بۆ بەڕێزان:
• ڕای گشتی خەڵکی کوردستان
• حیزب و لایەنە سیاسیەکان
• سەرۆکایەتی ئەنجوومەنی دادوەری
• فەرمانگەی داواکاری گشتی
• سەرۆکایەتی هەرێم
• سەرۆکایەتی حکومەت
. ناوەندەجیهانیەکان و یەکێتی ئەوروپا
من وەک پارێزەرەی (مامۆستا ئیسماعیل سووسەیی) ناڕەزایی خۆمان دەردەبڕین لەو بارودۆخەی ئێستای (مامۆستا ئیسماعیل) تیایدا دەژیت لەم چەند خاڵەی خوارەوەدا:
1. داواکارین لە هەموو لایەنە پیوەندی دارەکان بەزووترین کات بێنە سەر خەت وە لەرەووشی مامۆستا بەگشتی ئاگادارمان بکەنەوە چونکە بەپێ ی ئەو زانیارانەەی دەستمان کەوتووە مامۆستا ئیسماعیل سووسەیی ژیان لەمەترسیە بردراوەتە شاری #دهۆک#...
2. مامۆستا ئیسماعیل سووسەی لەکاتی ئیستا سزا دراوە لەئەستۆی وەزارەتی کاروکاروباری کۆمەلایەتیە بەهیچ شێوەیەک هیچ هێزو لایەنێک ناتتوانێت لەچاک سازیەکات سزا دراو بباتە دەرەوە تەنیا بەبریاری وەزیری کاروکاروباری کۆمەلایەتی نەبێت.ئایە ئەم هێزەی مامۆستای سزادراوی بردووە کین؟ ئایە بەرێوەبەری چاک سازی چۆن ڕیگای پێدان سزادراو مامۆستا ئیسماعیل سووسەیی ببەن بۆ دەروە؟ کەواتە لەئیستادا چاک سازیەکان پارێزراو نینە...
3. بە داخێکی زۆرە دیاردەی گرتن و ڕفاندن هەلسوکەوتی نارەوا پێشەلکردنی مافی مرۆڤ لەلایەن بەشێک لەهیزەئەمنیەکان بە دەر لە یاسا و بڕیاری دادگا سەری هەڵداوە کە پێویستە ڕابگیرێت و ئازادی هیچ تاکێک لە لە ژێڕ هەڕەشەدا نەبێت بە پێچەوانە ئامادەین داوای یاسایی لەسەر ئەنجامدەرانی تۆمار بکەین لە دادگا پەیوەندیدارەکان.
4. داواکارین سزای سیاسی نەمێنێت و ئازادی هێچ تاکێک زەوت نەکرێت و کێشەکانیان ئەگەر هەبوو لە ڕێگەی دادگا وە چارەسەر بکەن دوور لە توند و تیژی.
5. داواکارین لە نوێنەری نەتەوە یەکگرتووەکان و کونسڵخانەکانی هەرێمی کوردستان و ڕێکخروە جیهانی و ناوەخۆیەکانی مافی مرۆڤ و زیندانیان و حکومەتی عێراقی ڕۆڵی بەرچاویان هەبێت لەم بارودۆخەی هاتۆتە کایەوە.
6. داوا دەکەین دادگاکان بەکارنەهێنرێن بە دوور لە ڕێکارە یاساییەکان بۆ پاکتاوکردنی سیاسی و لایەنگرانی بەرامبەر.
لە کۆتاییدا ڕایدەگەیەنین:
داواکارین بەزووترین کات لەرەوشی مامۆستا ئیسماعیل سووسەی ئاگادارمان بکەنەوە وە وەزیری کاروکاروباری کۆمەلایەتی بێتە سەرخەت وە بەرێوەبەری چاکسازی گەورانی #هەولێر# ڕوونکردنەوە بدات کە چۆن بەبێ بریاری دادگاو بێ ئاگاداربوونی وەزیری کارو کاروباری کۆمەڵاتی ڕێگا دەدات سزادراوێک لەلایەن هەرهێزێک ببردرێتە دەرەوەی چاکسازی. هەروەها، بەڕێز سەرۆکی فەرمانگەی داواکاری گشتی و سەرۆکی دەستەی سەربەخۆیی مافی مرۆڤ داوادەکەین هەرچی زووە هەڵوێستتان هەبێت لەبەرانبەر ئەو پێشێلکاریەی لەناو زیندانێکی فەرمی ئەنجامدراوە.
هەرێم ڕەفعەت
پارێزەری دۆسیەی مامۆستا ئیسماعیل
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دوای پەلامارە تیرۆریستیەکەی سەر باڵەخانەی پارێزگای #هەولێر# لە ڕێکەوتی 23/7/2018 دەستبەجێ هێزەکانی ئاسایش بەرەنگاری تیرۆریستان بوونەوە و لە ئۆپەراسیۆنێکدا هەرسێ تیرۆریستی هێرشبەر کوژران، تیمەکانی چاودێری و بەدواداچوونیش دەستیان بە لێکۆڵینەوە کرد و سەرئەنجام ئەندامانی تری گروپەکە دەستگیرکران.
پیلاندانەر و جێبەجێکارانی ئەم گروپە تیرۆریستیە لە پێنج ئەندامی سەرەکی پێکهاتووە، کە بریتین لە (عبدالرحمن ڕحیم قادر، بلال سلیمان عبدالرحمن، ڕەهێل محمد ڕوستم ناسراو بە علی، محمد جبار و محمد شیرزاد).
بەپێی دانپێدانانەکانیان کە لەگەڵ ئەم ڕاگەیاندراوەدا بڵاوکراوەتەوە، هاوکار و هاندەری پێشوەختەی ئەم گروپە (اسماعیل نجم الدین اسماعیل) ناسراو بە مەلا ئیسماعیل سوسەیی بووە کە لە ساڵی 2014ەوە پەیوەندی کردووە بە #داعش#ەوە و دووجار بەیعەتی داوە، تۆماری دەنگی بۆ سەرکردەی داعش ناردووە و ئامادەیی خۆی بۆ هەموو کارێک دەربڕیووە، هەروەها زانیاری سیخوڕی لەسەر هێزەکانی #پێشمەرگە# داوەتە داعش. دوایین کاری تیرۆریست (ئیسماعیل سوسەیی) دابینکردنی چەک و پارە و پێداویستی بووە بۆ گروپی ئەنجامدەری کردە تیرۆریستیەکەی سەر باڵەخانەی پارێزگای هەولێر، بەڵام ئیسماعیل سوسەیی لە ڕێکەوتی #03-07-2018# بە بڕیاری دادوەر و لەلایەن بەڕێوەبەرایەتی ئاسایشی هەولێرەوە، بە بەڵگەی داعشبوونی دەستگیرکرا و دەست بەسەر چەک و جبەخانەکەیدا گیرا.
ئەم گروپە لە ڕێگەی چەند کەسێکی توندڕەوەوە و لەژێر پەردەی ئاینی پیرۆزی ئیسلامدا، پەرەیان بە بیری توندڕۆیی داوە، پیلانی کردەی تیرۆریستیان داناوە. یەکێک لە ئەندامانی گروپەکە تیرۆریست (محمد شیرزاد)ە و لە 2015 بە بەڵگەی داعشبوونی بۆ ماوەی ساڵێک بە بڕیاری دادگا حوکم دراوە، بەڵام دوای ئازادبوونی دووبارە پەیوەندی بە داعشەوە کردوەتەوە و لەو کردە تیرۆریستیەدا بەشدار بووە، کە بووە هۆی شەهیدبوونی کارمەندێکی پارێزگا و برینداربوونی چەند کارمەندێکی هێزە ئەمنیەکان.
سوپاسی هاوکاری هاوڵاتیانی خۆشەویست دەکەین، لە هاوکاری بەردەوامیان بۆ دەزگا ئەمنیەکان، هەموو لایەکیش دڵنیا دەکەینەوە، دەزگاکانمان بەردەوام دەبن لە بەگژداچوونەوەی تیرۆر و تیرۆریستان، بۆ سەلامەتی و پارێزراوی سەر و ماڵی هاوڵاتیان.
ئەنجومەنی ئاسایشی هەرێمی کوردستان
#02-08-2018#