینسانیی لە کانتۆنی عەفرین و ناوچەکەدا. ئێمە هەڵوێستی ناکردەیی دەوڵەتە زلهێزەکان و ڕێکخراوە نێودەوڵەتییەکان شەرمەزاردەکەین کە جگە لە گلەیی لەو لەشکرکێشییە کەرەستەیەکی تریان پێ نییە ڕێگە لە فرۆکە و تانک و تۆپی دەوڵەتی تورک بگرن، هەندێکیشیان تا ئەو شوێنە دەڕۆن کە پەلامارەکەی ئەردۆگان و هێزە ئیسلامییە دۆستەکانی وەک ”بەرگریکردن لە خۆ“ پێناسبکەن$.
لەهەمانکاتدا شەرمێکی سیاسیی و ئەخلاقیی گەورەیە بۆ حکومەتی هەرێمی کوردستان و پەرلەمانی کوردستان و هێزە سیاسییەکان کە نەتوانن هەڵوێستێکی سیاسیی و ئەخلاقیی بەرپرسیارانە و ڕوونیان بەرامبەر بەم لەشکرکێشییە و سیاسەتە شەڕانگیزییەی ئەدۆغان هەبێت و هیچ نەخشەڕێگایەکیشیان نەبێت بۆ پشتیوانیکردنی بەرگریی لە کانتۆنی عەفرین و بەهاناهاتنی خەڵکی مەدەنیی و چارەسەرکردنی بریندار و کۆمەککردنی ئاوارەکان. ئێمە دەزانین ئەو دەستتێوەردانە نایاسایی و سەربازییەی دەوڵەتی تورکیا بۆ سەر کانتۆنی عەفرین نە ئاشتی و ئاسایش بۆ تورکیا و نە بۆ ناوچەکەش دەهێنێت، نەدەشتوانێت کێشەی سیاسیی و مێژوویی گەلانی کوردستان و خەباتی بۆ ئاشتیی و ئازادیی دابینبکات.
ئەم جەنگە تەنها پێکەوەژیان و ڕێزگرتنی گەلانی ناوچەکە لەیەکتر وێرانناکات، بەڵکو خەرەند و برینی گەورەتر لەنێوانیاندا دروستدەکات. بۆیە بە هەموو دەوڵەت و نێوەندە نێودەوڵەتییەکان دەڵێن هەرئێستا ئەم جەنگە گشتگیر و سیاسەتە عەسکەرتارییەی ئەردۆغان بۆ سەر کانتۆنی عەفرین ڕابگرن و ڕێگە لە دروستبوونی جینۆسایدێکی نوێ بگرن[1].
ئاراس فەتاح نووسەر
د.مەریوان وریا قانع نووسەر
د.شیرکۆ کرمانج نووسەر
د.شەعبان مزووری نووسەر
لاوک سەڵاح نووسەر
رێبین هەردی نوسەر
جەمال حسێن نووسەر
کاوە محەمەد پەرلەمانتار
هیوا فایەق شانۆکار
رەوف بێگەرد نووسەر
ئارام سەعید چالاکوانی سیاسی
ئارام عەلی هونەرمەندی تەشکیلی
د.چۆمان هەردی نووسەرشیرین سائیب چالاکوان
بەهار مونزیر چالاکوان
چلورە هەردی چالاکوان
نیاز عەبدوڵڵا ڕۆژنامەنووس
نەجیبە مەحمود میدیاکار
یاسین ئافتاو میدیاکار
ئەحمەد میرە ڕۆژنامەنووس
سالار مەحمود پەرلەمەنتار
سارا قادر ڕۆژنامەنووس
کۆڕاڵ نوری میدیاکار
ڕۆژا حەسەن چالاکوان
تارا شێخ عوسمان وەرگێڕ و مامۆستا
لەیلا شۆراوی چالاکوان
روناک شوانی نووسەر
#نالیا ئیبراهیم# چالاکوان
ئاسۆس هەردی ڕۆژنامەنووس
شوان محەمەد ڕۆژنامەنووس
ئەحمەد میرە ڕۆژنامەنووس و مامۆستای زانکۆ
سەردار محەمەد ڕۆژنامەنووس
دانا ئەسعەد ڕۆژنامەنووس
کەمال چۆمانی نووسەرو ڕۆژنامەنووس
عەبدوڵڵا مەلا نووری پەرلەمانتار
شێرکۆ حەمە ئەمین پەرلەمانتار
فەرمان ڕەشاد نووسەرو چالاکوان
سیروان غەریب ڕۆژنامەنووس
کەمال ڕەووف ڕۆژنامەنووس
ئاسۆ جەبار نووسەر
هەورامان وریا قانع نووسەر
هیوا قادر نووسەر
ئارام کاکەی فەللاح نووسەر
مەجید ساڵح نووسەر
دانا کەریم هونەرمەند
دڵشاد مستەفا هونەرمەند
بڕوا ڕەسووڵ مامۆستای زانکۆ
نارین دیرکی شاعیر- ڕۆژاوا
میدیا ڕەوف بێگەرد شانۆکار
ئاراس وەلی چالاکی بواری سیاسی
ئازاد بەرزنجی نووسەر و وەرگێڕ
خەیریە شوانۆ وەرگێڕ مامۆستای زانکۆ
دانا ڕەوف نووسەر، شانۆکار
بوشرا کەسنەزان مامۆستای زنکۆ ڕەخنەگرعەتا موحەمەد نووسەر
کاوە محمد امین نوسەرو مافپەروەر
ڕێبین مەحمود ساڵح مامۆستای زانکۆ
‎مەنسوور تەیفوری نووسەر
‎دیاری قەرەداغی هونەرمەند
‎هێمن قەرەداغی نووسەر
‎دلۆڤان سەرسپی وەرگێڕ
‎سەرتیپ عزیز فارس مامۆستای زانکۆ
‎د. موئمین زەڵمی مامۆستای زانکۆ
‎بەیار عومەر عەبدوڵڵا م. زانکۆ
‎سامان حاجی مامۆستای زانکۆ
‎ڕۆژە حەسەن چالاکوان
‎محەممەد عەباس بارام هونەرمەند
‎یاسین بانیخێڵانی نووسەر
‎د. فەهمی عەلی عەزیز مامۆستای زانکۆ
‎ئاکام شێخ هادی فۆتۆگرافەر
‎فەوزی ڕەمزی مامۆستا
‎هەردی مەهدی مامۆستای زانکۆ
‎د. کارزان محەمەد مامۆستای زانکۆ
‎نزار سابی نووسەر
‎شاڵاو فەتاح کەریم نووسەر
‎د. سەلام عەبدولکەریم مامۆستای زانکۆ
‎ئیدریس سیوەیلی مامۆستای زانکۆ
‎نیاز حەسەن خالید هونەرمەند
‎چۆلی فایەق نووسەر
‎ڕزگار حەمەئەمین ئەحمەد شانۆکار
‎هاوژین عومەر کەریم نووسەر
‎کامیار سابیر نووسەر
‎بەکر عەلی نووسەر
‎عەبدوڵڵا ڕێشاوی ڕۆژنامەنووس
‎سۆران عەبدولقادر کۆستە نووسەر‎
ئامانج مەحموود هونەرمەند
‎تاهیر ڕەحیم نووسەر
‎پەیکار عوسمان نووسەر
‎شەفیق حاجی خدر وەرگێڕ
‎لێوژە محەمەد شەفیق نووسەر
‎د. ئارام ڕەفعەت نووسەر
‎د. جەعفەر عەلی نووسەر
‎بەرهەم خالید مامۆستای زانکۆ
‎سالار تاوەگۆزی مامۆستای زانکۆ
‎سەلام عومەر ئیبراهیم مێدیاکار
‎د. پەیمان عەبدولقادر مامۆستای زانکۆ
‎فاروق عبداللە عبدالرحمان نووسەر
‎هێمن محەمەد سەعید پزیشک
‎ڕزگار حەمەڕەشید شانۆکار
‎فروود باقی مەحموود شێوەکار
‎ئاڤان سدیق شێوەکار
زاهیر عەبە ڕەش شانۆکار
عادل قادری نووسەر
دلێر محەمەد تاهیر شانۆکار
گۆران مەریوانی شاعیر
هونەر تۆفیق نووسەر
هەڵکەوت عەبدڵا نووسەر و وەرگێڕ ئەنوەر
ڕەشید عەولڵا شاعیر
ئارا ڕەزا مامۆستای زانکۆ
داستان بەرزان شاعیر
سوعاد سەید ڕەزاق چالاکوانی بواری ژنان و منداڵان
نەوزاد حمەشەریف ئەندامی ئەنجوومەنی شارەوانی- پارتی ژینگە، سوید
د. ڕەعد ڕەفعەت
مەسعود عەبدولخالق سەرۆکی دەزگای ستاندەر
#31-01-2018#