بەناوی خودای مەزن و دلۆڤان
بۆ خانەوادەی بەڕێزی سمایل ئاغای ئێلخانیزادە
بەداخەوە هەواڵی کۆچی دوایی وەزیری ڕێگەوبان لە سەردەمی کۆماری کوردستان، سمایل ئاغای ئێلخانیزادە – مان پێ گەییشت.
لەم بۆنە خەمناکەدا پرسە و سەرەخۆشیی خۆم بە خانەوادەی بەڕێزتان و سەرجەم خزم و کەسوکارتان ڕادەگەیەنم و بەشداری خەمتانم.
لە خودای گەورە داواکارم گیانی سمایل ئاغا بباتە بەر دلۆڤانیی خۆی و دڵنەوایی و ئارامییش بە گشت لایەک ببەخشێت.
انا لله و انا الیه ڕاجعون
مەسعود بارزانی
سەرۆکی هەرێمی کوردستان
23-05-2016

#نێچیرڤان بارزانی#: لەدەستدانی خوالێخۆشبوو #عەلی قازی محەمەد# خەمباری کردین
بۆ بنەماڵەی ڕێزداری پێشەوا قازی محەمەدی نەمر
کۆچی دوایی و لەدەستدانی خوالێخۆشبوو عەلی قازی، کوڕ و یادگاری پێشەوا قازی، خەمباری کردین. پرسە و سەرەخۆشیی قووڵم ئاراستەی ئێوە و تەواوی کەسوکار و هاوڕێیانی خوالێخۆشبوو و گەلی کورد بەگشتی دەکەم، هاوسۆز و هاوخەمتانم.
لە خوای مەزن داواکارم ئارامی و دڵنەوایی بە هەمووان ببەخشێت و گیانی خوالێخۆشبوو عەلی قازی بە بەزەیی و میهرەبانیی خۆی شاد بکات. یادی بە خێر.
نێچیرڤان بارزانی
سەرۆکی هەرێمی کوردستان
[1]

[1]

پیرۆزبایین سەرۆکى هەرێمى کوردستان، #نێچیرڤان بارزانی# بە بۆنەی ساڵیادی دامەزراندنی هەر دوو حزبی شیوعی کوردستان و حزبی شیوعی ئێراق
ئەمڕۆ 31ى ئازار، لە یادى دامەزراندنى هەردوو #حزبى شیوعی ئێراق# و #حزبی شیوعی کوردستان# دا، بە گەرمى پیرۆزبایى لە سەرکردایەتیى هەردوو حزب و ئەندامان و جەماوەریان دەکەم، هیواى سەرکەوتنیان بۆ دەخوازم. بە ڕێز و پێزانینەوە لە ڕۆڵ و ئامادەیى و قوربانی و مێژووى خەبات و تێکۆشانیان لەسەر ئاستى ئێراق و هەرێمى کوردستان دەڕوانین.
لەم یادەدا جەخت لە پێویستی و گرنگیى پتەوکردنى کارى پێکەوەیى و یەکڕیزى و تەبایى لەنێو تەواوى لایەنە سیاسییەکان و پێکهاتەکانى ئێراق و هەرێمى کوردستاندا دەکەینەوە بۆ تێپەڕاندنى تەحەدى و سەختییەکان و خزمەتێکى باشتر بە ئێستا و داهاتووى گەل و وڵاتەکەمان.
سڵاو لە گیانی شەهیدانی حزب شیوعی و تەواوی شەهیدانی کوردستان.
نێچیرڤان بارزانى
سەرۆکى هەرێمى کوردستان
#2023-03-31#
[1]

جەژنی ڕەمەزان لە خانەوادە و کەسوکاری سەربەرزی شەهيدان و پێشمەرگە قارەمانەکان و لە تەواوی موسڵمانان لە کوردستان، عێراق و هەموو جيهان پيرۆز دەکەم. هيوادارم هاتنەوەی ئەم جەژنە هاندەری زياتری هەموومان بێت بۆ تەبايی، يەکڕيزی، لێبوردەيی، پێکەوەژيان و يەکترقبووڵکردن، لەگەڵ خۆيدا خێر و خۆشی بهێنێت و جەژن و بۆنەکانی داهاتوومان لە کەش و دۆخێکی باشتردا بکەينەوە.
جەژن لە کاتێکدا دێتەوە کە هەرێمی کوردستانيش وەک وڵاتانی ناوچەکە و جيهان، ڕووبەڕووی مەترسيی بڵاوبوونەوە و پەرەسەندنی زياتری پەتای ڤايرۆسی کۆرۆنا و لێکەوتە هەمەلايەنەکانی بووەتەوە، بۆيە پێويستە هەموومان لە هەرێمی کوردستان پێکەوه، يەکڕيز و تەبا کار بکەين و هاوکار و يارمەتيدەر بين بۆ ڕووبەڕووبوونەوەی ئەم دۆخە و تێپەڕاندنی سەختييەکان. تەنها بە کاری پێکەوەيی و تەبايی و هاوکاريی هەموو لايەکمان، وەک قەيرانەکانی پێشتر دەتوانين ئەم دۆخەش تێپەڕێنين و پێکەوه بەسەرياندا سەرکەوين.
لەم بۆنەيەدا دووپاتی دەکەينەوە کە سەرۆکایەتيی هەرێمی کوردستان وەک چەترێک دەبێت بۆ تەبایی و یەکگرتوویيی هەموو هێز و لایەنە سیاسیيەکان و پێکهاتەکانی کوردستان و نوێنەرايەتيکردنی هاووڵاتیان بە تەواوی جیاوازيی ئینتیمای حزبی و سیاسی و نەتەوەیی و ئایينی و کولتوورييەوە، لەم پێناوەشدا و بۆ چارەسەرکردنی کێشەکان و باشترکردنی ژيان و گوزەرانی هاووڵاتيان، لە کار و هەوڵەکانی بەردەوام دەبێت.
جەژنی ڕەمەزان لە هەمووان پيرۆز بێت، هيوای سەلامەتی و تەندروستييەکی باش بۆ هەمووان دەخوازم و داوا لە هاووڵاتيانی خۆشەويست دەکەم ڕێنمايييەکانی خۆپارێزی ڕەچاو بکەن.
خوای مەزن کوردستان و هەموو لايەک بپارێزێت.
#نێچيرڤان بارزانی#
سەرۆکی هەرێمی کوردستان
#23-05-2020#

=KTML_Bold=#نێچیرڤان بارزانی# سەرۆکی هەرێمی کوردستان، بۆ یادی 25ی نۆڤێمبەر کە ڕۆژی جیهانیی بەرەنگاربوونەوەی توندوتیژی دژی ئافرەتانە، پەیامێکی بڵاو کردەوە.=KTML_End=

ئەمڕۆ 25ى نۆڤەمبەر لە ڕۆژى جیهانیى بەرەنگاربوونەوەى توندوتیژى دژى ئافرەتاندا، هەموو پشتگیرییەک بۆ کەمپەینى 16 ڕۆژەى کار و چالاکییەکانى بەرەنگاربوونەوەی توندوتیژی دژی ژنان دووپات دەکەینەوە. لێ بڕاوانە بەرامبەر بە هەر جۆرە توندوتیژییەک دژى کچان و ژنان و هەراسانکردنیان لە هەر کوێ و بە هەر پاساوێک بێت، دەوەستینەوه.
لەم ڕۆژەدا یادی هەموو ئەو ئافرەتانە دەکەینەوە کە ستەمیان لێ کرا و لەبەر ڕەگەز و جیاوازییان، ژیانیان لێ سەندرایەوە. هیچ شتێک دادی ئازارى گەورەی خێزان و دایک و باوکانى ئه و قوربانییانە نادات. تاکە دڵنەوایى بۆ ئەوان تەنیا ئەوەیە هەموومان پێکەوە کار بکەین بۆ ئەوەى دادوەرى بۆ قوربانییان جێبەجێ بکرێت. هەروەها بە پێزانینەوە لە ڕۆڵى خانمانى چالاکوان و مامۆستایانى ئایینى و هەموو ئەوانە دەڕوانین کە بە هەر شێوەیەک بێت، بۆ باشترکردنى دۆخى ئافرەتان کار دەکەن.
لەم یادەدا پابەندیمان دووپات دەکەینەوە کە بە ئیرادەیەکى پته و و بە جددى بەرەنگارى هەموو توندوتیژى و پێشێلکارى و دەستدرێژییەک بەرامبەر بە ئافرەتان و مافەکانیان دەبینەوە. لە هەماهەنگى و کارى هاوبەشمان لەگەڵ لایەنە پەیوەندیدارەکان لە هەرێمى کوردستان و لەسەر ئاستى عێراق و نێودەوڵەتیش بەردەوام دەبین. هەرگیز له کار و هەوڵدان بۆ بنیاتنانى کۆمەڵگەیەکى ئازاد و دادپەروەر و یەکسان کۆڵ نادەین. [1]

نێچیرڤان بارزانى
سەرۆکى هەرێمى کوردستان
#25-11-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

کاک مستەفا مەولوودی، سکرتێری گشتیی حیزبی دێموکراتی کوردستان بەبۆنەی هەڵبژێرانی کاک #نێچیرڤان بارزانی# بە سەرۆکی نوێی هەرێمی کوردستان پەیامێکی ئاراستەی بەڕێزیان کردوە و هیوای خواستوە کە کورد لە باشووری کوردستان بە یەکگرتوویی زیاترەوە بەرەوڕووی ئەگەر و ئاستەنگەکانی قۆناغی نوێی ژیانی سیاسیی بێتەوە.
دەقی پەیامەکە بەمجۆرەیە:
بەڕێز جەنابی کاک نێچیرڤان بارزانی، سەرۆکی هە ڵبژێردراوی هەرێمی کوردستان
لەگەڵ سڵاو و ڕێز!
بەبۆنەی هەڵبژێرانی جەنابت به سەرۆکی نوێی هەرێمی کوردستان، بە ناوی خۆم و هاوڕێیانم له ڕێبەریی حیزبی دێموکڕاتی کوردستاندا گەرمترین پیرۆزباییت لێ دەکەم.
هیوا دەخوازین له و هەلومەرجه گرینگ و هەستیارەدا که گەلی کورد پێیدا تێ دەپەڕێ، خەڵکی کورد له باشووری کوردستان به لێک تێگەیشتن و یەکگرتوویی زیاترەوه ڕووبەڕووی ئەگەر و ئاستەنگەکانی ئەم قۆناغه ببنەوه.
لەگەڵ ئاواتی سەرکەوتنتان له ئەرکی نوێدا.
مستەفا مەولوودی
سکرتێری گشتیی حیزبی دێموکڕاتی کوردستان
#29-05-2019#

بەڕێزان هاوسەرۆکان و ئەنجومەنی باڵای سیاسی و بەرژەوەندی و مەکتەبی سیاسيی #یەکێتیی نیشتمانیی کوردستان#
لە (45)هەمين ساڵيادی دامەزراندنی یەکێتیی نیشتمانیی کوردستاندا، پیرۆزبایی لە ئێوەی بەڕێز و سەرکردایەتی و تەواوی ئەندامان و جەماوەری یەکێتی دەکەم، هيوای سەرکەوتنتان بۆ دەخوازم.
یەکێتيی نيشتمانيی کوردستان، بەشێکی گرنگی بزووتنەوەی ڕزگاریخوازيی کوردستانە، لەگەڵ پارتی ديموکراتی کوردستان و لایەنەکانی دیکەدا، هاوبەشی سەرەکی بوونە لە دەسکەوتەکان و پرۆسەی سیاسی و بنياتنانی دامەزراوەکانی هەرێمی کوردستان و لە چەسپاندنی مافەکانی گەلی کوردستان لە دەستووری عێراقدا.
ئێستاش لە کاتێکدا هەرێمی کوردستان وەک عێراق و ناوچەکە، ڕووبەڕووی دۆخێکی هەستيار و تەحەدياتی گەوره بووەتەوە، لە هەموو کاتێک زياتر پێويستيمان بە تەبايی، کاری هاوبەش و يەکڕيزی هەيە کە تاکە ڕێگەی سەرکەوتن و بنەمای هەموو دەسکەوتەکانە. لە ڕابردوودا هاوکاری و هەماهەنگيی سەرۆک #مام جەلال# کە ئەمڕۆ به ڕێزەوه يادی دەکەينەوە، لەگەڵ سەرۆک مەسعوود بارزانی، سەلمێنەری ئه و ڕاستييەن.
بۆ سەقامگيريی سياسی و یەکهەڵوێستی لەسەر پرسە سەرەکییەکانی گەلی کوردستان، تێپەڕاندنی سەرکەوتووانەی دۆخەکە، پاراستنی قەوارەی دەستووريی هەرێمی کوردستان و دەستەبەرکردنی مافە دەستوورييەکانی گەلی کوردستان، سەرۆکایەتيی هەرێمی کوردستان لەگەڵ هەموو لايەن و پێکهاتەکان لە هەوڵەکانی بەردەوام دەبێت، چاوەڕێی هەڵوێستی کوردستانیانەش لە هەمووان دەکەین.
لەم يادەدا دروود بۆ گيانی شەهيدانی يەکێتيی نيشتمانيی کوردستان و تەواوی شەهيدانی کوردستان کە گيانيان لەپێناو ئازاديی گەلەکەياندا بەخشی، سەری ڕێز و نەوازش لە بەردەمياندا دادەنوێنين و سڵاو و ڕێز بۆ خانەوادە سەربەرزەکانيان دەنێرين.
#نێچیرڤان بارزانی#
سەرۆکی هەرێمی کوردستان
#31-05-2020#

بە بۆنەی یادی پیرۆزی لە دایکبوونی پێغەمبەری ئیسلامەوە حەزرەتی محەمەد (دروودی خوای لەسەر بێت) گەرمترین پیرۆزبایی لە موسڵمانانی کوردستان و عێراق و جیهان دەکەم.
هیوادارم ئەم یاد و بۆنە پیرۆزە، خێر و خۆشی و ئاسوودەیی لێ بکەوێتەوە و هاندەر بێت بۆ پابەندبوونی زیاتر بە بەها و وانە مەزنەکانی پەیامی ئاشتیخوازانەی ئایینی ئیسلامەوە.
با هەموو لایەکمان ئەو یادە بکەینە دەرفەتی قووڵکردنەوەی زیاتری گیانی لێبوردەیی و چاکەخوازی و برایەتی و پێکەوەژیانی ئاشتییانە.
لەم بۆنە پیرۆزەدا لە خوای مەزن تکا کارم، گەلی کوردستان و عێراق و موسڵمانان و مرۆڤایەتی لە هەموو نەهامەتییەک بپارێزێت. [1]
#نێچیرڤان بارزانی#
سەرۆکی هەرێمی کوردستان
12ی ڕەبیعی یەکەمی 1444 کۆچی

بە ناوی خوای مەزن و دلۆڤان

لە بیست و دووەمین ساڵیادی ڕاپەڕینی خەڵکی کوردستان لە دژی چەوسانەوە و داگیرکاریدا گەرمترین پیرۆزبایی لە خەڵکی سەربەرزی کوردستان بە هەموو پێکهاتەکانیەوە دەکەین. هیوادارین ئەو یادە پیرۆزە ببێتە مایەی بەهێزی و بەردەوامیی ئەزموونەکەمان و پاراستنی ئەو دەستکەوتانەی بە خوێنی شەهیدان و خەبات و کۆڵنەدانی گەلەکەمان هاتوونەتە دی.

ڕاپەڕین خاڵی وەرچەرخان بوو لە ژیانی گەلی کورد و بزووتنەوەی ڕزگاریخوازی کوردستان و ئەوەی سەلماند کە دەکرێ بە یەکڕیزی گەورەترین سەرکەوتن تۆمار بکرێت. حەق وایە گەلی کوردستان و هێزە سیاسییەکان هەمیشە ئەو ئەزموونەیان لەبەرچاو بێت و لە یادی نەکەن.

لە ڕاپەڕیندا کورد پێشانی جیهانیدا گەلێکی لێبووردە و ئاشتیخوازە و بیر لە تۆڵەکردن ناکاتەوە. لەو یادەدا داوا لە هاووڵاتییانی کوردستان و تێکڕای هێز و لایەنە سیاسییەکان دەکەم هەموومان بۆ بەهاکانی ڕاپەڕین بگەڕێینەوە و بیکەینە هەوێنی سەربڵندیی گەلەکەمان و قووڵترکردنی دیموکراسی و پێکەوەژیان و بڕوابەخۆبوونی تاکی وڵاتمان. هەر بەو بۆنەیەشەوە هەزاران سڵاو بۆ گیانی پاکی شەهیدانی ڕێگەی کورد و کوردستان دەنێرین کە خوێنی ئاڵی ئەو ئازیزانە بوو ئازادی و سەروەری بۆ گەلەکەمان بەدی هێنا.

مسعود بارزانی
سەرۆکی هەرێمی کوردستان
5ـی 3ـی 2013