#سەعدی ئەحمەد پیرە# ئەندامی مەکتەبی سیاسی #یەکێتیی نیشتمانیی کوردستان# ڕایگەیاند، #پارتی دیموکراتی کوردستان# کە باسی 16 ئۆکتۆبەر دەکات وا دەزانێت 31ی ئاب هیچ نەبووە، ئەمانە هەمووی قسەی بێکەڵکن.
قسەکانی سەعدی ئەحمەد پیرە لەمیانی لێدوانێکی ڕۆژنامەوانی بوو، کە باسی لەوەش کرد، ئەگەر #کەرکووک# بە شەڕ بگیرێت هەوڵدەدەین بە شەڕ وەریبگرینەوە، بەڵام بە هەڵبژاردن بیدۆڕێنین زۆر خراپ بەسەر کورد دەشکێتەوە.
سەعدی ئەحمەد پیرە ڕاشیگەیاند، یەکێتی و پارتی لە پێکهێنانی حکومەت و پەڕڵەمانیش بە یەکەوەن و ئێستا ڕێکەوتی #28-08-2023# بەرەو هەڵبژاردنی ئەنجوومەنی پارێزگاکان دەڕۆن، بۆیە بە قسەی بەرپرسێک مانای ئەوە نییە، کە نەتوانین بە یەکەوە بین.
سەعدی پیرە لەبارەی مووچەشەوە ڕایگەیاند، کێشەی مووچە چارەسەر دەبێت، بە ئاسایی وەریبگرن پەیوەندییەکانی نێوان هەرێم و بەغدا لەسەر بنەمای بودجەیە و هەموو شتێک چارەسەر دەبێت. [1]

وتەبێژی یەکێتی ڕایگەیاند، پرسەو سەرەخۆشی خۆم ئاراستەی تەواوی خانەوادە و خزم و دۆستانیانی ڕۆژنامەنووس #وریا حەمەکەریم# دەکەم و لەخوای گەورە داواکارم خوالێخۆشبوو، بەبەھەشتی بەرین شاد بکات.
ئەمڕۆ پێنجشەممە #06-02-2025#، #سەعدی ئەحمەد پیرە#، وتەبێژی یەکێتی ڕایگەیاند، بەداخ و پەژارەیەکی زۆرەوە ھەواڵی کۆچی دوایی ڕۆژنامەنووس (وریا حەمەکەریم)-مان بیست کە لە ڕووداوێکی دڵتەزێندا گیانی سپارد، بەم بۆنە خەمناکەوە پرسەو سەرەخۆشی خۆم ئاراستەی تەواوی خانەوادەو خزم و دۆستانیان دەکەم.ئاماژەی بەوەشکردووە، لەخوای گەورە داواکارم خوالێخۆشبوو، بەبەھەشتی بەرین شاد بکات و دوا ناخۆشی بنەماڵە تێکۆشەرەکەیان بێت. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ناونیشانی بابەت: سەعدی پیرە؛ پێکهێنانی کابینەی نوێ و هەڵبژاردنی سەرۆکایەتیی پەرلەمان جیا ناکرێنەوە
#سەعدی ئەحمەد پیرە#، ئەندامی مەکتەبی سیاسیی #یەکێتیی نیشتمانیی کوردستان# ڕایگەیاند، پێکهێنانی کابینەی نوێی حکومەت و هەڵبژاردنی دەستەی سەرۆکایەتیی پەرلەمانی کوردستان یەک پاکێجن و جیا ناکرێنەوە.
سەعدی پیرە رایگەیاند. یەکێتیی نیشتمانیی کوردستان، پرسی پێکهێنانی حکومەت و هەڵبژاردنی سەرۆکایەتیی پەرلەمان وەک دوو بابەتی لێک دانەبڕاو سەیر دەکات. ئەگەر پارتی بژاردەیەکی دیکەی هەبوایە بۆ پێکهێنانی حکومەتی نوێ بەبێ یەکێتی، ئەوا تا ئێستا ئەو کارەی کردبوو. پارتی بڕوای بە هاوبەشیی ڕاستەقینە نییە و نایەوێت ڕێککەوتنێکی جددی لەگەڵ یەکێتی بکات.
بە بۆچوونی سەعدی پیرە، کێشەکانی نێوان پارتی و یەکێتی لەو ئاستەدا نین کە ببێتە هۆی دووبارەکردنەوەی هەڵبژاردنی پەرلەمانی کوردستان. بە دووبارەکردنەوەی هەڵبژاردنیش گۆڕانکاریی گەورە ڕوونادات و ئەنجامەکان نزیک دەبن لەم ئەنجامەی ئێستا بەدەستهاتووە. [1]

=KTML_Bold=‌تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=

#سەعدی ئەحمەد پیرە# وتەبێژی #یەکێتیی نیشتمانیی کوردستان#، بەبۆنەی ڕۆژی لەدایکبوونی حەزرەتی مەسیحەوە، پەیامێکی پیرۆزبایی ئاڕاستەی مەسحیەکانی جیهان بەگشتی و هەرێمی کوردستان و عیراق بەتایبەتی دەکات.

=KTML_Bold=دەقی پەیامەکە:=KTML_End=
بەبۆنەی ڕۆژی لەدایکبوونی حەزرەتی مەسیح (سڵاوی خودای لێ بێت) پیرۆزبایی گەرم لە تەواوی خۆشک و برا مەسحیەکانی جیهان بەگشتی و هەرێمی کوردستان و عیراق بەتایبەتی دەکەین، هیواخوازین ئەم جەژنە ببێتە هەوێنی بەرقەراربوونی ئاشتی و ئارامی لەوڵاتەکەمان و قوڵکردنەوەی گیانی برایەتی و پێکەوەژیانی ئاشتیانەی نێوان ئاین و ئاینزا و پێکهاتە جیاجیاکان، هاوکات دەستپێکێک بێت بۆ کۆتایی هێنان بەئاوارەیی و نەهامەتیەکانی هاوڵاتیانی مەسیحی لە کوردستان و عیراق و بگەرێنەوە بۆ زێدی خۆیان، تیرۆریستان و تاریکپەرەستانی داعش-یش بۆ بەیەکجاری لەناوبچن. [1]

‎سەعدی ئەحمەد پیرە
‎وتەبێژی یەکێتیی نیشتمانیی کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەوپەڕی دڵگەرمیەوە پیرۆزبایی لە خاتوو #نادیە موراد#، کچە کوردی ئێزیدی ڕزگاربووی دەستی #داعش#، براوەی خەڵاتی هاوبەشی نۆبڵی ئاشتی 2018دەکەم کە لە هەمان کاتدا باڵوێزی نیازپاکیە لە نەتەوە یەکگرتووەکان و خاوەنی خەڵاتی نێودەوڵەتی(ساخارۆڤ)یشە.
ئەم هەواڵە هەموومانی دڵخۆش کرد و دەبێتە شانازیەکی گەورە بۆ گەلی کورد بەگشتی و لە نێویشیاندا ئێزیدیەکان بەتایبەتی، بەمەش خاتوو نادیە موراد بووە یەکێک لە ئەستێرە پرشنگدارەکانی ناو ئاسمانی کەسایەتیە ناودارەکانی مێژووی مرۆڤایەتی، جارێکیتر دۆزی ڕەوای گەلی کورد و جینۆساید و مەزلوومیەتی گەلەکەمانی بەگوێی جیهان دایەوە، بۆ تەواوی مرۆڤایەتی سەلمێنرا کە گەلی کورد گەلێکی ئاشتی خواز و مرۆڤ دۆستە.
جارێکیتر بەم بۆنە مێژوویەوە، بەشانازیەوە پیرۆزبایی لە نادیەخان و تەواوی گەلی کوردستان دەکەم.
#سەعدی ئەحمەد پیرە#
ئەندامی مەکتەبی سیاسی و
لێپرسراوی مەکتەبی پەیوەندییە گشتیەکانی یەکیتی نیشتیمانی کوردستان
#06-10-2018#

#سەعدی ئەحمەد پیرە#، ئەندامی مەکتەبی سیاسی #یەکێتیی نیشتمانیی کوردستان#، لە وتووێژێکدا لەگەڵ بەشی کوردی دەنگی ئەمەریکا بە توندی هێرشی کردە سەر #مەلا بەختیار# دوای بڵاوبوونەوەی تۆمارێکی دەنگی کە دەگوترێت هی مەلا بەختیارە و تێیدا چەند سەرکردەیەکی یەکێتی بە گەندەڵی و خیانەت تۆمەتبارکراون.
سەعدی پیرە ڕایگەیاند، پێم وایە کاک بەختیار کای کۆن بەبا دەکات؛ ئەو بابەتانە پێشتر قسەی لەسەر کراوە. لە سەرکردایەتی یەکێتی قسەی لەسەر کراوە و پلینێومێکی لەسەر گیراوە هەریەکە سزای خۆی وەرگرت. ئەوەی ڕاست بوو سزایان وەرگرت و ئەوەی ڕاست نەبوو دەستبەکاربوون، بەتایبەتیی ئەو سێ کەسەی کە ئەو ناوی هێناون.
تۆمارە دەنگیەکە، کە دەنگی ئەمەریکا ناتوانێت سەربەخۆ پشتڕاستی بکاتەوە، زیاتر لە سێ خولەک و نیوە و تێیدا چەند سەرکردەیەکی باڵای یەکێتی، لەنێوانیاندا سەعدی پیرە، تۆمەتبارکراون بەوەی کە گوایە فایلی بەعسیبوونیان هەبووە و پێشتر موچەیان لە ڕژێمی بەعس وەرگرتووە.
تا ئێستا یەکێتی هیچ هەڵوێستێکی فەڕمی لەسەر ئەم تۆمارە دەرنەبڕیوە و هەوڵەکانی دەنگی ئەمەریکا بۆ وەرگرتنی لێدوانی مەلا بەختیار سەرکەوتوو نەبوون.
سەعدی پیرە بە دەنگی ئەمەریکای ڕاگەیاند کە ئەو سکاڵای یاسایی لە دژی مەلا بەختیار تۆمار نەکردووە بەهۆی ئەوەی بابەتەکە کەسی نییە و دەیەوێت لە ڕێگای حیزبەکەیەوە یەکلایی بکرێتەوە.
بەڵام لە هەموو حاڵەتەکان مەلا بەختیار ناتوانین جارێکی تر وەکوو پیاوێکی هاوسەنگیی مەعقول سەیری بکەین.
هەروەها وتی، هەرچی بڵێم بە کاک مەلا بەختیار کەمه.‌ بەڵام مەلا بەختیار تەوازنی تێکچووە و تووشی هیستریایەک بووە، دەیەوێت ناوی خۆی بێنێتە ناو ناوان. پێم وایە دەیەوێت دەستە چەورەکەی خۆی بەسەر ئەوانی تردا بسڕێتەوە. هەموو ئەو شتانەی باسی دەکات ئەگەر لەسەر ئەو موناقشەی لەسەر بکەین لە هیچیان دەرناچێت. [1]

#سەعدی ئەحمەد پیرە#، ئەندامی مەکتەبی سیاسی #یەکێتیی نیشتمانیی کوردستان# لەمیانەی بەشداریکردنی لە ڕێوڕەسمی ساڵیادی داستانی #کۆڕێ# لە شاری #هەولێر# لە وتەیەکدا باسی لە گەورەیی ئەو داستانە کرد و ڕایگەیاند هێزەکانی پێشمەرگە لە داستانی کۆڕێدا سوپای بەعسیان تێکشکاند.

وتیشی: نابێت خاوەندارێتی داستانەکە بدرێتە پاڵ کەسێک کە بەشداری تێدا نەکردووە. لە بەشێکیتری وتەکانیدا سەعدی پیرە ئاماژەی بەوەکرد یەکێتی و پارتی ڕکابەری یەکترن نەک دوژمن، هەر بۆیە پێویستە لەبارەی کێشەکانی نێوانیانەوە گفتوگۆ ئەنجام بدەن.

دووپاتیشیکردەوە هەموو هەوڵ و پیلانەکان بۆ نەمانی یەکێتی شکستیان هێناوە و ئەو خەونەی نەیاران هەرگیز بەدی نایەت. لەبارەی ڕێککەوتنی نێوان هەولێر و #بەغدا# سەبارەت بە مەلەفی نەوتی هەرێم، سەعدی پیرە ئاماژەی بەوەکرد ئەگەر ڕێککەوتنەکە ببێتە هۆی خۆشگوزەرانی بۆ هاووڵاتییان ئەوا دەبێتە دەسکەوتن و سەرکەوتنێکی گەورە.
سەعدی ئەحمەد پیرە ڕوونیشیکردەوە کە ھەرێمی کوردستان وڵاتێکی بێ کابانە چونکە نەیتوانیووە ئیدارەی میللەت بکات هەچەندە نەوت فرشراوە و مووچەش کەم کراوەتەوە ھێشتا 35 ملیار قەرزارین. [1]

#سەعدی ئەحمەد پیرە# دەڵێت: لە (هەژماری من)دا گەر مووچەیەک بێت چەندین مقەستی بەردەکەوێت، بەڵام بە (تەوتین) کێشەی مووچە نامێنیت و هەموو مووچەخۆرێک لە کاتی خۆیدا دەتوانێت مووچەکەی وەربگرێت.
سەعدی ئەحمەد پیرە وتەبێژی #یەکێتیی نیشتمانیی کوردستان# ڕایدەگەیەنێت: لە (هەژماری من) پارەیەک کە دێت دەبێت بچێتە لای حکومەت و ئەویش بیخاتە سەر بانکی برادەران، ئەوانیش بە ویستی خۆیان سەرفی بکەن، واتە ئەو مووچەیەی کە دێت چەندین مقەستی بەردەکەوێت.

بەڵام (تەوتین) پشتیووانییەکی یاسایی هەیە، بەشێوەیەکە لە بانک دەردەچێت و دێتە سەر حسابەکەت، هیچ کەسێک ناتوانێت دەستی بۆ ببات.
سەعدی پیرە ئاماژەی بەوەشدا: یەکێتیی (هەژماری من) بەتەواوی ڕەت دەکاتەوە، خەڵکیش دەبێت (تەوتین) بکەن، لە کاتێکدا لایەنێک دەیەوێت تەوتین بە نانیشتمانی لە قەڵەم بدات، ئەمەش لەبەر ئەوەیە کە تەوتین ڕێگر دەبێت لە بەردەم دزیکردنی ئەوان، ئەمە لە کاتێکدایە دزیکردن و خۆڵ کردنە چاوی خەڵک و فێڵی هەڵبژاردن نانیشتمانییە نەک تەوتین.
بە جێبەجێکردنی تەوتین مووچەخۆران لە کاتی خۆیدا مووچەکانیان وەردەگرن، هیچ کەسێکیش ناتوانێت مووچە بکاتە کارتی فشار لەسەر هاووڵاتییان. [1]

#سەعدی ئەحمەد پیرە#، ئەندامی مەکتەبی سیاسی یەکێتی ڕایگەیاند، میدیای پارتی و یەکێتی لە فەرمی و سێبەر، یارمەتیی کاک مەسرور و کاک قوباد بدەن بۆ ئەوەی لە گفتوگۆکانیان سەرکەوتوو بن.
لەمیانی لێدوانێکی ڕۆژنامەوانیدا سەعدی پیرە ڕایگەیاند، هەمیشە کاک بافڵ دەڵێ کاک مەسعوود مامی منە، مام و برازا دەبێ کۆ ببنەوە.
ئاماژەی بەوەشداوە پێم وایە دەبێت هەمووان پشتیووانیی ئەم پڕۆسە بکەین و دەبینین هاووڵاتییانی کوردستان پەرۆشن کە ڕێککەوتنمان لەگەڵ ئێراق بەرەو پێشەوە دەچێ، دۆستەکانمان لە ئەوروپا و ئەمریکا و ڕۆژهەڵاتی ناوەڕاست دەست خۆشی دەکەن لە کۆبوونەوەی سەرۆکوەزیران و جێگرەکەی.
هەر بەوتەی ئەو ئەندامەی مەکتەبی سیاسی یەکێتی بەدڵنیاییەوە دەڵێم لە ڕۆژانی ئاییندە پەیوەندیی باشتری پارتی و یەکێتی دەبینن، بەگوێرەی کۆبوونەوەکەی کاک مەسرور و کاک قوباد، لێکتێگەیشتنی ئەرێنی هەبووە، ئەنجامی باشی دەبێت. [1]

#سەعدی ئەحمەد پیرە#، ئەندامی مەکتەبی سیاسیی یەکێتی لە کۆنگرەیەکی ڕۆژنامەوانیدا ئەمڕۆ یەکشەممە #22-01-2023# ڕایگەیاند، هەوڵدەدەین لە کۆبوونەوەکانی داهاتوی مەکتەبی سیاسیدا پێداچونەوەیەک بەو ڕێککەوتنامە سیاسییەکانەدا بکەین کە کردومانە و ئەگەر پێویست بکات ڕێککەوتنامەی نوێ ئامادە دەکەین. لەبارەی ‌ پرسی پێکهاتەکان، سەعدی پیرە ئاماژەی بەوەکرد، هەندێک کەس هەیە کادیرە لە حزبێکی سیاسی دەیەوێت بەناوی پێکهاتەکانەوە کورسییەکی هەرزانی دەستبکەوێت و دەیەوێت تەفسیری خراپ بکات. بۆیە ئەو سەرکردەیەی یەکێتی دەڵێت: ئێمە ناڵێین با کەمبکرێتەوە، بەڵام پێکهاتەی تورکمان و کریستیان پێویستە نوێنەری تورکمان و کریستیان بن، نە نوێنەری پارتی بێت نە نوێنەری یەکێتی بێت ئەگەر یەکێتی و پارتی کێشەیان هەیە ئەوان پەیوەندیان بەو بابەتەوە نەبێت، چۆن کاتی شەڕی ناوخۆ بێلایەن بوون با کاتی ئاشتیش بێلایەن بن. [1]