دواڕۆژ، محەمەد مستەفا
لە ماوەی سێ ڕۆژی کاری پاککردنەوەی سەرچاوەی سەرەکی ئاوی خواردنەوەی قەزای #ڕانیە#، 120 بار هەڵگر قوڕ و لیتە لە سەرچاوەی ئاوەکە دەرهێنراوە و بەڕێوبەری ئاوی ڕاپەڕینیش دەڵێت بەهۆی پاککردنەوەی ئەو سەرچاوەیەوە ئاستی ئاوی قەزای ڕانیە بە ڕێژەی 20% زیاد دەکات.
سەلام عومەر، بەڕێوبەری ئاوی ڕاپەڕین بە دواڕۆژی ڕاگەیاند لە ماوەی سێ ڕۆژی ڕابردوودا سەرچاوەی سروشتی ئاوی قولەیان پاککردۆتەوە کە سەرچاوەی سەرەکی ئاوی خواردنەوەی قەزای ڕانیەیە، توانراوە بە قەبارەی 120 بارهەڵگر قوڕ و لیتە لەو سەرچاوە سروشتیە دەربهێنن کە ماوەی 4 ساڵە پاکنەکراوەتەوە.
وتیشی بەهۆی پاککردنەوەکەوە ئاوەکە لە ڕووی تەندروستیەوە لە ئاستێکی بەرزدایە و هاوکات هەر بەو هۆیەوە لە ئێستادا ئاستی ئاوەکە بەڕێژەی لە 20% زیادیکردووە کە بەداخەوە لە ماوەی ڕابردوودا بەهۆی گرتنەوەی ئاوی زێی بچوک ڕووی لە دابەزین کردبوو.
بەڕێوبەری ئاوی ڕاپەڕین باسی لەوەشکرد، ماوەی سی ڕۆژبوو بە هۆی پاککردنەوەی سەرچاوەی ئاوەکەوە، پێدانی ئاو بە بەشێکی زۆری دانیشتوانی قەزاکە وەستابوو، بەڵام لە سبەی پێنجشەممەوە دەستدەکرێتەوە بە پێدانی ئاو بە هاوڵاتیان.[1]
10-11-2017

خەندان کامەران عەبدە ساڵح
لە ساڵی ڕابردووەوە تائێستا، 610 حاڵەتی پێوەدانی دووپشک و مار لەسنووری ئیدارەی ڕاپەرین تۆمارکراوە، شارەزایەکی ئه و بوارەش بەپێویستی دەزانێت لەپێناو چارەسەرکردنی گرفتی زۆربوونی زیانەوەرە ژەهراویەکان، ناوچەکە دەرمانڕێژ بکرێت.
بەپێی ئاماری ڕوداوەکانی 2013ی بەڕێوەبەرایەتی ئاسایشی ڕاپەڕین، لە ساڵی ڕابردووەوە تا ئەمڕۆ 20ی کانونی دووەم، 610 حاڵەتی پێوەدانی دووپشک و مار لەسنووری ئه و بەڕێوەبەرایەتییە تۆمارکراوە، کە زیاتر لە 500 حاڵەتیان پێوەدانی دووپشک بووە.
لە ئامارەکەدا، کە وێنەیەکی بۆ خەندان نێردراوە، ئاماژە بەوە دراوە، ئه و کەسانەی لەوماوەیەدا دوچاری پێوەدانی دووپشک بوونەتەوە، چارەسەری پێویستیان وەرگرتووە و، گەڕاونەتەوە ماڵەکەنیان، تەنها سێ کەسیان کە منداڵ بوون گیانیان لەدەستداوە، چوار له و کەسانەش کە مار پێوەی دابوون، بەهۆی زۆری ڕێژەی زەهر و، کەمی بەرگری جەستەیانەوە گیانیان لەدەست داوە.
لەمبارەیەوە، دکتۆر ڕەمەزان تەها، شارەزا لە زیانی زیانەوەرە زیانبەخشەکان، بۆ خەندان وتی: "وەک زۆربەی ناوچەکانی دیکەی هەرێمی کوردستان، بەشێوەیەکی بەرچاو ڕێژەی مار و دوپشک لە ڕانیە و دەوروبەری زیادیکردووە، تائێستا ژمارەیەکی زۆری هاوڵاتیان له و ناوچەیەدا بەهۆی پێوەدانی ئه و گیانەوەرە ژەهراوییانەوە زیان بە تەندروستیان گەیشتووە.
وتیشی: "پێویستە بە هەوڵی دەزگا پەیوەندیدارەکان، لەپێناو چارەسەرکردنی گرفتی زۆربوونی گیانەوەرە ژەهراوییەکاندا، ڕانیە و دەوروبەری دەرمانڕێژ بکرێت".
بەپێی بەدواداچوونێکی خەندان-یش، لەئێستادا هیچ بەرنامەیەک لە ئارادا نییە بۆ دەرمانڕێژکردنی ناوچەکە.
- 20-01-2014

تاخەکە ل باژێڕوکێ #ڕانیە# یا سەر ب پارێزگەها #سلێمانی#.[1]

گوتەبێژی بەڕێوەبەرایەتی بەرگریی شارستانی #ڕاپەڕین# لەبارەی زیانەکانی ئاگرەکەی #ڕانیە# دەڵێت، زیانی نزیکەی ملیۆنێک دۆلار بە دوکاندارەکان کەوتووە. ڕائید حوسێن عەبدوڵڵا سلێمان، بەڕێوەبەری بەشی هونەری و گوتەبێژی بەڕێوەبەرایەتی بەرگریی شارستانی ڕاپەڕین بە تۆڕی میدیایی ڕووداوی ڕاگەیاند تیمەکانمان لە لێکۆڵینەوەی بەردەوام دان و زیانی نزیکەی ملیۆنێک دۆلار بە دوکاندارەکان کەوتووە. بەڕێوەبەری بەشی هونەری و گوتەبێژی بەڕێوەبەرایەتی بەرگریی شارستانی ڕاپەڕین لەبارەی هۆکاری ڕووداوەکە گوتی ڕووداوەکە بەهۆی شۆرتی کارەباوە بووە و لەکۆی 17 دوکانی بازاڕەکە 12 دوکان سووتاون، ئەو کەلوپەلانەیشی لەناویدا سووتاون کۆمپیوتەر، مۆبایل، ئایپاد و یاری منداڵان و چەند کەلوپەلێکی دیکەی کارەبایی بوون. ڕۆژی هەینی 1-7-2017، ئاگرێک لە ناو بازاڕی مۆبایلفرۆشانی قەزای ڕانیە کەوتەوە، بەهۆی دووکەڵی چڕی ئاگرەکەشەوە چەند کەسێک گەیەنرانە نەخۆشخانەی ڕانیە و بەهۆیەوە 12 دوکان سووتان و زیانی نزیکەی ملیۆنێک دۆلار بەر دوکاندارەکان کەوت. بەهۆی بەرزبوونەوەی پلەی گەرما کەوتنەوەی ئاگر لە ناوچە جیاجیاکان زۆر بووە، هەڵکردنی ڕەشەبایەکی بەهێزیش لە دوو ڕۆژی ڕابردووە ناوچە جیاجیاکانی هەرێمی کوردستانی گرتووەتەوە، هۆکاری تەشەنەسەندنی زیاتر ئەو ئاگرانە بووە.
02-07-2017

ڤیدیۆ: ئاهەنگی بووک گواستنەوە ناو شارۆچکەی #ڕانیە#
بەروار: #06-04-2000#
[1]

ڤیدیۆ: ئاهەنگی بووک گواستنەوەی عەلی قەرەنی
ڕۆژ و ساڵ: #16-06-2000#
شوێن: #ڕانیە# [1]

شوێن: #ڕانیە#
ڤیدیۆ: ئاهەنگی بووک گواسنتەوە لە غاباتی ڕانیە
ساڵ و ڕۆژ: #04-04-1996#
[1]

شوێن: #ڕانیە#
ڤیدیۆ: ئاهەنگی بووک گواسنتەوە ڕانیە
ساڵ و ڕۆژ: #01-04-1996#
[1]

گوندێکە لە بناری چیایی ئاسۆس، لە ناوچەی مەرگە.

لە(26-08-2010) دامەزراوە و دوای ئەوەی یەکەمین کۆنسێرتی خۆی لەڕانیە و سلێمانی پێشکەشکرد و هەمان کۆنسێرتی ئۆرکێسترای سەمفۆنی ڕانیەی لەهەولێر پێشکەشکرد، بڕیاریشە ئەم گروپە وەک ئۆرکێسترایەکی گەورەی کوردستان لەڕانیە، چالاکییە میوزیکییەکانی سەمفۆنیا پێشکەشبکات.