دەقی پرسەنامەکەی جەعفەر شێخ مستەفا:
بە داخم بۆ ماڵئاوایی تا ئەبەدی و شەهید بوونی گەنجێکی پڕ لە وزە و خوێن گەرم بۆ ئاسایش و سەقامگیری کوردستان، ناوێکی دیار و درەوشاوەی ناو هێزەکانی پێشمەرگە، بە ئەمەک و بە وەفا بۆ هاوڕێ و هاوسەنگەرانی، تێکۆشەرێکی ئازاو بوێر لە مەیدانی ڕوبەڕوبوونەوەدا، دڵسۆز و پاک لە کار و ئەرکەکانیدا، سادەیی و خاکی بوونی لەگەڵ دەوروبەردا، شەهید فەرماندە ئاکام عومەر.
ماڵئاوایی یەکجاری لە فەرماندەیەکی نزیک لە ڕۆحم وا ئاسان نییە، هێندەی کوڕێک، هێندەی پێشمەرگەیەک پێگەی لە دڵ و ڕۆحمدا کردەوە. بەڵام کە خۆی ڕۆحی بۆ نیشتیمان بە خشیبوو بەر لە شەهید بوونی، لە ئەمڕۆدا دەبێت بە شانازییەکی پڕ لە مرۆڤایەتی و هێز و ورەی نیشتیمان پارێزیمان بۆ ئێمە و هاوسەنگەرانی، شەهیدی فەرماندە هەمیشە هێزی دەبەخشی بە دەوروبەرەکەی، هیچ کات سڵی نەکردۆتەوە لە پاراستنی کوردستان، سەرەڕای چەند جارێک لە بریندار بوونی لە ڕوبەروبوونەوەکانی دژ بە تیرۆر و تیرۆریستان، سات لەدوای سات زیاتر ڕۆحی خۆبەخشی دەدایە بەر گیان و جەستەی لە پێناو سەروەری و پاراستنی شکۆی کوردستان
دڵنیام بە شەهید بوونی فەرماندە ئاکام کەلێنێکی گەورە دروست دەبێت لە سەنگەرەکانی دژ بە ڕوبەڕوبوونەوەی تیرۆر و ناحەزانی گەلی کورد، لە هەمان کاتدا دڵخۆشیشم بەو هێزەی کە لەسەر دەستی ئەم پەروەردە بوونە و گومان لە ئازایی و بوێرییان ناکەم، هێزەکەی بەردەوام دەبێت لە قوربانیدان و گیانفیداییان لە تۆڵەی خوێنی فەرماندە ئازا و دڵسۆزەکەیان کە بۆ خاک و نیشتیمان خۆی کردە قوربانی.
درود بۆ ڕۆحی پاکی شەهید کاکە ئاکام، سەرەخۆشیم بۆ خانەوادە و هاوڕێ و هاوسەنگەرانی هەیە، ماڵئاوایی لە فەرماندەیەک کە سامانێکی گەلێک بوو وا ئاسان نییە، ئەو بوو بە سیمبول و سەرمەشقی دڵسۆزی و ئازایەتیی بۆ خاک و نیشتیمان، دەخوازم لە یەزدان بە میهرەبانیی و بەخشندەیی خۆی ڕۆحی پاکت بە بەهەشت شاد بکات، یاد و یادەوەرییەکانت هێزمان پێ ببەخشێت بۆ تۆڵەکردنەوەی خوێنی پاک و گیانی پڕ لە ئازایەتیت.
شێخ جەعفەر شێخ مستەفا
جێگری سەرۆکی هەرێمی کوردستان[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی جەعفەر شێخ مستەفا:
پرسە نامە
بۆ برای بەڕێزم کاک کۆسرەت ڕەسوڵ عەلی
سەرۆکی ئەنجومەنی باڵای سیاسیی و بەرژەوەندی یەکێتیی نیشتمانیی کوردستان.
بە داخ و پەژارەیەکی زۆرەوە هەواڵی کۆچی دوایی خاتوو زوبێدە سەعید ئۆمەر-ی دایکی بەڕێزتانم پێگەیشت.
دایکی بەڕێزتان نموونەی ژنێکی تێکۆشەر و خۆڕاگر و ماندوو بوو لە خەباتی پێشمەرگایەتی، سیمبول و ورەیەکی بەرز بوو لە شاخ بۆ برا پێشمەرگەکان و گشت دایکانی پێشمەرگە و ژنانی شۆڕشگێڕی ڕێگای ڕزگاریخوازی کوردستان.
بەم بۆنە خەمناکەوە پرسە و سەرەخۆشی و هاوسۆزی خۆم ئاراستەی بەڕێزتان دەکەم، داواکارم لە یەزدان بە میهرەبانی و بەزەیی خۆی گیانی خوالێخۆشبوو بە بەهەشتی بەرین شاد بکات و ئارامی و دڵنەوایش بە بەڕێزتان و خانەوادەکەتان ببەخشێ.
شێخ جەعفەر شێخ مستەفا
جێگری سەرۆکی هەرێمی کوردستان
2022/2/28[1]



⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

پرسەنامەیەک لە جێگری سەرۆکی هەرێمەوە
بەڕێزان خێزان و بنەماڵەی کۆچکردوو #عومەر نۆغەرانی#
بە داخ و پەژارەیەکی زۆرەوە هەواڵی کۆچی دوایی هەڤاڵ (عومەر نۆغەرانی)، تێکۆشەر و پێشمەرگەی دێرین و سەرۆکی کۆمەڵەی ڕێکخستنە دێرینەکانی #یەکێتیی نیشتیمانیی کوردستان#م پێگەیشت.
بەم بۆنە خەمناکەوە پرسە و سەرەخۆشی و هاوسۆزی خۆم ئاراستەی خێزان و بنەماڵە تێکۆشەرەکەتان دەکەم، داواکارم لە یەزدان بە میهرەبانی و بەزەیی خۆی گیانی خوالێخۆشبوو بە بەهەشتی بەرین شادبکات و ئارامی و دڵنەوایش بە ئێوە و خانەوادە و کەسوکار و ئازیزانتان ببەخشێ. [1]

إنا لله وإنا إلیە ڕاجعون
#شێخ جەعفەر# شێخ مستەفا
جێگری سەرۆکی هەرێمی کوردستان
#17-06-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

نێوانی #یەکێتیی نیشتمانیی کوردستان# و #پارتی دیموکراتی کوردستان# نەک قاچ شکاندن گەیشتۆتە یەکتر بڕینەوە
هێزێک کە کەس نازانێ کێیە؟ دەوری ماڵی جێگری سەرۆکی حکومەتیدا، ئەگەر جیهەتێکی بەقووەت پشتی نەبێت چۆن دەتوانێت لە #هەولێر# کارێکی وا بکات و هەڕەشە لە جێگری سەرۆکی حکومەت بکات؟
مەگەر لە شەڕی ناوخۆ دۆخی کوردستان ئەوەنە خراپ بوو بێت.
یەکێتی هیچ سنورێکی نییە و لە هەموو کوردستانە.
خەڵک برسییە و دۆخی خراپە و ناڕازییە.
ململانێیی یەکێتی و پارتی لە لوتکەدایە و لێک ترازاندایە.
پارتی لە ئێمە زیاتر لە دۆخی ناو پارتی ناڕازین.
پارتی ئێستا حزب نییە شەخسە، هیچ هاوپەیمانێتییەک لە نێوانمان نەماوە.
لەو ناوچانەی یەکێتی باڵا دەست ترە حکومەت سزای دەدات و ئاوەدانی ناکاتە ئەو ناوچانە
نێوانی یەکێتی و پارتی نەک قاچ شکاندن گەیشتۆتە یەکتر بڕینەوە، بە ئاشکرا دوو ئیدارەیی هەیە و شتێکی نهێنی نییە.
سەرۆکی هەرێم تا ئێستا پیادەی دەسەڵاتەکانی خۆی نەکردووە. [1]

#جەعفەر شێخ مستەفا#، جێگری سەرۆکی هەرێم دەربارەی دواین زانیاری لەسەر کێشەکانی نێوان #پارتی دیموکراتی کوردستان# و #یەکێتیی نیشتمانیی کوردستان# لە لێدوانێکیدا، بە ڕۆژنامەنووسانی ڕاگەیاند (یەکێتی وەک گەورەترین هێز خاوەنی زۆرترین شەهید و کەمئەندام و زیندانی سیاسییە، فەرماندە #ئاکام عومەر#، یەکەم شەهید نییە کە یەکێتی دەیدات لە پێناو خاکی کوردستان، بەڵام دەبێت لە پێناو ئارامی و پارێزگاریکردن لەم دەستکەوتانە یەکێتی و پارتی دوور بکەونەوە لە هەموو بارگرژییەک لە پێناو بەرژەوەندی گشتی).
جەعفەر شێخ مستەفا وتیشی ”دەستکەوتەکان بە خوێن بەدەستهاتوون و بە خوێن بەرگری لێدەکەین، هەتا وەکوو سەربەخۆیی کوردستان بەردەوام دەبین”.
جێگیری سەرۆکی هەرێم دەربارەی کۆبونەوەی سەرجەم هێزە سیاسییەکان وتی ”سەرۆکایەتی هەرێم، هەموو هەنگاوێک دەنێت تا سەرجەم هێز و لایەنەکان کۆبکاتەوە، بەڵام چاوەڕێی ئەوەین پارتی بێتە پێشەوە”. [1]

دەقی سوپاسنامەکەی یەکێتیی ژنانی کوردستان:
بەڕێز کاک شێخ جەعفەر شێخ مستەفا
جێگری سەرۆکی هەرێمی کوردستان
بەسوپاسێکی زۆرەوە بۆ پیرۆزبایتان لە ساڵڕۆژی دامەزراندنی ڕێکخراوەکەمان، ڕێکخراوی یەکێتی ژنانی کوردستان. هیوادارین بەهەمان گیانی پێشمەرگایەتی و ئازادیخوازیتانەوە بەردەوام پشتیوانی یەکێتی ژنانی کوردستان و خەباتی ڕەوای دیموکراسی و ئازادیخوازی ژنانی کوردستان بن.
دووبارە سوپاس
کافیە سلێمان
سکرتێری یەکێتی ژنانی کوردستان[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

بە مەبەستی پاڵپشتی کردن لە ستافی مەشق و دەستەی ڕاهێنەرانی تیمی تۆپی پێی یانەکەیان، ئێوارەی ڕۆژی چوارشەممە #29-11-20123# و لەنێو بارەگەی یانەی وەرزشی پێشمەرگە بەڕێز #شێخ جەعفەر شێخ مستەفا# سەرۆکی یانەی وەرزشی پێشمەرگە بە ئامادەبوونی هەریەک لە بەڕێزان حاکم #مەحمود ئەحمەد موراد# جێگری سەرۆکی یانە و (م.شێرزاد محەمەد حەسەنی سکرتێر و موسا ڕەئوف، نەشمیل محەمەد و زرنگ سەڵاح ئەندامانی دەستەی کارگێڕی) چاوی کەوت بە هەریەک لە، عەمار حسێن-ڕاهێنەری یەکەم و سەدام سەلمان ڕاهێنەری گۆڵپارێزان و مستەفا جاسمی ڕاهێنەری جەستەی تیمی تۆپی پێی یانەکەیان، هەروەک لەو دیدارە وەرزشییەدا سەرۆکی یانە پیرۆزبایی خۆی لەم ستافە نوێیە کرد و هیوای سەرکەوتنی لە ئەرکەکەیان بۆ خواستن ئاماژەی بەوەشکرد کە بە گرنگییەوە چاويان لە ئەنجامەکانی یاریەکانیان دەبێت لە خولی نایابی یانەکانی ئێراق بەو پێگەیەی ئەم وەرزە جیاواز دەبێت و یانەکان ڕکابەری بۆ گەیشتن بە خولی سوپەر لیک (پیشەگەران) دەدەن.
سەرۆکی یانە پاڵپشتی یانەى بۆ دووپات کردنەوە و هیوای خواست لە جەولەی یەکەمی یارییەکان تا کۆتای سەرکەوتن لە دوایی سەرکەوتن لەگەڵ یاریزانەکان بە خاڵی گرنگەوە بگێڕنەوە بۆ یانەکەیان.
پاشان حاکم مەحمود جێگری سەرۆکی یانەی پێشمەرگە لە وتەیەکدا ئاماژەی بەوەکرد کە تیمی ئەم وەرزەیان جیاوازە و لە خولێکی جیاوازدا بەشداری دەکەن و ئاستێکی بەرزی دەبێت هەر بۆیە دەبێت پشت بە خوای گەورە یەک دەستبن و بڕوایان بەخۆیان بێت تا وەک تیمەکانی تازەپێگەیشتووان و لاوانیان بە ئەنجامی کاریگەرەوە خولەکە جێبهێڵن و بگەنە ئاستی یانەکانی خولی پیشەگەران بۆ وەرزی داهاتوو.
لە کۆتایشدا ستافی ڕاهێنەران سوپاسی خۆیان ئاڕاستەی سەرۆکی یانە و جێگری سەرۆک و ئەندامانی دەستەی کارگێڕی کرد کە بەردەوام پاڵپشتی لە تیمی تۆپی پێ‌ دەکەن و بەڵێنیان دا کە بە گرنگییەوە کار بۆ گەیشتن بە خولی پیشەگەران بکەن و دڵی هاندەرانی یانەکەیان و شاری #سلێمانی# خۆش بکەن.
[1]

لەهەندێک سایت و لاپەڕەکانی تۆڕە کۆمەڵایەتیەکان زانیاری هەڵبەستراو لەسەر #شێخ جەعفەر# شێخ مستەفا فەرماندەی #هێزەکانی 70#ی پێشمەرگەی کوردستان بڵاوکراوەتەوە کە گوایە چارەنوسی نادیارە.
سەرلەبەری ئەو دەنگۆیانە ڕەتدەکەینەوە و ئێستا جەعفەر شێخ مستەفا سەرقاڵی جێبەجێکردنی ئەرکی پێشمەرگایەتیە لە سنوری #کەرکووک#.
لەگەڵ ڕێزدا
راگەیاندنی مەکتەبی سیاسی #یەکێتیی نیشتمانی کوردستان#
16-10-2017

پێش نیوەڕۆی ئەمڕۆ #24-01-2023# #شێخ جەعفەر# شێخ مستەفا ئەندامی ئەنجوومەنی باڵای سیاسی و بەرژەوەندی #یەکێتیی نیشتمانیی کوردستان# سەردانی بارەگای مەکتەبی ڕێکخستنی لە #سلێمانی# کرد و لەلایەن هەڤاڵ سەرکەوت زەکی ئەندامی مەکتەبی سیاسی و لێپرسراوی مەکتەبی ڕێکخستن و هەڤاڵان مامۆستا کاکە ڕەش سدیق و مەلا ئاری ئەندامانی سەرکردایەتی و ئەندامانی مەکتەب و کادرانی مەکتەبەوە بە گەرمی پێشوازیکرا.
لە دیدارێکدا شێخ جەعفەر شێخ مستەفا باسی لە مێژووی پڕ سەروەری یەکێتی کرد و ڕایگەیاند: یەکێتی ڕووبارێک خوێنی بەخشیووە لەپێناو ئەم ئازادییەی ئەمڕۆ بەدەستهاتووە، بۆیە پێویستە شانازی بەیەکێتیەکەمانەوە بکەین.
دواتر باسی لە گرنگی و پێگەی مەکتەبی ڕێکخستن کرد و ڕایگەیاند مەکتەبی ڕێکخستن دڵی حزبە و خوێندنگەی پێگەیاندنی کادرە و سەرچاوەی هێزی یەکێتییە، لە کاتی هەڵبژاردنەکانیشدا ڕۆڵی بەرچاوی دەبێت لەگەڵ تەواوی ئۆرگانەکانی تردا، بۆیە پێویستە هەموومان پشتیوانی لێبکەین بۆ سەرکەوتن و گەشەکردنی.
لای خۆیەوە سەرکەوت زەکی وێڕای بەخێرهاتنی سوپاسی ئەو پشتیوانی و پشتگیرییەی کرد و تەئکیدی لەوەکرد کە درێغی ناکەن و ئەوەی لەتوانایاندا بێت دەیکەن بۆ بەهێزترکردنی یەکێتییەکەی مام و ڕایگەیاند هەموومان لە مەکتەبی ڕێکخستن بە یەک تیم کاردەکەین بۆ گەیشتن بە ئامانجە سەرەکییەکە کە خزمەتکردنی کۆمەڵانی خەڵک و کەسوکاری سەربەرزی شەهیدانە. [1]
ڕاگەیاندنی مەکتەبی ڕێکخستنی ی.ن.ک

Этот пункт в соответствии со стандартами Курдипедии pêdiya еще не завершен!