بڕیار و پێشنیارەکانی چوارەمین کۆنگرەی ڕێکخراوی ژنانی ئازادی کوردستان، بەمشێوەیە:
1- ئێمە تێکۆشان لەدژی پیلانگێڕی و خەباتکردن لەپێناوی ئازادی ڕێبەر ئاپۆ وەک ئەرکی سەرەکی خۆمان و تەواوی ژنان دەبینین و لەو پێناوەشدا بێ وچان تێدەکۆشین و چالاکی هەمەڕەنگ پێش دەخەین بەتایبەتی پێشخستنی کۆنفرانس و کۆڕ و سیمینار بەمەبەستی گەیاندنی فەلسەفەی ئازادی ژنان بەهەموو ژنان و گەیشتنە حەقیقەتی چارەسەری.
2- کاردەکەین بۆ کردنەوەی زۆرترین خولی پەروەردەیی لەهەموو هەرێمەکاندا بۆ تەواوی ئەندامانی ڕژاک بەشێوازی هەمەرەنگ، هەروەها کردنەوەی ئەکادیمیەیەک بە ناوی ژنانی شەهیدی باشور.
3- لە سەر بنەمای ناساندنی هێڵی ئازادیخوازی شەهیدان ڤەژین ڕزگێ، دەستینا قەندیل، هیران هیرانی، ڕێدا هەولێری، گەشبوون کانیماران، بێریتان دهۆک، دەریا زێباری و دەنیز دێرەلوک، خەڵات سلێمانی و... بە گەل و کۆمەڵگە، هاوکات ناساندنی ئەم شەهیدانە وەکوو سیمبولی ئازادی و یەکێتی نەتەوەیی ژنی کورد بەرامبەر بە هێڵی خیانەت.
4- پێشخستنی خەباتی ئاکادیمیا بە شێوەیەکی پتەو لەپێناو پێشخستنی کۆمەڵگەیەکی دیموکراتیک.
5- تێکۆشانێکی ڕادیکاڵ و ئایدیۆلۆژی، سیاسی و بەرامبەر بە کۆمەڵکوژی ژنانی شەنگال بەرێوە دەبەین.
6- لێکۆڵینەوەو بەدواداچون بۆ ئەو ژنانە دەکەین کە لە خورماتو و داقووق ڕووبەڕووی دەستدرێژی و کوشتن بونەتەوە.
7- کاردەکەین بۆ گەڕانەوەی هەموو ئاوارەکانی موسڵ و کەرکووک و دوزخورماتوو داقوق بۆسەر زێدی خۆیان بەمەرجێک گەرەنتی پاراستنی ژیانیان بکرێت.
8- پێویستە لەناو هەموو چین و توێژەکانی کۆمەڵگهادا لە عێراق و باشوری کوردستان، پێوەندییەکانی ژنان نەک تەنیا لەسەر بنەمای سیاسیم بەڵکوو لە گۆڕەپانی کۆمەڵایەتییدا پێش بکەوێت.
9- پەیوەندی لەگەڵ ژنانی هەموو نەتەوە و ئاین و ئاینزا جیاوازەکاندا دەبەستین.
10- کاردەکەین بۆ ئەوەی ژنان ببنە خاوەنی ئیرادەیەکی سەربەخۆ.
11- کارکردن بۆ بەرێکخستن کردنی ژنانی عەرەب و تورکمان و ئاشوری و هەموو باوەڕییە جیاوازەکان کە ناوەندەکەی موسڵ بێت.
12- بۆ ئازادی ژنانی ئێزیدی کەمپەینێک دەکەن تاوەکو ئازادی ئەوان.
13- کاردەکەین بۆ قەدەغەکردنی یاسای فرەژنی و گۆراندنی یاسای باری کەسێتی بەئاراستەیەکی دیموکراتیانەدا.
14- بەڕێوەبردنی تێکۆشانێکی هەمەلایەنە بەرامبەر بەهەموو توندوتیژیەکانی سەر ژنان، بەتایبەتی بڵندبوونی ڕێژەی کوشتن و سوتاندنی ژنان، کە بە کۆمەڵکوژی ژنان بەناودەکرێت، لەم چوارچێوەدا کەمپینێک بۆ ماوەی یەک ساڵ ڕادەگەیەنین.
15- کاردەکەین بۆ کردنەوەی جێگەیەک بۆ پاراستنی ژنان (شەلتەری ژنان).
#05-01-2018#

دەقی ڕاگەیەندراوەکەی ڕژاک:
لە کاتێکدا جیهان بەناو گۆڕانکاری گرنگدا تێدەپەڕێت، سیستەمه کۆنەکان بەره و هەڵوەشانەوە دەچن و گەلانی ئازادیخواز بە دوای چارەسەری نوێدا دەگەڕێن، هێز و لایەنە کلاسیکەکان چیتر ناتوانن وەک جاران خۆیان داسەپێنن بەسەر گەلاندا، لە کوردستاندا ئەمڕۆ شۆڕشێک بەڕێوە دەچێت پێشەنگایەتییەکەی شۆڕشی ژنانه، ئەم هەنگاوە مێژووییە مۆری خۆی له تەواوی سەدەی بیست و یەکەم داوه و کاریگەری لەسەر تەواوی جیهان کردووە، ئاشکرایە بنەمای ئەم شۆڕشە فکر و فەلسەفەی ڕێبەری گەلی کورد “رێبەر ئۆجەلان “ە. ئەم شۆڕشە سەرلەنوێ ژنانی کردووەتە پێشەنگ لە هەموو کایەکانی ژیاندا، وەک کایەی سیاسی و کۆمەڵایەتی و لەشکری و دیبلۆماسی و …هتد. فەلسەفەی ژیانی ئازاد و بونیادنانی ژنی ئازاد و پیاوی ئازاد، بونیادنانی هاوسەنگی ڕەگەزی لەئاستێکی بڵندا وەک سیستەم لە ڕۆژئاوا و (باکور و ڕۆژهەڵاتی) سوریا و شەنگال و کەمپی مەخمور و جێگیربووه، هەروەها له ئاستی سیستەمی هاوسەرۆکایەتی و بونیادنانی بەهێزترین سیاسەتمەداری ژن کە نوێنەرایەتی ڕاستی کۆمەڵگا دەکات له باکور و باشور ڕۆژهەڵاتی کوردستان ڕۆژ بە ڕۆژ پەرەدەسێنێت، لە سایەی ئەم ڕاستییانەدا هەردەچێت زهنیەتی پیاوسالاری و زهنیەتی نامووسپەرستی ڕووبەڕووی هەڵوەشانەوە دەبێتەوە، هەربۆیە تەواوی هێزە داگیرکەرەکان لە هەموو هێرشێکیاندا ژنانیان کردووەتە ئامانج؛ وەک بینیمان هێرشی #داعش# لەسەر شەنگال و مەخمور و گوێر و کەرکووک و #داقوق# ئەوەی کرایە ئامانج ژنان بوون، بە تەنها لە شەنگالدا 3500 ژن گیران و دەستدرێژیی کرایە سەریان، ئەمه جگه له ژنانی کاکەیی و مەخمور و گوێر، تەواوی داگیرکارییەکانی دەوڵەته داگیرکەرە یەک لەدوای یەکەکان ئەم سیاسەتەیان بەکارهێناوە هەروەها هێزه کلاسیکەکانیش ئەم سیاسەتانە پەیڕه و دەکەن، کاتێک ژنان لە کۆیلایەتی ڕزگاریان دەبێت و دەبنه هێزی گۆڕانکاریی کۆمەڵگا ئه و هێزانە هەست به هەڵوەشانه و کۆتایی هاتنی خۆیان دەکەن و بۆیە دەکەونەپەلەقاژەی لەپێناو مانەوەی خۆیاندا و هەرچی لە دەستیان دێت دەیکەن، پارتی دیموکراتی کوردستان (پەدەکه) 28 ساڵە لە باشوری کوردستاندا باڵادەسته، بەرهەمی زهنیەتی ئەم پارتە لەسەر بنەمای نامووسپەرستی و ڕەگەزگەراییه و ناهێڵن ژن ببێته ئیرادە و خاوەنی هەبوونی خۆی، له ئەنجامی ئه و هەموو کوشتن و خۆکوشتنانەی ژنان دەتوانین بڵێین کۆمەڵکوژییەکی زۆر گەورەیه، بەلایەنی کەمەوە به هێندەی کۆمەڵکوژیی هەڵەبجە تەنها له ئەنجامی ئەو سیاسەتەی کە لەسەر بنەمای ڕە گەزگەرایی بەڕێوە دەچێت له هەرێمی کوردستاندا کۆمەڵکوژیی ژنان ئەنجامدراوە، که هەموو لایەک ئاگادارە لەلایەن ڕێکخراوی نێودەوڵەتییەوە چەندین جار هۆشیاری دراوەته هەرێمی کوردستان، لە تەواوی شەڕی ناوخۆی لەنێوان هێزەکانی ناوخۆی باشوردا به مەبەستی تۆڵەسەندنەوە زۆرترین دەستدرێژیی کراوەته سەر ژنان، ئێستاش ئەنەکەسە بۆ بەشداریبوونیان لە سیستەمی خۆسەری ڕۆژئاوادا مەرجیان ئەوەیە که سیستەمی هاوسەرۆکایەتی و زمانی کوردی نەمێنێت، بەراستی هەردوو بابەتەکە ڕاستی و گەوهەر و بەرهەمی شۆڕشێکی نەتەوەی دیموکراتیکە، ئەم هێزە کلاسیکانه له هێزی ژن و پێشکەوتنی ژنان زۆر دەترسن، له زمان و فەرهەنگی ڕەسەنی خۆشیان زۆر دەترسن، چونکە له ئاغا و ئەفەندییەکانیان دەترسن، له ڕۆژی ئەمڕۆشدا کاتێک باس لە شەڕ لەنێوان لایەنە کوردییەکاندا دەکرێت، دەبێت بزانرێت ئەم شەڕە گەر ڕووبدات زۆر مەترسیداره، بەڵام دەبێت ناوی ڕاست له و ناکۆکی و ململانێ و هەڵوێسته شەڕخوازیانه بنرێت، دەبێت ناوبنرێت به هێرش لەسەر ژنان، هێرش لەسەر هێزی ئازادیخواز و دیموکراتخواز و پێکهێنانی ئەجێندای داعش، ئەوەتا لە شەنگالدا کاتێک ئەجێندای داعش نەیتوانی تەواوی ئێزیدی کۆمەڵکوژ بکات و ئەمڕۆ لە سایەی فکر و فەلسەفەیەکی ئازاددا و لە پێشەنگایەتی ژناندا خەڵکی شەنگال خۆیان بەڕێوەدەبەن و خۆیان پاراستنی خۆیان دەکەن، ئەمە قبوڵ ناکەن و تورکیا و هاوکارەکانی (پەدەکە) و داعش پیلان دادەڕێژن و دەیانەوێت هێرش لەسەر شەنگال بکەن و کۆمەڵکوژییەکی تر ئەنجام بدەن، دەوڵەتی تورکیا لە ئەنجامی تەواوی داگیرکاریەکانیدا دەیەوێت هێزی هۆڤانەی داعش له تەواوی ناوچە سنووریەکانیش جێگیربکات لە هەرێمی خواکورک، هەموو کەس ئه و ڕاستیانەی به چاوی خۆیان بینیوە کە لەناو هێزی عەسکەری تورکیادا زۆرترین چەتەی داعش هەیه که به زمانی زۆر جیاواز قسه دەکەن، جارێکی تر ئەوانەی هاتوونەتە هەرێمی #زاخۆ#، خەڵکی بادینان شایەتحاڵی ئه و ڕاستیانەن کە ژمارەیەکی زۆر داعش له و جێگایانە جێگیرکراون، ئەوەی ئێستاش دەیانەوێت لە تەواوی بادینان و له داهاتووداپیلانیان هەیە له قەندیلیش جێگیری بکەن چەکدارانی داعشە، هەموو ئەم ڕاستیانە بێنینە لای یەکتری؛ داگیرکارییەکانی تورکیا و جێگیرکردنی چەکدارانی داعش بە هاوکاری و پشتیوانی چەکدارانی پەدەکە خۆی له خۆیدا بۆ تەسلیمکردنی تەواوی باشوری کوردستانە بە تورکیا و هێنانی چەتەکانی داعشه و پاکتاوکردن و وێرانکردنی باشوری کوردستانه و بەپیلانی یەکەم بۆ لێدانە لە ژن و ئەوەی کە داعش لە 2014 و هەتا 2017 لە باشوری کوردستاندا نەیتوانی بیکات ئێستا بە دەستی دەوڵەتی تورکیا و به هاوکاری چەکدارەکانی پەدەکە دەخوازن ئەنجامی بدەن، هەربۆیە ئه و هەڕەشه و بانگەوازییانەی شەڕ لەلایی پەدەکەوه لەدژی لایەنێکی شۆڕشگێر ناتوانین ناوی بنێین شەڕی براکوژی، بەڵکو شەڕه بۆ پێکهێنانی ئەجێنداکانی داعش، شەڕه له دژی هەموو نرخی تێکۆشانی ئازادی ژنان و شەڕه بۆ لەباربردنی دەستکەوتە نەتەوەییەکانمان به دەستی داعش و تورکیا و هاوکارانی، هەربۆیە له هەموو کەسێک زیاتر ژنان دەبێت ببینه قەڵغانی زیندوو له بەردەم ڕێگەگرتن لە داگیرکردنی وڵات و لەبەردەم کۆمەڵکوژی ژنان و دەستدرێژیکردنه سەر ژنان وە ببینە پشتێنی ڕاستەقینەی ئاشتی بۆ تەواوی هەرێمەکە، هەربۆیە ئێمە وەک ڕێکخراوی ژنانی ئازادی کوردستان بانگەوازی لە هەموو ژنان دەکەین، کات کاتی خاوەندارێتی کردنە لە نرخەکانی ئازادی ژنان و دەبێت بێدەنگییەکان بشکێنن.[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

زەوى ڕەقى لە كەوەلەى بێ گۆشتەزەوى كە بە دەگمەن ڕووەكى تێدا سەوزدەبێت.[1]

ڕژاک ڕایگەیاندووە، تورکیا لە زۆر شوێنی ڕۆژهەڵاتی ناوەڕاست داگیرکاریی بەڕێوەدەباب، بەڵام تەنها جێگەیەک کە داگیرکاریەکانیان زۆر ئەنجام دەگرێت هەرێمی کوردستان و عێراقە.
هەر لەو بەیاننامەدا، باس لەوەکراوە، کە لە 1992ەوە تورکیا بۆردوومانی باشوری کوردستان دەکات و جگە لە شۆڕشگێڕان چەندین کۆمەڵکوژی هاوڵاتیانیشی ئەنجامداوە، “هەروەها داگیرکاری ئابوری بەشێوازێکی زۆر قوڵ بەرێوە دەچێت بەهەموو پێوەرێک لەئێستادا بەهۆکاری ڕێکەوتنی 50 ساڵەی تورکیا و حکومەتی هەرێمی کوردستان، تورکیا خاوەنی هەموو نەوتی هەرێمی کوردستانە، جگە لە هەبوونی چوار هەزار کۆمپانیای تورکیا لەناو شارەکانی هەرێم، ئەمانەش دەیان کێشەیان لەنێوان هەرێم و بەغدا دروستکردووە و عێراقیش بوودجە نانێرێت و کیشەی ئابوری زیاتر کردووە، بۆیە بۆ ناڕەزایی دژی نەبوونی مووچەش دەبێت ناڕەزایی دژی داگیرکاریی بێت”.
بەپێی ڕاگەیەندراوەکە، لە هەرێمی کوردستاندا داگیرکاری کلتوری تورکیا لە ڕێگەی کردنەوەی قوتابخانە و زانکۆی تورکی و کاری هونەرو ڕاگەیاندنە داگیرکاریەکانیان کە جگە لە ڕاگەیاندنی فەرمی و فیلمی دۆبلاژکراوە تورکییەکان ژمارەیەک ڕاگەیاندنی بەناو کوردی تەواو لە خزمەتی تورکیادان، ئەمانەش بوون بەهۆی “زۆربوونی توندوتیژیی و کلتوری توندوتیژی و کارکردن لەسەر کلتوری سەرمایەداری و بەکاڵاکردنی ژنان، بۆیە ئێمە پێمان وایە سەرچاوەیەکی سەرەکی توندوتیژی و کۆمەڵکوژی لەسەر ژنان داگیرکاریەکانی دەوڵەتی داگیرکەری تورکیایە لەسەرهەرێمی کوردستان و عێراق، گرنگە ئێمەی ژنان بۆ بەرەنگاربوونەوەی گەندەڵی و نادیموکراتی و تەواوی قەیرانەکان بۆبەرەنگاربوونەوەی توندوتیژی لەسەر ژنان، بەرەنگاری هەموو داگیرکاریەکان ببینەوە. بەچالاکی دیموکراتی و بەهەڵوێست دەربرین لەدژی هەموو داگیرکاریەکان ئاستی تێکۆشانی ژنان بڵند بکەین.[1]

لە شاری #سلێمانی#، لەسەر گڵکۆ ئەو خێزانە کوردەی لە شاری بەغدا کوژران، بە ئامادەبوونی بنەماڵەکەیان، نوێنەری تەڤگەری ئازادیی کۆمەڵگای کوردستان، کۆنگراستار، کۆمەڵەی ئافرەتانی کوردستان، ڕێکخراوی ژنانی ئازادی کوردستان ڕژاک، بەیانامەیەکیان خوێندەوە.
بەیاننامەکە لەلایەن ژینۆ ڕەشید، ئەندامی ڕژاک خوێندرایەوە، تێدا هاتبوو، دەبێت ژیانی هاوڵاتیان لەلایەن هێزەئەمنیەکان و لایەنی پەیوەندیدارەوە لە عێراق یان هەرێمی کوردستان پارێزراوبێت، ئێمە لەکاتێکدا کوشتنی ئەو خێزانە کوردە شەرمەزار دەکەین، ڕایدەگەیەنین، حکومەتی عێراق و هەرێمی کوردستانیش بەرپرسیارن لە ئاستی کوشتنی خێزانەکەدا.
هەروەها باسی ئەوەشکرا کە پێویستە ڕێکخراوەکانی ژنان هاوهەڵوێستبن بۆ زیاتر هۆشیارکردنەوەی کۆمەڵگە، چونکە بەردەوام ژنان دەکوژرێن و کۆمەڵکوژدەکرێن.[1]

ڕژاک، قەدەغەکردنی بڵاوکردنەوەی ئامارەکان بە تاوانێکی دیکە دژ بە ژنان ناودەبات و دەڵێت: ساڵانێکی زۆرە حکومەتی هەرێمی کوردستان کار لەسەر شاردنەوەی ئامارەکان دەکات، بەڕێوەبەرایەتییەکانیش کاری سەرەکییان پیشاندانی ڕێژەی توندوتیژییەکانە لەئاستێکی نزمدا و شاردنەوەی ئامارە ڕاستەکانە لەخەڵک.
ئاماژەی بۆ ئەوەش کردووە، بڕیارەکەی وەزیری ناوخۆ لەکاتێکدایە، کە بەهۆکاری هەبوونی ڤایرۆسی کۆرۆنا و بەیەکەوە مانەوەی ئەندامانی خێزان و درێژکردنەوەی کەرەنتینە و بێ کاریی و بێ مووچەیی، لەگەڵ خۆیدا زۆرترین قەیرانی ئابووریی و قەیرانی کۆمەڵایەتیی و خێزانی دروست کردووە، ئەمانەهەمووی هۆکارن بۆزیادبوونی تونوتیژییەکان.
ڕوونیشیدەکاتەوە”وڵاتێکی وەک فەرەنسا لەکاتی کەرەنتینەدا ڕایگەیاند کە بە هۆی کەرەنتیەنە ٪30 توندوتیژی لە وڵاتەکەیاندا زیادی کردووە، هەرێمی کوردستان بەهەموو پێوەرێک ڕێژەی توندوتیژییەکان زۆرزیادی کردووە بەپێی لێکۆڵینەی مەیدانی ڕێکخراوەکەمان لەماوەی 3مانگدا 28 ژن لە ئەنجامی توندوتیژیی گیانیان لەدەستداوە، ئەم ڕاستییانە هەموو پێمان دەڵێن کە ڕەوشی ژنان لەهەرێمی کوردستاندا زۆرخراپەو توندوتیژی ڕۆژبەڕۆژ لەزیادبووندایە”.
ڕێکخراوەکە، ئاماژە بۆ ئەوەش دەکات، کە ئەوان هیچ کاتێک پشت بە ئاماری بەڕێوبەرایەتی بەرەنگاربوونەوەی توندوتیژیی نابەستن، بەڵآم پێیانوایە”بڕیارگرتن بۆ قەدەغەکردنی ڕاگەیاندنی ئامارەکان، زەنگێکی مەترسیدارە و ئەگەری زیادبوونی بێ سنووری توندوتیژییەکان هەیە کە لەئاستی کۆمەڵکوژییدایە”.
جەختیش دەکاتەوە، کە”دەسەڵات و حکومەت بەپێوانی یەکەم لە کۆمەڵکوژیی ژنان بەرپرسیارن، بۆئەوەی خۆڵ بکەنە چاوی جەماوەرەوە ڕاستیەکان دەشارنەوە”.
هەر لەو ڕاگەیەندراوەدا هاتووە:”ئێمە وەک ڕێکخراوەکەمان وێرای شەرمەزارکردنی ئەو بریارە و دەربرینی نارەزایی، داوا لە تەواوی ژنان دەکەین بەتایبەتی ژنانی چالاکوان کەهەموومان بەیەکەوە بڕژێینە سەرشەقامەکان و ئەو بڕیارە هەڵوەشێنینەوە”.
لە کۆتاییشدا هاتووە: لە پێویستە وەک ژنان هەڵوێست پیشان بدەین لەبەرامبەر قەیرانی ئابووریی، کۆمەڵایەتیی، سیاسیی، خاک فرۆشتن و دەستپێشخەریی بۆ دوژمنان وهێرش و داگیرکاریەکانی دەوڵەتی تورکیا، چونکە تەواوی کێشەکانی هەرێمی کوردستان سەرچاوەکەی داگیرکاریە.[1]

ڕێکخراوی ژنانی ئازادی کوردستان-ڕژاک، ڕاگەیەندراوێکی لەبارەی زیادبوونی کوشتنی ژنان، لە هەرێمی کوردستان بڵاو کردەوە، و تێیدا تیشکی خستووەتە سەر هۆکاری زیادبوونی توندوتیژی بەرامبەر بە ژنان و کوشتنی ژنان، لە بەرامبەریشدا داوا دەکات ژنان خۆیان بەڕێکخستن بکەن.
ئەمڕۆ ڕێکخراوی ژنانی ئازادی کوردستان-ڕژاک، ڕاگەیەندراوێکی لە بارەی زیادبوونی توندوتیژییەکان بەرامبەر بە ژنان و کوشتنی ژنان بڵاو کردەوە.
لە ڕاگەیەندراوەکەدا، کە وێنەیەکی بۆ ڕۆژنیوز هاتووە، ڕژاک، ڕایدەگەیەنێت، کە یەکێک لە هۆکارەکانی زیادبوونی توندوتیژییەکان بەرامبەر بە ژنان، ئەو داگیرکارییانەیە کە دەوڵەتی تورک بە هاوکاری هێزە پاوانخوازەکانی هەرێمی کوردستان، ئەنجامی دەدات لە باشوری کوردستاندا، بۆ ئەوەش نمونەی ئەو توندوتیژی و هێرشانە دەهێننەوە، کە لە ڕووداوەکانی 16ی ئۆکتۆبەری ساڵی ڕابردوودا بەرامبەر بە دانیشتوانی کورد و ژنانی کورد لە ناوچە دابڕاوەکان، بەتایبەت دانیشتووانی شارۆچکەی #خورماتوو# ئەنجامدرا، کە لەناویشیاندا دەستدرێژی بۆ سەر ژنان هەبوو، ڕژاک، هۆکاری ئەو توندوتیژییانە بۆ هاندانی ڕق و کینەی نەتەوەکانی ئەو ناوچانە دەگەڕێنێتەوە بەرامبەر یەک، لەلایەن دەوڵەتی تورک و دەوڵەتانی دیکەوە.
لە بەشێکی دیکەی ڕاگەیەندراوەکەدا، ڕژاک دەڵێت: هەموو ڕۆژێک لە شارەکانی هەرێمی کوردستان، هەواڵی کوشتنی ژنان دەبیسترێت، بە گویرەی ئامارێک کە لەلایەن ئاژانسی هەواڵی ڕۆژ نیوز، بڵاو کراوەتەوە، لە سەرەتای ئەمساڵەوە 238 کەس که زۆربەیان ژنن کوژراون و خۆیان کوشتووە، ئەقڵییەتی داگیرکاری، شەڕخواز و چەوسێنەری پیاوسالاری لە کۆمەڵگادا ژنانی کردووەتە ئامانجی شەڕی دەسەڵاتخوازی خۆیان، بەم ڕێگایەدا دەیەوێت هێزی ژنانی ئازادیخواز نەبێتە ئیرادە.
لە بەشێکی دیکەی ڕاگەیەنداروەکەیاندا، ڕێکخراوی ژنانی ئازادی کوردستان، تیشکییان خستووەتە سەر کاریگەری ئەو شەڕ و ناکۆکییانەی کە لە ڕۆژهەڵاتی ناوڕاستدا هەیە لەسەر ژنان، دەڵێن، کە ئەو داگیرکارییانە وایکردووە، کە توندوتیژییەکان لە بەرامبەر ژناندا، تەنها لەلایەنی فیزیکییەوە ئەنجام نەدرێت، بەڵکو سەریکێشاوە بۆ توندوتیژی کلتوری و کۆمەڵایەتی، بەشێوەیەک دەستدرێژی بۆسەر خاک لە هەندێک جێگادا گۆڕدراوە بۆ دەستدرێژی بۆسەر ژنان.
ڕژاک، لە کۆتایی ڕاگەیەندراوەکەیاندا، داوای خۆبەڕێکخستنکردنی ژنان دەکەن لە بەرامبەر ئەو توندوتیژیانەی بەرامبەریان دەکرێت و دەڵێن:‌ گرنگە‌ وەکو ژنانی کورد، بەرامبەر بەم هێزە داگیرکارانە،‌ کە دەستدرێژییان لەسەر خاک و جەستەمان کردووە، لە ئاستی کوردستان و عێراق دا خاوەن هەڵوێستێکی هاوبەش بین، بەتایبەت لەم قۆناغەدا، که کوردستان بە‌ دۆخێکی زۆر هەستیاردا تێدەپەڕێت، ناکرێت بێدەنگبین و تەنیا چاوەڕوانی بکەین، بۆیە داوا دەکەین بۆ ڕووبەڕووبوونەوەی کۆمەڵکوژکردنی ژنان و کۆی گشتی گەلی کورد، با چالاکی و هەڵوێستی هاوبەشمان هەبێت.[1]
#14-10-2018#

[1]