$باکووری کوردستان$
- لە کاتژمێر 6ی بەیانیی ئەمڕۆوە لە 21 ناوچەی لیجە، پاسوور و #فارقین#ی #ئامەد# هاتوچۆکردن لە هاووڵاتییان قەدەغە کرا. پێش ئەوەی قەدەغەکاری لە دژی هاووڵاتییان ڕابگەیەنرێت، سوپای تورکی داگیرکەر لەو ناوچانە بە بەشداریی یەکەی تایبەت دەستی بە ئەنجامدانی ئۆپەراسیۆنی سەربازی کردبوو. قەدەغەکاری و ئۆپەراسیۆنەکە لە سنووری شاری لیجە هەر یەک لە گوندەکانی حەمزە، جۆفتن، بەششت، گر، ئەنتاخ، بامتن، سنی و کێڵەگانیان دەگرێتەوە. قەدەغەکاری و ئۆپەراسیۆنەکە لە سنووری شاری پاسوور هەر یەک لە گوندەکانی کامکان، چرک، تەمرانکەبر، مالامەکی، مالبازی، تەمرانساخر، گۆدەرن، شاڤوشان، کانکان، باران، ئاراشکان، شەرەفکان و کێڵگەکانیان دەگرێتەوە. لە سنووری شاری فارقینیش گوندەکانی شێلما و جومات و کێڵگەکانیان بەر ئەو قەدەغەکارییە کەوتوون.[2]
- یەکێک لە دەرگاکانی بەنداوی #کرال کزی# لە شارۆچکەی گێل لە ئامە بەهۆی بارینی بارانێکی بەخووڕ دوای پڕبوونی شکا و مەترسیی لافاو لەسەر ئامەد هەیە.[4]
$رۆژهەڵاتی کوردستان$
- بەپێی هەواڵی گەیشتوو بە ئاژانسی هەواڵدەریی کوردپا، هەفتەی ڕابردوو نەشمیل قۆیتاسی، هاوژینی ئەرسەلان خۆدکام؛ زیندانیی سیاسیی کوردی مەحکووم بە ئێعدام، لە لایەن لقی یەکی دادسەرای نیزامیی #ورمێ# بە بێ بوونی پارێزەر بە تۆمەتی هەوڵدان دژی تەناهیی نەتەوەیی بە یەکساڵ زیندان مەحکووم کرا.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/161309/0018.JPG=KTML_ImageCaption_Title=دوو هاووڵاتی به هۆکاری نادیار لە مەریوان دەستبەسەر کران=KTML_ImageCaption_CaptionStyle=000000=KTML_ImageCaption_Caption=دوو هاووڵاتی به هۆکاری نادیار لە مەریوان دەستبەسەر کران=KTML_ImageCaption_End=
- کۆڕی گشتیی ئەنجومەنی ژینگەی وڵات لە شاری #بۆکان# لە بەیانییەیەکدا ئاشکرای کردووە کە فەرمانداریی و شارەداری دەیانهەوێ کۆتایی بە چالاکییەکانی ئەو ئەنجومەنە بێنن.[3]
- ژمارەیەک لە #کۆڵبەر#انی کورد، لە سنووری شاری خۆی بوونە ئامانجی تەقەی ڕاستەوخۆی هێزە نیزامییە حکوومەتییەکان و لە ئاکامی ئەم تەقەیەدا، کۆڵبەرێکی کورد به ناوی هادی نعمەتی، تەمەن 29 ساڵ، به توندی بریندار بوو.[3]
- هاووڵاتییەکی کورد به ناوی زانیار مورادی، لە شوێنی کارەکەی له شارەکی سەنعەتیی #مەریوان#دا، لە لایەن هێزە ئیتلاعاتییەکانەوە دەستبەسەر کراوە. هێزە ئیتلاعاتییەکان، بە بێ ئیزنی یاسایی ئەم هاووڵاتییەیان دەستبەسەر کردووە و ناوبراویان بۆ شوێنێکی نادیار ڕاگواستووەتەوە. لە لایەکی تریشەوە، لە هەمان ڕۆژدا، هاووڵاتییەکی کورد به ناوی حەمید ئەحمەدی له مەریوان، لە لایەن هێزە ئیتلاعاتییەکانەوە دەستبەسەر و بۆ شوێنێکی نادیار ڕاگوێزراوەتەوە.[3]
$باشووری کوردستان$
- فڕۆکە جەنگییەکانی سوپای تورکیای داگیرکەر وارگەی شەهید ڕۆستەم جوودی لە شارۆچکەی #مەخموور# و گوندی سکێنی-یان لە ڕۆژئاوای شاری شەنگال بۆردومان کرد. لە مەخموور 4 ئەندامی هێزەکانی پاراستنی خۆیی شەهید بوون کە هەموویان ژنن و چەند کەسێکی دیکەشیان بریندار بووە.[2][6]
- دوای هێرشەکەی دەوڵەتی تورک بۆ سەر کامپی پەنابەرانی شەهید ڕۆستەم جودی، هاوڵاتیان خۆپیشاندانی فراوانیان ئەنجامدا و دروشمی =KTML_Red==KTML_Bold=بکوژ ئەردۆغان=KTML_End==KTML_End= دەڵێنەوە.[6]
- لە چەند ڕۆژی ڕابردوودا 21 سەرکردەی بەندکراوی #داعش#ی بەندکراو لە یەکێک لە بەندینخانەکانی پارێزگای #سلێمانی# هەڵاتوون. لەو 21 کەسە لەلایەن هێزە ئەمنییەکانەوە 10 کەسیان لەشارەدێی بازیان دەستگیرکراونەتەوە شەش کەسی دیکەیان لە سلێمانی دەستگیرکراونەتەوە، لەئێستاشدا پێنج کەسیان هەڵاتوون لە نزیک ناوچەی دێلێژە لەلایەن هێزە ئەمنییەکانەوە و گەڕان بەدوایاندا بەردەوامە.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/161309/0005.JPG=KTML_ImageCaption_Title=سەردانی نادیە موڕاد بۆ هەولێر=KTML_ImageCaption_CaptionStyle=000000=KTML_ImageCaption_Caption=سەردانی نادیە موڕاد بۆ هەولێر=KTML_ImageCaption_End=
- وەزارەتی دادی عیراق هەواڵی هەڵهاتنی زیندانیی لە گرتووخانەی سوسێی شاری سلێمانی ڕەتدەکاتەوە.[5]
- دوای ڕاگرتنی لە شەوی ڕابردووەوە، پێشنیوەڕۆی ئەمڕۆ گەشتەکانی فڕۆکەخانەی نێودەوڵەتی سلێمانی دەستیانپێکردەوە.[1]
- هەریەک لە #نێچیرڤان بارزانی# و #مەسرور بارزانی# چاویان بە #نادیە موڕاد# کەوت.[4]
- زانکۆی ڕاپەڕین میوانداری ۆرکشۆپێکی نێودەوڵەتی کرد، کە تیایدا چەندین زانکۆی ناوخۆیی و بیانی لەوڵاتەکانی ئەڵمانیا بەشداربوون، تیایدا چۆنیەتی جێبەجێکردنی سیستەمی خوێندنی بۆلۆنیا تاوتوێکرا، هەروەک باس لە چۆنیەتی ئامادەکردنی مامۆستا کرا بۆ ئەم سیستەمە نوێیە، بەپێی ئەم سیستەمە خوێندکار دەبێتە چەقی فێربوون و مامۆستا تەنها ڕۆڵی ڕێنیشاندەر دەبینێت، وە هەموو هەوڵێکی خوێندکار و ماندووبونەکانی بە ژمارە گوزارشتی لێ ئەکرێت، کە ئەنجامی کۆکردنەوەی ئەم ژمارانە ئاستی خوێندکار و ئاستی فێربوونی دیاری دەکرێت.[5]
- بەهۆی خراپبوونی ڕێگای گەڕەکی ڕۆشنبیری #هەولێر# و تێکچوونی پردی پەڕینەوە، منداڵێکی ئه و گەڕەکە گیردەخوات و مەترسی خنکانی لێ دەکرێت، بەڵام دواتر لەلایەن پۆلیسی فریاکەوتنی هەولێرو هاوڵاتیانی ئه و گەڕەکەوە منداڵەکە لە خنکاندن ڕزگار کرا.[1]
- لەسەر زۆری داواکاریی گەنجان و خوێندکارانی زانکۆ و پەیمانگاکان،ستافی سینەما سالم لە شاری سلێمانی، هەفتەیەکی دیکەیان بۆ نمایشکردنی فیلمی #14ی تەمموز#(تیرمەه) درێژکردەوە.[6]
- بەبۆنەی یادی 50 ساڵەی دامەزراندنی خوێندنگای خانزادی کچان لە شاری سلێمانی، بە ئامادەبوونی مامۆستایان و خوێندکارانی خوێندنگەکە ڤیستیڤاڵێکی ئەرشیفی و کلتوری بەڕێوەچوو.[6]
$رۆژئاوای کوردستان$
- دوای ئەوەی تەیب #ئەردۆغان# سەرۆک کۆماری تورک هەڕەشەی داگیرکردنی لە ڕۆژئاوای کوردستان کرد، جموجوڵی سەربازیی سوپا داگیرکەرەکەی لەسەر سنووری #سەرێکانی# دەستیپێکرد. سەرچاوە هەرێمییەکان ڕاشیانگەیاندووە، جاروباریش دەنگی چەک لە ناوچەکە دەبیسترێت و فڕۆکەی بێفڕۆکەوانیش بە ئاسمانی ناوچەکەدا دەسوڕێنەوە.[2]
- وتەبێژی یەکینەکانی پاراستنی گەل (#یەپەگە#)، ڕایگەیاند: ئەردۆغان بۆ جاری سێیەم هەوڵ بۆ پاراستنی داعش دەدات کە ئێستا لە هەجین لەلایەن هەسەدەوە دوورپێچکراون، بۆیە هەڕەشەی هێرشکردنە سەر ڕۆژئاوای کوردستان دەکات.[1]
- دەوڵەتی تورکی داگیرکەر و چەتەکانی لە هەرێمی #شەهبا#ی داگیرکراودا باری نائاساییان ڕاگەیاند و دەستیان بە کۆکردنەوەی هێز کرد. شەوی ڕابردووش منبج-یان تۆپبارانکرد. کاروانێکی سەربازیش لە کیلیسەوە چووە جەرابلوس. لە 6 ناوچەش باری نائاسایی ڕاگەیاندووە.[2]
- تەقینەوەیەک لە #عەفرین# ڕوویدا و بەپێی سەرچاوە خۆجێییەکان 5 کەس کوژراون و 4ی دیکەش بریندارن.[4]

بەختیار محەمەد (بەختیار پاڵانی- سەرنووسەری ڕۆژنامەی دەنگی مەخموور)

مێژووی ئاوەدانی لەدەڤەری مەخموور بۆ سەردەمانی زوو دەگەڕێتەوە، بەتایبەتی لەدەوروبەری چیای قەرەچووغ ئاسەواری ئاشوورییەکان بەدی دەکرێت، هەروەها لەچەند گوندێکی ئەم ناوچەیە ئاسەواری بەر لەهەزار ساڵ بەدی دەکرێت بەتایبەت لەگوندەکانی وەکو عەوێنەو کوشاف و کەنداڵ.
ناوی مەخموور لە چییەوە هاتووە؟
چەند ڕاووبۆچوونێکی جیاواز لەبارەی ناوی مەخموور هەیە، بەڵام دیارترین سێ بۆچوون لەبارەی ناوی مەخموور دەخەینەڕوو، یەکەمیان پێیانوایە ناوی مەخموو لەوشەی (مەخمەر یان مەخمەل) هاتووە، بەواتای جلێکی ڕەنگاو ڕەنگ یاخود پارچە قوماشێکی جوان، چونکە لەبەهاران ئەم ناوچەیە وەکو پارچەقوماشێکی مەخمەری خۆی دەنوێنێ.
بۆچوونی دووەم لەبارەی ناوی مەخموور ئەوەیە کە مەخموور لە (مەرغ-موور) هاتووە، واتا (تەیروتوار) چونکە ئەم ناوچەیە ژمارەیەکی زۆر باڵندەی کێوی تێدایە. بۆچوونێکی دیکە هەروەک عەزیزی مەلای ڕەش ڕۆماننوسی کورد باسی لێوەدەکات و دەڵێت: یەکەمجار دەبێ ئەوە بزانین کە مەخموور نییە بەڵکو مەغموورە، ئەم وشەیەش لە (غەمر) هاتووە بەمانای (سەراب)ە، چونکە ئەگەر لەسەرچیاو زوورگەکانی نزیکەوە سەیری دەشتی قەراج و کەندێناوە بکەی دەغەمرێنێت.
مەخموورو برایماغای دزەیی
کەسایەتی دیاری دەڤەری مەخموور (برایماغای بایزئاغای دزەیی (1840-1920ز) بۆ یەکەمجار قەڵاتی مەخمووری ئاوەدان کردۆتەوە، دواتر لەلایەن دەسەڵاتدارانی عوسمانییەوە قشڵەی مەخموور لەساڵی 1870 دروستدەکرێت و دوای ملمڵانێیەکی زۆرو بەناچاری برایماغا قەڵاتی مەخموور جێدەهێڵێ و دێتە ئەو شوێنەی کە مەخمووری ئێستایە، دوای ئەوەی برایماغا لەساڵی 1920 کۆچی دوایی دەکات، لەجێگەی ئەو (موشیر ئاغا)ی کوڕی دەبێتە حاکمی مەخموورو بۆ یەکەمجار لەسەردەستی ئەو لەساڵی 1923 قوتابخانە لەمەخموور دروست دەکات، بەڵام بەهۆی نەخۆشییەوە موشیرئاغا لەساڵی 1940 کۆچی دوایی دەکات.

مەخموور کەی و چۆن بووە قەزا؟
بۆ یەکەمجار بەفەرمانی پاشایەتی ئەو سەردەمەی عێراق بەنووسراوی ژمارە (458) لەرۆژی (15-3-1927) مەخموور وەکو قەزا دەستنیشانکراوە، کە ئەوکات مەخموور (75) ماڵی تێدابووە، پێکهاتبوو لە نەتەوەی کوردو جولەکە، بەڵام بەر لەوەی مەخموور بکرێتە قەزا باس لەوەدەکرێت کە مەخموور سەرەتا ناحیە بووەو دواتر کراوەتە قەزا، هەروەها بۆچوونێکی تر هەیە کەوا سەرەتا ناحیەی گوێڕ قەزا بووە دواتر وەکو لە وەقائعی عێراقی تۆمارکراوە کە لەساڵی 1928 قەزاکە لە گوێرەوە گواستراوەتەوە ناو مەخموور. هەروەک لەتابلۆی ناوی قایمقامەکانی قەزای مەخموور کە لەباڵەخانەی قایمقامیەتی مەخموور پارێزراوە، تێیدا هاتووە کە یەکەم قایمقامی قەزای مەخموور بەرێز (عەبدولرەحمان سەعید بابان) بووە، تاساڵی 2016 ژمارەی قایمقامەکانی مەخموور (40) قایمقام گۆراوە، کە زۆربەیان بەرەچەڵەک لە نەتەوەی عەرەب بوونەو لەدوای پرۆسەی ئازادکردنی مەخموور لەساڵی 2003دا بۆ یەکەمجار هاوڵاتییەکی خەڵکی مەخموور وەکو قایمقام بۆ قەزای مەخموور دەستنیشانکرا، ئەویش بەرێز (عەبدولرەحمان بێلاف) بووە کە لەساڵی 2003 تا 2007 قایمقامی قەزای مەخموور بووە.

کاریگەری سیاسەتی بەعەرەبکردن لەمەخموور
وەکو باسمان کرد مەخموور لەساڵی 1927 کراوەتە قەزاو سێ ناحیەی بۆ دانراوە ئەوانیش ناحیەکانی (قەراج و کەندێناوە و گوێڕ)ە، هەر لەساڵی 1933 ڕووبەڕووی شاڵاوی تەعریبکردن بووەتەوە، لەوکاتەی ناوی زۆرێک لەگوندو دێهاتەکانی ئەم ناوچەیان گۆڕی، بۆ نموونە گوندی (بندیان)ی گۆڕی بۆ ناوی (مندیان).
هەر لەمیانەی سیاسەتی بەعەرەبکردنی ئەم ناوچەیە، لەساڵی 1975 حکومەتی ئەوکاتی عێراق هەستا بەدەستکاری کردنی دیموگرافیای قەزای مەخموور، ئەمەش لەرێگەی دابڕانی زیاتر لە 20 گوندی سەر بەشارەدێی کەندێناوەی خستە سەر پارێزگای کەرکووک و ناوی لێنا ناحیەی سەرگەڕان. جگە لەمانەش لەساڵەکانی 1963و 1968و 1988 چەندین شاڵاوی تاڵانکردن و بەعەرەبکردن ڕووبەرووی ئەم ناوچەیە بووەتەوە، هەروەها لەبەرواری (2-12-1996) ڕژێمی بەعسی ڕووخاو بەبڕیارێک قەزای مەخمووری خستە سەر پارێزگای مووسڵ، هەروەها بەبڕیارێک ناحیەیەکی دیکەی بۆ مەخموور زیادکرد، کاتێک گوندی (مەلاقەرە)ی سەر بەناحیەی کەندێناوەی کردە ناحیەیەکی سەربەخۆ بەناوی ناحیەی عەدنانیە.
پارێزگا کارتۆنیەکەی مەخموور
ئەگەرچی مەخموور لەراپەرینی بەهاری 1991 ئازادی بەخۆیەوە بینی، بەڵام تەنها بۆ ماوەی 20 ڕۆژ سەربەخۆ بوو، دواتر کەوتەوە دەست ڕژێمی بەعسی ڕووخاو، بەرادەیەک لەشوباتی 1992 پارێزگای هەولێری بەشێوەیەکی کارتۆنی لەمەخموور دامەزراند، کە ئەوکات پارێزگارەکەی (فوئاد مستەفا خورشید دزەیی) بوو، بەجۆرێک هەموو داموودەزگاکانی پارێزگای هەولێری گواستەوە بۆ مەخموور، بەڵام ئەم کارەی زۆری نەخایاند تەنها بۆ ماوەی شەش مانگ بەردەوام بوو، لەدوای هاتنەوەکایەوە حکومەت و پەرلەمانی کوردستان، ئەوەبوو لەکۆتایی مانگی ئابی 1992 پارێزگا کارتۆنییەکەی گواستەوە بۆ شاری موسڵ.
چەند زانیارییەک لەبارەی مەخموور
لەرووی جوگرافییەوە مەخموور کەوتۆتە باشووری ڕۆژئاوای شاری هەولێر، (55)کم لە هەولێر دوورەو (150)کم لەشاری موسڵەوە دوورە، بەپێی دابەشبوونی هێلەکانی گۆی زەوی کەوتۆتە خوارووی هێلی (36)ی پانی و هێلی (43-44)ی درێژی، لەرووی دیاریکردنی شوێن مەخموور (58.43) مەتر بەرزی لەئاستی ڕووی دەریاوە، لەئێستادا مەخموور لە (203) گوند پێکهاتووە، کە (49) گوندیان عەرەبنشینن، ژمارەی دانیشتووانی مەخموور لەساڵی 1990 (85751) کەس بووە، دانیشتووانەکەی لە 60%ی لەنەتەوەی کورد پێکهاتووە بەشێکی نەتەوەی عەرەبن لەناحیەی قەراج و کەمێکیش لەناحیەی گوێڕ هەن. ڕووبەری گشتی مەخموور دەگاتە (1.049.982) دۆنم، لەساڵی 1978 لەلایەن کۆمپانیایەکی ڕووسی دووەم گەورەترین سایلۆی عێراق لەم شارە دروستکراوە.

ماوەتەوە بڵێن ئەگەرچی مەخموور خاوەنی سەدان بیرە نەوتەو ڕۆژانەی 250 هەزار بەرمیل نەوت لەخاکەکەی بەرهەمدێت، بەڵام ئەگەر سەیری سیمای مەخموور بکەی، هەست ناکەی کۆنترین قەزای عێراق بێت، چونکە لەڕووی خزمەتگوزاری تاڕادەیەکی زۆر فەرامۆشکراوە.

شوێن: بازاڕی کوران، #هەولێر#
ڕۆژ یان ساڵی گیرانی وێنەکە: 1984
وێنەکە: (ناو بازاڕی کورانی #مەخموور#)
ناوی وێنەگر: (نەناسراو)[1]

شوێن: شارۆچکەی #مەخموور#
ساڵی گیرانی وێنەکە: 1979
وێنەکە: (بەشداری قوتابخانەی کەندیناوە لە فیسیڤاڵی ساڵانەی قوتابخانەکان لە مەخموور).
ناوی وێنەگر: (نەناسراو). [1]

ئەو دوو شەهیدەی لەبەردەم دەرگای بارەگای ئەمن و بنکەی پۆلیسی #مەخموور# شەهیدبوون (رەفیقەسۆر- 1914-1969)و (تاهیر ئیبراهیم یوسف- 1950-1969)بوو کە لە گرتنی بارەگای ئەمن و بنکەی پۆلیسی مەخموور بەخوێنی گەشی خۆیان وەک پێشمەرگەی دلێرو قارەمان داستانێکی پڕ لەسەروەریان تۆمارکرد. دوای کۆتایی هاتنی شەرێکی دەستەو یەخەو پێکدانێکی سەخت توانرا تەرمی ڕەفیقەسۆر لەبەر دەرگای بنکەکە بکێشنەوەو (تەرمی تاهیر)یش کەوتە بن دەستی جەلادەکانی ڕژێم.
ئاشکرایە کە پلانی سەربازی هەر شۆڕشێک ئەوەبووە کە گورج بوەشێننە هێزی داگیرکارو ڕژێمە داپڵۆسینەرەکەی کە خەڵکیان چەوساندۆتەوە, ئەمەش وەک بەرنامەی شۆرشی چەکدارییەکەی بووە، تا بتوانن سەر لە دوژمن بشێوێنن و ئاڵۆزی بخەنە ڕیز هێزەکانی دوژمنەوە، کەواتە لە درێژەی چالاکیەکانی شۆڕشی ئەیلول لە لێدانی ڕەبایەو سەنگەرەکانی سوپای ڕژێم ئامانج و پلانی سەرەتایی و پێویست بووە تا سوپاکەیان ورەیان داببەزێ و پاشەکشە بکەن لە خاڵی جێگیری خۆیان, ئیدی هەر ئەو شۆڕشە کەوتەبەر دانانی پلانێکی تری تۆکمەو پتر کاریگەرتر و بەدەسکەوت تۆماربکات، کە لەبەرژەوەندی ڕێزی پێشمەرگە بێت، نمونەی گەیاندنی هێز بۆ ناوچە دوورە دەستی بارەگاو سەنگەری پێشمەرگە وەک مراوەغەیەک کە دوژمن پتر ورەی داببەزێ، لەلایەک وجەماوەری پاڵپشتی شۆڕشیش ورەو متمانەیان بەشۆڕشەکەیان بەرزببێتەوە لەلایەکی ترەوە, چونکە زۆرێک لەرۆڵەکانی خەڵکی ناوچەکانی مەخموورو کەندێناوەو قەراج و گوێڕ چووبوونە ڕیز شۆڕشی (ئەیلول-1961).
ئەوەبوو هێزی دەشتی #هەولێر#ی #پارتی دیموکراتی کوردستان# لە شەوی سەری ساڵی 1969دا کە شەوێکی تاریکی ئەنگوست لەچاوو سەرمای زستانێکی سەخت و دژواربوو پێشمەرگەش بەوورەیەکی پۆلاین و بەدەم سرودی ئەی ڕەقیب و یان کوردستان یان نەمان وورەی دوژمنیان دادەرووخاند, ئەو هێزە بەسەرکردایەتی (خوالێخۆشبو فارس باوە)و بەشداریکردنی زۆرێک لە پێشمەرگە شێرەکانی دەشتی هەولێربوون، نموونەی (عەریف عوسمان و سەید کاکەو عەبدولرەحمان حاجی عەلی و محەمەد ڕۆستەم و مستەفا غەفوورو...هتد)بوون.
بۆ نووسینەوەی ئەو بابەتە بەپێویستمزانی پەیوەندی بەکاک (عەلی حەمکۆ بندیان) بکەم کە بۆ ماوەیەک بەرپرسی یەکێتی قوتابیان و لاوانی مەخموور بووە لەساڵانی (1970-1974), ئەویش بەسوپاسەوە کاک (سمکۆ)ی کوڕی شەهید ڕەفیقەسۆری پێناساندم، ئەوەبوو سمکۆ بۆی باسکردم کە پێشمەرگەکان بەر لەوەی بێنە مەخموور لەرێگایاندا بەماڵی خوالێخۆشبوو (کاک مەلای مشاری)دا دەڕۆن و خزمەت دەکرێن لەگوندی مشار، چونکە ئەو زاتە بەوە ناسرابوو کە پشتگیری لەپێشمەرگەو شۆرشی کردووە، دوای مانەوەیان لەوێداو دواتر بەرەوە مەخموور دێن ئیدی پەلامارەکە لەشەوێکدا ئەنجامدەدرێت کە بەداستانەکەی قشڵەی مەخموور دەناسرێت، ئەو شوێنە (دائیرەی ئەمن و بنکەی سەرەکی پۆلیسی قەزاو دادگای مەخموور)ی لەخۆدەگرت.
کاک سمکۆ چونکە کوڕی شەهید ڕەفیقەسۆرەو درێژەی بەپەیوەندیکردنی بەپێشمەرگەکان دواتر هەبووە ئەوانەی هەڤاڵی باوکیان بووینە, ئاماژەی بەوەکرد کە کەسێک بەناوی (تاهیر ئیبراهیم یوسف) لەگەڵ باوکم لەو شەڕەدا شەهید دەبێت، ئەمەو پێشمەرگەیەک بەناوی (محەمەد سلێمان)ناوێک بریندار دەبێت.
هەر سەبارەت بەم داستانە، کاک (عەبدوڵڵای مام عوسمان) کە خاوەن چایخانەیەک بوو لەنزیک قشڵەو پۆلیسەکان شەوانە لەگەڵ خەڵکی ڕوویان دەکردە ئەوێ. کاک عەبدوڵڵا دەگێرێتەوە: کە لەناکاو ژمارەیەک پێشمەرگە کە نزیکەی (15) کەس دەبوون خۆیانکردە ناو چایخانەکەی ئەوو ئیدی پۆلیس وچەند قوتابیەکی عەرەب کە لە دواناوەندی مەخموور دەیانخوێند زراویان ڕژاوو حەپەسان، بەڵام پێشمەرگەیەکی پۆشتەو بەشان و شەوکەوت بەهێمنی و دەم بەخەندەو بەگفتەوە بەسڵاوکردنەوە ڕووی تێکردن و گوتی: مەترسن هیچ بۆ ئێوە نابێت, ئەوکەسە لەلای پێشمەرگەکانەوە بە (عەریف ئەبوزید) بانگ دەکرا، دواتر هەرخۆی وەک کەسی بەرپرس بۆ شەڕەکە لەسەر ئەژنۆ دانیشت و پێشمەرگەکانی ڕێنمایی دەکردن و بڕنۆکەی سوارکرد. ئیدی پێشمەرگەیەک بەئامێری بڵندگۆی مزگەوتی گەورەی مەخموور بانگی ڕاهێنا بۆ قشڵەو تا خۆیان بدەنە دەستەوە بێ ڕژانی خوێن و ڕوودانی شەڕ، بەڵام قشڵە تەقەی لە پێشمەرگەکان کردو بەو شێوەیە دەستڕیژی گوللە دابارییە سەریان کە ئەوانەی لە چایخانەکاندا بوون زانیان کە قشڵە گەمارۆ دراوەو شتێک هەیە بەرەو شوێنی تر ڕۆیشتن ئەوەی زۆر بەلامەو جوان و ڕەوشتی کوردانەی پێشمەرگایەتی بوو زۆر بەهێمنانە پۆلیس و قوتابیە عەرەباکانی دووردەخستەوە بەبێ توندوتیژییەوە بۆ شوێنێکی ئارامترو دوور لەمەترسییەوە, منیش بۆ پتر دڵنیابوون لە سەلامەتیان لەسەر داوای پێشمەرگەیەک پێمباشبوو بیانبەم بۆ ماڵی مامۆستا (عەبدولفەتاح) کە ئیمامی مزگەوتی گەورەی مەخموور بوو، ئەویش لە ماڵەکەی خۆیدا خزمەتی کردن.
عەبدوڵڵای مام عوسمان دەگێڕێتەوە کە پۆلیسێکی عەرەب خەڵکی باشور بوو بەناوی (زغیەر) کوژرا کە لەسەر بانی قشڵە شەڕی پێشمەرگەی دەکرد. ئەوەشی ڕوونکردەوە کە پێشمەرگەیەکی قارەمان شەهیدبوو یەکێکی تر کە ویستبووی بۆمبێک لە بەردەرگای قشڵە بچێنێ بەئامانجی تێکشکاندنی دەرگا قایمەکەی قشڵە تا بچنە ژوورەوەو هێنانەدی ئامانج و پلانەکەیان بووە, بەڵام لەسەرەوە زەفەریان پێبردو شەهیدیان کرد. لەوبارەیەوە (سمکۆ ڕەفیق) بۆ ڕۆژنامەی (دەنگی مەخموور) باسی لەو ڕووداوەکردو گوتی ئەو پێشمەرگەیە باوکم بووەو ڕاشیگەیاند کە پێشمەرگە گوللەی (ئارپیچی)یان بەبەشی سەرەوەی قشڵە نا، چونکە ئەو شوێنە زۆر قایم بوو گوللەکە نەتەقیەوەو لەدیواردا چەقیبوو. لەلایەن خۆشییەوە کاک عەبدوڵلا عوسمان ئەو ڕووداوەی بۆ پشتڕاستکردمەوە کە بۆ ڕۆژی دواتر بەرەو نیوەڕۆ هێزێکی سەربازی لە هەولێرەوە هاتن و بەوایەرو ئامێری تر سەرمان لێوە دەرنەدەچوو گوللە چەقیوەکەیان تەقاندەوە.
هەر سەبارەت بەم داستانە، بەرێز (مامەند تاهیر) کە شایەدحالێکی ئەم ڕووداوە بوو دەگێرێتەوە من خۆم ئەو شەوە لە چایخانەکەی خوالێخۆشبوو (یاسین ئەحمەد پیرداود) بووم ئەو دیمەنەم لە بیرناچێت کە موفەوەزێکی ئەمن خەڵکی بەغدا بوو تۆقیبوو خۆی لە نێو گونیەی ڕەژووی چایخانەکە شاردەوەو ئیتر ئێمە بەجێمان هێشت.
جێگەی باسە ئەوەی لەم داستانەدا دەیخۆنینەوە کە هێزەکە پتر مەبەستی ئەوە بووە نەک کوشتن و ئاژاوەنانەوە، بەڵکو پلانیان داتەکاندن و دەست بەسەرداگرتنی چەک و جبەخانەو هێزو دارودەستەی دوژمن و گرتنی ئەمنەکان بووە، لەوانەیە وەک بارمتەو یان وەشاندنی گورزێکی قورس بەرێزی ڕژێم بوو, هەروەک عەبدوڵڵای مام عوسمان ئاماژەی بەوەکرد کە لێدانی قشڵە ئامانج تیایدا وەشاندنی زەبرێک بوو بەو هێزەی کە ڕژێم هێنابوویە مەخموور کە بە (قوەی سەیار) ناسرابوو، کە پتر خەڵکی ناوەڕاستی عێراق بوون، خەڵکی مەخمووری پێ هەراسان ببوون.
پەرواوێزەکان:
ڕەفیق تۆفیق ئەمین: لەساڵی 1914 لەگوندی پونگینە لەدایکبووە, لەشەڕی داستانی قشڵە شەهید دەبێت و کەسێکی ئازاو چاونەترس بووە لە ڕۆژانی خەباتی پێشمەرگایەتی و لەگەڵ هەڤاڵەکانی زۆر ڕوح سوک وقسەخۆش بووە, کەسێک بووە کە هەردەم لە چالاکی و نەبەردی لە ڕیز پێشمەرگەکان پێشەنگبووە, لەو چالاکیەکەش زۆر بەئازایەتی و فیداکارانە بەشدار دەبێت وخوێنی خۆی دەبەخشێ.
قشڵە: پاشماوەکەی تائێستا ماوەتەوە لە مەخموور کە شوێنەوارێکی سەردەمی عوسمانەکانە دەکەوێتە ناو جەرگەی بازاری مەخموور.
عەبدوڵڵای مام عوسمان شاناز: خاوەن چایخانەیەک بووەو کەسایەتیەکی ڕۆشنبیری مەخموورە، بۆ دیاری کردنی ڕێکەوتی ئەنجامدانی داستانی قشڵە هەرخۆی پەیوەندی بە (خدری ئەحمەدی مام قادر) کردووە.

بەرپرسی ھەڵبژاردنەکانی #پارتی دیموکراتی کوردستان# لە #مەخموور# پێی وایە، لیستی پارتی دەنگی یەکەم بەدەست دێنێت لە ھەڵبژاردنی ئەمڕۆ #18-12-2023#، دەشڵێت، ھەندێک پێشێلکاری ھەبوو لە سنووری شارەدێی #قەراج#.
یەحیا پاڵانی، بەرپرسی ھەڵبژاردنی پارتی لە مەخموور، ڕایگەیاند: پڕۆسەی ھەڵبژاردن لە سنووری مەخموور بەشێوەیەکی سەرکەوتوو کۆتایی ھات، بەڵام ھەندێک پێشێلکاری ھەبوون، بەتایبەتیی لە سنووری شارەدێی قەراج ھێزی سەربازی دەستوەردانی کردووە و لەبەر سەقامیگری پڕۆسەکە پارتی سکاڵای تۆمار نەکردووە بۆ ئەوەی ئاستەنگ بۆ پڕۆسەکە درووست نەبێت و ڕانەگیرێت.
لەبارەی ئەنجامەکان یەحیا پاڵانی وتیشی: ھێشتا ئەنجامی کۆتایی ڕانەگەیەنراوە، بەڵام پارتی ھێزی یەکەمە لە سنووری مەخموور و لیستی 197ی پارتی سەرکەوتنی بەرچاو تۆمار دەکات و زۆرترین دەنگی پارتیش لە سنووری شارەدێی #گوێڕ# بووە. [1]

پانۆرامای ڕووداوەکانى مەخموور لە ساڵی 2023دا
مەخموور
ساڵی 2023 بۆ پەنابەرانى کامپی شەهید ڕۆستەم جودی لە مەخموور ساڵێکی زۆر سەخت و قوورس بوو، بەهۆی ئەوەى لەو ساڵەدا لە هەموو لایەکەوە هێرش و پەلامار و گەمارۆ ڕووی تێکرد و قوربانی زۆریان دا تا گەیشتنە ئێرە، بەڵام ئیرادە و بەرخۆدانى پەنابەرانی کامپەکە هەموو ئەو پیلانگێڕییانەى پووچەڵ کردەوە.
لە ساڵی 2023 دا کامپی پەنابەرانى مەخموور بە چەندین بارودۆخی سەختدا تێپەڕین، هەر لە هێرشی ئاسمانی لەلایەن دەوڵەتى داگیرکەری تورک و گەمارۆدانى لەلایەن پەدەکە و حکوومەتى ئێراق و هێرشی سوپای ئێراق، بەڵام هیچ کام لەمانە نەیانتوانی ئیرادەی پەنابەران بشکێنێت، بۆیە بە هێزی خۆیان پیلانگێڕییەکانیان شکست پێهێنا.
ئەمانە زنجیرەیەک ڕووداوی سیاسیی و ئەمنیین ساڵی 2023دا لە کامپی مەخموور ڕوویانداوە:
کامپی پەنابەرانی مەخموور، لە ماوەی ساڵێکدا سێ جار بۆردوومان کرا و لەو بۆردوومانانەشدا چوار کەس بریندار بوون، هەروەها لە نزیکی کامپەکە ئۆتۆمبێلێک بۆردوومان کرا و لە ئەنجامدا گەنجێکێکی کامپەکە شەهید بوو، ماوەی سێ ساڵە گەمارۆی توندی لەسەرە و بە درێژایی ئەمساڵ فڕۆکەکانی دەوڵەتی تورک بەردەوام بەسەر ئاسمانی مەخمووردا سووڕاونەتەوە و بۆردوومانی کردوون.
سەرەڕای ئەمەش سوپای ئێراق هەوڵیدا کامپەکە تەلبەند بکات، بەڵام بە بەرخۆدانی 16 ڕۆژەی خەڵکی مەخموور پیلانگێڕییەکان دژی مەخموور پوچەڵ کرانەوە، بەڵام لەگەڵ کشانەوەی هێزەکانی هەپەگە لە مەخموور، شەڕ لەنێوان هێزەکانی ئێراق و پەدەکە لە چیای قەرەچۆغ درووست بوو، لەگەڵ ئەوانەشدا خەڵکی کامپی مەخموور بە ئیرادە و هێزی خۆیان بەرانبەر هەموو جۆرە هێرش و داگیرکارییەک و بەرانبەر گۆشەگیریی وەستانەوە.
کامپی پەنابەرانی شەهید ڕۆستم جودی-مەخموور وەک چەند ساڵی ڕابردوو، ساڵی 2023 بە هێرشی ئاسمانی، ڕیپێوانی جەماوەری بۆ شکاندنی گۆشەگیریی سەر ڕێبەری گەلی کورد عەبدوڵڵا ئۆجالان و دەرکردنی پەکەکە لە لیستی قەدەغەکراوەکاندا، بۆ بەرخۆدانی گەریلا و بەکارهێنانی چەکی کیمیایی لەلایەن دەوڵەتی تورکەوە، مەراسیم و یادکردنەوەی گەریلا و فەرماندەکانی بزووتنەوەی ئازادی کوردستاندا تێپەڕی.
بە درێژایی ساڵ لەلایەن ڕێکخراو و ئەنجوومەنی کامپەکەوە، پەروەردەی جیاواز و سیمپۆزیۆنی گرنگ ئەنجامدران، سەرەڕای هەموو هێرش و فشارەکان بۆ سەر کامپەکە، خوێندکاران و مامۆستایانی کامپەکە لە کاتی خۆیدا دەستیان بە خوێندن کرد.
لەم پانۆرامایەدا چالاکیی، هێرش و بەرخۆدانی خەڵکی مەخموورتان لە ماوەی ئەم ساڵدا بیردەهێنینەوە.
لە07-01 لە کامپی پەنابەرانی مەخموور، شەهید ئامارا ڕووبار و شەهید ڕووکەن گابار بە مەراسیمێکی جەماوەری بەبیر هێنرایەوە.
دانیشتووانی مەخموور لە 09-01، بە مەراسیمێکی جەماوەری هەرسێ ژنە شۆڕشگێڕی کورد، سارا، ڕۆژبین و ڕۆناهییان بە بیر هێنایەوە.
لە 12-01، هەزاران خوێندکار لە مەخموور بڕانامەی خوێندیان وەرگرت.
لە08-02دا، دانیشتووانی کامپی پەنابەرانی مەخموور، بە ڕاگەیاندراوێک داوای هاوکارییان کرد بۆ لێقەوماوانی بوومەلەرزەکەى باکوور و ڕۆژاوای کوردستان.
لە 15-02 دا گەنجانی کامپەکە بە هەڵکردنی مەشخەڵ و بە ڕێپێوانێکی جەماوەری پیلانگێڕیی نێودەوڵەتییان شەرمەزار کرد.
لە 20-02دا، بە بۆنەی لەدایکبوونی ڕێبەر ئۆجالا ن لە 04-04دا، لە کامپی مەخموور 15یەمین فێستیڤاڵی کەلتوور و وەرزشی چواری نیسان دەستی پێ کرد.
لە 06-03دا لە کامپی پەنابەرانی مەخموور، بە پێشەنگایەتی دامەزراوەی ژنانی مەخموور، پێشانگایەکی هونەریی بە بۆنەی 08-03وە لە ناوەندی کەوانەی زێڕین کردەوە.
لە کامپی پەنابەرانی مەخموور بە بۆنەی ڕۆژی جیهانی ژنانەوە، لە 08-03دا ڕێپێوانێکی جەماوەریان ئەنجامدا و لە ڕاگەیانداروێکدا کۆتاییان بە مانگرتن هێنا.
لە 21-03دا وەکوو هەمیشە ئاهەنگی نەورۆز بە بەشداری هەزاران کەس لە کامپەکە پیرۆزکرا.
لە 04-04دا بە بۆنەی ڕۆژبوونی ڕێبەر ئۆجالانەوە چەندین نەمام و دار چێنران.
دانیشتووانی کامپی مەخموور بە بەیاننامەیەک 1ی ئایار ڕۆژی کرێکار و ڕەنجدەرانیان لە تەواوی جیهان پیرۆزکرد، چالاکییەکە لە بەردەم کۆمیتەی خانەوادەی شەهیدان، بە بەشداریکردنی دەیان کەس، دەستی پێ کرد و بەیاننامەکە لەلایەن ژیان پوساتەوە کارمەندی شارەوانی مەخموورەوە خوێنرایەوە.
لە 18-05دا لە کامپی مەخموور بە هەزاران خوێندکار بڕوانامەی خوێندنیان وەرگرت.
بەرخۆدانی 16 ڕۆژە
لە ڕۆژی 20-05دا سوپای ئێراق بە هێزێکى زۆر و تانک و چەکی قوورسەوە چوونە سەر کامپی پەنابەرانی مەخموور بە مەبەستى گەمارۆدانى کامپی مەخموور، ئەویش بە تەلەبەندکردن و دانانى قوللە و خاڵی چاودێریی، بەڵام پەنابەرانى کامپەکە بە بەرخۆدانێکی بەهێز ڕێگەیان نەدا ئەو پیلانە، کە داڕێژەرەکەى دەوڵەتى داگیرکەری تورک بوو، جێبەجێ بکرێت.
هێزە ئێراقییەکان بۆ بڵاوەپێکردنی ناڕەزایەتییەکانی کامپەکە بە چەک هێرشیان کردە سەر خەڵکی کامپی مەخموور و خەڵکەکەش بە بەرد وەڵامیان دایەوە، لە ئەنجامی تەقەی هێزە ئێراقییەکان بۆ سەر خەڵکی مەخموور، گەنجێک بریندار بوو.
سوپای ئێراق دەیەوێت کامپەکە بەتەواوەتی تەلبەند بکەن و بە کۆنکرێت هەموو دەرچەیەکیان بەسەردا دابخەن و سوپای خۆیان لەناو کامپەکەدا جێگیر بکەن و ڕێگا بە هیچ هاتوچۆکردنێک نەدەن، تا دێت ئێراق ژمارەی هێزەکانی زیاتر دەکات و فشارەکانی چڕتر دەکاتەوە، دانیشتووانی کامپەکەش دەڵێن: “تا یەک ڕۆڵەمان مابێت ناهێڵین کامپەکە تەلبەند بکەن”.
لە ڕۆژی 28-05دا هێزەکانی ئێراق جارێکی تر بە هێزێکی زۆرەوە چوونەتە سەر کامپی مەخموور و ویستیان قوللەی سەربازیی لە دەوروبەری کامپەکە دابنێن، دانیشتووانى کامپەکەش ڕێگرییان لێکردن.
هەر لە ڕۆژی 28-05دا شاندێکی ئیتاڵی، کە پێکهاتوون لە کۆمەڵێک ڕۆشنبیر، چالاکوانی مافی مرۆڤ، ڕۆژنامەنووس، نووسەر و پزیشک، لە چوارچێوەی پڕۆژەی هاوکاریی تەندرووستی، هەموو ساڵێک سەردانی کامپی شەهید ڕۆستەم جودی دەکەن لە مەخموور، ئەو شاندە ویستیان هاوکاریی بگەیەنن بە کەسانی نەخۆشی ناو کامپەکە و نەخۆشخانەی کامپەکە، بەڵام لەلایەن سوپای ئێراقەوە ڕێگەیان لێگیرا و ناچارکران بگەڕێنەوە بۆ بەغدا.
لە 20-07دا چالاکی ئێشکگریی لە کامپی پەنابەرانی شەهید ڕۆستەم جودی-مەخموور، بۆ شکاندنی ئەو گۆشەگیرییە توندەی لەسەر ڕێبەری گەلی کورد عەبدوڵڵا ئۆجالان هەیە دەستی پێ کرد.
لە 23-07دا کۆمیتەی تەندرووستی کامپی پەنابەرانی مەخموور، شەشەمین کۆنفرانسی خۆی بە درووشمی “کۆمەڵگەیەک کە تەندرووستی خۆی ناپارێزێت، ئازادیی ئەو لە مەترسیدایە” بەست.
دانیشتووانی کامپی پەنابەرانی شەهید ڕۆستەم جودی-مەخموور، بە ڕێپێوانێکی جەماوەری ئیدانەی هێرشەکەی 2014-03-08 داعشیان کرد بۆ سەر ئێزدییەکان لە شەنگال، هەروەها لە نۆیەمین ساڵیادی هێرشی چەتەکانی داعشدا بۆ سەر کامپی مەخموور، خەڵکی مەخموور ڕاگەیاندراوێکیان بڵاوکردەوە.
لە مەخموور 39یەمین ساڵیادی جەژنی ژیانەوەی 15-08، بە جۆش و خرۆشێکی زۆرەوە پیرۆز کرا، لە پیرۆزباییەکەدا بەڵێنی بەردەوامییدان بە دۆزی فەرماندە عەگید دووپات کرایەوە.
لە 25-08 لە مەخموور شەشەمین کۆنفرانسی کۆمیتەی پەروەردەی خۆبەڕێوەبەریی مەخموور، بە بەشداری 120 ئەندام بەڕێوەچوو.
لە 28-08دا لە کامپی پەنابەرانی مەخموور، هەڵمەتی نامەنووسین بۆ ئازادیی عەبدوڵڵا ئۆجالان ڕێبەری گەلی کورد دەستی پێ کرد.
لە 11-09، خولی پەروەردەیی بۆ فێربوونی ئامێرە میوزیکییەکانی پەیمانگای ئەستێرەی زێڕین کە لە مانگی ئایاردا، بە ناوی خولی شەهید میزگین دەستی پێ کرد، بە ئاهەنگێک لە کامپی پەنابەرانی مەخموور کۆتایی هات.
خەڵکی کامپی پەنابەرانی مەخموور، بەتوندی ئیدانەی هێرشی پەدەکەیان کرد لە دژی گەریلاکانی ئازادی کوردستان لە هەرێمی سیدەکان.
لە 16-09دا لە کامپی پەنابەرانی مەخموور ژنان بە پێشەنگایەتی ئەنجوومەنی عەشتار، لە یەکەمین ساڵڕۆژی سەرهەڵدانی شۆڕشی “ژن ژیان ئازادیی”دا گردبوونەوەیەکیان ئەنجامدا.
خەڵکی کامپی پەنابەرانی مەخموور بە ڕیپێوانێکی جەماوەریی، هێرشی سەر ناوەندی نوینەرایەتی کەنەکە لە هەولێر، کە بووە هۆی شەهیدبوونی دەنیز جەودەت بولبوون، هەروەها هێرشەکانی پەدەکە و دەوڵەتی تورک لە باشووری کوردستان و ناوچەکانی پاراستنی مەدیایان شەرمەزار کرد.
لە 24-09دا خوێندنگەی کامپی پەنابەرانی شەهید ڕۆستەم جودی-مەخموور بە شێوەیەکی فەرمی ساڵی نوێی خوێندنی 2023-2024ی دەستی پێ کرد.
لە کامپی پەنابەرانی مەخموور بە مەراسیمێکی جەماوەری یادی شەهید سەید ئەڤران، شەهید ئەسلان قامشلۆ و دەنیز جەودەت بولبوون کرایەوە.
لە 02-10 ژنانی کامپی پەنابەرانی مەخموور یادی ژنە نووسەر ئەکادیمیستی کورد ناگیهان ئاکارسەلیان کردەوە کە لە 2022-04-10 لە شاری سلێمانی تیرۆرکرا.
لە ماوەی 10 ڕۆژدا سێ هێرش
لە 07-10، کاتژمێر 07:05 خولەکی شەو، فڕۆکەیەکی بێفڕۆکەوانی دەوڵەتی داگیرکەریی تورک، مزگەوتێکی لە کامپی شەهید ڕۆستەم جودی (مەخموور) بۆردوومان کرد، بەهۆیەوە ژنێک و دوو منداڵ بریندار بوون و زیان بە چەندین ماڵی دەوروبەری مزگەوتەکە گەیشت.
لە کامپی پەنابەرانی مەخموور بە بۆنەی 25 ساڵەی پیلانگێڕیی نێودەوڵەتی دژی ڕێبەر ئۆجالان ڕێپێوانێکی جەماوەریی بەڕێوەچوو.
لە 13-10 فڕۆکەیەکی بێفڕۆکەوانی دەوڵەتی داگیرکەریی تورک، ماڵێکی کامپی مەخمووری بۆردوومان کرد و لە ئەنجامدا ژنێک بریندار بوو، زیانی بە چەندین ماڵی تریش گەیاند.
لە کەمپی پەنابەرانی مەخموور 12ەمین کۆنفرانسی خانەوادەی شەهیدان ئەنجام درا.
لە 17-10، فڕۆکەیەکی بێفڕۆکەوانی دەوڵەتی داگیرکەریی تورک، لە نزیک گوندی کانی کەند لەسەر ڕێگای سەرەکی شارۆچکەی کۆیە، ئۆتۆمبێلێکی مەدەنی خەڵی مەخمووریان بۆردوومان کرد، لە ئەنجامدا گەنجێک بە ناوی دلۆڤان ئیشلەک کە شۆفێری ئۆتۆمبێلەکە بوو شەهید بوو.
دلۆڤان لە 05-10دا ئاهەنگی نیشانەکردنی هاوسەرگیریی ئەنجامدابوو، وا بڕیاربوو لە یەکی مانگی تشرینی دووەمدا ئاهەنگی گواستنەوە ئەنجام بدات، هەروەها سێ کەسی دیکەش کە ئەندامی هەمان خێزان بوون لە ئۆتۆمبێلەکەدا بریندار بوون.
دانیشتووانی کامپی پەنابەرانی مەخموور پێشوازییان لە کەمپەینی ” ئازادیی بۆ ئۆجالان، چارەسەری سیاسی بۆ پرسی کورد” کرد و بەشداریی خۆیان لەو کەمپەینە دەربڕی.
دوای دەستگیرکردنی پێنج کرێکاری کامپی پەنابەرانی مەخموور لەلایەن چەکدارانی پەدەکەوە، کە ویستبوویان بچنە پێشوازی تەرمی شەهیدان لەلایەن پەدەکەوە دەسگیرکران و دوای 10 ڕۆژ ئازادکران.
چوونی هەپەگە و شەری ئێراق و پەدەکە ..
لە 19-10دا فەرمانداریی بڕیارگەی نەپەگە ڕایگەیاند، بەڕێوەبەرایەتیمان بڕیاریدا هەموو هێزەکانى خۆی لە کامپی مەخموور بکشێنێتەوە، ئێمەش هێزەکانى هەپەگە و یەژاستارمانی لە مەخموور کشاندەوە بۆ هەرێمى پاراستنى مەدیا، ئێستا لە کامپی پەنابەران هیچ هێزێکی ئێمەی لێ نەماوە.
لە 22-10دا لەسەر چیای قەرەچۆغ لەو شوێنانەی کە پێشتر هێزەکانی هەپەگەی تێدا نیشتەجێبوون و دوای کشانەوەیان هێزەکانی ئێراق تیایدا جێگیر بوون شەڕ و ئاڵۆزیی لەنێوان هێزەکانی ئێراق و پەدەکە درووست بوو لە ئەنجامدا لە هەردوو لا کوژرا و و برینداری لێکەوتەوە.
لە 03-11 ڕۆژنامەنووسانی مەخموور لە بەیاننامەیەکدا ڕایانگەیاند، ئێمە وەک ئەندامانی ڕاگەیاندنی ئازاد داوا لە حکومەتی ئێراق دەکەین بە ئەرک و بەرپرسیارییەتییەکانی خۆی هەستێت، بەبێ ئەوەی هیچ تۆمەتێکی بێ بنەما بڵاوبکاتەوە دەستبەجێ ڕۆژنامەنووس سلێمانی ئەحمەد ئازاد بکات.
لە 12-11 شاندێکی تەڤگەری ئازادیی کۆمەڵگەى کوردستان لە کەلار و سلێمانی سەردانى کامپی شەهید ڕۆستەم جودی-مەخمووریان کرد.
خەڵکی کامپی پەنابەرانی مەخموور بۆ شکاندنی ئەو گۆشەگیرییە سەختەی بەسەر عەبدوڵڵا ئۆجالان ڕێبەری گەلی کورددا سەپێنراوە، ڕێپێوانیان کرد و ڕایانگەیاند: تا گۆشەگیرییەکە دەشکێت، لە چالاکیی بەردەوام دەبین و خەباتمان زیاتر دەکەین.
لە 16-11دا لە کامپی پەنابەرانی شەهید ڕۆستەم جودی-مەخموور، 13یەمین کۆنفرانسی ئەنجوومەنی عەشتار بە درووشمی ” لەگەڵ ژنی ئازاددا بەرەو دواڕۆژێکی ئازاد هەنگاو بنێن” ئەنجامدرا.
لە مەخموور، گەنجانی کامپەکە 45ەمین ساڵیادی دامەزراندنی پەکەکەیان، بە ڕێپێوانی مەشخەڵ و بە جۆش و خرۆشەوە پیرۆزکرد.
لە 27-11 لە کامپی پەنابەرانی مەخموور جەژنی ژیانەوە، بە درووشمی ” بە ڕوحیەتی فیدایی ئاپۆیی، جەژنی ژیانەوە پیرۆز دەکەین” بە جۆش و خۆرۆشێکی زۆرەوە پیرۆزکرا.
سەرەڕای گەمارۆ و هێرش و فشارەکانی پەدەکە، خۆڕاگری خەڵکی مەخموور بۆ ماوەی 30 ساڵ بێ پچڕان بەردەوامە، گەلی خۆڕاگر هەمیشە لە مەیدان و لە خەباتێکی بێهاوتادا بۆ شەهیدان و گەریلا و ڕێبەر ئۆجالان و دۆزی خۆیان دەجەنگن.[1]

پەیامی سکرتێری گشتیی YNDK سەبارەت بە هێرشی تیرۆریستانی داعش بۆ سەر گوندی (خدرجیجە) و چیای #قەرەچووخ# لە دەڤەری #مەخموور#

زۆر بەداخەوە کەوا لە شەوی ڕابردوودا لە ئەنجامی هێرشێکی شەمشەمەکوێرەکانی ئەشکەوتی جەهالەت تیرۆریستانی داعش بۆ سەر گوندی (خدرجیجە) و چیای #قەرەچووخ# لە دەڤەری #مەخموور# ژمارەیەک هاوڵاتیی سڤیل و ژمارەیەک #پێشمەرگە#ی قارەمانی #کوردستان# لەکاتی ڕاپەڕاندنی ئەرکی نیشتمانی خۆیاندا شەهیدو برینداربوون.
ئێمە لە #یەکێتی نەتەوەیی دیموکراتی کوردستان YNDK# زۆر بە توندی ئیدانەی ئەو هێرشە تیرۆریستییەی تیرۆریستانی داعش دەکەین و، لەهەمان کاتدا پرسە و سەرخۆشی گەرمی خۆمان ئاراستەی بنەماڵە و کەسوکاری شەهیدەکان دەکەین و خۆمان بە هاوبەشی خەمیان دەزانین و، لە یەزدانی مەزن دەپاڕێینەوە ڕەوانی شەهیدەکان بە بەهەشتی بەرینی خۆی شاد بکات و سەبر و ئارامیش بە بنەماڵەو کەسوکاریان ببەخشێت، هەروەها هیوای زووچاکبوونەوەش بۆ بریندارەکان دەخوازین.
لێرەوە داوا لە حکومەتی #عێراق# دەکەین کەوا چیتر خۆی نەدزێتەوە لە جێبەجێکردنی ڕێکەوتنە ئەمنیی و سەربازییەکانی لەگەڵ حکومەتی #کوردستان#، لەبەرئەوەی جێبەجێنەکردنی ڕێککەوتنە سەربازییەکانی #بەغدا# لەگەڵ #کوردستان# وایکردووە کەوا بۆشاییەکی ئەمنی و سەربازی لە نێوان هێزی #پێشمەرگە#و #سوپای عێراق# دروست بێت، تیرۆریستانی داعش بەردەوام سوودیان لەو بۆشاییە وەرگرتووە و لەوێوە هێرش دەکەنە سەر هاوڵاتیانی سڤیل و هێزەکانی #پێشمەرگە#، مانەوەی ئەو ڕەوشە بەو شێوازەی ئێستا هۆکارە بۆ دووبارەبوونەوەو بەردەوامی کردەوە تیرۆریستییەکانی تیرۆریستانی داعش، ئەگەر حکومەتی عێراق بەردەوام بێت لە جێبەجێنەکردنی ڕێکەوتنە سەربازییەکانی لەگەڵ کوردستان ئەوا وەک هاوکارێکی داعش خۆی دەنوێنێت.
نەمری و سەربەزی بۆ شەهیدانی #کوردستان#.
نەفرەت و مردن بۆ تیرۆریستان.

#غەفوور مەخمووری#
سکرتێری گشتیی
#یەکێتی نەتەوەیی دیموکراتی کوردستان YNDK#
3 / 12 / 2021

ناونیشانی پەرتووک: تەقینەوە؛ هەنسکێک بۆ مەخموور
ناوەرۆک: لێکۆڵینەوە
ناوی نووسەر: #موحسین شوانی#
سەنتەری ڕۆشنبیریی و هونەریی قەرەچووغ 2007
ساڵی چاپ: 2007
نۆبەی چاپ: یەکەم

[1]