$باشووری کوردستان$
- بەبۆنەی کەوتنی بەغدادەوە لە شارەکانی باشووری کوردستاندا دەستکرا بە خۆپیشاندان و ئاهەنگگێڕان.
$دەرەوەی کوردستان$
- کەوتنی بەغداد و ڕژێمی داگیرکەری بەعس.
- دامەزراندنی کۆمەڵەی زیندانییە ئازادەکان لە بەغداد بۆ پاراستنی ئەو دێکومێنتانەی کە لە زیندانەکانی ئێڕاقدا دەدۆزرێنەوە.[1][2]

لە شاری خانتی مەنسک لە وڵاتی ڕووسیا و لە چوارچێوەی یارییەکانی پاڵەوانێتی شارەکانی کیشوەری ئاسیا و دوای ڕکابەری یاریزانانی بەشداری لە ماوەی 10 ڕۆژدا، دواجار ئاریان عەلی لە تیمی شەتڕەنجی #یانەی وەرزشی پێشمەرگەی سلێمانی# و یاریزانی هەڵبژاردەی ئێراق توانی میدالیای زیوو لەسەر ئاستی تاک بەدەست بهێنێت.
سەبارەت بەو ئەنجامەی #ئەسعەد ئیسماعیل# سەرپەرشتیاری گشتی بەشی شەتڕەنجی یانەی وەرزشی پێشمەرگە بۆ پێشمەرگە سپۆرت وتی، تیمەکەمان بە سێ‌ یاریزان پێکهاتەی هەڵبژاردەی شاری #بەغدا#ی بۆ پاڵەوانێتی شارەکانی کیشوەری ئاسیا بەهێز کردبوو کە خۆی لە یاریزانان (#ئاریان عەلی#، #زۆزگ سەڵاح# و ئاکار عەلی) دەبینییەوە، هەروەک وتیشی پاڵەوانانی پێشمەرگە بە ئاستێکی بەرز بینران و سەرکەوتنەکانیان جێگەی دڵخۆشی هەمووان بوو.
لە کۆتایشدا پیرۆزبایی لە ئاریان عەلی یاریزانیان کرد کە توانی لەسەر ئاستی تاک میدالیای زیوو و پلەی دووەم دەستەبەر بکات. [1]

#ئاسۆ مامەند#، لە ئیڤێنتی د. ئەحمەد کەرکووکی لە شاری #کەرکووک# وتارێکی پێشکەش کرد و ڕایگەیاند”لە دوای ڕووداوەکانی 16ی ئۆکتۆبەرەوە خەڵکی خۆمان لە کەرکووک جێنەهێشت و لەگەڵ ئەو خەڵکە ماینەوە و ​خۆمان لە خەڵک جیا نەکردەوە”.
ئاسۆ مامەند، دەڵێت: هەندێک هێز بەناوی ئەوەی کەرکووک داگیرکراوە لە کەرکووکییەکان دوورکەوتنەوە و پشتیان لە کەرکووکییەکان کرد.
سەبارەت بە ئەگەری دواخستنی هەڵبژاردنی ئەنجوومەنی پارێزگا، ئاسۆ مامەند ڕایگەیاند ”کاک #بافڵ تاڵەبانی#، سەرۆکی #یەکێتیی نیشتمانیی کوردستان# چووەتە #بەغدا# بۆ ئەوەی ڕایبگەیەنێت چیتر یەکێتی ئەوە قبووڵ ناکات کە ستەم لە کەرکووک بکرێت و هەڵبژاردن دوابخرێت”.
ئاسۆ مامەند ڕاشیگەیاند ”ئەو نادادییانەی لە شەش ساڵی ڕابردوو لە کورد کراوە دەبێت هەمووی بۆ خەڵکی کورد بگەڕێتەوە”. [1]

$ئاگر لە بەغدا و دووکەڵ لە ئەنبار؛ گوشاری نوێ بۆ تەنیاخستنی سەدر$
#یاسین تەها محەمەد#
#27-04-2022#
بنبەستی سیاسی لە ئێراق بەردەوامە. دوای شکستهێنانی دووەم هەوڵی هەڵبژاردنی سەرۆککۆمار (26ی ئازار) و پاش ئەوەی سەدر 40 ڕۆژ مۆڵەتی دایە ڕکابەرەکانی تاوەکووحکومەت پێکبهێنن (1ی نیسان) ، هیچ بەرەوپێشچوونێکی سیاسی گەورە ڕووینەداوە، بەڵام لە پارێزگای ئەنباری پایتەختی ئێستای بڕیاری سوننە، هەوڵەکانی پەرتکردنی هاوپەیمانی سێقۆڵی لەسەر ئاگری دادگە و چەک دانراوە.
ئەنبار زێدی هەندێک لە ئەستێرە سیاسییەکانی ئێستای سوننەیە لەوانەش محەمەد حەلبووسی، سەرۆکی پەڕڵەمان و خەمیس خەنجەری سەرۆکی گەورەترین هاوپەیمانیی سوننەکان «السیادة». لە هەمان کاتیشدا ڕێڕەوی گەیشتنی قووڵایی ئێرانی و شیعییە بە خاکی سووریا و لەوێشەوە بۆ حیزبوڵڵای لوبنان و حەوزی دەریای نێوەڕاست، بەهۆی ئەوەی یەکێکبووە لەو پارێزگایانەی کەوتە بندەستی ڕێکخراوی قاعیدە و #داعش#، لە کۆنترۆڵکردنەوەدا (کانوونی یەکەمی 2015) ، هەندێک ناوچەی ستراتیژیی کەوتنە دەست گرووپە چەکدارەکانی #حەشدی شەعبی# وەک قۆناخەکانی دواتری نەینەوا و سەڵاحەدین. بەم هۆیەشەوە ئەم پانتاییە سوننەیە کە لە دوای کەوتنی بەغدا #09-04-2003# ماوەیەک پەناگەی سەدام و خێزانەکەی بووە، ئێستا یەکێک لە مۆڵگەکانی گرووپە چەکدارەکانی حەشدی وەلائییە و، بەهۆی ئەوەی دراوسێی کەربەلایە و لەنێوان هەردوو پارێزگاکەدا هەندێک ناوچەی کێشە لەسەریش هەن (نخێب و ڕەحالییە) ، چاوی زیاتری لەسەرە.
بارودۆخی داعش ڕێگەی بۆ هەژموونی حەشد لە ڕۆژاوای ئێراق کردەوە، کە ئێستا بووەتە یەکێک لە میکانیزم و کارتەکانی دەستی چوارچێوەی هاوئاهەنگی شیعە بۆ لێدانی حەلبووسی و ناچارکردنی هاوپەیمانیی سیادەی سوننە بە کشانەوە لە هاوپەیمانیی سێقۆڵی. بەو پێیەی لە پاش بەغدا و موسڵ، ئێستا ناوەندی بڕیاری سوننە کەوتووەتە ئەنبارەوە، لەم میانەیەشدا شیعەکان لە زیاتر لە قۆڵێکەوە کاریان لەسەر کردووە. لەوانەش، ئازادکردنی ڕافیع عیساوی، وەزیری پێشووتری دارایی لە زیندان و پشتیوانیکردن لە ستام ئەبو ڕیشە، کە یەکەمیان ئەستێرەیەکی ئەنباریی ناسراوتر و دێرینترە لە خەنجەر و حەلبووسی، دووەمیشیان دژبەرێکی نەوعی سەرۆکی پەڕڵەمانە و کاتێکیش کە هێزی سەربازی چوون بۆ دەستگیرکردنی (لەسەر تویتە تووندەکانی 31ى ئازار) بینیمان دەوروبەری دیوەخانەکەی بە هەمەر و چەکداری کەتیبەکانی حیزبوڵڵا تەنراوە و لە پارێزگاریی ئەواندایە!
گوشارەکانی سەر حەلبووسی کە جوڵاندنی هێزەکانی حەشدیشی بە ئاڕاستەی ئەنبار و بەری ڕۆژاوای ئێراق تێکەوت، بەدواشیدا هەڕەشەی هەندێک لە هۆزەکان بۆ بەرەنگاربوونەوەیان هات. لە نوێترین پێشهاتدا گەیشتووەتە گێڕانەوەی دژبەرێکی دیکەی حەلبووسی کە شێخ عەلی حاتەمی، ئەمیری هۆزەکانی دلێمە.
شێخ عەلی حاتەم کە خاوەن پێگەیەکی کۆمەڵایەتییە لە ئەنبار، هەشت ساڵ پێش ئێستا کە سەرۆکایەتیی چەند گرووپێک لە چەکدارە خێڵەکییەکانی ئەنباری دەکرد، لەگەڵ مالیکی سەرۆکوەزیرانی ئەوکاتەدا نێوانی تێکچوو. لە پەرچەکرداریشدا کەوتە پێداهەڵدانی داعش و لە هەڤپەیڤینێکدا لەگەڵ ڕۆیتەرز (ئابی 2014) باسی لەوە کردبوو کە ئامادەیە دەست بخاتە ناو دەستیان و سەردەمێکیش دروشمی بەڕێوەین بۆ بەغدا ی وەک هەڕەشە بەرز کردبووەوە. لەسەر ئەوەش فەرمانی گرتنی بۆ دەرچووبوو، بەڵام ئێستا بە پاسەوانی چەند یەکەیەکی چەکدار کە دەگوترێت لە کەتیبەکانی حیزبوڵڵان، گەڕاوەتەوە بۆ بەغدا بۆ ئەوەی وەک ڕافیع عیساوی وەزیری دارایی سەردەمی مالیکی، ئەویش بگەڕێتەوە بۆ ئەنبار. بەمەش ڕێبەرایەتیی بنکە جەماوەرییەکانی سوننە، لانی کەم لە ئەنباردا لەلایەن خەنجەر و حەلبووسی قۆرخ نابێت. پاش گەیشتنی بۆ بەغدا، عەلی حاتەم کەوتە تەقە لە حەلبووسی و سەدر و، لە تویت و دەرکەوتنەکانیدا لایەنگیرییەکەی بۆ پڕۆژەکەی چوارچێوەی هاوئاهەنگی کە سازانە، بە ئاشکرا دیاربوو.
بەکارهێنانی سیستمی دادوەری و دۆسییەکانی دادگە بۆ شکاندنی ڕکابەرە سیاسییەکان، تەکنیکێکی کۆن و ناسراوی نووری مالیکییە. لە ویلایەتەکانی ئەودا (2005_2014) مادەی 4ی تیرۆر تایبەت بوو بە ڕکابەر و بەرهەڵستکارانی سوننە، ئێستاش کە چاوپۆشی لە دوو کەسایەتییان کراوە و باس لە ناوی دیکەش دەکرێت، خەریکە سیحر بەسەر سیحربازەکەدا هەڵبگەڕێتەوە، چونکە شەقامی شیعەی خرۆشاندووە، بەتایبەت کە ساڵانێکە لەسەر بە شەیتانکردنی ئەوانە پەروەردە دەکرێن و هەندێکیشیان لە شەڕەکانی ئەنباردا قوربانییان داوە. هەر لەبەر ئەمەش، مالیکی و عامری و زۆر لە گرووپەکانی دیکەی حەشد ناچار بوون، بە ژێر لێوەوە سەرکۆنەی سپیکردنەوەی دۆسیەی داواکراوە سوننەکان بکەن و خۆشیان بێبەری کرد لە ئاگاداربوون یان ڕێخۆشکردن بۆ گەڕانەوەی شێخ عەلی حاتەم.
چڕکردنەوەی هەوڵی «چوارچێوەی هاوئاهەنگی» لە ئەنباردا بەدوای ترسی ڕووبەڕووبوونەوەی ڕاستەوخۆی سەدر و دەست و پێوەندەکەیدا دێت. هەروەها لە دوای ئەم بێ هیوابوونە لە گۆڕینی هەڵوێستی بارزانی لە هاوپەیمانی سێقۆڵی. ئەم پارێزگایەش کە قووڵایی ستراتیژیی بەهێزی نییە، پاڵێوراوە بۆ ئەوەی لە ڕۆژانی داهاتوودا بکەوێتە بەر گوشار و شڵەژانی زیاتر، لەپێناو ئەوەی یەکێک لە پایەکانی سێکوچەکەی ڕزگاری نیشتمان بڕووخێت. هەرچەندە خەنجەر و حەلبووسی زۆر بە تووندی و زبری بەرگری ناکەن، بەڵام ئاماژەی پەشیمان بوونەوەش پێشان نادەن و هەر بە هاوپەیمانییەکەوە پابەندن.
بۆچوونێکی بڵاو هەیە کە ئەوەی ئێستا لە ئەنبار ڕوودەدات گێمی دووەمی یارییەکانی مووشەکبارانکردنی #هەولێر# (13ی ئازار) و سووتاندنی بارەگای پارتی بێت لە بەغدا (28ی ئازار) ، بەتایبەت کە ئێرانییەکان سەردانێکی چاوەڕوانکراو و پلان بۆ دانراوی حەلبووسیشیان بۆ تاران هەڵوەشاندەوە، بۆ ئەوەی لە گەرمەی کێشمەکێشیدا لەگەڵ باڵە ئێرانییەکانی ئێراق، وا دەرنەکەوێت کە لە تاران کاراکتەرێکی قبووڵ کراوە (26ی ئازار) .
بە گریمانەی سەرکەوتنی هەوڵەکانی گرووپە شیعەکانیش بۆ دەرکردنی حەلبوسی و خەنجەر لە هاوپەیمانی سێقۆڵی کە قسە و دزەپێکردن لەهەر دوو لاوە زۆرن کە گفتوگۆی ئێرانی و ئیماراتیشی بۆ ئەو مەبەستە تێکەوتبێت، هێشتا ماڵی شیعە هەر لە بەردەم گرێی سەدردا دەمێنێتەوە، چونکە هەر حکومەت و هاوپەیمانییەک بەبێ بەشداری سەدر و ڕەوتەکەی، چارەنووسەکەی ڕووبەڕووبوونەوەی گرژی و خۆپێشاندان و هەرا دەبێت، وەک ئەوکاتەی هەڵیکوتایە سەر پەڕڵەمان و حکومەت و، خۆیشی لە 2016 خێوەتی بردە ناوچەی سەوز. [1]

ئاگرێکە هەتا نەگاتە بەغدا، ناکوژێتەوە.
مەبەست لە جۆرە جگەرەیەکە کە لەناوەڕاستی سەدەی بیستدا لە ئێراقدا بەرهەم دەهێنرا، ناوی بەغدا بوو. نزیک فلتەرەکەی لێێ نووسرابوو (بەغدا) واتە: گەر کەسێک بیکێشایە، تا نزیک فلتەرەکەی دەیکێشا، کە نووسرابوو بەغدا. وەڵام (جگەرەی بەغدا) .[1]

$ئامانجی بەغدا ڕێککەوتن نییە بەڵام کورد یەخەی بەرنادات$
#نوێنەر فاتیح#
#02-05-2020#
لە قۆناخی ئامادەیی، سەرداری هاوڕێم بۆی گێڕامەوە کە باوکی ئۆتۆمبێلێکی تۆیۆتای کۆنی هەبوو و نزیکەی 30 ساڵ بوو پێیبوو، براکانی پارەیان بۆ باوکیان کۆکردبووەوە و پێیانگوتبوو ئەم ئۆتۆمبێلە شڕە بفرۆشە و ئێمە ئۆتۆمبێلێکی نوێت بۆ دەکڕین. باوکیان دڵی بە ئۆتۆمبێلە کۆنەکەیەوە بوو و نەیدەویست بیفرۆشێت، بەڵام بە نابەدڵی چووبوو بۆ پێشانگەی فرۆشتنی ئۆتۆمبێل تاوەکوو ئۆتۆمبێلە کۆنەکەی بفرۆشێت، لەوێ کاتێک خەڵک دەهات سەودای ئۆتۆمبێلەکەی دەکرد، دەیانپرسی چۆنە؟ لە وەڵامدا باوکی سەردار دەیگوت: بەعەمەل نایەت و زۆر شڕە، گێڕ و مەکینەی تێدا نەماوە و بیکڕی خێری لێ نابینیت. ئامانجی باوکی سەردار ئەوەبوو ئۆتۆمبێلەکە نەفرۆشێت، هەرچەندە لەژێر گوشاردا بە ناچاری چووبوو بۆ پێشانگەی فرۆشتنی ئۆتۆمبێل.
ئەم چیرۆکەم بۆیە گێڕایەوە، چونکە گفتوگۆکانی نێوان #هەولێر# و بەغدا لەم چەند ڕۆژەی ڕابردوودا وادێتە پێش چاو، کە بەغدا ناچاربووە بێتە سەر مێزی دانووستاندن، بەڵام نیاز و ئامانجی گەیشتن نییە بە ڕێککەوتن.
دوای سێ ڕۆژ گفتوگۆ لەگەڵ بەرپرسانی ئێراق، شاندی هەرێمی کوردستان گەڕانەوە، بەڵام هێشتا هیچ موژدەیەکیان پێ نییە بۆ خەڵکی هەرێمی کوردستان لەبارەی مووچەوە و گفتوگۆکانیان ئەنجامێکی ئەوتۆی نەبووە. بڕیارە یەکشەممە جارێکی دیکە لەگەڵ بەرپرسانی ئێراق دەستبکەنەوە بە گفتوگۆ لەبارەی پرسی مووچەی فەرمانبەران و بودجە.
لە ساڵانی ڕابردوودا، داواکارییەکانی ئێراق ڕادەستکردنی ڕۆژانە 250 هەزار بەرمیل نەوتی هەرێمی کوردستان بوو بە بەغدا بۆ ئەوەی لە ڕێگەی کۆمپانیای نیشتمانیی بە بازاڕکردنی نەوتی ئێراق (سۆمۆ) بفرۆشرێت، بەڵام وادەردەکەوێت لە گفتوگۆکانی ئەمجارەدا، ئێراق داواکارییەکانی جیاوازن و لە 250 هەزار بەرمیل نەوت نەماوەتەوە، بەڵکوو بەپێی زانیارییەکان داوای هەموو داهاتەکانی هەرێمی کوردستانی کردووە لە نەوت، گومرک و دەروازە سنوورییەکان و باج. واتە بە پراکتیکی لەنێوەڕۆکدا هەرێمی کوردستان دەبێتە سێ پارێزگای سەر بە بەغدا و لە ناوەندەوە کۆنترۆڵ دەکریت، تاکە شت کە وەکوو هەرێمی کوردستان بمێنێتەوە ناوەکەیەتی.
ڕەنگە بەرپرسانی ئێراق پێشوەخت بزانن کە ئەگەرێکی زۆر دوورە بەرپرسانی هەرێمی کوردستان بەم داوایەی ئێراق ڕازیبن، هەر ئەوەش هۆکاری ورووژاندنی ئەو داواکارییەبێ لەسەر مێزی داواکارییەکاندا.
بۆ تێگەیشتن لەم داواکارییەی ئێراق، پێویستە خوێندنەوەیەک بۆ داهات و خەرجی ئێراق و ئەو ڕەوشە داراییە بکرێت کە تێیکەتووە، ڕەنگە بەغدا لە هەموو کاتێک زیاتر ئامانجی ئەوەبێ نەگاتە ڕێککەوتن لەگەڵ هەرێمی کوردستان، هەر بۆیە پێشنیازێک دەکات کە دەزانێ زۆر زەحمەتە کورد پێی ڕازیبێت.
ئەگەر بەغدا لەگەڵ هەرێمی کوردستان بگاتە ڕێککەوتن و وەکوو ساڵی 2019 تەنیا نیوەی مووچەی فەرمانبەرانی هەرێمی کوردستانیش -نەک هەمووی- بنێرێت، ئەوا دەبێ مانگانە بڕی نزیکەی 400 ملیۆن دۆلار بداتە هەرێمی کوردستان.
بەڵام لەم ڕۆژەدا، بەهای 400 ملیۆن دۆلار بۆ بەغدا زۆر جیاوازترە وەک لە ساڵانی ڕابردوو، ئێستا ئەو بڕە دەکاتە 28%ی داهاتی مانگێکی ئێراق لە فرۆشتنی نەوت.
بەگوێرەی ئامارەکانی وەزارەتی نەوتی ئێراق، داهاتی ئێراق لە مانگی نیساندا لە فرۆشتنی نەوت یەک ملیار و 423 ملیۆن و 499 هەزار دۆلار بووە، کە ڕۆژانە 3.43 ملیۆن بەرمیل نەوتی هەناردە کردووە و بەرمێلێک نەوتی بە 13 دۆلار فرۆشتووە.
بەڵام لە مانگی ئادار، داهاتی ئێراق 2.96 ملیار دۆلار بووە و بەرمیلێک نەوتی بە 28 دۆلار فرۆشتووە، لە مانگی شوباتیش داهاتی ئێراق 5 ملیار دۆلار بووە و بەرمیلێک نەوتی بە 51 دۆلار فرۆشتووە، لە مانگی کانوونی دووەمیش داهاتی ئێراق 6.1 ملیار دۆلار بووە و بەرمیلێک نەوتی بە 60 دۆلار فرۆشتووە.
ئەگەر بەهای ئەو 400 ملیۆن دۆلارەی بەغدا بۆ هەرێمی کوردستانی دەنێرێت لێکبدەینەوە، بەم شێوەیەی خوارەوە دەبێت:
لە مانگی نیسان 400 ملیۆن دۆلار 28% داهاتی ئێراق بووە، لە مانگی ئادار 400 ملیۆن دۆلار تەنیا 13.5%ی داهاتی ئێراق بووە، لە مانگی شوبات ئەو 400 ملیۆن دۆلارە تەنیا 7.9%ی داهاتی ئێراق بووە، لە مانگی کانوونی دووەمیشدا لە سەرەتای ئەمساڵ، ئەو پارەیەی بەغدا وەکوو بەشە مووچەی فەرمانبەرانی هەرێمی کوردستانی ناردووە، تەنیا 6.5%ی داهاتی ئێراق بووە.
بۆیە 400 ملیۆن دۆلار ئێستا بۆ ئێراق، چوار هێندە بەهای زیاترە بۆ ئێراق بەراورد بە مانگی کانوونی دووەم. واتە بە دیاریکراوی بەهای ئەو 400 ملیۆن دۆلارە 430% زیادیکردووە.
بۆیە ئێستا ئەگەر بەغدا لەگەڵ هەرێمی کوردستان ڕێکبکەوێت، دەبێ پارە بنێرێت، کە لانی کەم 400 ملیۆن دۆلارە ئەگەر نیوەی مووچە بنێرێت. لەکاتێکدا ئێراق خۆی مانگانە پێویستی بە شەش ملیار دۆلارە بۆ خەرجییە سەرەکییەکان، وەکوو مووچە و چاودێری کۆمەڵایەتی و خەرجییەکانی دیکە.
تەنیا لە مانگی نیسانی ڕابردوودا، ئێراق چوار ملیار دۆلار کوورتهێنانی هەبووە لە خەرجییە سەرەکییەکان، بۆیە زەحمەتە بەغدا بە ئاسانی بیەوێ لەگەڵ هەرێمی کوردستان ڕێکبکەوێت و مانگانە شتێکی پێبدات کە خۆی مانگانە تەنیا بایی 30%ی پێداویستییەکانی خۆی هەیە. [1]

شوێن: #بەغدا#
ڕۆژ یان ساڵی گیرانی وێنەکە: #22-03-1946#
کەسایەتییەکانی ناو وێنەکە: (ئاهەنگی نەورۆزی یانەی سەرکەوتنی کوردان لە بەغدا، بۆ یەکەم جار سروودی ئەی ڕەقیب دەوترێت کە شیعری یونس دڵدار و ئاوازی ڕەفیق چالاکە، یانەی سەرکەوتن هەردوو کەسایەتی ناوداری کورد مەعروف چیاووک و محەمەد جەمیل بابان درووستیان کرد.)
ناوی وێنەگر: (نەناسراو) [1]

سینەما ئەتڵەس - کەرکووک
10-04-1970

#ئاوات شێخ جەناب#، وەزیری دارایی و ئابووری #حکومەتی هەرێمی کوردستان#، باس لەوە دەکات ئەوان وەک حکومەتی هەرێم سەرجەم داواکارییەکانی بەغدایان جێبەجێکردووە و چاوەڕێن بەغدا بەشە بودجەی هەرێم بنێرێت. لەو ڕوەوە وەزیری دارایی دەڵێت؛ هەموو ئەو داخوازیانەی کە لەسەر هەرێم هەبووە جێبەجێ کراون و بڕیارە کۆبوونەوەیەکی دیکە لە بەغدا بکرێت.
وەزیری دارایی هەرێم ڕەخنە لە حکومەتی ئێراق دەگرێت و پێی وایە بەغدا بیانوو بە هەرێم دەگرێت و دەڵێت ئەو شتانەی کە لە ئێمە داوا دەکرێت پێموانییە لای خۆیان جێبەجێ کرابێت، دەشڵێت، لە ساڵی 2013وە حکومەتی ئێراق حەساری خستوەتە سەر هەرێم و ئومێدەوارین ئەو حەسارە هەڵبگرێت و پێویستە لەمەودوا لەبارەی مووچە پرسیار لە وەزارەتی دارایی ئێراق بکەن. [1]

یەکێتی شەتڕەنجی ئاسیا لە شاری خانتی مەنسک لە وڵاتی ڕووسیا و لە ڕێکەوتی #20-04-2024# تا #30-04-2024# پاڵەوانێتی شارەکانی ئاسیا ئەنجام دەدات.
سەبارەت بە بەڕێوەچوونی ئەو پاڵەوانێتییە #ئەسعەد ئیسماعیل# سەرپەرشتیاری گشتی تیمی شەتڕەنجی #یانەی وەرزشی پێشمەرگەی سلێمانی# و ئەندام لە یەکێتی شەتڕەنجی ئێراق تایبەت بە پێشمەرگە سپۆرت ڕونکردنەوەی زیاتری دا و وتی، ئەم پاڵەوانێتییە بۆ شارەکانی وڵاتانی ئاسیایە کە لە وڵاتی ئێراق شاری #بەغدا#ی پایتەخت بە پێکهاتەی هەڵبژاردەکەی وڵات بەشداری کردووە، ئەسعەد وتیشی پێکهاتەی یاریزانان بریتین لە (ئاکار عەلی، ئاریان عەلی و #زۆزگ سەڵاح#، یاریزانانی یانەی پیشمەرگە و حسێن عەلی و عەلی لەیس لە یانەی ئیتیسالات).
ئەو سەرپەرشتیارەی تیمی شەتڕەنجی یانەی پێشمەرگە زانیاری زیاتری بە پێشمەرگە سپۆرت داو وتی، یارییەکانی پاڵەوانێتییەکە بە شێوەی تیم و بە نۆ جەولە بەڕێوە دەچێت و لە ماوەی 10 ڕۆژدا ڕکابەرییە سەختەکانی بەڕێوە دەچن.
دواجار ئەسعەد ئیسماعیل هیوای خواست بەڕێز کاک پشتیوان ئەحمەد شێخ حەمەدی سەرۆک شاندی هەڵبژاردەی شاری بەغدا و تیمەکەی بتوانن ئەنجامی کاریگەر بەدەست بهێنن و بگەڕێنەوە خاکی نیشتمان.[1]