شوێن: #هەولێر#، #باشووری کوردستان#
ڕۆژی گیرانی وێنەکە: #26-03-1999#
کەسایەتی ناسراوی ناو وێنەکە: (دکتۆر #ڕۆژ نوری شاوەیس# لەکاتی پێشکەشکردنی وتارێک)
چیرۆکی وێنەکە: بەرەبەیانی ڕۆژی 26-03-1999 یەکەم ساتی کردنەوەی دەرگای قوتابخانەیەکی ئامادەیی نوێ بوو لە هەولێر ئەویش ئامادەیی ئەحمەدی خانی کوڕان بوو لە لایەن دکتۆر ڕۆژ نوری شاوێس سەرۆکی ئەو کاتی #حکومەتی هەرێمی کوردستان# و هەریەک لە (مامۆستا یاسین بەڕێوەبەری پەروەردەی گشتی هەولێر، مامۆستا ڕەشاد بەڕێوەبەری ئامادەیی ئەحمەدی خانی کوڕان، ئەحمەد مەعروف مەنتک بەرپرسی لیژنەی ئامادەیی ئەحمەدی خانی کوڕان).
ناوی وێنەگر: (نەناسراو) [1]

شاعیر و ڕۆشنبیری گەورەی کورد.
خانی ناوی ئەحمەد بووە، کوڕی ئەلیاس کوڕی ڕۆستەم نازناوی هەڵبەستی لە هۆزی خانیان وەرگرتووە، بەشێکی ئەم هۆزە لە دەوروبەری ناوچەی #بۆتان# بوون، بەڵام بنەماڵەی شاعیر باریان کردووە بۆ شاری #بایەزید#.
ئەحمەدی خانی لە ساڵی 1650 لە شاری بایەزید لە دایک بووە، وەک لە سەرچاوەکانی ژیانی و کردەوە ئەدەبییەکانی شاعیر دەردەکەوێت باب و باپیرانی لە ڕووی داراییەوە ژیانیان ئاسان بووە و بە بەختیاری ژیاون. ئەحمەدی خانی هەموو ژیانی بۆ خوێندەواری و بڵاوکردنەوەی ڕۆشنبیری و هۆشیاریی سیاسی خەرج کردووە لە کۆمەڵی کوردەواریدا. ئەمە دوو لایەنی ڕووناکی بووە، یەکەمیان بەرهەمهێنانی داهێنانی ئەدەبی، واتە هەڵبەستی، دووەمیان فێرکردن و پێگەیاندنی منداڵان و لاوی کورد لە ڕووی خوێندەوارییەوە.=KTML_Photo_Begin=https://www.kurdipedia.org/files/relatedfiles/2009/1750/0003.JPG=KTML_Photo_Alt=ئەحمەدی خانی=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2009/1750/0003.JPG=KTML_Photo_End=
شاعیر لە مەڵبەندی لە دایکبوونی، شاری بایەزید، لە ساڵی 1707 کۆچی دوایی کردووە و هەر لەوێش نێژراوە، ئەو زانیارییانەی لە ناوەوەن ئەم مێژووە ڕاست دەزانن، جگە لەمە بەڵگەیێکی تریشمان بەدەستەوەیە، پشتگیری ئەم ڕایە دەکات ئەویش ڕستەی عەرەبی (طار خانی الی وبە) کە بۆ مردنی شاعیر دانراوە بە حسێبی ئەبجەد دەکاتە ساڵی (1119ه)، ئەم ساڵە بەرانبەر بە ساڵی 1707ی کریستێدانییە و ڕاستتر کەوتووەتە نێوان هەردوو ساڵی 1707 و 1708.
کوردایەتی و زمانی کوردی:
لە پەرتووکی (دیالۆگ ڕۆژهەڵاتی ناوەڕاست)دا نووسراوە: ئەحمەدی خانی هەر لە سەرەتاوە دەیزانی کە کەلووپەلی کوردی بازاڕیان نییە، واتە ئەو پەرتووکانەی کە بە کوردی نووسیبوونی نەیاندەتوانی بگەنە ژمارەیەکی زۆر خوێنەر، ئەمەش بۆ دوو هۆکار دەگەڕێتەوە، لەلایەک ئەو کۆمەڵگەیەی کە ئەحمەدی خانی تێدا دەژیا، بەشی هەرەزۆریان نەخوێندەواربوون و لەلایەکی دیکەشەوە زمانی نووسین و خوێندنی ئەو سەردەمە زیاتر بە عەرەبی و فارسی بوو، نووسەرانی ڕۆژهەڵاتی ناوینیش بەنووسەرانی کوردیشەوە بەو زمانانە پەرتووکیان نووسیوە.
ئەحمەدی خانی یەکەم شاعیرە کە گلەیی لەسەرۆک هۆزەکانی کورد دەکات لە بەرانبەر یەکنەگرتنیان و پشتبەستنیان بەنەیارانی گەلی کورد ئەو وتوویەتی:
گەر دێ هەبوا مە ئیتیفاقەک
ڤێگرا بکرا مە ئینقیادەک
ڕوم و عەرەب و عەجەم تەمامی
هەمیا ژ مە تا دکر غولامی
تەکمیل دکر مە دین و دەولەت
تەحلیل دکر مە عیلم و حیکمەت
ئەحمەدی خانی، گرنگییەکی زۆری بە زمانی کوردیی داوە و کاتێک بە زمانی کوردی هەڵبەستی نووسیەوە، تەنیا هەربۆ ئەوە نەبووە کە بەو زمانە بنووسێت، بەڵکوو بە کوردیی نووسینی وەکوو هەڵوێستێک بووە لە دژی دەسەڵاتداران، هاوکات وەکوو ڕەخنەیەکیش لەکوردەکان بەکاریهێناوە، چونکە خانی پێیوابووە کە زوو خۆیان دەدەنە دەست ئاغاو دەسەڵاتدارە بێگانەکان.
بەرهەمەکانی:
عەقیدەیا ئیمانێ، بەپەخشان و هۆنراوە سەبارەت بەپێنج کۆڵەکەی ئیمان لەئیسلامدا نووسراوە. ساڵی 2000 لەسوید چاپکراوە.
نووبەهارا بچووکان، 1683، فەرهەنگۆکێکی عەرەبی کوردی کە بەهەڵبەست، بۆ منداڵانی کوردی داناوە کە فێری زمانی عەرەبی ببن کە ئەو سەردەمە زمانی دین و زانست بووە. یەکەمجار لە ساڵی 1926 لەڕەواندز چاپکراوە.
مەم و زین، ساڵی 1692، یەکەمجار لە ساڵی 1919 لەئەستەنبوڵ چاپکراوە.[1]

نووسینی: عیزەدین مستەفا ڕەسوڵ
سلێمانی - 2008

ناونیشانی بابەت: ئەحمەدی خانی و نەتەوەیی بوونی
ئامادەکردن: #کەیهان محەمەد نەژاد#

ئەحمەدی خانی لە مێژووی کورد و کوردستاندا ناوبانگێکی تایبەت و جیاوازی هەیە. پێویستە کە ئێمە ژیانی بەباشی بزانین و بیناسین. ئەحمەدی خانی فێربوونی فەرهەنگ، هونەر، وێژە و زمانی کوردی لا گرینگ بووە و بایەخێکی زۆری پێ داوە و لەوبارەوە خەباتی کردووە. پێشەکی دەبێ ئێمە لە ژیان و بەسەرهاتی ئەحمەدی خانی بەباشی تێ بگەین. “ئەحمەدی خانی” کوڕی ڕۆستەم بەگە و لە هۆزی خانی-یە، ئەو لە دایکبووی ساڵی 1651ی زایینی لە شاری “بازید”‌ی کوردستانی باکوورە. ناوی “خانی”، ناوی دایکی “ئەحمەدی خانی”‌یە و هەمیش ناوی گوند و هۆزی ئەوە، لە پەیوەندی لەگەڵ ناوی “خانی” کە لە کوێ هاتووە زانیاریێکی تەواو لەبەر دەستدا نییە. “ئەحمەدی خانی” گرینگیێکی زۆری بە پەروەردە و بارهێنانی خۆی داوە. ناوبراو بۆ منداڵانی کورد قوتابخانەی درووستکردووە و وانەی بۆ منداڵان وتووەتەوە. لەو قوتابخانەیەدا نە تەنیا وانەی مەزهەبی دەوترا، بەڵکوو وانەکانی فەلسەفە، مێژوویی، وێژە، جۆگرافییا و ئەستێرەناسیش دەوترا. سەبارەت بە دەستپێک و شوێنی خوێندنی “ئەحمەدی خانی” هیچ بەڵگەیەکی فەرمی لەبەر دەستدا نییە. بەڵام بە دەڤکی بەم شێوە باسییان کردووە؛ ئەحمەدی خانی لە قوتابخانەی مورادیا لە شاری بازید دەستی بە خوێندن کردووە، بۆ قۆناغی کۆتایی خوێندن چووەتە شارەکانی وەک ئەخلات، بدلیس، ڕووحا و جەزیرەی بۆتان و دواتر چووە سووریە، میسر و ئێستانبۆل و پاش کۆتاییهاتنی خوێندن گەڕاوەتەوە بۆ شاری بازید. “ئەحمەدی خانی” هەر لە شاری بازید-دا دەستی بە وانەوتنەوە و هەروەها نووسین کردووە. “ئەحمەدی خانی” بەرەو جەزیرەی بۆتان چووە و ماوەیەک لەوێ بووە، بەڵگەی ئەم ڕاستییەش پەرتووکی مەم و زینە. بۆیە “ئەحمەدی خانی” لە پەرتووکی مەم و زینی خۆیدا جۆگرافیا شاری جەزیرە، ناوی جێگا و شوێنەواری ئەم شارە بە شێوەیێکی ڕاست بەیان دەکات؛
وەستانی و نێرگیزی و سەقلان
دەروازە و ئۆمەری و مەیدان
وان سەیرانگەهان تۆ لێ دکی گەشت
ئەز مامە ژ بۆ مەرا دار و دەشت
“ئەفلاتوون” فەیلەسووفی ناودار دەڵێ؛ “شیعر ڕەنگ و ڕەوشێکی وەحی و ئیلهامی ئیڵڵاهییە، لە سەرچاوەی ڕووحانی و سرووشتییە”. شیعرەکانی ئەحمەدی خانیش، گەوهەرەکانی بێ وێنەی هونەری جوان و دەریای بێ بن و بەرینی ئەون، کە ئەمەش نیشاندەری ئەوەیە؛ ئەحمەدی خانی فەیلەسووفی نەتەوی وێژەیی کوردە. دەڵێن؛ لە جەننەتدا دارێکی پڕ خێر و بەرەکەت هەیە، کە ناوی ئەم دارە تووبایە. دەڵێن؛ ئەم دارە چەندین شاخەی داوە، و بە هەر شاخە و چڵەکانییەوە میوەی جۆر بەجۆر و تامخۆشی هەیە، کە هەر کەسێک جەننەتی بێ دەتوانێ میوەکانی بخوات. کاتێک مرۆڤ سەیری کەسایەتی “ئەحمەدی خانی” دەکات، دەتوانێ بڵێ کە “ئەحمەدی خانی” داری تووبای جەننەتی کوردستانە، پڕ شاخەی پیرۆزی هەیە و بەخێر و بەرەکەتە، کە نەتەنیا گەلی کورد، بەڵکوو گەلانی جیهانیش دەتوانن لەو میوە بەنرخە کەڵک وەرگرن. لە شاخەکانی چوار شاخی هەرە بەنرخ هەیە کە ئەمانیش بەم شێوەن؛
1- شاخەی شیعر و وێژەی ئەو.
2- شاخەی نەتەوە و وڵاتپارێزیی ئەو.
3- شاخەی تەسەووف و حورمەتی.
4- شاخەی فەلسەفە و یەکرێزی ئەو.
“ئەحمەدی خانی” خزمەتێکی زۆری بە فەرهەنگ و زمانی کوردی کردووە. بەشێک لە مێژوونووسان دەڵێن؛ ئەحمەدی خانی لە تەمەنی 14 ساڵیدا دەستی بە نووسین کردووە. ناوبراو لە 14 ساڵی بەرهەمی “مەم و زین”ی نووسیوە و لە 30 سالێدا کۆتای پێ هێناوە. کاتێ خانی کۆتایی بە بەرهەمی مەم و زین هێناوە تەمەنی 44 ساڵ بووە. بەڵام بەپێچەوانەی ئەم مێژوونووس و لێکۆڵەرانە، مامۆستا “عەبدولڕەحمان دوڕە” لە پەرتووکی “شەرحا دیوانا ئەحمەدی خانی، فەلسەفە و ژیانا وی”دا بە شێوەی شیعر و توێژینەوە، شرۆڤەی لەسەر ئەحمەدی خانی و بەرهەمی “مەم و زین” کردووە و نووسین و شرۆڤەی نووسەران ڕەتی دەکاتەوە؛
خەتێ تە‌‌یە سەرنوشت و سەرمەشق
سی ساڵە خەتێ خەتا دکە مەشق
لەورا کو دەما ژ خەیبێ فەک بوو
تاریخێ هەزار و شێست و یەک بوو
ئیساڵی گهیشتە چل و چاران
وی پێشیرەوێ گوناحیکاران
“عەبدەووڵڕەحمان دوڕە” وتوویەتی بۆچی 30 ساڵ؟ ئەو دواتر وڵامی پرسیارەکەی دەدات و دەڵێ؛ “کاتێک کە ئەحمەدی خانی لەدایک بووە، ئەو کات تاریخی کۆچی 1061 بوو و لەبەرانبەر تاریخی زایینی دەکاتە 1651، ئەو کات خانی دەبێتە 44 ساڵ، 14 ساڵی منداڵیشی دەربێنی دەکاتە 30 ساڵ و لە سی ساڵیدا خەتێ سەرنووشتی مەشق کردووە و لە 44 ساڵیدا کۆتایی بە پەرتووکی مەم و زین هێناوە”. وەکوو هەموو زانایانی جیهان، “ئەحمەدی خانی” میراتێکی زانستی و وێژەیی گرینگ بووە و بەرهەمە بەنرخەکانی بۆ گەلی خۆی بەجێ هێشتووە. بەرهەمی “نووبەهارا پچووکان” یەکێک لەو بەرهەمە هەرە گرینگانەی ئەحمەدی خانییە. ئەو بەرهەمە فەرهەنگی عەرەبی و کوردییە لە ساڵی 1683دا چاپی کردووە. ئەحمەدی خانی وتوویەتی؛ “من ئەم پەرتووکمە بۆ منداڵانی کورد نووسیوە تاکوو ئەوان لە خوێندندا تووشی هیچ گرفتێک نەبن”. “نووباهارا پچووکان” لە مێژووی کورددا یەکەمین فەرهەنگی کوردییە. چونکا ناوبراو هیوایەکی زۆری بە داهاتووی منداڵان هەبووە. ئەو بەرهەمە هەتا ئێستاش لە قوتابخانە کوردییەکاندا دەخوێندرێ. بە هەبوونی ئەم بەرهەمە زمانی کوردی لە قوتابخانەکاندا دەوترێ و بەردەوامە. پەرتووکی “عەقیدەی ئیمان” لە ساڵی 1687دا چاپکراوە. ئەم پەرتووکە لەسەر مەرجەکانی ئیسلام نووسراوەتەوە. زانستەکانی ئیسلام بە زمانی زگماکی، واتە؛ زمانی کوردی شرۆڤە کراوە. خانی زمانی کوردی تا ئاستێک بردووە کە مرۆڤ دەتوانێ لە پەروەردەی مەزهەبیدا بە کاری بهێنێ. بە هەبوونی ئەم بەرهەمە وای کردووە کە زمانی کوردی لە بابەتە مەزهەبییەکاندا بەکار بهێندرێت. ئەم پەرتووکە تا ئێستاش لە قوتابخانە کوردییەکاندا دەخوێندرێ.
“مەم و زین” یەکێک لە بەرهەمە هەرە بەناوبانگەکانی ئەحمەدی خانییە. ئەم بەرهەمە چیرۆکی ئەڤینداری، نیشتمانپەروەری، وڵات پارێزی و خەزانەی وێژەیی، فەرهەنگ و کولتووری گەلی کوردە. ئەو بەرهەمە نە تەنیا بەرهەمێکی ئەڤیندارانەیە بەڵکوو بۆ گەلی کورد ژیان، بەرخۆدان، هیوا و مێژووە. “ئەحمەدی خانی” هۆکاری نووسینی ئەم پەرتووکە لە مە#سنە#وی خۆیدا هێناوە. ناوبراو ویستوویەتی نەتەوەی کورد لەنێوان نەتەوەکانی دیکەدا لە ئاستێکی بەرزدا بێت. هەروەها ویستوویەتی لە داهاتوودا نەتەوەی کورد لە باری وێژە، زانست، عۆرف، عەشق و ئەڤیندا کەمایەسی نەبێت. خانی بە ئامانج و هیوا ئەم پەرتووکە گرانبەهایەی بۆ ئێمە نووسیوە و بۆ پاشەڕۆژی نەتەوەی خۆی بە جێ هێشتووە. خانی لەم بەرهەمەدا بارودۆخی گەلی کورد دێنێتە بەرچاو. لە مەم و زیندا گەلێک نەسێحەتی لە کوردان کردووە و ڕێگای نیشانی ئەوان داوە. چیرۆکی “مەم و زین” مێژووی زیندووی کورد و کوردستانە. ئەم بەرهەمە خەزێنەی ئەحمەدی خانییە، ئەو وەک کوردستان دەوڵەمەند و ڕەنگینە. هەر بۆیەش ئەحمەدی خانی لەوبارەوە لە شیعرێکی خۆیدا دەڵێ؛
ساقی بدە من شەرابێ گوڵگوون
بێ دەنگێ دەف و سەدایێ قانوون
دا شەهنە و موهتەسیب نەبینین
شاهی ب جڤین چۆ خەم نەمینن
تەشبیهێ نەیێ بکم تەرەننوم
تووتی سفەت، ئەز دکم تەکەڵوم
شەرحا خەمێ دڵ بکم فەسانە
زینێ و مەمێ بکم بەهانە
نەخمێ وی ژ پەردەیێ دەرئینم
زینێ و مەمێ ژ نوو ڤە ژینم
دەرمان بکم ئەز، ئەوان دەواکم
وان بێ مەدەدان ژ نوو ڤە ڕاکم
ئەو ڕەنگە ژ نوو سەرئەفراز
دا بێنە تەماشایێ نەزەرباز
“میر جەلادەت بەدرخان” وتوویەتی؛ ئەحمەدی خانی نە تەنیا پێغەمبەرە، بەڵکوو ئەو خاوەن پەرتووکە. ئەو پێغەمبەری مەزهەبیی نەتەوەی کوردە کە خاوەن پەرتووکی مەم و زین‌‌‌-ە. “ئەحمەدی خانی” گەلێک دیوانی نووسیوەتەوە، بەڵام دیوانەکانی کۆ نەکردووە. شیعرەکانی ناوبراو لەلایەن دۆست و قوتابییەکانییەوە کۆکراون و دواتریش چاپکراون. “ئەحمەدی خانی” هەمیشە لەسەر کێشەی لەتبوونی کۆمەڵگە و جوگرافییای کوردستان جەختی کردووە و لە شیعرەکانییدا بە شێوەیێکی مامۆستایانە باسی کردووە و هەروا باسی مێرخاسی کوردانی کردووە. خەم و پەژارەی دڵی ئەوە بووە کە گەلۆ بۆچی هەر نەتەوەیەک خاوەن دەوڵەت و سەڵتەنەتن، بەڵام گەلی کورد هێشتا ئازاد نییە و لە خەو دایە؟ لەو بارەوە “ئەحمەدی خانی” لە شیعرێکیدا دەیڵێ؛
ئەز مام ل حیکمەتا خوەدێدا
کورمانج ل دەوڵەتا دنێ دا
ئایا ب چ وەجهی مانە مەحرووم؟
بل جومڵە ژ بۆ چ بوونە مەحکووم؟
واتەی ئەم شیعرە بەم شێوەیە؛ ئەو دەڵێ من لە حوکمی خوا سەرم سووڕماوە، کە گەلۆ هۆکار ئەمە چییە کە کورد لە دەوڵەت و سەڵتەنەتی دنیا بێ بەشە و دەوڵەتییان نییە، گەلۆ بۆ چی مەحکووم و ژێردەست ماوە؟ ئەحمەدی خانی لە شیعرێکی دیکەیدا دەڵێ؛
هەر میرەکی وان ب بەزلێ حەتەم
هەر مێرەکی وان ب ڕەمزێ ڕۆستەم
هندی ژ جەسارەتێ خەیوورن
ئەو چەندی ژ منەتتێ نەفوورن
ئەو خیرەت و ئەو ئوولووێ حیمەتت
بۆ مانعێ حەملێ بارێ مننەت
لەو پیکڤە هەمیشە بێ تفاقن
دائیم ب تەممەرود و شقاقن
واتەی ئەم شیعرەش بەم شێوەیە؛ هەر میر و خانێکی کوردان، لە مەردایەتی خۆیدا وەکوو “حاتەمی تاعی”‌ن، پیاو و مێرخاسێکی ئەوانیش لە مێرخاسیی خۆیدا، وەکوو “ڕۆستەمی کوڕی زاڵ”‌ن. بە ڕادەیەکی کە لە جەسارەت و مەردایەتیی خۆیاندا بە غیرەتن، ئەوقاسیش لە منەت نفرەت دەکەن و خۆیان بۆ کەس ناچەمێنن، کە ئەم غیرەت و ئیرادە بەرزەیان بووە هۆکاری مشتومڕیان. “ئەحمەدی خانی” بۆ هۆشیارکردن و ئازادی نەتەوەی خۆی زۆر خەباتی کرد و زۆر ماندوو بوو. ئەحمەدی خانی لە ساڵی 1707ی زایینی، لە شاری “بازید”ی کوردستانی باکوور کۆچی دوایی کرد. گۆڕی “ئەحمەدی خانی” بۆ گەلی کورد جێگای تەوافە. ئەحمەدی خانی ئەمڕۆکە بۆ زۆربەی هەرە زۆری مامۆستایانی مەزهەبی کوردیش بووەتە جێگای شانازی و ئەوانیش لەسەر ڕێبازی “ئەحمەدی خانی” بەردەوامن و گرینگیێکی زۆر بە خەباتی نەتەوایەتی دەدەن. [1]

ڤیدیۆ: ئەحمەدی خانی یەکەم ڕابەری نەتەوایەتی
ساڵی ئامادەکردنی ڤیدیۆ: 2020
ئامادەکردنی ڤیدیۆ: پەیجی ڕۆژ میدیا لە فەیسبووک [1]

[1]

نووسەر
سەنگەر قادر شێخ محەمەد حاجی
2009

بە پێشانگەیەتی ڕێکخراوەکانی زمانی کوردی، دەم پارتی، دەبەپە و تەژەئا، لە ناوچەی بازیدی ئاگری هەتا سەر گڵکۆی #ئەحمەدی خانی# ڕێپێوانێکی جەماوەری بەڕێوەچوو. خۆپیشاندەران داوای پێگەی فەرمی و پەروەردەیی زمانی کوردییان کرد.
هاووڵاتییانی #وان# و ئاگری، قەرس، #مووش#، ئەرزرۆم و بتلیس، ئیدر، ئەردەخان و زۆربەی شارەکانی کوردستان بەشداری ڕێپێوانەکە بوون و بە درووشمی زمانی ئازاد بە کۆمەڵگەیەکی ئازادە و درووست دەبێت و پێگەی کوردی، پەروەردەی کوردی ڕێپێوانیان کرد. جەماوەری گەلیش بە تلیلیان و چەپڵەکانیان پشتگیرییان لە ڕێپێوانەکەدا کرد.

ڕێپێوانەکە لە کۆشکی ئیشاق پاشا هەتا گڵکۆی ئەحمەد خانی بەردەوام بوو. هەڤاڵ دڵبەهار، هاووتەبێژی کۆمیسیۆنی زمان و کولتووری دەم پارتی، لەسەر گڵکۆی ئەحمەدی خانی قسەی کرد و سەرنجی بۆ بەرخۆدانی مێژوویی زمانی کوردی ڕاکێشا و وتی: سیاسەتەکانی لەناوبردنی زمانی کوردی تێکچوون.
هەروەها هەڤاڵ دڵبەهار تیشکی خستە سەر پەیامی ئاشتی و زمانی دایکی ڕێبەر ئاپۆ و داوای کۆتایی هێنانی سیاسەتی گۆشەگیری کرد.

=KTML_Bold=داواکارییەکان=KTML_End=
هەڤاڵ دڵبەهار ڕایگەیاند: خاوەنداری کردن لە زمان واتە خاوەندارێتی کردن لە هەموو مرۆڤایەتی. ئەگەر باسی ئاشتی دەکرێت، دەبێت هەموو سیاسەتەکانی گۆشەگیری لەسەر بەڕێز ئۆجالان و گەلی کورد کۆتایی پێ بهێنرێت.

=KTML_Bold=هەڤاڵ دڵبەهار داواکارییەکانی بۆ زمانی کوردی بەم شێوەیەی ڕاگەیاند:=KTML_End=
-زمانی کوردی دەبێت وەک زمانێکی فەرمی بناسرێت.
-دەبێت زمانی دایکی لە پەروەردەی سەرەتاییەوە هەتا زانکۆ وەک زمانی پەروەردە جێگیر بکرێت.
-دەبێت ڕێگری لە ناوە کوردییەکان نەگیردرێت.
-دەبێت زمان، جوگرافیا و کولتوری کوردی لە دەستووری وڵاتدا دانی پێدابنرێت.
-دەبێت هەر ماڵێک ببێتە قوتابخانە.

لە بەیاننامەکەدا ئەم بانگەوازانە ئاڕاستەی گەلی کورد کران: بانگەوازی ئێمە بۆ هەموو گەل و دامەزراوە کوردییەکان ئەوەیە کە خەباتی خۆیان لەسەر زمانی دایکی پەرە پێبدەن، پێویستە گەلی کورد سەبارەت بە زمانی دایکی یەکگرتوو بێت، ئەگەر زمانی کوردی نەمێنێت، گەلی کوردیش نامێنێت. بۆیە دەبێت هەر ماڵێک بکرێتە قوتابخانە.
چالاکییەکە بە وتنەوەی درووشمی بژی زمانی کوردی کۆتایی هات. [1]