لە بەرانبەر سازشکردن بە #شاناز ئیبراهیم ئەحمەد#، #بافڵ تاڵەبانی# سەرۆکی #یەکێتیی نیشتمانیی کوردستان# لە هەوڵدایە بۆ ئەوەی #بەرهەم ئەحمەد ساڵح# سەرۆک کۆماری پێشووی ئێراق دووبارە بگەڕێندرێتەوە و بکرێتەوە بە سەرۆک کۆمار.
ماوەیەکە بافڵ تاڵەبانی لە گفتوگۆ و هەوڵدایە، بۆ ئەوەی بەرهەم ساڵح بگەڕێنێتەوە بۆ گۆڕەپانی سیاسی و لە شوێنى #لەتیف ڕەشید#، سەرۆک کۆمارى ئێستاى ئێراق بیکات بە سەرۆک کۆمار.
بافڵ تاڵەبانی بەم هەنگاوەی دەیەوێت لە داهاتوودا وابکات بەرهەم ساڵح دوورنەکەوێتەوە، هەروەها لە هەمان کاتدا بەهۆى ناکۆکییەکانى لەگەڵ شاناز ئیبراهیم ئەحمەد، ئەندامى دەستەى کارگێڕى یەکێتیى ئەو کارتە بەکاربهێنێت.
بافڵ تاڵەبانی دەیەوێت بە پێدانی پۆستى سەرۆک کۆمار، کە لە داهاتوودا لەسەری ڕێکدەکەون، بەرهەم ساڵح بگەڕێنێتەوە بۆ گۆڕەپانی سیاسی، کە لە دوای دەستبەرداربوونی لە پۆستی سەرۆک کۆماری ئێراق گۆڕەپانەکەی چۆڵکردووە.
دەستبردن بۆ گۆڕانکارى لە پۆستى سەرۆک کۆمار لەلایەن بافڵ تاڵەبانى لە کاتێکدا، کە بەشێک لەلایەنە ئێراقییەکانیش ناکۆییان لەگەڵ سەرۆک کۆمارى ئێستا هەیە و لێى ڕازى نین و دەیانەوێ بیگۆڕن. [1]

#بافڵ تاڵەبانی# سەرۆکی #یەکێتیی نیشتمانیی کوردستان# ترسی لە نزیکبوونەوەی #لاهور شێخ جەنگی# هاوسەرۆکی پێشووی حیزبەکەی و #بەرهەم ئەحمەد ساڵح# سەرۆک کۆماری پێشووی ئێراق هەیە.
بافڵ تاڵەبانی لای چەند کەسێکی نزیکی نیگەرانی خۆی نیشانداوە لە بوونی پەیوەندی لەنێوان بەرهەم ساڵح و لاهور شێخ جەنگی.
بافڵ تاڵەبانی باسی لەوە کردووە، کە نایەوێت نزیکبوونەوە لەنێوان لاهور شێخ جەنگی و بەرهەم ساڵح درووست بێت، چونکە ئەوە دەبێتە هۆی مەترسی بۆ سەر پێگەی سیاسی ئەو لە ناوخۆی حیزب و دەرەوەی حیزبیش. [1]

کەسایەتییەکی نزیک لە #بەرهەم ئەحمەد ساڵح#، سەرۆک کۆماری پێشووی ئێراق و جێگری پێشووتری سکرتێری گشتیی #یەکێتیی نیشتمانیی کوردستان#، هۆکاری بەشدارینەکردنەکەی بەرهەم ساڵحی لە کۆنگرەی پێنجەمی باڵەکەی #بافڵ تاڵەبانی# ئاشکرا کرد.
کەریم بەحری، بەرپرسی پێشووی بۆردی یاسایی یەکێتی و یەکێک لە کەسە نزیکەکانی بەرهەم ساڵح، ڕایگەیاند، دەبوایە زەمینەسازیی زیاتر بۆ کۆنگرەی پێنجەمی یەکێتی بکرێت.
ڕوونیشی کردەوە، یەکێک لەو کەسانەی بەشداریی لە کۆنگرەکەدا نەکرد، بەرهەم ساڵح بوو، چونکە ”بەرهەم ساڵح لە ‌سەردەمی مام جەلال پێگەیەکی بەهێزی هەبوو، بۆیە زانی لەم کۆنگرەیە ئەو پێگەی بەهێزەی نەدەبوو، بەم هۆیەوە خۆی لە ‌قەرەی کۆنگرە نەدا.“
باسیشی لەوە کرد، پەیڕەوی نوێ بۆ یەکێتی دانراوه، بڕیارە ئەندامانی کۆنگرە دەنگی لەسەر بدەن، بەڵام (بەشداری نەکردنی #لاهور شێخ جەنگی# و #مەلا بەختیار# و بەرهەم ساڵح کاریگەریی لەسەر کۆنگرە هەبوو، لە کاتێکدا دەبوایە زەمینەسازیی باشتر بکرێت پێش کۆنگرە) .
بە بڕوای کەریم بەحری، درووستکردنی لیست لەلایەن لاهوور جەنگی و درووستکردنی یەکێتییەکی دیکە هەروەک بانگەشەی بۆ دەکات، ”کاریگەریی لەسەر دەنگی یەکێتی دەبێت.“ [1]

بەرهەم ئەحمەد ساڵح لە ساڵی 1960 لە شاری #سلێمانی#، لە کوردستانی عیراق، لە دایکبووە.
- لە کۆتایی ساڵی 1976 پەیوەندیی کردووە بە ڕیزەکانی #یەکێتیی نیشتمانیی کوردستان#ەوە.
- لە ساڵی 1979 دا دووجار لە لایەن ڕژێمی بەعسەوە دەسگیرکراوە بە تۆمەتی پەیوەندیکردن بەڕیزەکانی بزووتنەوەی ڕزگاریخوازی کوردستانەوە. ماوەی 43 ڕۆژ لە زیندانەکانی ئەمن لە هەیئەی تەحقیقی خاسسە لە #کەرکووک# دەسگیر کراوە و بە چەندین شێواز ئەشکەنجە دراوە.
- دوای ئازادکردنی لە زیندان، خوێندنی ئامادەیی بە سەرکەوتوویی تەواو کردووە و پلەی یەکەمی لە سەر ئاستی کوردستان و پلەی سێیەمی لە سەر ئاستی عیراق بەدەستهێناوە دوای ئەوەی لە تاقیکردنەوەدا 96، 5 نمرەی %ی وەرگرتووە.
- بە هۆی چاودێری ئەمنییەوە عیراقی جێهێشتووە و ڕوویکردۆتە بەریتانیا.
- لە سەرەتای هەشتاکانەوە بۆتە ئەندام لە ڕێکخستنەکانی ئەوروپای یەکێتیی نیشتمانیی کوردستان و بۆتە بەرپرسی پەیوەندییەکانی یەکێتی لە لەندەنی پایتەختی بەریتانیا.
- سەرباری سەرقاڵبوونی بە خەباتی سیاسی، خوێندنی زانکۆی تەواو کردووە، بڕوانامەی بەکالۆریۆسی لە ئەندازیاری مەدەنی و بیناسازی ساڵی 1983 لە زانکۆی کاردیف لە بەریتانیا، بەدەستهێنا.
- خاوەنی بڕوانامەی دکتۆرایە لە بواری ئامار و پراکتیزەی کۆمپیوتەر لە ئەندازیاری گشتی لە ساڵی 1987 لە زانکۆی لیڤەربول لە بەریتانیا.
- وەک ئەندازیاری ڕاوێژکار لە کۆمپانیایەکی ئەوروپی کاری کردووە.=KTML_Photo_Begin=https://www.kurdipedia.org/files/relatedfiles/2008/213/0003.JPG=KTML_Photo_Alt=0003.JPG=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/213/0003.JPG=KTML_Photo_End=
- لە یەکەمین کۆنگرەی ئاشکرای یەکێتیی نیشتمانیی لە کوردستانی ئازاد کراو، ساڵی 1992، بە ئەندامی سەرکردایەتی هەڵبژێردراوەو ئەرکی بەڕێوەبردنی مەکتەبی پەیوەندییەکانی ویلایەتە یەکگرتووەکانی ئەمریکای پێشپێردراوە.
- نوێنەری یەکەمین کابینەی حکومەتی هەرێم بووە لە دوای یەکەمین هەڵبژاردنی پەڕڵەمانی لە کوردستان لە ساڵی1992 دا، بۆتە بەرپرسی پەیوەندییەکانی دەرەوە لە ئەمریکا-واشنتۆن.
- تۆڕی پەیوەندییەکانی یەکێتیی نیشتمانیی کوردستان و حکومەتی هەرێمی کوردستانی فراوان کردووە لەگەڵ ناوەندەکانی بڕیار لە واشنتۆن و بەشداریکردووە لە چالاکییەکانی ئۆپۆزسیۆنی عیراقی و کۆنگرەکانی بەر لە ڕووخانی ڕژێمی بەعس.
- سەرۆکی ئەنجومەنی وەزیرانی حکومەتی هەرێمی کوردستان بووە لە ماوەی نێوان کانونی دووەمی 2001 و ناوەڕاستی 2004 لە سەر تەکلیفی سەرکردایەتی یەکێتیی نیشتمانیی کوردستان، لەماوەی سەرۆکایەتیکردنی حکومەتدا هەوڵێکی زۆریدا بۆ چککردنی باری گوزەرانی هاووڵاتیانی هەرێم و باشکردنی خزمەتگوزارییەکان و بنەمارێژی کرد بۆ پرۆژەکانی گەشەپێدان کەبووە جێگەی ڕەزامەندی جەماوەری کوردستانی لە کاتێکدا ئەو هەرێمە گەمارۆ درابوو لە هەموو چانسێکی ئابووری و گەشەپێدان بێبەشکرابوو.
- لە دوای ڕووخانی ڕژێم بووە جێگری سەرۆک وەزیرانی حکومەتی کاتیی عیراق لە نیوەی دووەمی ساڵی 2004 و پاشان بووە وەزیری پلاندانان لە حکومەتی ئینتیقالی عیراق لە ساڵی 2005 و دواتر بۆتە جێگری سەرۆک وەزیرانی حکومەتی هەڵبژێدراوی عیراق (حکومەتی بەڕێز نوری مالکی) و سەرۆکایەتی لیژنەی ئابووری پێسپێردراوە.=KTML_Photo_Begin=https://www.kurdipedia.org/files/relatedfiles/2008/213/0025.JPG=KTML_Photo_Alt=بەرهەم ئەحمەد ساڵح=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/213/0025.JPG=KTML_Photo_End=
- بە نوێنەرایەتی حکومەتی عیراق، پرۆژەی پەیماننامەی نێودەوڵەتی لەگەڵ عیراق بە شەراکەت لەگەڵ ڕێکخراوی نێودەوڵەتی دەست پێکردووە. پەیماننامەی نێودەوڵەتی بەڵگەنامەیەکە بۆ دەستەیەک ئیلتزامی هاوبەش لە نێوان عیراق و نەتەوە یەکگرتووەکان بۆ هاوکاری کردنی بەغدا لە پابەندبوون بە ئیلتزامەکانی لە بونیادنانی عیراقێکی دیموکراتی فیدرالی گەشەکردوو کە لەگەڵ خۆی و دەوروبەرە ئیقلیمییەکەی و نێودەوڵەتییەکەیدا بە ئاشتی وهێمنی بژی.
- زانکۆی ئەمریکی لە عیراق - سلێمانی دامەزراندووە و ئێستاش سەرۆکایەتی ئەنجومەنی باوەرمەندانی ئەو زان#کۆیە# دەکات.
- لە لایەن سەرکردایەتی کوردستانەوە کاندید کراوە بۆ سەرۆکایەتی لیستی کوردستانی بۆ هەڵبژاردنی پەڕڵەمانی کوردستان لە ڕۆژی 25-07-2009.
- د. بەرهەم ئەحمەد ساڵح خاوەنی تۆڕێکی فراوانی پەیوەندیی کوردستانی و عیراقی و هەرێمایەتی و نێو دەوڵەتییە و وەک سیاسییەکی میانڕەو لەگەڵ هەموو هێز و ڕەوتە سیاسییەکانی وڵاتدا کراوەیە و خاوەنی پەیوەندییەکی پتەوە لەگەڵ ناوەندی میدیایی و ڕووناکبیریی.
- خاوەنی چالاکییەکی بەرچاوە لە بواری ڕووناکبیری و لە پشتگیریکردنی چالاکییەکانی کۆمەڵی مەدەنی. سەرۆکی دەستەی باوەڕمەندانی (مولتەقای عیراقی) یە کە چەترێکی دیموکراتیی عیراقییە و چەندین کەسایەتی دیموکراتی و نیشتمانیی و کەسایەتی لە چین و توێژەکانی کۆمەڵی عیراقی لە خۆدەگرێت، مولتەقا خاوەنی پرۆژەی واعیدون و پرۆژەی هیوایە بۆ پشتگیری کردنی خوێندکاری زیرەک و بەهرەمەند لە زانکۆکانی کوردستان و ناوەڕاست و باشووری عیراقدا.
- خێزاندارە و کوڕێک و کچێکی هەیە.
لە کابینەی شەشەمی هەرێم، بووەتە سەرۆک وەزیران.[1]
رۆژی #02-10-2018# بووە سەرۆک کۆماری ئێڕاق، پێنجەمین سەرۆک کۆماری ئێڕاق و سێیەمین سەرۆک کۆماری کورد دوای #مام جەلال# و #فوئاد مەعسوم#.[2]

#بەرهەم ئەحمەد ساڵح# پرسەنامەیەک ئاڕاستەی بنەماڵەی #قادر باجلوری# دەکات
بەڕێزان خانەوادە و کەسوکار و بنەماڵەی خوالێخۆشبوو قادر باجلوری
بەداخەوە هەواڵی کۆچی دوایی (قادر باجلوری) پێشمەرگەی دێرین و تێکۆشەری بە ئەمەکی #یەکێتیی نیشتمانیی کوردستان# و کەسایەتی ناسراوی #بادینان#مان بیست.
بەم بۆنە خەمبارەوە پرسە و هاوخەمی قووڵی خۆم ئاڕاستەی خانەوادە و کەسوکار و بنەماڵە و هاوڕێ و هاوسەنگەرانی خوالێخۆشبوو قادر باجلوری دەکەم و داواکارم لە خودای گەورە بەر ڕەحمەتی خۆی بخات و بە بەهەشتی بەرینی شاد بکات و دوا کۆستی بنەماڵە بەرێزەکەتان بێت و سەبووری و دڵنەوایی هەموو لایەک بداتەوە. [1]
إِنَّا للهِ وَإِنَّا إِلَيەرَاجِعُونَ

بەڕێزان/ خانەوادەی خوالێخۆشبوو مەلا محەمەد بەحرکه
بەداخێکی زۆرەوە هەواڵی کۆچی دوایی تێکۆشەری دێرین و کەسایەتی دیاری #هەولێر# و دۆستی نزیکی بەندە مەلا محەمەد بەحرکەم بیست.
مەلا محەمەد کەسایەتیەکی ناسراو و تێکۆشەرێکی ڕاستەقینە بوو، تا دوا ساتەکانی ژیانیشی ئەو خەسەڵەتە جوانانەی پاراست کە لە کاروانی خەبات و کوردایەتیدا فێریان بوو بوو، بەهەمان گوڕوتینی جارانیش بەردەوام بوو و ماندوبوون و هیلاکی نەدەزانی، ئەمەش وایکردبوو خۆشەویستی هەمووان بێت.
بەم بۆنە خەمناکەوە پرسەو هاوخەمی خۆم بە خانەوادە بەڕێزەکەی و کەسوکاری ڕادەگەیەنم و داواکارم لە یەزدانی مەزن بە بەهەشتی خۆی شاد بکات.
إنا لله وانا إلیه ڕاجعون
د. #بەرهەم ساڵح#
سەرۆک کۆماری عیراق
#15-06-2020#

#بەرهەم ئەحمەد ساڵح# ئەمڕۆ چوارشەممە ڕێکەوتی #07-06-2023# پێشوازیکرد لە ئەلینا ڕۆمانۆسکی، باڵیۆزی ئەمریکا لە ئێراق و لەبارەی هەلومەرجی سیاسی و دۆخی گشتی هەرێمی کوردستان و ئێراق گفتوگۆیان کرد.
لە دیدارەکەدا هەردوولا دووپاتیانکردەوە لە گرنگی دۆزینەوەی چارەسەری پێویست و بنەڕەتی بۆ تێپەڕاندنی کێشە و قەیرانەکان لە ڕێگەی دیالۆگ و گفتوگۆی جددی بە ئاڕاستەی پاراستنی ئاساییش و سەقامگیری و هێنانەدی خۆشگوزەرانی و باشترکردنی بژێوی ژیانی خەڵک لە هەرێمی کوردستان و ئێراق. [1]

جەنابی کاک #مەسعود بارزانی# سەرۆکی #پارتی دیموکراتی کوردستان#
‏بەڕێز #نێچیرڤان بارزانی# جێگری سەرۆکی پارتی دیموکراتی کوردستان
‏ئەندامانی مەکتەبی سیاسی و سەرکردایەتی پارتی دیموکراتی کوردستان
‏ لە یادی 72 ساڵەی دامەزراندنی پارتی دیموکراتی کوردستاندا پیرۆزبايی گەرم ئاراستەی ئێوەی بەڕێز دەکەین، لەرێگەی ئێوەشەوە پیرۆزبایی لە ئەندام و هەوادارانی پارتی دەکەین بەو ئومێدەی ئەم یادە ببێتە مایەی ئەوەی لەم هەلومەرجە هەستیارەی عیراق و هەرێمی کوردستاندا هەموو لایەک لە سۆنگەی بەرپرسیاری و ڕەچاوکردنی بەرژەوەندیە باڵاکانی گەلەکەمان، بپرژێینە سەر ئەوەی بەرنامەی تۆکمە بۆ ڕوبەڕوبونەوەی ئەگەر و پێشهاتەکان گەڵاڵە بکەین و یەکڕیزی بە ئاراستەی خێری وڵاتەکەمان و چاکەی هاوڵاتیان و تێپەڕاندنی قەیرانەکان دەستەبەر بکەین.
‏لەم یادەدا وێرای پیرۆزبایی، دەمانەوێ دووپاتی بکەینەوە کە سەرەڕای ناکۆکی و جیاوازی و ڕەخنەکان لەسەر ئاستی ناوخۆ، هەلومەرجی سیاسی عیراق و ناوچەکە و ئاراستەی گۆڕانکاریەکان ئەرکی ئەوە دەخاتە سەر هەموو لایەکمان کە گفتوگۆیەکی نیشتمانی فراوان دەست پێبکات بە مەبەستی دەربازبوون لە دۆخی چەقبەستووی سیاسی و چارەسەرێکی گشتگیر بۆ کێشەکان و ئامادەکاری بۆ قۆناغی داهاتوو و بەدورگرتنی کوردستان لەو مەترسیانەی بەڕێوەن، بۆ ئەوەی بەیەکەوە ئەو دۆخە چاوەڕوانکراوە بە قازانجی گەلەکەمان و ئارامی و خۆشگوزەرانی خەڵک و پێگەیەکی بەهێزتر لە ناو هاوکێشەی سیاسی ناوچەکەدا دەستەبەربکەین.
‏د. #بەرهەم ساڵح#
‏سەرۆکی هاوپەیمانی دیموکراسی و دادپەروەری
#16-08-2018#

جەنابی کاک دکتۆر #فوئاد مەعسوم# بەرێزان / خانەوادە و کەسوکار و بنەماڵەی خوالێخۆشبوو #ڕووناک عەبدولواحید# بەداخ و پەژارەیەکی زۆرەوە هەواڵی کۆچی دوایی خوالێخۆشبوو (ڕووناک خان) مان پیگەیشت. کۆچی دوایی جێگای داخ و کەسەرێکی زۆرە، یاد و یادەوەری ھەمیشە بەزیندووی دەمێنێتەوە. بەم بۆنە خەمبارەوە پرسە و هاوخەمی قووڵی خۆمان ئاڕاستەی جەنابتان و خانەوادە و کەسوکاری ڕووناک خان دەکەین و داواکارین لە خودای گەورە بەر ڕەحمەتی خۆی بخات و بە بەهەشتی بەرینی شاد بکات و سەبووری و دڵنەوایی هەموو لایەک بداتەوە. [1]

انا لله و انا الیه راجعون
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

دوای زیاتر لە دوو مانگ بێدەنگی و خۆ کەرەنتینەکردن لە باخەکەی لە ناوچەی #مێرگەپان#ی باکووری #سلێمانی#، #بەرهەم ئەحمەد ساڵح# سەرۆک کۆماری پێشووی ئێڕاق دەرکەوتەوە و بەپێی ئەو جوڵانەش دەستیپێکردەوە، پێدەچێت بیەوێت تۆڵەبکاتەوە.
بەرهەم ساڵح، کە کاندیدی فەڕمی #یەکێتیی نیشتمانیی کوردستان# بوو بۆ پۆستی سەرۆک کۆمار، لە مانگی 10ی تشرینی دووەمی ساڵی 2022 دوای ململانێیەکی توندی چەند مانگی نەیتوانی جارێکی تر پۆستەکە وەربگرێتەوە.
بەرهەم ساڵح بەهۆی دژایەتیکردنی لەلایەن #پارتی دیموکرات کوردستان# و لە ئەنجامی ڕێککەوتنێکی ئەو حیزبە لەگەڵ لیستی دەوڵەتی یاسا بە سەرۆکایەتی نوری مالیکی لە هەڵبژاردنی سەرۆک کۆماری نوێ لە بەرانبەر #لەتیف ڕەشید# کاندیدی سەربەخۆ دۆڕا.
دوای دۆڕاندنی بەرهەم ساڵح گەڕایەوە شاری سلێمانی و نزیکەی دوو مانگ بێدەنگی هەڵبژارد و لە باخەکەی لە مێرگەپان مایەوە، وەک ئەوەی بیەوێت ماوەیەک خۆی کەرەنتین بکات و دووربێت لە چاوی میدیا و گۆڕەپانی سیاسی.
بەڵام ماوەی دوو هەفتەیەک دەبێت بەرهەم ساڵح دەستی بە جوڵە کردووەتەوە و دەرکەوتنەکانی لە میدیاوە زیاتر بووە، ئەمە جگە لە دەستپێکردنی گفتوگۆ و کۆبوونەوە لەگەڵ بەرپرسانی حیزبی و حکومی لە هەرێمی کوردستان و ئێڕاقیش.
دەرکەوتنەکانی ئێستای بەرهەم ساڵح بە دوو ئاڕاستەیە، یەکەمیان دەستی بە کۆبوونەوە لەگەڵ بەرپرسانی یەکێتی نیشتمانی کردووە، کە ئامانجی لەم کۆبوونەوانەی بۆ ئاسایی کردنەوەی پەیوەندییەکانییەتی لەگەڵ سەرکردەکانی حیزبەکەی.
ئامانجی یەکەمی هەوڵەکەی بەرهەم ساڵح لەگەڵ #کۆسرەت ڕەسوڵ# سەرۆکی ئەنجوومەنی باڵای سیاسی و بەرژەوەندییەکانی یەکێتی بووە و جگە لەویش لەگەڵ چەند سەرکردەیەکی تری حیزبەکەی کۆبوونەوەی کردووە.
ئاڕاستەی دووەمی کارکردنی بەرهەم ساڵح لە #بەغدا#یە، کە چەند ڕۆژێکە دەستی بە سەردانیکردن بۆ پایتەختی ئێڕاقیش کردووە و چەند کۆبوونەوەیەکی لەگەڵ بەرپرسانی حیزبی حکومی ئەنجامداوە.
هەرچەندە ئاماژەی ڕوون نین بۆ سەردانی ئەم دواییەی بەرهەم ساڵح بۆ بەغدا، بەڵام لەلایەکی تر زانیاری ئەوە هەیە، کە ناوبراو پشتگیری هەوڵی جیاکردنەوەی ئیدارەی سلێمانی لە #هەولێر# دەکات.
#بافڵ تاڵەبانی# سەرۆکی یەکێتی ماوەیەکە هەڕەشەی ئەوە دەکات، کە ئیدارەی سلێمانی جیادەکاتەوە و لەگەڵ بەغدا بۆ بابەتی دارایی و موچە و بودجە ڕێکدەکەوێت.
بافڵ تاڵەبانی بەهۆی کێشەکانی یەکێتی و پارتی دیموکرات ئەو هەڕەشانە دەکات و بۆ ئەو مەبەستەش چەند گفتوگۆیەکی لەگەڵ بەرپرسانی ئێڕاقی کردووە.
بەرهەم ساڵح بە تەواوی پشتگیری ئەم هەوڵە دەکات و تەنانەت ئامادەیی نیشانداوە، کە پڕۆژەی پێویست بۆ ڕێکخستنەوەی دارایی و داهاتی سلێمانی ئامادە بکات و بیداتە بەرپرسانی یەکێتی.
ئێستا پرسیارەکە ئەوەیە، کە بەرهەم ساڵح دەیەوێت بەم هەنگاوە تۆڵە لە پارتی بکاتەوە، کە ئەو حیزبە بە توندی دژی جیاکردنەوەی ئیدارەی سلێمانییە لە هەرێمی کوردستان. [1]