لە بەیاننامەکەدا تیشک خرایە سەر تیرۆرکردنی هەر 3 ژنی شۆڕشگێری کورد ساکینە جانسز، فیدان دۆغان و لەیلا شایلەمەز کە بەر لە 6 ساڵ لە پاریس تیرۆر کران و باس لەوەش کرا کە لە کەسایەتی تێکۆشانی ژنانی کورد دە، بەم کۆمەڵکوژییە، هێرش لە دژی تێکۆشانی ئازادیی گەلی کورد ئەنجام دراوە. ئەمەش هێمای بەرچاوی تۆڕەیی دەوڵەتی تورکە لە بەرامبەر گەلی کورد. خودی ئەردۆغان فەرمانی ئەم کۆمەڵکوژییەی داوە. ئامانج ئەوە بوو کە کادیرانی دامەزرێنەری #پەکەکە# لە ناو ببرێن.
'بوون بە سیمبۆلی هەموو ژنان'
لە بەیاننامەکەدا ڕاگەیێنرا، کومەڵکوژی پاریس کە لە دژی بزوتنەوەی ئازادیی کورد و تیکۆشانی ژنان ئەنجام درا، بێچارەیی دەوڵەتی تورکی داگیرکەر پیشان دەدات. بەم کۆمەڵکوژییە، ئەوانەی وایان زانی کۆتایی بە تێکۆشانی ئازادی ژنان دەهێنن خۆیان فریوداوە. سێ ژنی شۆڕشگێری کورد، لە تێکۆشانی ئازادی گەلی کورددا، بوون بە سیمبول و بوون بە نرخی مۆڕاڵ. سارا و ڕۆژبین و ڕۆناهی ئەمڕۆ نەک تەنها پێشەنگی تێکۆشانی ژنانی کوردن، بەڵکو سێ ژنی شۆڕشگڕن کە بوون بە سیمبولی بزوتنەوەی ژنان لە سەرتاسەری جیهان.
لە بەیاننامەکەیدا کەجەدەکە-ئەوروپا تیشکی خستە سەر ئەوەی نە مێژوو و نە مرۆڤایەتی ناهێڵن ئەم کۆمەڵکوژییە پەردەپۆش بکرێت. بۆ جێبەجێکردنی ئاواتی ئازادیی ساکینە و لەیلا و فیدانەکان و بۆ ڕۆشنکردنی ڕاستییەکان و دادگاییکردنی بکوژان، سوورین لەسەر تێکۆشانمان.
لە بەیاننامەکەدا باس لەوە کرا، بۆ بەبیرهێنانەوەی هەر سێ ژنی شۆڕشگێری کورد، لە 11ی تشرینی دووهەم لە پاریس دەبن. سارا و ڕۆژبین و ڕۆناهی بۆ تێکۆشانی ئازادی ژنان شەهید بوون. بە سەدان هەزار کەس لەسەر ڕێچکەیان گەورە دەبن.
لە کۆتایی بەیاننامەکەشدا هاتووە، ئێمە بە ناوی کەجەدەکە-ئەوروپا بانگ لە کوردستانییان و شۆڕشگێران و کەسانی دیمۆکرات و لایەنگرانی ئازادی ژنان دەکەین کە لە 11ی تشرینی دووهەمدا لە پاریس بەشداری لە ڕێپێوانی یەکسانی و بەبیرهێنانەوەی هەرسێ ژنی شۆڕشگێریدا بکەن.[1]
#06-01-2020#

دەقی ڕاگەیەندراوی کەجەدەکە-ئە:
سەدامی دیکتاتۆر لە ساڵی 1988دا لە هەلەبجە بە گازی کیمیایی و خەردەل 5000 کەسی بێتاوانی کۆمەلکوژ کرد، دەوڵەتی داگیرکەری تورک لە 12ی ئازاری 1995 لە ناوچەی گازی ئەستەنبوڵ کۆمەڵکوژی ئەنجامدا. ڕژێمی سوریا لە 12ی ئازاری 2004 هەوڵیدا فیتنە لەنێوان کورد و عەرەبدا دروست بکات و کۆمەڵکوژی کرد. فاشیزمی ئاکەپە و مەهەپە لە 18ی ئازاری 2018 بە هەمان عەقڵیەت و سیاسەتی کۆمەڵکوژی عەفرینی داگیرکرد. ئەو سیاسەتانەی داگیرکەری و کۆمەڵکوژیە نەیتوانی تێکۆشانی ئازادی گەلی کورد ڕاوەستێنێت و تووڕەیی و بڕیاری گەلەکەمانی بۆ تێکۆشان گەورەتر کرد.
دەوڵەتی تورکک بە هەمان عەقڵیەت و ئامانج ئەمڕۆ بە شێوەیەکی گشتگیر لە کوردستان هێرش ئەنجام دەدات. هەر وەک چۆن کۆمەڵکوژی لە هەلەبجە و قامشلۆ سەری نەگرت، دەوڵەتی تورکیش لە بەرانبەر تێکۆشانی ئازادی گەلەکەمان تێک دەچێت و کەوتووەتە نێو قەیرانێکی قورس.
مێژوو جارێکی دیکە پیشانیدا کە فشاری و توندوتیژی، تێکۆشانی ئازادی، یەکسانی و دیموکراستی ناتوانێت بوەستێنێت. چەکی کیمیایی و بایۆلۆژی و ئەتۆمی، هەرچ چەکێک بەکاربهێنرێت، بە کۆمەڵکوژی و توندوتیژی تێکۆشانی دیموکراسی ئازادی ڕاناوەستێت. ناتوانن لە بەردەم تێکۆشانی یەکسانی و ئازادی گەلی کورد ئاستەنگی دروست بکەن.
ئەو عەقڵیەتەی کە لە هەلەبجە بە چەکی کیمیایی و بایۆلۆژی هەوڵدا تێکۆشانی گەلەکەمان بوەستێنێت، بە هەمان شێوە، لە عەفرین، شەنگال، باشور، مەخمور و باکور ئەمڕۆش هێرش دەکاتە سەر گەلەکەمان و بەهاکانمان و هەوڵ دەدات تەمەنی خۆی درێژ بکات.
بە ناوی کەجەدەکە – ئە داوا لە هەموو گەلی کوردستان دەکەین کە لەدژی هێرشی قڕکەر و داگیرکەران، ئەرکی ویژدانی و ئەخلاقی خۆیان جێبەجێ بکەن، لەسەر بناغەی یەکێتی نەتەوەی بەرخۆدان گەورە بکەن و ئازادی گەلەمان کە داواکاری شەهیدانە مسۆگەر بکەن.[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی ڕاگەیەندراوەکەی کەجەدەکە-ئەوروپا:
تەمەنی ڕێبەر ئاپۆ کە ئەندازیاری فەلسەفەی دیموکراتی، ژینگەپارێزی و ئازادی ژنانە، لە 4ی نیساندا دەبێتە 73 ساڵ.
ئێمە ئەم ڕۆژە وەک ڕۆژبوونێکی ئاسایی نایبینین. ڕێبەر ئاپۆ وتبووی، من زایینی سێیەمینی خۆمم ئەنجامدا. 4ی نیسان لەسەر بناغەی بەرخۆدان و ژیانەوەی گەلی کوردە و پێویستە ببێتە هۆی ئازادی ڕێبەر ئاپۆ.
راستی ڕێبەر ئاپۆ لە هەمانکاتدا بە واتای ڕاستی بەها مرۆییەکان دێت. لەبەرئەوەش ڕۆژبوونی ڕێبەر ئاپۆ بۆ گەلی کورد وەک ڕۆژێکی پیرۆز دەبینرێت و بەم شێوەیە پیرۆز دەکرێت.
ڕێبەر ئاپۆ پیلانگێڕی نێودەوڵەتی و گۆشەگیری، لە ڕووی مێژوویی و کۆمەڵایەتیدا بۆ زایینێکی گەورە گۆڕی. کۆمەڵگا و ژنی لەسەرنوێ هەڵسەنگاند و ڕێنماییەکی تێکۆشانی پێشکەشی تەڤگەری ئازادی کرد. ڕۆژبوونی ڕێبەر ئاپۆ بووە ژیانەوەی ژنان و گەلان بۆ ئازادی.
ئێمە ڕۆژبوونی ڕیبەر ئاپۆ وەک زایینی سروشت و ئازادی سروشت دەبینین و ڕۆژبوونی گەلەکەمان پیرۆز دەکەین.[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی ڕاگەیاندراوی کەجەدەکە - ئەوروپا:
چیتر نابێ بێدەنگبین لەدژی پێشێلکاریەکانی پارتی و دەسەڵاتەکەی
وەک بۆ هەمووان ئاشکرایە، #پارتی دیموکراتی کوردستان# لەشاری #هەولێر# وەک پیشەی هەمیشەیی دەستی کردووە بە ڕەشبگیری ئەندام و هەڵسوڕاوانی تەڤگەری ئازادی کۆمەڵگای کوردستان و سەرتاپای دەزگاکانی حکومەتی هەرێمی کوردستانیان کردووە بە دەسەڵاتی جێبەجێکاری سیاسەت و پلانەکانی پارتەکەی خۆیان.
لەماوەی ڕابردوو هەڤاڵ تەحسین ئەندامی ئەنجومەنی هەولێری تەڤگەری ئازادی کۆمەڵگای کوردستانیان دەسگیرکردوە، بەر لە ڕۆژێکیش هەمدیس بەشێوەیەکی نامرۆڤانە هەڵیانکوتاوەتە سەر ماڵی هەردوو ئەندامانی ئەنجومەنی تەڤگەری ئازادی لە هەولێر، هەڤاڵان سەمیرە و مام عەونیان دەستگیر کردووه.
ئێمە وەک بەڕێوبەرایەتیی کۆمسیونەکانی باشوری کەجەدەکە - ئەوروپا وێڕای ناڕەزایەتی توندی خۆمان بەرامبەر بەم کارە قێزەون و سەرکوتکەرانەیەی پارتی دیموکرات و دەسەڵاتەکەی، لەهەمان کاتدا پێمانوایە پارتی دیموکرات لە هەولێر بەرگەی بوونی هیچ کیانێکی تر ناگرن، کە یان کۆپی یان داردەستی خۆیان نەبێت و نایانەوێت هیچ دەنگێکی جیاواز لەخۆیان بوونی هەبێت، بەتایبەتی تەڤگەری ئازادی کە چالاکانە و بێ دوودڵی کار و خەبات بۆ گەلی خۆیان دەکەن و خەمخۆری هەموو چین و ڕەگەز و ئاینزا و بوونە کۆمەڵایەتیەکانی ترن بەبێ جیاوازی و وەک پێشەنگ دەبینرێن.
ئێمە بانگەوازی لەهەموو کەسێک دەکەین، داوا لەسەرجەم حیزب و لایەنە سیاسی و ڕێکخراوە مەدەنی و مرۆڤدۆستەکان و هەموو دۆستانی ئینتەرناسۆناڵمان دەکەین لە دەرەوەی کوردستان، کە چیتر بێدەنگ نەبن لەئاست ئەم کارە قێزەونانەی دەسەڵاتی پارتی لە هەولێر و هەڵوێست وەربگرن.
با هەموو پێکەوە داوای ئازادی بۆ هەڤاڵانی تەڤگەری ئازادی کوردستان بکەین.[1]

[1]

لە ڕاگەیاندراوەکەی کۆمسیۆنەکانی باشووری کۆنگرەی کۆمەڵگەی دیموکراتیکی کورد لە ئەوروپا / باشوور دا هاتووە ئێمە هیوای گەورەمان بە خۆمان و گەلی ئازادی کوردستان و هێزە شۆڕشگێڕەکانی گەریلای ئازادی هەیە لەم شەڕو پێشەنگایەتی کردنەی تێکشکاندنی فاشیزمی تورک سەردەکەوین.
دەقی ڕاگەیاندراوەکە
ڕاگەیاندن بۆ ڕای گشتی گەلی کوردستان.
وەک ئاگادارن دەوڵەتی فاشی تورک بە هەم ئاهەنگ لەگەڵ جمهوری ئیسلامی فاشی ئێران هێرش و داگیرکاری فاشیستیان دەسپێکردوە بۆ سەر خاک و خەڵکی کوردستان.بۆ هەمووان ئاشکرایە کە لە چەند ڕۆژی ڕابردوەوە دەوڵەتی فاشی تورک بە شێوەیەکی دڕندە ئاسا بە فڕۆکەی جەنگی و هێزە سەربازیەکانی هێرشی داگیرکاری خۆی لەبەرامبەر گەلی کوردستان و گەریلای ئازادی دەسپێکردوە.
دەوڵەتی فاشی تورک لەهێرشەکانی چ لەلایەن گەلی باشوری کوردستان و گەریلای ئازادی #هەپەگە#وە بێ وەڵام نەبوەو نابێت.دەوڵەتی تورکی فاشی بەرئەنجامی ئەو هێرشانەی کردویەتی، گەریلای ئازادی دەستی باشیان لێوەشاندون و ڕووبەڕووی تێکشکان بوونەتەوەو دەیان سەربازی تورک گوژراون و تێک شکێنرراون.
لە شارو شارۆچکەکانی کودستانیش ناڕەزایەتی و خەبات و بەرخۆدان هەبوەو کاریگەری زۆر گرنگی لەسەر دوژمن و فاشیزمی تورک داناوەو توشی بارێکی دەرونی شپرزە بوون ۆ بەڕۆژانەش ترس و دڵەڕاوکێیان زیاتر و زیاتر دەبێ.
لەبەرامبەر هەموو ئەم تێکشکانە قورس و کەمەرشکێنانە دوێنێ بەرواری 19/6 وەک پیشەی دڕندەیی خۆیان هێزە سەربازیەکانی تورکی فاشی بە فڕۆکەی جەنگی ناوچەکانی بادینان و شیلادزێ بۆردومان دەکات، سەرئەنجامی ئەم دڕندەییە شەش کەس لە خەڵکی سفیل شەهید بوون. ئێمە وێڕای هاوخەمی و سۆزی خۆمان پێیانەوە، لە هەمانکاتدا دەڵێین،
ئەمە ئەوپەڕی مایەیی شەرمەزاری و ڕسوایی سەرانی حکومەتی هەرێمی کوردستاو دەسەڵاتی پارتیە لە ناوچەی بادینان. ئەمە دەرخەری ئەو ڕاستیەیی کە ئەم حکومەت و سەرانی دەستەڵات بەدەستانی هەرێم.
جاماوەری ئازادیخوازی کوردستان، کوڕان کچانی گەنجانی کوردستان، لەهەر کوێیەک هەن دەنگی ناڕەزایی و توڕەیی خۆتان بێنە سەر شەقامەکان و پۆل پۆل بەڕیزی خۆپشاندان و توڕەییەکانی شەقامەوە پەیوەست بن.
خەڵکی ئازادیخوازی کورد
شەڕ و ململانێیە لەسەر کورد بوون یان پاکتاو کردن و ئەسیمیلەکردن و کۆیلەی سەرشۆڕی بەردەم فاشیزمی دەوڵەتانی داگیرکەر !!
دڵنیابن ئەوەی ئەمرۆ لە ناوچەکەمان دەگوزەرێ دیاریکردنی هەبوون و نەبونی ئێمەی کوردە وەک کۆیلەیەکی بێ ناسنامە یان کوردێکی ئازادی خاوەن ناسنامەو بوونی خۆمان.
ئەمە ڕاستینەی ئەو شەڕەیە کە دەوڵەتی فاشی تورک لەدێر زەمانەوەیە دەستی پێکردوەو ئەمڕۆش بەردەوامی پێدەدات دژی بزوتنەوی ئازادی خوازی #پەکەکە# و سەرجەم گەلی کورد.
گەلی کوردی ئازاد لە تاراوگە،
بانگەوازتان دەکەین وەک بەڕێوبەرایەتی کۆمسیونەکانی باشوری کوردستان لە دەرەوەی نیشتمانی کوردستان، کە هەستیاری دۆخەکە بە ووردی ببینن و ترسە گەورەکەشی بە جدی وەرگرن، ئیتر کات ڕێگەی پەرتەوازەیی و پەرشوبڵاوەیمان پێ نادات وبێدەنگی لە ئاست ئەو داگیرکاریە ترسێکی جدیەو دەبێ هەر بەجدیەتێکی شۆڕشگێڕانەی پتە وکار وچالاکی دژی دەوڵەتی فاشی تورک وئێران ئەنجام بدەین.
وەرن با هەموو پێکەوە چۆن دژی دەوڵەتی فاشی تورک و تیرۆرستانی #داعش# تەواوی شەقام و جادەکانمان پڕ جۆش و خرۆشی شۆڕشگێڕانەکردبوو ئاوا ئێستاش بە ڕۆحی بەردەوامی و سەرکەوتن هەفتەی توڕەیی و وەستانەوەو بەرخۆدان دژی فاشیزمی تورک تەواویی وڵات و پایتەخت و شارە گەورەکان بخروشێنین، بانگ لە دۆستەکانمان بکەین، هەموو هێزە دیموکراتی خواز و چەپ و سۆسیالستەکانی کەبێنو لەم خەباتە دژی فاشیزم و نەژادپەرستی دەوڵەتانی تورکیاو ئێران بەشداربن و ئەم خەباتە بە خەباتێک بزانن لە پێناو بەهاو ماڤی مرۆڤایەتی ئازاد دا.
لە کۆتایدا ئێمە هیوای گەورەمان بە خۆمان و گەلی ئازادی کوردستان و هێزە شۆڕشگێڕەکانی گەریلای ئازادی هەیە لەم شەڕو پێشەنگایەتی کردنەی تێکشکاندنی فاشیزمی تورک سەردەکەوین.[1]
#21-06-2020#

کۆمەڵگای جڤاکی دیموکراتی کوردان-ئەورپا (کەجەدەکە-ئە) و تەڤگەری ژنانی کورد-ئەروپا (تەژەکە-ئە) بە بانگەوازێکی هاوبەش ئەوەیان وەبیر هێنایەوە ڤایرۆسی کۆرۆنا تائیستا بۆ مرۆڤایەتی مەترسیە دەبێتە گیان لەدەستانی مرۆڤەکان.
لە بانگەوازەکە ئاماژە بەوکراوە، لە جیهاندا زیاتر لە ملێۆنێک و سێسەد هەزار کەس توشی ڤایرۆسی کۆرنا بوون، تا ئسیتا بەدەیان هەزار کەس گیانیان لەدەستداوە، ڤایرۆسی کۆرۆنا تەنیا مرۆڤ ناکوژێت بەڵکو هەموو جیهانی بەخۆی خەریک کردووە و کاریگەریکی گەورە لەسەر ژیانی خێزان، کریکار و ژنانیش دروست دەکات.
گەلەکەمان کە ڕووبەرووی فشار و هێرشەکانی دەوڵەتی تورک دەبێتەوە هاوکات ئیستا ڕوو بەڕووی کێشەی دارایش دەبێتەوە، بەڵێنە ساختەکانی دەوڵەتان درۆ و بەتاڵن، لە لایکی دێکەشەوە ڕژێمی ئاکەپە و مەهەپە ئەم قۆناغە وەک هەلێک دەبینی بۆ زیاد کردنی سیاسەتی قڕکردن و هێرشە داگیرکاریەکانی بۆسەر کوردستان، گەلەکەمان لە پێداویستیە ژیانیەکان بێبەش دەکات. ئەو بەڕوونی ئاشکرا بووە ئەو دەوڵەتە هیچ سیاسەتێکی تەندروستی بۆ گەل نیە.
کرێکار، ڕەنجدەر، جوتیار، خێزان، ژن، پیر و پەککەوتە و منداڵ لەم کاتە دژاورەدا ڕووبەڕووی کێشەی گەورە بوونەتەوە. دەوڵەتی تورک بە درەنگی دەستی بە ڕێوشینی دژی کۆرۆنا کرد، بەمەش گەلیان کردۆتە ناو ڕەوشێکی مەترسیدارەوە.
لەو ڕەوشەدا ناخۆش و زحمەتدا دەبێت ئێمە پشتگیری گەلی خۆمان بکەین بۆ ئەوەی دەستی هاوکاریان بۆ درێژ بکەین دەبێت بە شێوازێکی دەم و دەست بکەوێنە هەوڵدان، لەسەرتادا بۆ شەنگال، شەهبا و مەخمور ئێمە لە تەواوی کوردستان(باکور، باشور، ڕۆژئاوا و ڕۆژ هەڵات) دەست بە کەمپینی خێزان و خوشکی و برایەتی دەکەین داوای پشێوانێکی بەرفراون دەکەین.
بەناوی تەژەکە-ئە و کەجەدەکە-ئە ئێمە دەست بە کەمپینی خێزانی خوشک و برا دەکەین. جیاواز لە ئێمە ئەو کەمپینە بریاری هاوبەشی ڕیکخستنە سیاسی و دۆستەکانیەتی ئەوانەی لە ناو یەکێتی هێزە دێموکراتیەکاندان. کەمپینەکە ماوەی 3 مانگ بەردەوام دەبێت، ڕری هاوکاری 100 یۆرۆ دەبێت، هەموو کەس بەپێ توانای خۆی دەتوانی بەشدار ببێت، هەرکەسێک خواستی هەبێت دەتوانێ زیاتر لە گەڵ خێزانەکان ببێتە خوشک و برا و خاوەنداریان لێبکات.
بۆ ئەوەی گەلەکەمان مەجبووری کەس نەبێت، ئێمە بانگەوازی لە ئەندامان، هاوسەرۆکانی وڵاتان و هەرێمەکان، گروپ ئەنجوومەنەکان دەکەین، کە خۆیان بگەینە زۆرترین کەس کەمپینەکە بەرفراوان بکەن.
ئێمە بانگەواز لە هەموو کەسی دەکەین کە شێوازێکی چالاک بکەونە هەوڵدان و پشتیوانی لە کەمپینکە بکەن و هاوڕیکانیشتان بەشداری کەمپینکە بکەن، بۆ پشتیوانی کوردستان ئێمە بانگەواز وڵاتپارێزان و دیموکراتیخوازان و هەر کەسێک کە خۆی بەمرۆڤ دەزانی بەشداری کەمپینی(خیزان و خوشک و برایەتی) ببێت.
تەژەکە-ئە و کەجەدەکە-ئە ڕایانگیاند کەمپینکە لەڕێی مانگی سوری کوردستانەوە کۆدەکرێتەوە.[1]
#07-04-2020#

دەقی بانگەوازیەکەی کەجەدەکە-ئەوروپا بەم شێوەیە یە:
بانگەوازیەک بۆ سەرجەم کوردانی دەرەوەی وڵات
هاونیشتمانیان، کوردانی خاوەن ویژدان و ئازادیخواز...
دەوڵەتی فاشی تورکیا بەردەوامە لە هێرش و داگیرکاری و ڕەشەکوژی خەڵکی سڤیلی هەرێمی کوردستان، دەست لە هیچ بوونێک ناپارێزێت و بە شێوەیەکی نامرۆڤانە و فاشیانە لەپلانە ترسناک و کورد کوژیەکانی بەردەوامە و سرەوتی نیە.
بەداخەوە تا ئێستا هەڵوێستێکی کرداری و توند نابینرێت لەلایەن حکومەتی عێراقی فیدراڵ لە بەرامبەر ئەو هەموو داگیرکاری و کوشتار و ڕەشەکوژیەی کە دەوڵەتی فاشی تورکیا دەیکاتە سەر سەروەریی خاکی هەرێمی کوردستانی عێراق کە بە پێی یاسای نێودەوڵەتی ئەوە شکاندنی سەروەریی سنورە خاکی و ئاسمانیەکانی دەوڵەتێکی ترە.
هەر بۆیە ئێمە لە بەرێوبەرایەتی کۆمسیەنەکانی باشوری کوردستان لە ئەوروپا، بانگەوازی لەهەموو هاونیشتمانیانی خۆمان و سەرجەم کوردانی دەروەی وڵات دەکەین کە بەشداری لە ناڕەزایەتی و گردبونەوە و چالاکیەکانی دژی داگیرکاری و بێدەنگی حکومەتی عێراق و کۆمەڵگای نێودەوڵەتی کە لە بەردەم سەفارەتەکانی دەوڵەتانی عیراقی و تورکی، بکەن.
کات کاتی شکانی بێدەنگیە، کاتی دەنگ هەڵبڕینە بەڕووی هەموو داگیرکەران و ڕایگشتی جیهان کە پێیان بڵێین، ئێمە تا ئازادی تەواو بەدەست نەهێنین کۆڵنادەین و هەرگیز ئیرادەی ئێمە بە فاشیزم تێک ناشکێت.
بانگەوازیتان ئاڕاستە دەکەین کە بەشداری چالاکیەکانی کۆمسیونەکانی باشور ببن، ڕۆژی هەینی 7/10 /2020 کە لە زۆربەی وڵاتانی ئەوروپا لەبەردەم باڵوێزخانەکانی عێراق و تورکیا بەڕیوە دەچێت و یاداشتی ناڕەزایەتی پێشکەش دەکرێت.
کۆنگرەی کۆمەڵگای دیموکراتی کورد- ئەوروپا
کۆمسیونەکانی باشوری کوردستان
08/07/2020[1]

دیوانی هاوسەرۆکایەتی کۆنگرەی کۆمەڵگای دیمۆکراتیکی کوردستان-ئەوروپا بە بۆنەی کۆچی دوایی عەلی جۆنتای، پەیامێکی سەرەخۆشی بلاو کردەوە.
لە پەیامەکەدا باس لەوە کرا: عەلی جۆنتای 40 ساڵ بە بڕوای عەلەویەت و ناسنامەی کوردییەوە لە ناو ڕیزەکانی بزوتنەوەی ئازادیدا، تێکۆشا. جۆنتای لە 18ی شوباتی 2020 لە شاری فریبورگی ئەلمانیا کۆچی دوایی کرد. ئێمە تێکۆشانەکەی بە بیر دێنینەوە و سەرەخۆشی خۆشمان ئاڕاستەی خانەوادەکەی و گشت کوردستانیان دەکەین.
مەراسیمی بەخاکسپاردنی تەرمی ناوبراو، لە ئێوارەی 20ی شوبات، کاتژمیر 17:00 بە کاتی ئەوروپا لە فریبورگ بەڕێوە دەچێت و تەرمی ناوبراو دەنێردرێتە بۆ شاری مەرەش. لەم چوارچێوەیەدا بانگەوازی ئەوە دەکەین کە گەلی وڵاتپارێزمان بەشداری لە مەراسیمەکەدا بکەن.[1]
#19-02-2020#

لە ڕاگەیێنراوەکەی کەجەدەکە-ئەوروپادا هاتووە:
ڕاگەیەندراوێک بۆ گەلی کورد لە ناوخۆ و دەرەوەی وڵات
سەبارەت بە پرۆژەیاسای بەناو ڕێکخستنی میدیای ئەلەکترۆنی لەهەرێمی کوردستان، ئێمە (کەجەدەکە-ئەوروپا، بەڕێوەبەرایەتی کۆمسیۆنەکانی باشور) دەنگی خۆمان دەخەینە پاڵ هەموو دەنگە ئازادیخوازەکان، ڕۆژنامەنوسان و نوسەرانی بوێر و چالاکوانان کە لە دژی بەناو پرۆژەیاسایەک بەو ناوەڕۆکە مەترسیدارەوە، کە سەرتاپای لە خزمەتی چینە باڵادەستەکەی هەرێمی کوردستانە. ئێمە بە ڕەهایی دژی ڕاوەدونان و دادگاییکردنی دەنگە ئازادەکانین بە یاسا و بەهانەیتیرۆر، بەبڕوای ئێمە خودی ئەو یاسایە بریتیە لە تیرۆرکردنی دەنگی ئازاد و زاراوەی (ئۆپۆزسیۆن)بوون پێکەوه.
پرۆژەیاسایەکی لەو چەشنە، وەک ئەمڕۆ لە هەندێ وڵاتانی تری تۆتالیتار و ئەوتۆکراتدا داڕێژراون، هیچی تر نیە جگە لە شەرعیەتدان بەنادادپەروەری لە کۆمەڵگادا و پەرلەمانیش دەکات بە دەسکەلا بۆ چەند بنەماڵە و کۆمپانیایەکی بێ ناونیشان، کە ئیدی کێیان بەدڵ نەبوو و چۆنیان بوێت مامەڵەی توندی لەتەکدا بکەن، ئیتر هیچ بەربەستێک نامێنێتەوە بۆ تەنگ هەڵچنین بە کەسایەتیە وڵاتپارێزەکان و چالاکوانان و بەناوی ئاسایشی گشتی و ڕێوشوێنی دژەتیرۆرەوە دەسگیربکرێن، ئەوەش تیرۆرکردنی خودی ئازادیه.
لەهەمان کاتدا ئەوە زەنگێکی یەکجار مەترسیدارە بۆ ڕەوەندی کوردی لە دەرەوەی وڵات و بەتایبەتی نوسەرانی بوێر، چالاکوانانی ئازادیخواز، ڕۆژنامەنوسان و وڵاتپارێزان، کە بە خەمی کۆمەڵگاکەی خۆیانەوەن، هەروەها هەموو ئەوانەی کە لە ئەنجامی خراپتربوونی ساڵ لەدووای ساڵی حوکمی بنەماڵەیی و شەڕە ناوخۆییەکان وڵاتیان بەجێ هێشتووە، ئیتر ناتوانن بە ئارامی بگەڕێنەوە وڵاتی خۆیان، ئەگەر پەرلەمانی کوردستان و دەزگا بەناو حکومیەکان چیدی نەتوانن کاریگەری لە سەرماڵپەڕ و سایتەکانی ئەوان دابنێن، کە لەدەرەوەی وڵات تۆمار کراون، ئەوا بەهانەیەک بە دەست دەخەن بۆ دەستگیرکردن و لێپێچینەوەی نەیارانی نوخبەی دەسەڵاتی هەرێم (کە لە ژمارەی پەنجەکانی دەستێک تێناپەڕن)، وە لەکاتی سەفەرکردنەوە بۆ وڵات بەهانە دروست دەبێت بۆ ڕاوەدوونان و دەستگیرکردنیان.
خستنەکاری یاسایەکی لەو چەشنە بریتیە لە دواهەمین تیر لە جەستەی (ئازادی) و ئیتر دەسەڵاتدارانی هەرێم دەیسەلمێنن کە باقی بارستایی خۆیان تەنیا لە دژی خەڵکی کوردستان و بە تایبەت دەنگە ئازاد و نەیارەکانی خۆیان بەکاردێنن.
ئێمە بانگ لە هەموو چالاکوانان، ڕۆشنبیران و نوسەران و هەموو کوردانی وڵاتپارێز دەکەین بە دەم بانگەوازیەکەمانەوە بێن، با ئیتر بێدەنگی بشکێنین و هێز و تواناکانی خۆمان بکەین بەیەک بۆ بەدەستهێنانی ئازادی و دیموکراسیەت لە کۆمەڵگای کوردیدا.
کۆنگرەی کۆمەڵگای دیموکراتی کورد -ئەوروپا، بەڕێوەبەری کومیسیۆنەکانی باشور[1]