بەیاننامەی مسعود حەیدەر ئەندامی لیژنەی دانوستانی کوردی بۆ پشکی هەرێم لە یاسای بودجەی 2017ی عێراق خەڵکی تێکۆشەری کوردستان لە پاش سی ڕۆژ تاوتوێکردنی یاسای بودجەی عیراق بە هەوڵ و کۆششی ئەندامە دڵسۆزەکانی کورد لە لیژنەی دارایی و پەرلەمانی عێراق بە گشتی توانرا بۆ یەکەمجار موچەی هێزی پێشمەرگەی کوردستان بە یاسایی مسۆگەر بکرێت و لەدەرەوەی 17% ی پشکی هەرێم کە لە مادەی 8 برگەی 5 هاتووە.
وەکو لیژنەی دانوستان چەند پێشنیارێکی فراکسیۆنەکانی گۆڕان و یەکێتی و کۆمەڵ لەگەڵ هاوپەیمانی نیشتمانی شیعەدا وە بۆ ماوەی دوو هەفتە موناقەشەکران و دانوستانمان لەسەر کرد، لە مامەڵەی ڕاستەوخۆ لەگەڵ پارێزگاکان و فرۆشتنی نەوتی #کەرکووک# بۆ موچە و دابینکردنی موچەی سەد هەزار پێشمەرگە بۆ هەردوو بابەتی موچەی پێشمەرگه و دابینکردنی موچەی فەرمانبەرانی هەرێم وەکو لیژنەی دانوستان گەیشتینە سیاغەی تەوافوقی کە لە ماددەی 9 ی یاساکە هاتووە و لە بەرامبەر ڕادەستکردنی 550 هەزار بەرمیل نەوتی هەرێم و کەرکووک پشکی 17% هەرێم دابین دەکرێت و حکومەتی هەرێم مولزەم کراوە بە دابینکردنی موچەی فەرمانبەران و خانەنشین و چاودێری کۆمەڵایەتی.
ئێمە لە سۆنگەی بەرپرسیارێتی بەرامبەر بە خەڵکی هەرێم و بەرامبەر بە ئه و قەیرانە گەورەیەی خەڵکی هەرێم تێیدان کارمان کردوە بۆ دابینکردنی شایستە داراییەکانی هەرێم بە پێ ی یاسای بودجەی ئیتیحادی.
بۆ پاڵپشتی برا پێشمەرگەکانمان دانوستانی زۆر زەحمەتمان کردووە و ئومێدەوارین وەزارەتی پێشمەرگه و حکومەتی هەرێم بە هەماهەنگی ئه و ئەندامانەی دانوستانیان کردوە کار بۆ شایستە داراییەکانی هەرێم و گشت شایستەکانی پێشمەرگە بکەن و هەموومان پێکەوە کار بۆ ئه و ئەمانجە بکەین کە لەبەرژەوەندی خەڵکی هەرێم و هێزی پێشمەرگەی کوردستان بێت.
سوپاس بۆ ئەندامانی فراکسیۆنەکانی گۆران و یەکێتی و کۆمەڵ و یەکگرتوو کە پشتیوانمان بوون و دەنگیان دا بۆ بەرژەوەندی خەڵکی هەرێم و هێزی پێشمەرگە.
بژی یەکریزی و یەکدەنگی کورد بژی کوردستان
مەسعود حەیدەر
ئەندام پەرلە مانی عێراق
07-12-2016

ساڵ و شوێنی لەدایک بوون/ 1970
بڕوانامە/ ماستەر لە ئەندازیاری
پسپۆڕی/ ئەندازیاری ڕاوێژکاری(خبیر)
کاری ئێستا/ ئەندازیاری ڕاوێژکار
چالاکی/ئەندازیاری سەرپەرشتیاری پڕۆژە لە کوردستان، لێپرسراوی بەشی کۆمپیوتەر لە سەرۆکایەتی ئەنجومەنی وەزیران، بەڕێوەبەری نووسینگەی جێگری سەرۆکی ئەنجومەنی وەزیران، لێپرسراوی دیزاین و بەڕێوەبردنی پڕۆژەی ئەندازیاری لە هۆڵەندا.
کاندیدی لیسی گۆڕان لە شاری #سلێمانی# بۆ هەڵبژاردنی پەڕڵەمانی ئێڕاق لە 2010دا.

لەماوەی ڕابردوو چەندین کۆبوونەوەمان ئەنجامدا زۆرترین بەرگریمان کرد لە مووچەی گشت چین و توێژەکانی هەرێمی کوردستان و شایستە داراییەکانی هەرێم. سەرەرای ئەوەی کە سندوقی دراوی نێودەوڵەتی پشتیوانی کۆژمەی شایستە داراییەکانی هەرێم کردوەو لە چەند ڕۆژی ڕابردوو لە کۆبوونەوەی سێ سەرۆکایەتێکە دەقێکی یاساییم پێشنیارکرد بۆ ئەوەی پشکی کورد لە یاساکە ببێتە نۆ ترلیۆن و پێنج سەد ملیار دینار، بەڵام نە حکومەت و نە کوتلەی هاوپەیمانی ڕازی نەبوون پشکی کورد چاک بکەنەوە، بۆیە پێویست دەکات بۆ هەموو پارتە سیاسێکانی هەرێم و خەڵکی تێکۆشەری هەرێم ڕوون بێت کە بڕیاری سیاسی هەیە بۆ لاوازکردنی هەرێم و سەپاندنی ئابڵۆقەی ئابووری زیاتر بەسەر چین و توێژەکانی هەرێم. ئەوەی لە تواناماندە بووە وەکو ئەرکی پەرلەمانی و خەباتی سیاسی ناو پەرلەمان کەمتەرخەمیمان نەکردووەو ئێستا ئەرکی سەرکردایەتی حزبە سیاسێکانی هەرێم و پەرلەمان و حکومەتی هەرێمە بۆ تاوتوێکردنی هەر ئەگەرو بڕیارێک کە پێیان باشە، کورد یان بەشێکە لەم دەوڵەتی عێراقەو پێویستە وەکو هاووڵاتی ئاسایی مامەڵە لەگەڵ مافەکانی بکرێ، یان نابێ قبوڵ بکرێ مافەکانی پێشێل بکرێ لە یاساکانی عێراق. هەر بڕیارێکیش کە ببێتە بڕیارێکی کوردستانی، بەندە وەکو نوێنەرێکی هەرێمی کوردستان پابەند دەبم پێوەی. وەرگرتنی هەڵوێستی سیاسی کوردی لەم ساتەوەختە مێژوویەدا لەسەر قووتی خەڵکی هەرێم و مافە دەستورێکانی هەرێم ئەرکی هەموو کەسولایەنێکە.
#مەسعود حەیدەر#
ئەندام پەرلەمانی عێراق
#03-03-2018#
بەغداد

#مەسعود حەیدەر# کاندیدی دەرنەچووی کۆنگرەی #پارتی دیموکراتی کوردستان#:
هیچ کات وازهێنان لە حزب وەک خیانەتی نیشتمانی وێنانەکراوە، مەگەر ئەوانەی ئەو ئیدیعایە دەکەن حزب ئامانجیان بێت و نیشتمان و خەڵک ئامراز بن بۆ بەرژەوەندی حزبی و کەسی.
لە ڕۆژگارێک خەباتمان دەکرد، هەموو کەسێک جورئەتی نەبوو بە کوردی قسەبکات یان بنووسێت. ئەم مێژووە لە باپیرەم حاجی ڕۆستەمەوە بۆ باوکم حاجی حەیدەر و مامە و برا تێکۆشەرەکانم بەردەوام بوو بێ دابڕان، زیاتر لە 70 ساڵە ئێمە لە ناو بزاڤی ڕزگاریخوازی گەلی کوردستانین و لە یەک شوێندا خیانەتمان لە گەلەکەمان نەکردووە و لە تێڕوانینی ئێمەدا حزب هەمیشە ئامراز بووە بۆ بەرگری لە کەرامەتی میللەتەکەمان و دۆزە ڕەواکەی.
لە سەرەتای کارکردنم وەکوو پەڕڵەمانتارێکی دیاری ئێراق:
حزب هەبوو هەوڵی هەڵوەشاندنەوەی هەرێمی کوردستانی ئەدا لەبەر ئەوەی دژی پارتی بوون، من دژی ئەو سیاسەتە وەستامەوە و قەوارەی هەرێمم لا گرنگە نەوەک ململانێی حزبی.
هیچ کات نەچووینەتە بەرەی دژە کورد، کۆتایی ساڵی 2017 #حەیدەر عەبادی# پێشنیاری ئەوەی بۆ کردم ببم بە سەرۆکی لیستەکەی لە #سلێمانی# و مەبلەغێکی گەورەی عەرز کردم، چەندین کەسی تر چوونە ناو ئەو لیستە و لیستی تری عەرەبی، بەندە ڕەتم کردەوە و مێژووی خۆم و خانەوادەکەم بە پلە و سەروەتی دونیا ناگۆڕمەوە و ئێمە کوردستانین، هیچ ڕژێمێک نەیتوانیووە هەڵوێستمان بگۆڕێت بەرانبەر دۆزی میللەتەکەمان.
لەپێش چاووم بوو دوای ئیعدامبکردنی ئەسکەندەری برام لە ساڵی 1981، بەعس تەماحی ئەخستە پێش باوکم و ئەویش ڕەتی دەکردەوە، بە درووست کردنی فەوجی جاشیشەوە لە ڕۆژگارێکدا کە بەعس لەوپەڕی دڕندەیی و بەهێزی بوو. بەندە کوڕی ئەو خانەوادەم، هەموو خانەوادەکەم پارتین و بوونم بە پارتی خیانەت نییە، دژایەتی کردنی میللەتەکەم و چوونە بەرەی دژە کورد لای ئێمە خیانەتە.
پەشیمان نیم کە لە ناو پەڕڵەمانی ئێڕاقدا شەڕم کردووە لە سەر جەنابی سەرۆک بارزانی و وەکوو ڕەمز و مەرجەعی کورد پێناسەم کردووە سەرەڕای ئەوەی ئەوکات پارتی نەبووم.
هەر کوردێکی بەشەرەف نابێ قبوڵ بکات نەیارەکانی کورد تەجاوز بکەنە سەر ڕەمزەکانی میللەتەکەمان یان مرۆڤی کورد لە هەر پێگە و پلەیەک دا بێت.
ئێستاش متمانەی سەرکردەی مێژوویی جەنابی سەرۆک #مەسعود بارزانی# بە بەندە لە سەرووی هەموو پلە و پۆستێکەوەیە. [1]

لەبەرنامەی (ڕوداوی ئەمڕۆ) ی تەلەفزیۆنی ڕوداو , کەسێک بە ناوی #مەسعود حەیدەر# ئەندامی خولی پێشووی پارلەمانی عیراق / فراکسیۆنی گۆڕان , کە ئێستا ئەندامی وەفدی دانوستانکاری پارتیە لە بەغداد , باسی لەوە کردوە کە گوایە لە نێوان هەردوو وەفدی پارتی و یەکێتی ڕێکەوتن لەسەر دیایکردنی کاندیدی پارتی کرابێت وەک تاکەکاندیدی فراکسیۆنە کوردیەکان بۆ پۆستی سەرۆک کۆماری عێراق بەڵام دواتر , وەفدی #یەکێتیی نیشتمانیی کوردستان# لە ڕێکەوتنەکە پاشگەز بووبێتەوە و ڕێکەوتنی لابەلای لەگەڵ فراکسیۆنە کانی تری عەرەبی لە برایانی (شیعە و سونە) کردبێت بۆ پشتیوانی کردنی کاندیدی یەکێتیی نیشتمانیی کوردستان بەڕێز کاک دکتۆر #بەرهەم ساڵح# سەرۆک کۆماری هەڵبژێردراوی عێراق , ئێمە هەم ئه و برادەرە و هەم ڕای گشتی گەلەکەمان لەوە دڵنیا دەکەینەوە کە سەر لە بەری قسه و زانیاریەکانی ئه و بەڕێزە دوورن لە ڕاستیەوە و مەبەست لێ ی بێجگە لەچەواشەکردنی ڕای گشتی لە سەر ووردەکاری چۆنیەتی بەڕێوە چوونی پرۆسەکە هیچ ئامانجێکی تری لە پشتەوە نیە, لەکاتێکدا وەفدی باڵای یەکێتیی نیشتمانیی کوردستان بە سەرۆکایەتی جەنابی کاک کۆسرەت جێگری یەکەمی سکرتێری گشتی کە کەسی یەکەمی ناو یەکێتیە ئامادە بووە لەگەڵ چەند بەڕێزێکی ترلە هەڤاڵانی مەکتەبی سیاسی و سەرکردایەتی یەکێتی, هیچ جۆرە ڕێکەوتنێک لەگەڵ هیچ لایەک نە لەگەڵ شاندی برایانی پارتی و نە لەگەڵ کوتله و فراکسیۆنە کانی تر لە برایانی شیعە و سونە ئەنجام نەدراوە هەتا پاشگەزبوونەوە لێیان ڕووی دابێت. وەک وەبیرهێنانەوەیەکیش بۆ ئه و بەڕێزه و بۆ ڕای گشتیش کە شێوازی بڕیادان لە ناو یەکێتیی نیشتمانیی کوردستان دا بڕیاردانی بەکۆمەڵە , بۆیە ئەگەر هەرجۆرە ڕێکەوتنێک بەناوی یەکێتیەوە ئەنجام بدرێت جا لەگەڵ هەر لایەنێکی سیاسی بێت چ لەناوەوەی هەرێمی کوردستان یان هەر لایەنێکی دەرەکی پێویستە بە ئاگاداری هەڤاڵانی مەکتەبی سیاسی و کۆمیتەی سەرکردایەتی بێت و پاشان هەڤاڵ جێگری سکرتێری گشتی یەکێتی ڕەزامەندی خۆی لەسەر نیشان بدات و بە واژۆی بەڕێزیان دەچێتە بواری جێبەجێکردنەوە. بەدەر لەوە یەکێتیی نیشتمانی کوردستان ناچێتە ژێر باری هیچ جۆرە ڕێکەوتنێکی لابەلا و تاکە کەسی یەوە.
راگەیاندنی مەکتەبی سیاسی (ی ن ک)
#04-10-2018#