$باشووری کوردستان$
- هاوکات لەگەڵ سەردانەکەی مەولود چاوشئۆغڵو، وەزیری دەرەوەی تورکیا بۆ هەرێمی کوردستان، سوپای تورک بۆردوومان و تۆپبارانی گوندەکانی #برادۆست# دەکات. کاتژمێر 12:00ی نیوەڕۆ، گوندی بێرکم بۆردوومان و گوندی خەلیفان سنووری برادۆست لەلایەن سوپای تورکەوە تۆپباران کرا. بۆردوومان و تۆپبارانەکان زیانی گیانیی بەدواوە نەبووە، بەڵام زیانی سروشتی ناوچەکە گەیاندووە.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/286879/0005.JPG=KTML_ImageCaption_Title=رێوڕەسمی سوێندخواردنی نێچیرڤان بارزانی=KTML_ImageCaption_CaptionStyle=000000=KTML_ImageCaption_Caption=رێوڕەسمی سوێندخواردنی نێچیرڤان بارزانی=KTML_ImageCaption_End=
- #بەرهەم ساڵح# بۆ بەشداریکردن لە سوێندخواردنی سەرۆکی هەرێم گەیشتە #هەولێر#.[1]
- وەزیری دەرەوەی تورکیا و شاندێکی باڵای ئێران بۆ بەشداریکردن لە سوێندخواردنی #نێچیرڤان بارزانی# وەک سەرۆکی هەرێم گەیشتنە هەولێر. مەهدی ئەکەر پەرلەمانتاری ئاکەپە، هاکان کاراچای کۆنسوڵی تورکیا لە هەولێر، فاتیح یڵدز باڵێۆزی تورکیا لە بەغدا یاوەرەکانی چاوش ئۆغڵو بوون.[1]
- پاش ئەوەی لە تەمەنی هەشت ساڵیدا منداڵێکی ئێزدی لەگوندی کوچۆ سەر بە شارۆچکەی #شنگال# لەلایەن چەکدارانی #داعش#ەوە ڕفێندرا، دوای پێنج ساڵ لە کەمپی هۆلێ لە سوریا دۆزرایەوە. ئەو منداڵە ئێزدییە ناوی (حازم قاسم عەفدو)یە کە ئێستا تەمەنی 13 ساڵە، لە کەمپی چەکدارانی داعش لە سوریا دۆزراوەتەوە و دراوەتەوە بە ماڵی ئێزدییەکان لە هەرێمی جزیرەی ڕۆژئاوای کوردستان.[3]
- بڕیاربوو ئەمڕۆ کاتژمێر 11:00 کۆمەڵیک لە ڕۆشنبیر، ڕۆژنامەنووس، نووسەر و کەسایەتیی دژ بە داگیرکاریی دەوڵەتی تورک لە کۆنگرەیەکی ڕۆژنامەنووسییدا بەیاننامەیەکی هاوبەش بخوێننەوە، بەڵام ئاسایش ڕێگای پێنەدان. ئاسایشی #سلێمانی# بە بیانووی نەبوونی مۆڵەت ڕیگریی کرد، لەکاتێکدا بەستنی کۆنگرەی ڕۆژنامەنووسیی پێویستیی بە مۆڵەت وەرگرتن نییە.[2]
- بەپێی هەواڵێکی سایتی ژیان، #بافڵ تاڵەبانی# مەراسیمی سوێندخواردنی سەرۆکی هەرێمی کوردستان-ی لە شاری هەولێر جێهێشت. بەپێی هەواڵەکە، بافڵ تاڵەبانی، بەهۆی شوێنی دانیشتنەکەیەوە لەتەنیشت #ئیدریس نێچیرڤان بارزانی# توڕە دەبێت و بەشداری مەراسیمی سوێند خواردنی نێچیرڤان بارزانی ناکات و گەڕایەوە.[2]
- سەرۆکی فراکسیۆنی #نەوەی نوێ# لە پەرلەمانی هەرێمی کوردستان ڕایدەگەێنێت، سوێندخواردنی سەرۆکی هەرێمی کوردستان پێویستی بە کۆشک و تەلار و ئاهەنگ گێرا نەبوو، دەشڵێت پێویستە پەرلەمان کار لەسەر داخوازییەکانی خەڵک بکات، نەک مەراسمی لەو شێوەیە.[2]
- لە ئەنجامی ئاگرکەوتنەوە لە گوندی سفەیەی سەر بە شارۆچکەی خەبات لە سنووری پارێزگەی هەولێر سەدان دۆنم دەغڵودانی جووتیاران سووتا.[4]
$رۆژئاوای کوردستان$
- سەربازانی تورکیا لە ناوچەی سەرێکانی ئاگریان لە دەغڵودانی هاوڵاتییان بەردا. هەروەها بە هۆکاری نادیار لە تربەسپی ئاگرێکی گەورە کەوتەوە.[4]

$رۆژهەڵاتی کوردستان$
- ژمارەیەک لە #کۆڵبەر#انی کورد لە ناوچەی سێ #چۆمان#ی شاری #پیرانشار#، کرانە ئامانجی تەقەی ڕاستەوخۆی هێزەکانی سپای پاسداران و لە ئاکامدا، چەند کۆڵبەرێک کوژران و بریندار بوون. شوناسی دوو کەس لەو کۆڵبەرانە کە گیانیان لەدەست داوە بە ناوەکانی خالید سەلیمی، خەڵکی شاری #سەردەشت# و ئاکام باردڵ، خەڵکی شاری #مەهاباد#، ڕاگەیەندراوە.[6]=KTML_Photo_Begin=https://www.kurdipedia.org/files/relatedfiles/2019/284075/0033.JPG=KTML_Photo_Alt=پرسەی یەک لە کۆڵبەرەکان=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/284075/0033.JPG=KTML_Photo_End=
- بە هۆی شەڕ و دەمەقاڵێ لە نێوان چەند هاووڵاتی لە شاری #سنە#دا، دوو هاووڵاتی کوژران و هاووڵاتییەکی دیکەش بریندار بوو.[6]
- ستوان یەکەم، ئیبراهیم ئاخوندزادە، ئەندامی #سوپای پاسداران#، لە نزیک گوندی سێگرکی شاری چاڵدێران، لە شەڕ و تێکەڵچوونێکدا، کوژرا. ئەو ئەندامەی سپای پاسداران، خەڵکی شاری ئاواجیقی سەر بە شاری چاڵدێرانە و میدیا حکوومەتییەکان ئەم شەڕ و تێکەڵچوونەیان، خستووەتە ئەستۆی حیزبە کوردییەکانی ئۆپۆزسیۆنی حکوومەتی ئێران.[6]
$باشووری کوردستان$
- #پەڕڵەمانی کوردستان# بۆ هەڵبژاردنی سەرۆکی هەرێم کۆدەبێتەوە. فراکسیۆنەکانی #یەکێتیی نیشتمانیی کوردستان#، #کۆمەڵی ئیسلامی#، #یەکگرتووی ئیسلامی# و #نەوەی نوێ# دەنگیان بەکاندیدەکەی پارتی نەدا و فراکسیۆنەکانی #بزووتنەوەی گۆڕان# و پارتی و کەمینەکانی پەرلەمان دەنگیان بە #نێچیرڤان بارزانی# دا و بە 68 دەنگ لە 81 بووە سەرۆکی هەرێمی کوردستان.[1]
- سەرچاوەکان باس لە قەیرانێکی تری سیاسی دەکەن لە باشووری کوردستان، بەهۆی دەنگنەدانی یەکێتی بۆ کاندیدی پارتی و ئاڵۆزیی گەورە لەنێوان پەیوەندییەکانی پارتی و یەکێتیدا دروستبووە.[1]=KTML_Photo_Begin=https://www.kurdipedia.org/files/relatedfiles/2019/284075/0011.JPG=KTML_Photo_Alt=لە تۆڕە کۆمەڵایەتییەکانەوە: 28-05-2019=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/284075/0011.JPG=KTML_Photo_End=
- وتەبێژی یەکێتیی نیشتمانیی کوردستان ڕایدەگەیەنێت، سبەینێ ئەنجومەنی سەرکردایەتی یەکێتیی نیشتمانیی کوردستان کۆدەبێتەوه و تاوتوێی پڕۆسەی سیاسی لە هەرێمی کوردستان و هەڵوێستی ئایندەی یەکێتی دەکات.[5]
- کۆپتەر و فڕۆکە جەنگییەکانی سوپای تورک دەورووبەری چەمی لۆلان و چیای شەکیف-یان بۆردمانکرد. هێرشەکە بە 30 کۆپتەر و فڕۆکە جەنگی ئەنجامدرا. سوپای تورک دوای بۆردومانەکە سەربازی لەسەر چیای شەکیف دابەزاند.[2]
- بەیانی ئەمڕۆ، دەنگی چەند تەقینەوەیەکی گەورە گوندەکانی بناری ئاسۆسی شارەدێی #بنگرد#ی سەر بە شارۆچکەی #دوکان#ی هەژاند و بەڕێوەبەری شارەدێیەکەش دەڵێت: دەنگی ئه و تەقینەوانە بەهۆی بۆردومانی فڕۆکەوە بووە لە دوو هاوینە هەواری سنورەکە.[3] هەندێک سەرچاوەی تر فڕۆکەکان بەهی ئێران دەزانێت.[4]
- گرتەیەکی ڤیدیۆییی #فەرهاد پیرباڵ# لە تۆڕە کۆمەڵایەتییەکان بڵاوبووەوە، کە دەگووترێت لێی دراوە و خوێن بە سەر و دەموچاوییەوەیە.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/284075/0027.JPG=KTML_ImageCaption_Title=گرتەیەکی ڤیدیۆییی فەرهاد پیرباڵ لە تۆڕە کۆمەڵایەتییەکان بڵاوبووەوە=KTML_ImageCaption_CaptionStyle=000000=KTML_ImageCaption_Caption=گرتەیەکی ڤیدیۆییی فەرهاد پیرباڵ لە تۆڕە کۆمەڵایەتییەکان بڵاوبووەوە=KTML_ImageCaption_End=
- بەشێک لە شۆفێرانی ئۆتۆمبێلە بارهەڵگرەکانی دەروازەی سنووریی #پەروێزخان#، لەبەرامبەر وەرگرتنی بڕێک پارە لێیان لەلایەن گومرگی پەروێزخانەوە مانگرتنیان ڕاگەیاند.[4]
- بەرپرسێکی #وەزارەتی پەروەردە#ی حکومەتی هەرێمی کوردستان ڕایدەگەیەنێت: بەهۆی ئەوەی لە تاقیکردنەوەی ئەمڕۆی زمان و ئەدەبی کوردی پۆلی 12ی ئامادەیی، پرسیارێکی درەکی هەبووە، بۆیە دوو نمرە بەسەرجەم خوێندکاران دەدرێت.[3]
$دەرەوەی کوردستان$
- سەرچاوەکان باس لەوە دەکەن، ئەم بەیانییە، #چراخان ڕەفیق# هاوسەری پێشووی #ئاشتی هەورامی# تووشی ڕووداوی هاتوچۆ بووە لە پاریس و باری تەندروستیی ناجێگیرە.[1]

[1]

ئێران بۆ چارەسەری کێشەکانی نێوان #پارتی دیموکراتی کوردستان# و #یەکێتیی نیشتمانیی کوردستان# دێتە سەر خەت و پشتگیری هەوڵەکان بۆ ئەنجامدانی کۆبوونەوە دەکات.
ئێرانییەکان لە ڕێگەی پەیامێکەوە، کە ئاڕاستەی بەرپرسانی پارتی و یەکێتیان کردووە، جەختیانکردووەتەوە لەگەڵ چارەسەری کێشەکانی نێوان هەردوو حیزبن.
ئێرانییەکان لە پەیامەکەیاندا، پشتگیری خۆیان بۆ هەوڵەکانی #نێچیرڤان بارزانی# جێگری سەرۆکی پارتی و #بافڵ تاڵەبانی# دووپاتکردووەتەوە.
جگە لە ئێرانییەکان، هاوپەیمانانیش لەگەڵ چارەسەری ئەو کێشانەن و داوایان لە بەرپرسانی هەردوو حیزب کردووە، کە بەزوویی کۆبوونەوە بکەن و چارەسەری کێشەکانیان بکەن. [1]

جەنابی سەرۆک #نێچیرڤان بارزانی#
سەرۆکی هەرێمی کوردستانی عێراق..
سڵاوێکی گەرم،
خۆشحاڵم کە پیرۆزبایی زۆری خۆمتان پێڕابگەیەنم بەبۆنەی هەڵبژاردنتانەوە بە سەرۆکی هەرێمی کوردستانی عێراق، هیوای سەرکەوتنتان لەم ئەرکە نوێیەدا بۆ دەخوازم.
متمانەی تەواوم هەیە کە بەڕێزتان هەموو توانایەکتان دەخەنەگەڕ بۆ بەرزڕاگرتن و بووژانەوەی عێراق کە بە تەبایی نێوان سەرجەم پێکهاتەکانی و پێکەوەکارکردنیان لەپێناو پاراستن و پتەوکردنی سەقامگیری و گەشەسەندن لە هەموو بوارەکاندا، بەدی دەهێنرێت.
ئەم بۆنەیە بە دەرفەت دەزانم تا پەرۆشیی کۆمکاری عەرەبیتان بۆ دەرببڕم بۆ بەردەوامیدان بە پەیوەندی و هاوکاریکردن لەگەڵتاندا، بۆ هەر شتێک کە مایەی خۆشگوزەرانیی هاووڵاتیانی عێراق بێت لە سەرانسەری وڵاتدا و لە هەموو بوار و لایەنێکەوە.
ئەوپەڕی ڕێزمان قبووڵ بفەرموون.
ئەحمەد ئەبولغێت
سەرۆکی کۆمکاری عەرەبی
#13-06-2019#

پێشنیوەڕۆی ئەمڕۆ سێشەممە 22-11-2016 بە سەرپەرشتیی بەڕێز نێچیرڤان بارزانی سەرۆک وەزیرانی هەرێمی کوردستان و ئامادەبوونی بەڕێز قوباد تاڵەبانی جێگری سەرۆک وەزیران، ئەنجومەنی وەزیرانی هەرێمی کوردستان کۆبوونەوەی ئاسایی خۆی سازکرد.
لە بڕگەی یەکەمی کارنامەی کۆبوونەوەکەدا بەڕێز ڕابەر سەدیق بریکاری وەزارەتی دارایی و ئابووریی هەرێمی کوردستان بە وەکالەت، ڕاپۆرتێکی لەبارەی پرۆسەی دابەشکردنی مووچەی فەرمانبەرانەوە خستەڕوو و تیایدا باسی لە بەردەوامیی پرۆسەکە کرد بە مەبەستی تەواوکردنی دابەشکردنی مووچەی مانگی سێپتەمبەر کە لە وەزارتی کاروباری پێشمەرگە و دەزگا ئەمنییەکانەوە دەستی پێکردووە.
دواتر بەڕێز کەریم شەنگالی وەزیری ناوخۆ و کاروباری پێشمەرگە بە وەکالەت، پوختەیەکی دەربارەی ڕەوشی ئاسایشی هەرێمی کوردستان و بەرەکانی جەنگی دژی تیرۆرستانی داعش و بارودۆخی پێشمەرگە لەو سەنگەرانەی کە لە دەوروبەری مووسڵ تێیدان و دوا پێشهاتەکانی ئۆپەراسیۆنەکانی ئازادکرنەوەی مووسڵ لە دەستی تیرۆرستانی داعش پێشکەش کرد. لەمبارەیەوە ئەنجومەنی وەزیران سەرکەوتن و قارەمانێتییەکانی پێشمەرگەی لە شەڕ و ڕووبەڕووبوونەوەکانی تیرۆرستانی داعشدا بەگشتی، بەرز نرخاند.
لە بەشێکی دیکەی کۆبوونەوەکەدا باس لە هەنگاوەکانی کاری کۆمپانیای وردبینی دیلۆیت کرا بۆ وربینیکردنی پرۆسەی بەرهەمهێنان و هەناردەکردن و داهاتی فرۆشی نەوتی هەرێمی کوردستان و گشت خەرجییەکانی ئەم بوارە کرد کە لە هەفتەی ڕابردوو یەکەم کاری وربینیان پێ ڕاسپێردرا و دەستیان بە کارەکانیان کردووە.
لە بڕگەیەکی دیکەی بەرنامەی کۆبوونەوەکەدا خاتوو پەخشان زەنگەنە سەرۆکی ئەنجومەنی باڵای کاروباری خانمان لە هەرێمی کوردستان میوانداری کرا بۆ پێشکەشکردنی ڕاپۆرتێک دەربارەی پرۆژەی ستراتیژی نیشتمانی بۆ پەرەپێدانی ئافرەتان لە هەرێمی کوردستان لە 2016 تا 2026 کە پێشکەش بە ئەنجومەنی وەزیران کرابوو و بە هەماهەنگیی دامەزراوەی یەکسانی ڕەگەزی و بەهێزکردنی توانای ئافرەتانی سەر بە ڕێکخراوی نەتەوە یەکگرتووەکانەوە ئامادەکرابوو، تیایدا بە وردی تیشکی خستە سەر ڕەوشی ئافرەتان لە هەرێمی کوردستان و پلان و ستراتیژی داهاتوویان و ئامانجی ستراتیژیەکەیان کە خۆی لە بەرزکردنەوی توانای ئافرەتان و سود وەرگرتن لە توانای ژن و یەکسانی نێوان هەردوو ڕەگەزی نێر و مێ دەبینێتەوە. داوای لە حکوومەتی هەرێمی کوردستانیش کرد کە پاڵپشتیان بن لە جێبەجێکردنی ستراتیژیەکەیان کە سودی باشی بۆ ئافرەت و کۆمەڵگەی هەرێمی کوردستان بەگشتی دەبێت.
دوای ئەوەی وەزیرە بەڕێزەکان چەند سەرنج و تێبینییەکیان لەسەر ستراتیژەکە پێشکەش کرد، ئەنجومەنی وەزیران دەستخۆشی لە ئەنجومەنی باڵای کاروباری خانمان و گشت وەزارەتە پەیوەندیارەکان کرد کە هاوکاربوون بۆ ئامادەکردنی ئەم ستراتیژییە. لای خۆشیەوە بەڕێز سەرۆک وەزیران پشتگیریی خۆی بۆ ئەم ستراتیژیە دەربڕی و ڕایگەیاند کە هەوڵی جددی دەدەن بۆ بەرەوپێشبردنی ڕەوشی ئافرەتان و جێبەجێکردنی پرۆژەکانیان، هەروەها داوای لە هەموو وەزارەتەکانیش کرد پاڵپشتی ئەو ستراتیژییە بکەن بۆئەوەی ڕووێکی جوانتری کۆمەڵگەی کوردستان دەربارەی ئافرەت، پیشانی جیهان بدەن.
لە بەشێکی دیکەی کۆبوونەوەکەدا خاتوو نەورۆز مەولود وەزیری شارەوانی و گەشتوگوزار ڕاپۆرتێکی دەربارەی پاڵپشتیکردنی پرۆسەکانی چاکسازی لە وەزارەتی شارەوانی و گەشت و گوزار پێشکەش کرد و تیایدا باسی لە ڕێکخستن و زیادکردنی داهات و کەمکردنەوەی خەرجی و ڕێکخستنەوەی هەیکەلی وەزارەت و کەمکردنەوەی میلاکات و بە ئەلکترۆنیکردنی سیستەمی کارەکانی وەزارەتی شارەوانی کرد. بەڕێز وەزیری شارەوانی و گەشتوگوزار ئاماژەی بەوە دا کە بەپێی ئەو پلانەی دایانڕشتووە، توانیویانە لە ماوەی نێوان ساڵانی 2015 تا 2016 بە بڕی سەد ملیارد دینار خەرجی وەزارەت و فەرمانگەکانی سەر بە وەزارەت کەم بکەنەوە و لە هەوڵی بەردەوامیشدان بۆ هاوسەنگ کردنی خەرجی و داهات بە شێوەیەک کە وەزارەتەکەیان بتوانێت لە داهاتوودا بەو داهاتەی دەستیان دەکەوێت، خەرجیی خۆیان دابین بکەن.
دوای خستەڕووی چەند تێبینی و سەرنجێک لەسەر ڕاپۆرتەکەی وەزارەتی شارەوانی و گەشتوگوزار و گفتوگۆکردنی ناوەرۆکی ڕاپۆرتەکە، ئەنجومەنی وەزیران دەستخۆشی لە بەڕێز وەزیر و ستافی وەزارەتی شارەوانی و گەشت و گوزار کرد.
لای خۆیەوە بەڕێز نێچیرڤان بارزانی دەستخۆشی لە وەزیر و ستافی وەزارەتی گەشت و گوزار کرد بۆ ئەم هەوڵانەیان لە کەمکردنەوەی خەرجی و زیادکردنی داهات و ئاماژەی بەوە دا کە پێویستە هاوسەنگی هەبێت لەنێوان داهات و خەرجییەکان ئەویش بە ڕێگەی کەمکردنەوەی خەرجییەکان و زیادکردنی داهاتەکان بەجۆرێک کە ببێتە هۆی دابینکردنی سەرچاوەی هەمەچەشنی داهات نەک تەنیا پشت بە داهاتی نەوت و گاز ببەسترێت و بتوانرێت داهاتیان بەشێوەیەک بێت کە جیا لە دابینکردنی خەرجی خۆیان، هاوکاریی حکوومەتیش بکەن و سێکتەرەکانی کشتوکاڵ، بازرگانی، پیشەسازی و گەشتوگوزار ببنە سەرچاوەی دابینکردنی داهاتی گشتی.

$ئەو دەرگایەی دەبێ #نێچیرڤان بارزانی# بیکاتەوە$
#هێڤیدار ئەحمەد#
#10-06-2020#
نێچیرڤان ئیدریس بارزانی ساڵێک لەمەوبەر، بەرپرسیارێتییەکی یەکجار قوورسی لە کاتێکی هەستیاردا هەڵگرت، قبووڵی کرد ببێتە سەرۆکی هەرێمێک کە ئەوانەی کاردەکەن بۆ لاوازکردنی ئەم هەرێمە زۆرتربن لەوانەی کاردەکەن بۆ بەهێزکردنی، بەڵام نێچیرڤان بارزانی بە پرەنسیپی نەرم لەنێو خۆ، بەهێز لەدەرەوە کاری کرد.
ئەم ڕستەیە بۆ سیاسەتکردن لە هەرێمی کوردستان ڕەنگە ئاسان نەبێت، بەڵام نێچیرڤان بارزانی بەهۆی ئەزموونی حوکمڕانی وەک سەرۆکوەزیرانی هەرێمی کوردستان و پێگە سیاسییەکەی لەسەر ئاستی ناوخۆ و دەرەوە، کاری ئەوتۆی ئەنجامدایە و پێشبینی ئەوتۆ درووستبووە، کێشەیەک لەکۆی هەبێت، لەنێوان لایەنەکان بێت، کەسەکان بێت ئەوە بە ئاسانی گرێیەکان لەسەر دەستی ئەودا (نێچیرڤان بارزانی) دەکرێنەوە و چارەسەردەبن.
ئەرکی سەرۆکی هەرێمی کوردستانیش پاراستنی نێوخۆی هەرێمی کوردستان و بەدەستهێنانی مافی خەڵکی هەرێمی کوردستانە لە دەست حکومەتی فیدراڵی ئێراق و گەشکردنی پەیوەدنییەکانی دەرەوەیە.
ڕاستە هێزی ئۆپۆزیسیۆن لەنێو پەڕڵەمانی کوردستان کە چەندین ساڵ بوو دەیانگوت: دەبێ سەرۆکی هەرێمی کوردستان لەنێو پەڕڵەمان هەڵبژێردرێت، بەڵام وەفایان بۆ هەڵویستی خۆیان نەبوو و کاتێک سەرۆک لەنێو پەڕڵەمان هەڵبژێردرا دەنگیان نەدا. یەکێتیی نیشتمانیی کوردستان شەریکی ستراتیژی و حوکمڕانی پارتی، لەکاتی پڕۆسەی دەنگدان بۆ هەڵبژاردنی سەرۆکی هەرێمی کوردستان، ئەوانیش دەنگیان بە دۆستی هەرە نزیکی خۆیان نەدا. ڕەنگە ئەوانەی ئۆپۆزیسیۆن ئاسایی بێ، بەڵام لای پارتییەکان ئەو دەنگنەدانەی یەکێتی بە نێچیرڤان بارزانی، قەت لەبیر ناکرێت.
هەرچەندە ئەمە گرێ نییە و نەبووە لای خودی سەرۆکی هەرێمی کوردستان کە کێ دەنگی پێدا و کێ پێینەدا. وەک ئەرکەکەی پۆستەکەی بووە چەترێک بۆ کۆکردنەوەی هەموو لایەنەکان، تاوەکوو بەرانبەر بەغدا، دوای ڕووداوەکانی 16ی ئۆکتۆبەر بۆ یەکەمجار لایەنە کوردستانییەکان بە یەک دەنگ دەرکەوتنەوە، ئەمە ئاسان نەبوو کە نێچیرڤان بارزانی کردی.
نێچیرڤان بارزانی بڕیاری هەرێمی کوردستانی پاراستووە کە بەشێک نین لە سیاسەت و ئەجیندای ئەمریکا و ئێران لە ئێراق، ئەمریکا بە ترلیۆن دۆلار پارەی لە ئێراق خەرجکردووە زیاتر لە پێنج هەزار سەربازی خۆی لە ئێراق بە کوشتدا، بەڵام کاتێک پەڕڵەمانی ئێراق بڕیاریدا بۆ دەرکردنی هێزی ئەمریکا لە ئێراق، دیپلۆماتکارەکانی ئەمریکا پەنایان بۆ سەرۆکی هەرێمی کوردستان هێنا کە چ بکرێت ئەو بڕیارە شەرعییەتی نەبێت. دیسان کاتێک فەرماندەی گشتی سوپای قودسی ئێران لە فڕۆکەخانەی بەغدا، قاسم سولەیمانی لەلایەن فڕۆکە ئەمریکییەکان لەنێوبرا، بارزانی سەرەخۆشی لە ئایەتۆڵڵا عەلی خامنەیی و ئێران کرد.
نێچیرڤان بارزانی لە ماوەی حوکمڕانییەکەیدا وەک سەرۆکوەزیرانی هەرێمی کوردستان، پڕۆژەیەکی لە دوای خۆی بەجێهێشت کە هیچ جارێک بەغدا و شیعەکانی نێوەراست و باشووری ئێراق، نەتوانن دەست بۆ خاک و خەڵکی هەرێمی کوردستان درێژ بکەن، ئەویش پڕۆسەی دەرهێنان و ڕاکێشانی بۆڕی و بەبازاڕکردنی نەوتی هەرێمی کوردستانە.
ئەم پڕۆژەیە هیچی نەکردبێ، دوای 16ی ئۆکتۆبەر بەغدای ناچارکرد بکەوێتە گفتوگۆ لەگەڵ هەرێمی کوردستان. لە دوای دابەزینی بەرچاوی نرخی نەوت لە بازاڕەکانی جیهان بەهۆی بڵاوبوونەوەی پەتای کۆرۆنا، بەغدا بەهۆی نەوتی کوردستانەوە دەست بە گفتوگۆ دەکات لەگەڵ هەرێمی کوردستان. ئەمە بناخەیەکە بۆ مانەوە و بەهێزبوونی کوردستان.
ئێستاش چاوەڕوان دەکرێ لەو پۆستەدا بناخەیەکی دیکەی بەهێزتر لە نەوت بۆ هەرێمی کوردستان بنیاتبنێ، ئەویش درووستکردنی تەبایی نێو لایەنە سیاسییەکانی هەرێمی کوردستانە، بەتایبەت پارتی و یەکێتی. چاوەڕوانی زیاتر لە سەرۆکی هەرێمی کوردستان هەیە بۆ خێراترکردنی لێکنزیککردنی ئەو دوو هێزە سەرەکییەی هەرێمی کوردستان، کە کرۆکی کێشەی نێوان ئەو دوو حیزبە نەبوونی متمانەیە. بەڕێز نیچیرڤان بارزانی، لەسەر ئاستی حیزبەکان و نوخبە و شەقامیش چاوەڕێدەکرێت، هەنگاو بهاوێژی کە پێی دەکرێ ئەو ئەرکە قوورسەش هەڵبگرێ و دەرگاکە بکاتەوە. ڕاستە ئاسان نییە، بەڵام لای هەموو لایەک، ئەوەی ئەستەمە و گرێیە، لای بەڕێز نێچیرڤان بارزانی ئاسانە. [1]

#بافڵ تاڵەبانی#، سەرۆکی #یەکێتیی نیشتمانیی کوردستان# پەیامێکی ئاراستەی #نێچیرڤان بارزانی# جێگری سەرۆکی #پارتی دیموکراتی کوردستان# کردووە و لە پەیامەکەدا داوای ڕێککەوتنی کردووە.
لە پەیامەکەدا بافڵ تاڵەبانی جەختیکردووەتەوە، کە ئەوان وەک یەکێتی پشتگیری لە هەوڵی ڕێککەوتنی #هەولێر# و #بەغدا# دەکەن، بەڵام بە مەرجێک پێشوەخت پارتی و یەکێتی لەسەر دۆسییەی نەوت و گاز ڕێککەوتن بکەن، ئەوەش هاوشێوەی کابینەی حەوتەم و هەشتەم، کە لەو کاتەدا بە هاوبەشی بڕیاریان لە بارەی دۆسییەی نەوت ئەنجامدراوە.

بافڵ تاڵەبانی ئامادەیی نیشانداوە لەسەر بابەتی ئەنجامدانی هەڵبژاردنیش ڕێککەوتن بکەن، ئەوەش بە گفتوگۆی هەردوولاو لایەنەکانی تریش، بەوەی چۆن کۆمسیۆن کارا بکەنەوەو یاسای هەڵبژاردنیش هەمواربکەنەوە.
یەکێتی دەیەوێت لەسەر داواکارییەکانی لەناو حکومەت، لەگەڵ پارتی گفتوگۆ بکات و لەسەر ئەو پرسەش ڕێککەوتنی کۆتایی بکەن و کۆتایی بەو کێشانەش بهێنن، کە ماوەیەکە لە نێوانیان هەیە. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=یەکێتی ئامادەیە بۆ ڕێککەوتن=KTML_End=

#بافڵ تاڵەبانی#، سەرۆکی #یەکێتیی نیشتمانیی کوردستان#، پەیامێکی ئاراستەی #نێچیرڤان بارزانی# جێگری سەرۆکی #پارتی دیموکراتی کوردستان# کردووە و ئامادەیی حیزبەکەی بۆ ڕێککەوتن لەگەڵ پارتی ڕاگەیاندووە.
بافڵ تاڵەبانی لە ڕێگەی #دەرباز کۆسرەت ڕەسوڵ#، کارگێڕی مەکتەبی سیاسی یەکێتی پەیامەکەی ئاراستەی نێچیرڤان بارزانی کردووە.
پەیامەکە دوای کۆبوونەوەیەکی نێوان بافڵ تاڵەبانی و #کۆسرەت ڕەسوڵ# و کۆڕەکانی بووە، کە لەو کۆبوونەوەیە باسی کێشەکانی یەکێتی و پارتی و گرفتە ناوخۆییەکانی یەکێتی کراوە.
بافڵ تاڵەبانی لە پەیامەکەیدا، داوای لە نێچیرڤان بارزانی کردووە، کە وەک پارتی کار بە بڕیاری دادگای کۆمسیۆنی هەڵبژاردن بکەن، بەوەی وەک سەرۆکی یەکێتی یەکلاکراوەتەوە.
کە هەر لە پەیامەکەیدا بافڵ تاڵەبانی ئامادەیی تەواوی یەکێتی نیشانداوە، بۆ ڕێککەوتن لەگەڵ پارتی دیموکرات، بەتایبەتی لەسەر پرسی هەڵبژاردن. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ڕێزدار سەرۆک وەزیران نێچیرڤان بارزانی
حکوومەتی هەرێمی کوردستان
هەولێر
بەڕێز سەرۆک وەزیران نێچیرڤان،
له بری هەموو هاوکارانم و هەموو دۆستەکانت له بەریتانیا پرسه و سەرەخۆشیی خۆمانتان پێ ڕادەگەیەنم به بیستنی هەواڵی کۆچی دوایی برای بەڕێزتان دلۆڤان.
ناردنی ئەم نامەیه و هاوشێوەکانی نیشانەی نیشتمانپەروەری، بەرزنرخاندنی ماندووبوونەکانی کۆچکردووه که لەپێناو گەلی کورد هەوڵی بۆ دەدا.
به بیر و نزاکانمان لەگەڵتانین لەم کاته سەختە.
دڵسۆزتان
جۆن وولکس
باڵیۆزی بەریتانی له عێراق
#02-04-2018#