17-11-2013

ناونیشان: بڵاوکراوەکانم لە ڕۆژنامەی کوردستانی نوێ
ئامادەکار و نووسەر: #فەرهاد حەمزە محەمەد# [1]
=KTML_Link_External_Begin=https://www.kurdipedia.org/docviewer.aspx?id=430336&document=0001.PDF=KTML_Link_External_Between=کلیک بکە بۆ خویندنەوەی بڵاوکراوەکانم لە ڕۆژنامەی کوردستانی نوێ=KTML_Link_External_End=

دلێر ئەحمەد

پیرۆزە یادی 28 هەمین ساڵەی دەرچوونی یەکەم ژمارەی ڕۆژنامەی #کوردستانی نوێ#، بەڕێزان سەرنوسەرو دەستەی نوسەران و تەواوی ستافی ئازیزی ڕۆژنامەی کوردستانی نوێ، لە قوڵای ناخمەوە پیرۆزبای یادی 28 هەمین ساڵڕۆژی دەرچوونی یەکەم ژمارەی ڕۆژنامەکەتان لێدەکەم، هیوادارم تەمەنی کاری ئەم ڕۆژنامە بەپێزە درێژبێ و بەردەوام بێت لە خزمەتکردنی کۆمەڵانی خەڵک و ڕێباز بەرزو پیرۆزەکەی یەکێتییەکەی مامی کوردایەتی.
رۆژنامەکەی کوردستانی نوێ لە ماوەی تەمەنی خۆیدا، سەرباری ئەوەی زمان حاڵی یەکێتی نیشتمانی کوردستانە، بەڵام سەکۆیەکی گرنگی هەڵخستنی دەرفەتی ڕەخنەو ڕەخنەلەخۆگرتن بووە، تەنانەت پانتای ئازادی لەم ڕۆژنامەیەدا هێندە فراوان بووە کە دەرفەتی خولقاندووە بۆ ئەو قەڵەمانەی ڕەخنەیان لە یەکێتیش گرتووە، ئەمەش ئەوە دەسەلمێنێت کە ڕۆژنامەی کوردستانی نوێ دوور لە دۆگمای سیاسی درێژەی بەخەباتی کاری ڕۆژنامەگەری خۆیداوە و ڕۆڵی بونیادنەری هەبووە لە زیادکردنی پانتای ئازادی بۆ ڕۆژنامەنوسانی کوردستان.
ئەمڕۆش کە ڕۆژنامە ئازیزەکەتان مۆمی 28 هەمین ساڵەی تەمەنی خۆی دادەگیرسێنێت، بەهیوام هەردەم بەردەوام بن لەکارو خەباتی بێوچانتان و بەمۆراڵ بەرزی ڕۆژنامەنوسی نموونەبن بۆ ئەم سەردەمی کاری ڕۆژنامەگەری لە کوردستاندا و مێژوو وەک : ڕابردووی تەمەنتان بخولقێنن، دووبارە بەرزو پیرۆزبێت.
یادی ڕۆژنامە سەوزەکەی کوردستانی نوێی ئازیز.
#شاناز ئیبراهیم ئەحمەد#
#11-01-2019#

Этот пункт в соответствии со стандартами Курдипедии pêdiya еще не завершен!

بڵاوکراوە

دەقی پیرۆزباییەکەی ئاراس محەمەد ئاغا، ئەندامی سەرکردایەتی و لێپرسراوی مەڵبەندی 4ی #دهۆک#ی #یەکێتیی نیشتمانیی کوردستان#:
بەڕێزان، سەرنووسەر و ڕۆژنامەنووس و کادیر و کارمەندە دڵسۆزەکانی ڕۆژنامەی (کوردستانی نوێ)
بە بۆنەی ساڵڕۆژی دەرچوونی ڕۆژنامەی کوردستانی نوێی ئازیزەوە، لەناخەوە گەرمترین پیرۆزباییتان ئاڕاستە دەکەم و هیوای سەرکەوتنی زیاترتان لەکارکردن لەڕۆژنامە پرشنگدارەکەتان بۆ دەخوازم.
کوردستانی نوێ، کە لە کوردستانێکی نوێ و ئازاد دا وەک یەکەم ڕۆژنامەی کوردیی ڕۆژانە لە دایک بوو، ناوێکی گەشی ناو مێدیای کوردییە و خاوەنی خەرمانێکی پڕ بەرهەم و جێگەی شانازی هەمووانە، کە بەسەلیقە و دڵسۆزی و ماندوبوونی ڕۆژنامەنووس و کارمەندە ماندونەناسەکانی، توانیویەتی خزمەتێکی بەرچاوی ڕەوتی ڕۆژنامەگەری کوردی و خوێنەرەکانی بکات، ئومێد دەکەم کوردستانی نوێ درێژە بەو ڕێبازە پیرۆزەی خۆی بدات، هەر ئەو پێگە ڕەسەن و درەوشاوەیەی هەبێت.
لەم یادە پیرۆزەتاندا و لەگەڵ داگیرساندنی مۆمی(30) ساڵەی تەمەنی ژیانی ڕۆژنامەگەریی خۆیدا، دەخوازین کوردستانی نوێ هەر لەپێشکەوتن و تاوسەندن و گەشەسەندنی پانتایی و ڕوبەری ئازادیی بیروڕا و ڕەخنەی بنیاتنەر بێت کە لەسەرەتاکانییەوە پێی ناسراوە.
هەمیشە لە پێشکەوتن و درەوشانەوەدا بتان بینم، سەرکەوتوو بن.[1]

دەقی پیرۆزباییەکەی #بافڵ تاڵەبانی#:
بەڕێزان سەرنووسەر، میدیاکاران، نووسەران و خێزانی ڕۆژنامەی کوردستانی نوێ.
بەبۆنەی سی ساڵەی دەرچواندنی ڕۆژنامەی کوردستانی نوێ، گەرمترین پیرۆزبایتان لێدەکەم، هیوای سەرکەوتنی زیاتر و بەردەوامیتان بۆ دەخوازم.
کوردستانی نوێ وەک یەکەم میدیای نووسراوی دوای ڕاپەڕین، دەستپێشخەرییەکی تری یەکێتیی نیشتمانیی کوردستان بوو بۆ هەرێمی کوردستان و نووسەران و خوێنەران، کە بەدرێژایی سێ دەیەی تەمەنی بەرپرسیارانە و پیشەییانە خزمەتی کردووە و سەرچاوەیەکی باوەڕپێکراوی هەواڵ و زانیاری بووە و وەک مینبەرێکی سەنگین پەیامی میدیایی گەیاندووە، کە ڕەنگدانەوەی بیر و قەڵەمی جیاوازی هەمەچەشنەی کوردەواری بووە، کە ئەمە ئه و تایبەتمەندییە بووە ئەم میدیا ئازیزەی پێناسراوەتەوە.
ئەمڕۆ ڕاگەیاندنی یەکێتی، کە لە سەروبەندی کۆکردنەوە و ڕێکخستنەوە و یەکخستنی خیتابی میدیایدایە، کوردستانی نوێ ئەرکێکی قورسی لەسەر شانە کە بەپێی پێویستی قۆناغەکە خۆی نوێبکاتەوە و بە سیاسەتێکی نوێشەوە درێژە بە خزمەتەکانی بدات، و ببێتە سەکۆی کۆکەرەوەی هەموو ڕۆژنامەنووسان و نووسەران و خاوەن بیروبۆچوونە جیاوازەکان و پێکەوە لە خزمەت بیری ئازا و ئازاد و بوێر بن، بۆ هەنگاوەکانی داهاتووشتان هاوپشت و هاوکارتان دەبم.
دووبارە پیرۆزتان بێت.
هەر شاد و سەربەرز و سەرکەتووبن.
دڵسۆزتان
بافڵ جەلال تاڵەبانی
12ی 1ی 2022[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پیرۆزباییەکەی جوان ئیحسان فەوزی، ئەندامی مەکتەبی سیاسیی #یەکێتیی نیشتمانیی کوردستان#:
بەڕێزان، سەرنووسەر و ڕۆژنامەنووس و کادیر و کارمەندە دڵسۆزەکانی ڕۆژنامەی(کوردستانی نوێ)
سڵاوێکی گەرم..
بەبۆنەی یادی (31) هەمین ساڵەی دەرچونی ژمارە سفری ڕۆژنامەی کوردستانی نوێ، لەناخی دڵمەوە جوانترین وگەرمترین پیرۆزبایی ئاڕاستەی سەرنوسەرو ڕۆژنامەنووس وکادیرو کارمەندە دڵسۆزەکانی ئەم ڕۆژنامە ڕۆژانەییە پرشنگدارە دەکەم، ئەم ڕۆژنامە پڕ بەهاو سەنگینە بەردەوام سەرچاوەیەکی دروستی هەواڵ و زانیاری بووە، لەخزمەتکردنی خوێنەران و نوسەرانی کورد دا هەرگیز درێخی نەکردووە و هەمیشە لەهەوڵی پێشخستنی زیاتری بواری ڕۆژنامەگەری و ڕاگەیاندن بووە لەکوردستان دا. گرنگی و بایەخی ئەم ڕۆژنامەیە ئەوەندە زۆربو هەمیشە سەرۆک (#مام جەلال#) لەهەموو بۆنەو کۆبونەوەیەکدا پرسیاری ئەوەی لێدەکردین ئەمڕۆ ڕۆژنامەی کوردستانی نوێت خوێندۆتەوە، کوردستانی نوێ ئەمڕۆ ژمارە چەندبوو، بەردەوام جەختی لەسەر ئەوە دەکردەوە وەک کادیرانی یەکێتی نیشتیمانی کوردستان ڕوداو و پێشهاتەسیاسییەکان و زانیاری لەڕۆژنامەی کوردستانی نوێ وەربگرین و خوێنەری سەرجەم ڕۆژنامەکانی تربین و برەو بەبواری زانیاری و ڕۆشنبیری بدەین، سەرۆک (مام جەلال) بەردەوام مەبەستی بەرەو پێشچوون و سەرکەوتنی ڕۆژنامەی کوردستانی نوێ بوو. لەم یادە پڕشکۆیەدا هیوای سەرکەوتن وبەردەوامیتان بۆدەخوازم و ئومێدەوارم لەساڵی نوێی تەمەنتاندا لەسەر ئەو ڕێبازە کوردانەیەتان بەردەوام بن و خەرمانتان پڕبەرەکەت و دەست وخامەتان ڕەنگینتربێت.
دکتۆر جوان احسان فوزی
ئەندامی مەکتەبی سیاسی یەکێتیی نیشتمانیی کوردستان[1]

دەقی پیرۆزباییەکەی حەسیبە عەبدوڵڵا:
دوای سڵاو و ڕێز..
بەپێویستی دەزانین بەناوی بۆردی پێکهاتەکانی یەکێتی گەرمەترین و جوانترین پیرۆزباییتان لێ بکەین لەساڵیادی دەرچوونی ڕۆژنامەی کوردستانی نوێی ئازیز.
31 ساڵە کوردستانی نوێ خوێندنگەیەک بوە بۆ پێگەیاندنی کادری میدیایی کارا وکارامە و ناوەندێک بووە بۆ بڵاوکردنەوەی ڕۆشنبیریی حزبی و لەهەمان کاتیشدا مینبەرێکی ڕاستگۆیانەی بوێریش بووە بۆ ئاشناکردنی خوێنەرانی بەدواین گۆڕانکاریەکان لەڕێی هەواڵ و ڕاپۆرت و ڕیپۆرتاژ و بابەتی سیاسی و کۆمەڵایەتی و ئابوری و...هت، کەئەکادیمییانە کار و خزمەتی خەڵکی کوردستانی کردوە..
زیاتر لەسێ دەیە خزمەتتان بەڕۆشنبیری کوردی و ڕەوتی ڕوناکبیریی لەکوردستان کردوە و بەربڵاوترین مەوداکانی ئازادی لەکوردستانی نوێوە سەرچاوەی گرتووه.
لەساڵیادی دەرچونی کوردستانی نوێ-دا بەهیواین ساڵی نوێ ساڵی پێشکەوتنی زیاتر و گەشەسەندنی زیاتر بێت بۆ ڕۆژنامەی کوردستانی نوێ..
بەهیوای بەردەوامی بۆ کوردستانی نوێ لەهەموو بوارەکاندا.
لەگەڵ ئەوپەڕی ڕێزماندا..
حەسیبە عەبدوڵڵا
ل.بۆردی پێکهاتەکانی ی.ن.ک
کەرکووک 12/1/2022[1]