ناڤ: ئایشە شان
ناسناڤ: ئەیشە خان، ئایشانا عوسمان، ئایشانا عەلی
ناڤێ بابێ: محەممەد عوسمان
ناڤێ دایکێ: حاجیە خانم
ساڵا ژ دایکبوونێ: 1938
ڕۆژا مرنێ: #18-12-1996#
جهێ ژ دایکبوونێ: #ئامەد#
جهێ مرنێ: ئیزمیر
$ژیاننامە$
ئایشە شان؛ (1938 - 1996) سترانبێژا کورد، ژدایکبوویێ باژارێ #ئامەد#ێ یە. ناڤێ دایکا وێ «حاجیە خانم» بوویە کو یەک ژ عەشیرا حاجی مستەفا بەگێ ئەرزرۆمی یە، هەر وەسا ناڤێ بابێ وێ محەممەد عوسمان بوویە. تێ گۆتن کو بابێ عایشە شانێ، محەممەد عوسمان ژی دەنگبێژ بوویە. وێ هەر د تەمەنێ 20 ساڵیێ دا ستران گۆتینە، لێ ژبەر هندێ کو مالباتا وێ مالباتەک ئایینی بووینە، ئەو ژ ستران گۆتنێ دوور دئێخستن، ب تایبەت ل جهێن کو تایبەت بوون ب زلامان! سترانگۆتنا ژنا د وی سەردەمی دا کارەک عەیبە بوویە، لەو باب و کەسوکارێن ئایشە شانێ دیتنا ئایشە شانێ ب تمامی ژ خوە حەرام دکەن. وێ د تەمەنەک گەلەک زیدا ژیانا هەڤژینیێ پێک ئینایە، ناڤێ هەڤژینێ وێ «شەوکەت توران» بوویە، کو بەرهەمێ هەڤژینیا وان کچەک ب ناڤێ «یاسەمین» دبیت. ئایشە شانێ گەل هەڤژینێ خوە ل ماردینێ دژیان، لێ دەمێ کو هەڤژینێ وی شەوکەت توران ژنەک دی ب سەر وێ دا دئینیت، ئایشە خان وێ چەندێ قەبیل ناکەت و ڤەدگەریتە ئامەدێ. ساڵا 1958 ب هەڤکاریا «نائیل بایشوور» ل ڕادیۆیا عەنتابێدا ب زمانێ ترکی ستران گۆتینە، لێ ژ بەر هندێ کو حەز و ئارەزوویا وێ سترانێن کوردی بوون نە ترکی، ل ڕادیۆیا عەنتابێ دەردکەویت و ل ساڵا 1963 دچیتە ستەمبۆلێ و ل ڤێرێ سترانان ب کوردی و ترکی دبێژیت. گۆتنا سترانێن کوردی د ڤی سەردەمێ ترکیێدا ئاستەنگ و گوشار چێ دکرن، کو ئەڤ چەندێ ئایشە شان ژی دگرت، ئەو بوو کو نەچار ما دەولەتا ترک جی بهێلیت و کچ بکەت وەڵاتێ ئەڵمانیایێ. ئایشە شان ب یەک ژ وان هونەرمەندان دهێتە هەژمار کو ل دژی سیاسەتا فاشیستا کەمالیزمێ سەکنییە. سترانا «قەدەر»ا ئایشە شانێ ل خەریبیا ئەڵمانیایێ دا چێ دبیت؛ چیرۆکا چێ بوونا وێ سترانێ کۆچا داویا کچەک 18 ساڵی یە، کو مرنا وێ کاریگەرییەک زێدە ل سەر هەستێن هونەرمەندا مە چێ دکەت و بەرهەمێ وێ ژیک سترانا «قەدەر»ێ یە. ئایشە خان، ئان ئایشانا عوسمان ئان ئایشانا کورد ل ساڵا 1979 بەرا خوە ددەتە عیراقێ و ژ بۆ دەمەکێ ل ڕادیۆیا کوردی یا بەغدادێ کار دکەت. ئایشانا کوردان ل 18-12-1996 ب سەدەما نەخوەشیا شێرپەنجەیێ کۆچا داوی دکەت و ل سەر داخوازیا وێ، تەرمێ وێ ل باژێرێ ئامەدێ تێ ڤەشارتن. [1]

ناوی تەواوی (ئایشەشان ئوسمان) ە ساڵی 1938 لە شاری #ئامەد# لەدایک بووە لە تەمەنی (20) ساڵی گۆرانی گوتووە لەبەر ئەوەی بنەماڵەکەیان پەیوەندییەکی #گەرمیان# لەگەڵ ئایین هەبووە بەو هۆیەوە دوور خراوەتەوە لە گۆرانی بە تایبەتیی ئەو شوێنانەی کە پیاوی لێبووە گۆرانی وتن بۆ ئافرەت عەیب بووە لەبەر ئەوەش بوو باوک و خزم و کەسی ئایشەشان بینینی ئەویان لەخۆ حەرام دەکەن ساڵی 1958 بە یارمەتیی (نائیل بایشوور) لە ڕادیۆی عەنتابدا بە زمانی تورکی گۆرانی وتووە، بەڵام لەبەر ئەوەی ئارەزووی ئەو بۆ گۆرانی کوردی بێکۆتا بوو لە ڕادیۆی عەنتاب دەرکرا پاشان لە ساڵی 1963 دەچێتە ئەستەمبۆل لەوێ گۆرانی کوردی و تورکی دەڵێت لەبەر وتنی گۆرانی کوردی دەکەوێتە ژێر گوشار ناچار تورکیا جێدێڵێت دەچێتە وڵاتی ئەڵمانیا لە ئەڵمانیا کچێکی لە تەمەنی (18) ساڵی کۆچی دوایی کردووە دەبێتە خەمێکی زۆر بۆ ئایشەشان لە وڵاتی غوربەت بۆ ئەم خەمە گۆرانی (قەدەر) دەڵێت ساڵی 1979 ڕوو دەکاتە ئێراق بۆ ماوەیەک لە ڕادیۆی کوردی بەغدا کار دەکات، لە #18-12-1996# بە هۆی نەخۆشی شێرپەنجە کۆچی دوایی کردووە و لەسەر وەسییەتی خۆی تەرمەکەی دەبەنەوە شاری ئامەد. [1]

شوێن: ئیستەمبوڵ-تورکیا
ساڵی گیرانی وێنەکە: 1963
کەسایەتی ناو وێنەکە: (ئایشە شانئایشە شان)
ناوی وێنەگر: نەزانراو. [1]

ئامادەکاران: زەینەب یاش- حیلمى ئاکیۆڵ
ڕیزبەندکردنى مەقام و نووسینەوەى نۆتەکان: کاوە فەقێ زادە
پێداچوونەوەی نۆتەکان: د. محەمەد زازا
پێداچوونەوەی زمانی: مەزڵوم دۆغان
پەراوێز دانان: مەزڵوم دۆغان، بوار نورەدین
وەرگێڕانی ژیاننامە بۆ کرمانجی خواروو: بوار نورەدین
ژمارەى بلاوکراوە: 83
دیزاینى بەرگ: حەمید رەزا ئازموودە
ڕێکخستنى لاپەڕەکان: کاروان سالار
چاپخانە: ئاراس هەولێر
تیراژ: 1000
چاپى یەکەم: 2009
ژمارەی سپاردن: 1371ی ساڵی 2009 وەزارەتی رۆشنبیری

شوێن: شاری #هەولێر#
رۆژ یان ساڵی گیرانی وێنەکە: #01-11-1978#
کەسایەتییەکانی ناو وێنەکە: (1- هونەرمەندی کۆچکردوو #ئایشە شان#، 2- هونەرمەندنی کۆچکردوو #ڕەسوڵ بێزار گەردی#)
ناوی وێنەگر: (نەناسراو)

شوێن: #هەولێر#
رۆژ یان ساڵی گیرانی وێنەکە: 1978
کەسایەتییەکانی ناو وێنەکە: (#ڕەسوڵ بێزار گەردی# و #ئایشە شان# و حەیدەر)
ناوی وێنەگر: (نەناسراو)[1]