(کەیڵەکەو مامۊ تەم) ی چەنی (چنارە) ی جیاکاریش چېشەن؟

جیا چینەی، کەیڵەکەو مامۊ تەم ی، بە زوانی ئێنگلیسی بە دەسو خاتوو هێرێت ی پەی ملیۆنها کەسی نویسیا، جیاکاریش چەنی چنارە ی چېشا؟
کەسېو جە ئامریکانە پەرساش کە : مارتین لۆتێرکینگ، کێ ڕاس کەردۆ تاکو پەی مافوو سیاو پۆسەکا گژیۆ ؟
بێ شک، کەیڵەکەو مامۊ تەم ی یا ڕیشەکا ئالێکس هەیڵی!
ئارۊ، نزیکەو سی ساڵان کە هەرسات مژنەومێ: هەرېم وەک بەرمیلی بارووتە، شەڕی ناوخۆ دەس پێ دەکاتەوە!
بێ چوون، ئینە ڕوە مڎۊ. وەروو ئینەی، داستانێوە پېسەو چنارە ی، سەرو شەڕە ناوخۆیەکا نەنویسیا.
ئەر دەسەڵاتدارەکۍ کوردەسانی هەریۊشان ملیۆنها دۆلار سەرمایەشا هەن، بۊنەو بەرامەش ئانەن، ئاغا، شێخ، دەوڵەت و (برۆیین سێن) ی، جە هەرېمەنە نەوانیاوە.
داستانەکێ یا بە عام، نویسە بە نرخەکێ، بە خاستەرین شێوە، ژەن و پیا لووت بەرزەکا مارانە ڕا تاکو بە ئاوەزیاری، وێنەو کۊمەڵگای کەرا.
(کەیڵەکەو مامۊ تەم) ی، هەر ئا قسا کەرۍ، کە سیاو پۆسەکێ کەرېنېشا و کەس گۊش نەڎۍ پەنەشان.
چنارە ڕەنج و ناکۆکی، هەزاران ژەن و پیایا کە ململانێ و وێ گەورە دیەی، جە ویروو ئېمەش بەردە بێ.
چنارە، بۍ لانگیری و بە دیاری، دەس منیۊ سەرو ئا زاما کە بە ڕواڵەت نادیاروو بېدەرد، بەڵام پېسەو مۆریانەی تان و پۆ چېرە خەروو کۊمەڵگای موەرا.
چنارە سەرئاخر بە ئېمە ماچۊ کە: گیرەم زاڕۆڵەکێ جە وانگاکا، زوانی هۆرامی فێرێ بیێ!
دماتەر، پېسەو چنارەی چېش هەن، بواناشۆ؟
تا هەزاران چنارێما نەبا، نە زوان، کە هۆرامانێو مەمەنۆ.
دەس وەشی کەروو جە کاک ڕەزا بەهمەنی پەی ئی داستانە بە نرخێ.
بەشکم فرسەتبۊ تاکو فرەتەروو بە وردی، سەرش باس کریۆ.
جە یەک قسە : چنارە تاوشتوو زوانی هۆرامی و نەزان هەرمانی هۆرامیەکا سەرو بە هەرمانە گېرتەو زوانەکەیشا جە سەدان ساڵی وېیەردە تاکو ئارۊی مرمانۆ.
رحمت قادرپور.[1]

چن سەرنجێ سەرو ڕومانو (چنارە) ی

دەس وەشیم پەی .ماموسا سەرکاو فەیروزی پەی بەسۆرانی (وەڵۍ گرچېوینە ئەشېیا کاک سەرکاو نویستێش جەهۆرامیۊ تەرجمەم کەردێنە) کەردەی ڕۊمانەو (چنارە) ی جەنویسیای .م. ڕەزا بەهمەنی هەر پاسە دەس وەشیم پەی م. (ڕەزا) یچ. ئەڵبەت من هۆرامیەکەو م. ڕەزا یم نەڎیەن باسو ورگېڵناکەو مامۊسا سەرکاوی کەرو .دەسو مانیایی هەردویشا وزو سەرو چمام.
من (100) لاپەلېش وانانمۆ بڕێ سەرنجې چی سەد لاپەلانە پەیم ئامێنۍ خیاڵ.
1_ماچۊ مەلا عوسمان هیچ شارەزایێش جە دینیو مەڵایەتی نەبېیەن، کەچی دماتەر نویستەنش مەڵا عسمان ئاما پەی داواکەردەو مارە بڕیەی پەروانەی. ئینە ناجۊرا،
2_فەرماوۊ دەروېش میران تەوەرە گولانەکەش کەرد وەرو بیبنەکەیشەرە. تەوەر نەگەورەو نەگولانەش نمەکریۊ وەرو بیبینیرە. ئانە تەوەرزینا کریۊ وەرو بیبینیرە،
3_پارەشەو دەروېش ماچۊ چەرمایی وەروېو مانگەشەوە تېکەڵۍ بیېبېنۍ یانێ سایەقەن. کەچی دماو بانگوو سەحبی دەروېش مێوە فەرەنجیەکەیش تەکنۊ وەرو سۊبەکەی . یانێ وەروە موارای موارۊ، ئینەیچ تەناقزا
4_باسو کەرۍو هەڵیزژەنای کەرۊ دماماو پاییزینە ، دیارا جەهۆرامانەنە پاییز ئاما بەناڕەحەت جاموڵێ ماس دەس گنۊ .هەڵیزە هینەو وەهاریو ئەوەڵو هامنینە.
5_ دماتەرجەبەشەی یەرەمەنە نویستەنش پەروانەو ئەنوەری مێردش سەرو ئانەی ڕېکۍ کەوتۍ هەر شەوۍ ئەنوەر یانەنە نەبۊ پەروانە بێوە یانەو تاتەیش تاکو ئەنوەر بێوە،
کەچی وەختێ ئەڎاو پەروانەی نەوەشە گنۊ تاتەش بەپەلە مێ شۊنەو پەروانەی هەکە ئینا یانەو ئەنوەری مېردیشو ئەنوەریچ نېیا یانەنە ، ئینەیچ ناجۊرا.
6_جەهۆرامینە وڵکڵە و ورکڵەما هەن وڵکڵە یانێ گورچیلە ورکڵەیچ یانێ دەنگێ جارجار یان فرە بەیۊو وازنارۊ ئەهاماچمۍ ورکە ورکێ هەن یانێ دەنگە دەنگێ مەیۊ .
جامن نمەزانۇ ، م. ڕەزایچ وڵکڵەش نویستەن یان ورکڵە ئەر ورکڵەش نویستەبۊ وڵکڵەکەو م. سەرکاوی هەڵەن.
سوپاس ، بەڕاسی ڕۊمانۍ دڵگیرەن.
مەهدی میکە.[1]

چنارە، ڕەبەنۆک، ڕيبەنۆک، سپی چنە، گوڵ ماس، گوڵەبووک، گوڵەمێرگ، گیامێرگ، ماسماڵ، مێلاقە، هەڵاڵ، هەڵاڵە، شقایق، خاشخاشک، گوڵەخاشخاشک، کاسەشکەن، نانودۆبڕ، الاله (الالە- ا)[1]

ناونیشانی پەڕتووک: چنارە
ناوی نووسەر: ڕەزا بەهمەنی
شوێنی چاپ: پاوە
ساڵی چاپ: 2021
[1]

ناونیشانی پەڕتووک: چنارە
ناوی نووسەر: ڕەزا بەهمەنی
ناوی وەرگێڕ: سەرکار فەیروز
وەرگێڕان لە شێوەزاری: هەورامی [1]

گوندێکە، کەوتووەتە شارەدێی چوارتا(ناوەند)، شارۆچکەی شارباژێڕ، پارێزگای سلێمانی.

گوندێکە سەربە شارەدێی #خورماڵ# لە شاری #هەڵەبجە#.

چنارە، بانە، گۆچانە.
مەبەست لە تەشییە، (تەشی: ئامێرێکی کەلەپووری کوردییە، بۆ ڕستنی خوری مەڕ یان مووی بن بەکاردێت) چنارە، مەبەست لە کلکی تەشییە، بانە، مەبەست لە سەلکی تەشییە، دارێکی بازنەیی دوو دیو تەختە، گۆچانە، مەبەست لە قولاپی تەشییە کە هەڵوێزراوی پێوەگیردەکرێ. وەڵام (تەشی) .[1]

ناونیشانی پەڕتووک: چنارە گەورەی چوارتا
بیرەوەریەکانی سدیق حاجی قادر چوارتایی
ناوی ئامادەکار: #ئاوات ئەبوبەکر ئەحمەد#
شوێنی چاپ: #سلێمانی#
ساڵی چاپ: 2022
[1]

چی مەشۊم ڕۊمانەو (چنارە) ی بوانمېوە؟
بەشۍ: یەکەمە
ئی وتارمە چی نویست؟

چن ڕوێو چېوەڵتەر وتارێوەم نویست سەرو ڕۊمانەو چنارەی، نویستەو م. ڕەزا بەهمەنی، ئەپی تیترە: (چن وەڵامێ کوڵێ پەی ئی پەرسێ: چی ڕۊمانەو چنارەی ڕۊمانێوە زەعیفەنە؟) شۆنوو ئانەیرە وتارەکە بە دەسو وانەرا جم و جووڵش پەنە کریا و فرە شەیر کریا، بڕېو جە وانەرە ئازیزا و بەشێوە فرە جە وانەراو ڕۊمانەو چنارەی، بەهەڵە یاوێبێنێنە ئەسڵوو مەتڵەبی، ئینەیچ هەر بۊنەو ئانەیوەن کە بە داخ و نیگرانیېوە فرەوە، فەزاو هۆرامانینە و بە تایبەت‌تەر، فەزاو ڕەخنەینە، پا جۊرە کە مشۊ و مەبۊ_ن هەڵای مەزانمێ ڕەخنە چېشا و زاتوو ئی چەمکی، ڕەسالەتی سەرەکەیش چە چیوانێ گېرۆوە. ڕەخنەگرە وەڵینەکێ دد٘انشا نیان پینەیرە وەختێوە ڕەخنە مێ و سەرو بەرهەمێوە قسێ کەرۊ و ئەوەوانایش کەرۊ، دیارا ئی دەقە پتانسیێلوو ئانەیشە بېیەن کە سەرش قسێ کریا. بە مانایېوە تەر؛ ئی بەرهەمە ئاننە خاسیش هەن کە ڕەخنە بەش بە حاڵوو وېش لایېوە کەرۊوە پەی بەشێوە جە لایەنە لاوازەکاش و هەوڵ مدۆ ئەر خەسارێوەش چەم پەنە گنۆ، حەتمەن نیشانوو وانەری و نویسەریش بدۆ. من بە ماوەو ئی چن ساڵەی هەرچی وتارم نویستەبۆ سەرو دەقە هۆرامیەکا، دیارا بە گرد٘ی سەرو شیعرێ نویستەنم و حەزم نەکەردەن بلوونە بەشەکای تەری، بە تایبەت ئەدەبېیاتی داستانی. وەلێ بە سەرنج دای پەی موتالاو وېم کە ساڵانێوە فرەن ڕۊمان وەنېوە عالنا و بە تازەییچ ڕۊمانەو چنارەیم وەناوە، بە حەیفم زانا سەرو ئا بەشا کە بەحسم کەردێبێنێ وتاری وەڵیننە، قسێ نەکەروو. لایېوە تەرەو هەر چی ڕوانە پی دەسکۆتی یاوانی کە بە ڕاسی هۆراماننە وانەری تێژ و ورد٘وینما فرە فرە کەما. شۆنوو وەڵا بېیەیوەو وتارەکەی (هەر ئانە کە سەرۆ ئیشارەم پەنە کەرد) سەرنجەو بەشێوە جە کامێنتوو ویر و ڕاکام دا و بەعزێ جە وانەرا شکایەتوو ئینەی کەرېنێ کە مەبۊ جارێ بەحس کریۆ سەرو ڕۊمانەو چنارەی، پینەی داستانەکێ لۊ نەدریۆ و ئا کەسا کە هەڵای نەوەنێنەشاوە یا هەڵای ڕۊمانەکېشا نەتەمامنێنە، با خەبەرداروو عاقیبەتوو داستانەکێ نەبا و جە زوانی یۊ تەریوە نەیاوا پینەی کە عاقیبەت و ڕۊزگاروو کەسایەتیەکا چېشش سەر مێ و وېشا ڕۊتوو وەنایوەنە یاواش پەنە! یانی تاکو ئی حەننا ئاماتۆر! یانی وانەر تەنیا ئامان بزانۆ ڕیک پېسەو حەکیەتێوە کۆتاییو ئی چیرۆکێ چېشا! باعیسێ تەر پەی ئی بابەتی ئانەن کە بەشە پۆزەتیف وئەرۍنیەکاو ئی ڕۊمانێ فرێشا هەنێ وەروو چەماوەو و وانەر ئیتر مەگەر فرە گېلبۊ نەوینۊشا؛ کە پاسەن وەختێ من مەو سەرو لاوازی ئی ڕۊمانێ باس کەروو، ئەپی مەعنانە کە بە خاسم زانێنە و تەنیا ئامانا ئا لاوازیا کە لەتمەشا دێنە خاسیەکاش واچووشا، چوون باری خاسیش گرد وانەرێ فامۆش و یاڤۆشنە، وەلێ پاسە دیارا کوتوو فرەو وانەرەکا مەزانا خاسیش کامەن و هەر پی بۊنەوە ئامانی چی وتارنە بە کوڵی باسوو بەشێوە جە خاسیەکاو ڕۊمانوو چنارەی کەروو پەی ئا وانەرا کە مەزانا ئی ڕۊمانێ چی خاسەنە! ڕەنگا ئەر یاگێوە تەر و دۊخێوە تەرنە ژیوێنمێ، لازم بە نویستەی وتاری چینەی نەبېیایا وەلێ ماچوو: هەر ئینەی مەجبوور کەردا ئی وتاری سەرو خاسیەکاو ئی ڕۊمانێ بنوېسو.
فەرشید ڕۆستەمی.[1]