وەزیری کار و کاروباری کۆمەڵایەتی، بە نووسراوێکی نهێنی، بەڕێوەبەری نووسینگەکەی خۆی دەکاتە بەڕێوەبەری گشتی چاودێری گەشەپێدانی کۆمەڵایەتی لە #سلێمانی#.
بە فەرمانی نهێنی و بە واژووی #کوێستان محەمەد#، وەزیری کار و کاروباری کۆمەڵایەتی (بێستوون جەبار مەجید) دەکرێتە بەڕێوەبەری گشتی چاودێری گەشەپێدانی کۆمەڵایەتی لە سلێمانی.
بێستوون مەجید، پێشتر بەڕێوەبەری نووسینگەی کوێستان محەمەد وەزیری کار و کاروباری کۆمەڵایەتی بووە.
ناوبراو هاتۆتە شوێنى ئیسماعیل ڕەشید، بەڕێوبەرى پێشووتر بەهۆى ئەوەى ناوبراو مۆڵەتى خوێندنى ماستەرى وەرگرتووە و بەپێی یاساش پێویستە مۆڵەتى خوێندنەکەى هەڵوەشێنێتەوە. [1]

دەقی پرسەنامەکەی #بافڵ تاڵەبانی#:
بەداخەوە هەواڵی کۆچی دوایی کاک (بەکر سەعید) هاوسەری خاتوو کوێستان محەمەد، وەزیری کار و کاروباری کۆمەڵایەتیی حکومەتی هەرێم و برای بەڕ ێز نیاز سەعید، ئەندامی مەکتەبی گەشەپێدان و بیروهۆشیاریمان پێگەیشت.
بۆ ئەم خەمە گەورەیە پرسە و هاوخەمی خۆم ئاڕ استەی ئێوە و بنەماڵەکەتان دەکەم. لەخوای گەورە داواکارم ڕۆحی کۆچکردوو بە بەهەشتی بەرین شادبکات و سەبووری و ئارامی بە ئێوەش ببەخشێت.
دڵسۆزتان
بافڵ جەلال تاڵەبانی[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

بەناوی خوای بەخشندەی میهرەبان

بە دڵێکی ڕازی بە قەدەری خوای گەورە، بە بۆنەی کۆچی دوایی هونەرمەندی ناسراوی پارێزگای #سلێمانی#، بەناوی وەزارەتی کارو کاروباری کۆمەڵایەتی ، پرسە و سەرەخۆشی ئاڕاستەی خۆمان کەس و کارو خانەوادە و سەرجەم هاووڵاتیانی سنووری پارێزگای سلێمانی دەکەین.

کۆچی دوایی هونەرمەند خەسارێکی گەورەیە لە بواری شانۆو ئەدەب و ڕۆشنبیری کوردیدا، لە خوای گەورە دەپارێینەوە کۆچکردوو شوێنی بەهەشت بێت و سەبوری کەس و کارو بنەماڵەکەی بدات و دوا خەمیان بێت.

هیوادارین توانیبێتمان لەماوەی ئەو 4ساڵەی لە ماڵی بەساڵاچوانمان بووە لەپارێزگای #هەولێر#، خزمەتێکی شایستەمان بە کۆچکردوو کردبێت و شەرەفێکی گەورەیە خزمەتمان بە هونەرمەندێکی گەورەی بواری شانۆکردووە.[1]
انا للە وانا الیە (راجعون)

#کوێستان محەمەد#
وەزیری کار و کاروباری کۆمەڵایەتی
15ی1ی2023

• شوێن و ساڵی لە دایک بون: 1965 #سلێمانی#
• هەڵگری بڕوانامەی بەکالۆریۆس لە ماتماتیک
• لە ڕێکخستنە دێرینەکانی کۆمەڵەی ڕەنجدەرانی کوردستان بوە و ساڵی 1990 لە هەوڵێکی دەستگیرکردن لەلایەن ڕژێمی بەعسەوە ڕزگاری بو
• ساڵی 1996 دامەزرێنەری هێزی پێشمەرکەی ژنان و لێپرسراوی ڕاگەیاندنی یەکێتی ژنانی کوردستان و ئامادەکاری بەرنامەی تەوار بوە
• چەندین جار هەڵوێستی وەرگرتوە لەسەر مەسەلە چارەنوسسازەکان. یەکێک بوە لەو 7 ئەندام پەڕڵەمانەی کە بایکۆتی کۆبونەوەی پەسەندکردنی دەستوری کرد
• ساڵی 2001 ئەندامی مەکتەب ڕێکخستنی (ی.ن.ک) بوە
• 2007 – 2009 سەرۆکی فراکسیۆنی سەوز بوە لە پەڕڵەمانی کوردستان. بەخواستی خۆی دەستی لە سەرۆکایەتی فراکسیۆن کشاندەوە و ئەندامی پەڕڵەمانی کوردستانە

#کوێستان محەمەد#، وەزیری کار و کاروباری کۆمەڵایەتی هەرێم ڕایگەیاند، لە هەرێمی کوردستان چوار شێڵتەر هەیە و کاردەکەن بۆ کردنەوەی شێڵتەری دیکە.
کوێستان محەمەد لە ڕێوڕەسمی دەستاو دەستکردنی بەڕێوەبەردنی شێڵتەرەکان لەگەڵ نەتەوە یەکگرتووەکان ڕایگەیاند، لە هەرێمی کوردستان چوار شێڵتەر هەیە و بڕیاری دروستکردنی شێڵتەر لە سنوری ڕاپەڕین دراوە، هەروەها پلانیان هەیە شێڵتەری کاتی لە #سۆران# و #زاخۆ#ش بکەنەوە. نیگەرانیشی دەربڕی لە ڕووداوی ئاگرکەوتنەوە لە شێڵتەرێک لە #هەولێر#.
ئاماژەی بەوەشداوە، ئافرەت هەیە لە شێڵتەرەکان لەسەر نامەیەک هەڕەشەی کوشتنی لەسەرە. [1]

لە ڕۆژى جیهانى خاوەن پێداویستییە تایبەتەکاندا وەزیرى کار و کاروبارى کۆمەڵایەتیی ڕایدەگەیەنێت، ئەم ڕۆژە دەرفەتێکە سەرنج بخەینەسەر باشترکردنى ژیانى ئەو تاکانەى ڕۆژانە ڕووبەڕووى ئاستەنگ دەبنەوە دەشڵێت: سەرجەم تاکەکان مافى خۆشگوزەرانیان هەیە بێ گوێدانە جیاوازییەکان.
#کوێستان محەمەد#، وەزیرى کار و کاروبارى کۆمەڵایەتیی، لە ڕاگەیەنراوێکیدا وێڕاى پیرۆزبایی ئەم یادە لە خاوەن پێداویستییە تایبەت و کوورتەباڵاکان، دەڵێت: وەزارەتمان بە هەماهەنگی و پێکەوەیی لەگەڵ وەزارەتەکانی تری #حکومەتی هەرێمی کوردستان#، بەرپرسە لە بەدیهێنانی سەرجەم ئامانج و ماف و ئیمتیازاتی خاوەن پێداویستییە تایبەتەکان لە هەرێمی کوردستان.
هەروەک جەخت دەکاتەوە کە ڕۆژی جیهانی خاوەن پێداویستییە تایبەتەکان دەرفەتێکە تا سەرنجەکان لەسەر پێویستی بەرەو پێشبردنی یەکسانی و باشترکردنی ژیانی ئەو تاکانە بێت کە ڕۆژانە ڕووبەڕووی ئاستەنگ دەبنەوە.

وەزیرى کار هەر جیاوازییەک ڕەت دەکاتەوە و دەڵێت: هەموو تاکێک لە کۆمەڵگەی ئێمەدا مافی ئەوەی هەیە کە بە خۆشگوزەرانییەوە بژی و سەرجەم مافەکانی وەربگرێت و جەخت دەکەینەوە کە دەرفەت و پشتیوانى بۆ خاوەن پێداویستییە تایبەتەکان هەبێت لەژێر درووشمى کەمئەندامان شایەنى ڕێزن نەک بەزەیی.
لەبارەى ئەو دەستکەوتانەى وەزارەتى کار بۆ خاوەن پێداویستییە تایبەتەکان بەدەستیهێناوە کوێستان محەمەد دەڵێت: پەسەندکردنى سندوقى چاودێرى و شیاندنى خاوەن پێداویستییە تایبەت و کوورتەباڵاکان دەستکەوتێکى مەزنە بۆ ئەو چینە و ئامانج لێی کۆکردنەوەى داهات و خەرجکردنەوەیەتى بۆ پێشکەشکردنى خزمەتگوزارى تا ئەو چینە بگەنە ئاستى بەرەوپێشچوون و شیاندنەوەى کۆمەڵایەتیی.
هاوکات ئەوەشى ئاشکرا کردووە کە بۆ ئەمساڵی 2023 لەسەر داوا و پێشنیازی وەزارەتى کار دەرفەتی خوێندن و بەدەرکردنی وەرگێڕانی پاڵێوراوانی دبلۆمی باڵا و ماستەر و دکتۆرا لە تاقیکردنەوەی توانستی زانستی و پێدانی مۆڵەتی خوێندن بە ژمارەیەکی بەرچاوی خوازیارانی خوێندنی باڵا بۆ ژمارەیەک خاوەن پێداویستی تایبەت دابینکراوە.
لە بەشێکى دیکەى پەیامەکەیدا وەزیرى کار داوا دەکات کە پێویستە هەموومان پێکەوە کاربکەین بۆ پێشکەشکردنی ئەو پشتگیری و ئاسانکارییانەی کە ئەم تاکانە پێویستیانە تا بتوانن پەرە بە توانا و داهێنانەکانیان بدەن، زەمینە سازیان بۆ بڕەخسێنین و خۆیان بسەلمێنن. [1]

وەزیری کار و کاروباری کۆمەڵایەتی ڕەتیکردەوە ژنان لە چاکسازییەکانەوە برابێت بۆ کاری لەشفرۆشی و دڵنیایی دایە کەسوکاری زیندانیان و ستافی چاکسازیەکان.
#کوێستان محەمەد# وەزیری کار و کاروباری کۆمەڵایەتی لەپرێس کۆنفرانسێکدا وتی: بردنەدەرەوەی ژنان لە چاکسازی تەنیا لە دوو حاڵەتدایە ئەگەر نەخۆش بێت یاخود ئەگەر کێشەی یاسایی هەبێت ئەویش هەردوو حاڵەتەکە بە ڕێوشوێنی تایبەتیی خۆی دەبێت، جگە لەم حاڵەتانە هیچ پیاوێک و ژن و مێردمنداڵێکیش ناتوانێت بچێتە دەرەوە لەم چوار ساڵەدا، هەرکەس بیسەلمێنێت ژنێک بۆ کارێک بەدەر لەو دوو حاڵەتە برابێتە دەرەوە ئەوا دەستلەکاردەکێشمەوە.
کوێستان محەمەد ڕاشیگەیاند: ئەوەی نیگەرانی کردوین تۆمەت و ناوزڕاندن بە ژنەکانی ئێمە کراوە، ئێمە لە چاکسازییەکان 172 سزاداراوی ژنمان هەیە تەنیا 91 ستافمان هەیە ئەو ستافانە بە شەویش کار دەکەن وەک سەربازی ون زۆرترین ئەرکیان لەسەرە و ستافەکانیش هەموویان ژنن.
وتیشی: ئەو ژنانەی ناو چاکسازیەکان و ستافەکانیشمان خاوەنی کەسوکار و هاوسەرن ئەوان فشارێکی زۆر و داوای سەلماندنمان لێ دەکەن بۆیە ئەگەر ستافەکانمان مان بگرن ئەوا چاکسازییەکان بێسەرپەرشت دەمێننەوە، بۆیە ڕونکردنەوە دەدەین و دڵنیایی دەدەینە کەسوکاری سزادراوان و ستافەکانمان کە دەیانپارێزین. [1]

#کوێستان محەمەد# وەزیری کاروباری کۆمەڵایەتی لە چاوپێککەوتنێکی میدیایدا ڕایگەیاند: هێڵی گەرمی 5005 بۆ کرێکار دابینکراوە، کە لە کاتی ڕوودانی هەر کێشەیەک دەتوانێت پەیوەندی بەو هێڵەوە بکات، ئەگەر کرێکارەکە ئێراقی بێت یاخود بیانی، دەشڵێت هەر کرێکارێک مووچەکەی لە خوار 350 هەزارەوە بوو، دەتوانێت سکاڵای یاسایی لە خاوەنکار بکات بۆ گەڕانەوەی مافەکانی. [1]