$باکووری کوردستان$
- لە کۆبوونەوەی ڕاگەیاندنی ناوی پاڵێوراوەکانی ئاکەپە لە #ئامەد# شەڕ ڕوویدا.[3]
- لە ناوچەی ئەردیش سەربە شاری #وان# 20 کەس دەستگیرکران، کە لایەنگر و ئەندامی پارتی دیموکراتی گەلان-هەدەپەن.[4]
- گۆڕینی شوێنی دەنگدان لە #جولەمێرگ# کاریگەریی نەرێنی لە سێ یەکی دەنگدەران دەکات. سندوقەکانی دەنگدان لەو شوێنانە دەگوێزرێنەوە، کە جاری پێشوو لە سەدا 70ی دەنگەکانی بۆ #هەدەپە# بوون. ئەو سندوقانە دەگواسترێنەوە بۆ ئەو شوێنانە، کە لە کۆنترۆڵی جەردەوانەکاندایە.[3]
- بۆ جاری 759-یەمین، داواکاری #عەبدوڵڵا ئۆجەلان#، ڕێبەری #پەکەکە# بۆ سەردانیکردنی ئیمرالی ڕەتکرایەوە.[4]
$رۆژهەڵاتی کوردستان$
- بەرەبەیانی ئەمڕۆ، سوپای پاسدارانی ئێران لە کوێستانی #کێلەشین# و لە شوێنێک بە ناوی “سپی ڕێز”، کاروانێکی کۆڵبەرانیان دایە بەر دەسڕێژی گوللە و لە ئەنجامدا کۆڵبەرێکی کورد گیانی لەدەستدا و کۆڵبەرێکی دیکەش بریندار بوو. ئەو کۆڵبەرەی کە گیانی لە دەست داوە تەمەنی 28 ساڵە و ناوی ”ڕێبوار مورادی“یە و خەڵکی ئاوایی کانی ڕەشی شنۆی ڕۆژهەڵاتی کوردستانە و باوکی منداڵێکی تەمەن یەک ساڵ بووە. هەروەها، کۆڵبەرێکی دیکە بە ناوی ”خەلیل فەروخی“ دوو گوللە بەر سینگ و شانی کەوتووە و بە سەختی بریندار بووە.[4]
$باشووری کوردستان$
- بەرپرسی دەزگای هەڵبژاردنەکانی پارتی ڕایدەگەیەنێت، پەرلەمانی عێراق بۆی نییە بڕیار لەسەر هەژمار کردنەوەی دەنگدان بدات، دەشڵێت چەند پەرلەمانتارێک کە لە هەڵبژاردن دەرنەچوونەتەوه،‌ دەیانەوێ لە ڕێگەی پەرلەمانەوە کێشە بۆ کۆمسیۆن دروست بکەن.[1]
- #ڕێبوار تەها# سەرۆکی لیستی #یەکێتی نیشتمانی کوردستان# لە #کەرکووک# لە ڕاگەیەنراوێکدا ئاماژەی بەوەکردووە: بەپێی ماددەی 61ی دەستور ئەنجومەنی نوێنەران دەسەڵاتی هەڵوەشاندنەوەی ئەنجامی هەڵبژاردنی نییەو بڕیارەکانیشی پوچەڵ و نادەستورین و تێپەڕاندنی دەسەڵاتی دادوەرییەو لە دادگای فیدراڵیش تانە لە دانیشتنەکەی ئەنجومەنی نوێنەران دەدەن.[5]
- گوندێکی کوردنشین لە سنوری شارۆچکەی #داقوق# تاڵان دەکرێت و گەنم و جۆی جوتیارانی گوندەکەش دەسوتێندرێت، بەرپرسێکی یەکێتی نیشتیمانی کوردستانیش ڕایدەگەیەنێت پۆلیسی عێراقی ئەو تاوانەی ئەنجامداوە.[1]
- بەهۆی ناکۆکییەکانی نێوان فراکسیۆنوکانی پەرلەمان لە بارەی یاسایی چاکسازی و جیاوازی لە بۆچوونەکانی حکومەتی هەرێم و پەرلەمان پەسەندکردنی یاساکە دوادەکەوێت و ئەگەری هەیە دووبارە بگەڕێندرێتەوە بۆ حکومەت.[1]
- #کۆمەڵی ئیسلامی# و هاوپەیمانی بۆ دیموکراسی و دادپەروەی هەڵوێستی خۆیان لەسەر دووبارە هەژمارکردنەوەی 10%ی دەنگەکان بەڕێگەی دەستیی ڕاگەیاند و ئەندامێکی سەرکردایەتی کۆمەڵیش دەڵێت بڕیارەکانی پەرلەمانی عێراق بە مردوویی لەدایکبوون.[1]
- بەڕێوەبەری نەهێشتنی ماددە هۆشبەرەکانی هەولێر ڕایدەگەیەنێت، لە ماوەی سێ ڕۆژی ڕابردوودا ژمارەیەک بازرگانی ماددە هۆشبەریان لە پارێزگای دهۆک و هەولێر دەستگیرکردووە کە لەناوخۆی هەرێم کاری بازرگانییان لەگەڵ بازرگانەکانی وڵاتانی دراوسێ ئەنجامداوە.[1]
- گولە هاوەنێک ئاراستەی کۆگاکانی کۆمسیۆنی هەڵبژاردنەکان لە کەرکووک کرا و پۆلیسیش ڕایدەگەیەنێت هیچ زیانێکی گیانی نەبووە.[1]
- لە شەوی ڕابڕدووەوە هێزەکانی پێشمەرگە لە میحوەرەکانی ناوەران و تلسقۆف تا سحێلا خراونەتە حاڵەتی ئامادەباشیەوە.[1]
- وەزارەتی دارایی و ئابووری هەرێم بڕیاریدا بەزیادکردنی 100%ی دەرماڵەی فەرمانبەرانی بەڕێوەبەرایەتی گشتی باج و خانووبەرەی میری و لەکاتی دابەشکردنی مووچەی مانگانەیان، پێیاندەدرێت.[1]
$رۆژئاوای کوردستان$
- لەچوارچێوەی سیاسەتی گۆڕینی دیمۆگرافیای عەفرین، سوپای تورک 15 خانەوادەی دیکەی چەتەکانی گواستووەتەوە بۆ عەفرین.[4]
$دەرەوەی کوردستان$
- بە ناونیشانی (خۆپیشاندانی کورد لە دژی داگیرکردنی #عەفرین# لەلایەن تورکیاوە، درێژەی هەیە) ڕۆژنامەی ئەلحەیات ڕاپۆرتێکی دەربارەی مانگرتن و خۆپیشاندانی هاووڵاتیان لە شارە کوردستانیەکانی خۆرئاوا و هەروەها کوردانی تاراوگە، لە دژی داگیرکردن و مانەوەی هێزە سەربازیەکانی تورکیا لە شاری عەفرین، بڵاوکردووەتەوە.[1]
- کۆمیسیۆنی باڵای سەربەخۆی هەڵبژاردنەکانی عێراق ڕایگەیاند: یاسا ڕێگە نادات ئەنجامی دەنگدانی عێراقییەکانی دەرەوە بۆ هەڵبژاردنی پەرلەمانی عێراق هەڵبوەشێندرێتەوە.[2]
- سەرۆک وەزیرانی عێراق ڕایگەیاند،‌ داواکارییەکان بۆ هەڵوەشاندنەوەی ئەنجامی هەڵبژاردنی 12ی ئایار کارێکی نادروستە.[4]

ناوەندی ڕاگەیاندنی هێزەکانی پاراستنی گەل - #هەپەگە# ڕاگەیەنراوێکی بڵاوکردەوە و زانیاری بەرفرەوانی دا دەربارەی چالاکییەکانی گەریلا لە 24 تا 28ی ئایار\3 تا 7ی جۆزەردان و ڕایگەیاند: چالاکییەکان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا ئەنجامدراون.
هەپەگە ڕایگەیاند، لە #شەمزینان# 4 سەرباز، لە مەیدانەکانی #جۆلەمێرگ# 6 سەرباز و لە سیدەکان-یش 5 سەربازی تورکیا کوژراون. گە ئاماژەی بۆ ئەوەش کرد کە لە چەلێ و #بەدلیس#-یش چالاکی ئەنجامدراون، بەڵام هێشتا زانیاری وردیان بەدەست نەگەیشتووە.
$لە شەمزینان 4 سەرباز کوژران$
ناوەندی ڕاگەیاندنی هەپەگە دەستنیشانی کرد کە لە ناوچەی شەمزینانی جۆلەمێرگ چالاکییان لە دژی سەربازگەیەک ئەنجامداوە.
(28ی ئایار\7ی جۆزەردان کاتژمێر 11، هێزەکانمان لە دژی سەربازگەی تسێی ناوچەی شەمزینانی جۆلەمێرگ چالاکییان ئەنجامدا. گورزی توندیان لە سەنگەر و حەشارگەکانی سەربازگەکە دا و ئەوەندەی ڕوون بوویەوە 4 سەربازی دوژمن کوژران.)
لە درێژەی ڕاگەیەنراوەکەدا هاتووە، ڕۆژی 28ی ئایار\ 7ی جۆزەردان کاتژمێر 19:10 گەریلاکانی هەپەگە هێرشیان کردۆتە سەر داگیرکەرانی سەر گردی کۆرینە لە ناوچەی چەلێی جۆلەمێرگ. بەڵام دەربارەی ژمارەی سەربازە کوژراو و بریندارەکان زانیاری ڕوون بەدەستنەکەوتووە.
$5 سەرباز لە ئەڤدلکۆفی کوژران$
هەپەگە ڕایگەیاند هەمان ڕۆژ کاتژمێر 17:20 لە دژی سەربازانی داگیرکەر کە لەسەر گردی ئەڤدلکۆفیی سەر بە دەڤەری سیدەکانی باشووری کوردستان بوون، چالاکی ئەنجامدراوە.
(لەم چالاکییەدا گورزی توند لە سەنگەر و چادرەکانی دوژمن درا، ئەوەندەی ڕوون بوویەوە 5 سەرباز کوژران. هێزەکانی داگیرکەر لە دوای چالاکییەکە بە ئۆبوس و هاوەن تۆپبارانی دەوروبەریان کرد.)
$لە بەدلیس چالاکی دژی خاڵی پشکنین$
ناوەندی ڕاگەیاندنی هەپەگە ئاشکرای کرد کە لە 28ی ئایار\7ی جۆزەردان چالاکییەکی دیکە لە بەدلیس ئەنجامدراوە.
(کاتژمێر 10:20 لە دژی سوپای کۆماری تورکیای داگیرکەر کە هەوڵ دەدات لەسەر ڕێگەی تاتوان و خیزان خاڵی پشکنین دابنێت، چالاکییەک ئەنجامدرا و دەستڕێژیی گولە لە یەکینەکەی دوژمن کرا. ڕوون نەبووەتەوە لەم چالاکییەدا چەند سەرباز کوژران و بریندار بوون. یەکینەکەی دوژمن کە هەوڵی دەدا خاڵی پشکنین دابنێت، ناچار بوو بکشێتەوە.)
لە ڕاگەیەنراوەکەی هەپەگەدا هاتووە، ڕۆژی 27ی ئایار\6ی جۆزەردان سوپای کۆماری تورکیای داگیرکەر هەوڵی داوە بە کۆپتەری سکۆرسکی سەرباز لە سەربازگەی بیلگەچی ناوچەی پولوری دێرسم دابەزێنێت، بەڵام هێزەکانی گەریلا گورزیان لە کۆپتەرەکان وەشاندووە.
(لە چوارچێوەی هەڵمەتی شۆڕشگێڕیی شەهید ئۆزان و شەهید ڕۆزا دێرسم-دا، هێزەکانمان کاتژمێر 17:20 گورزیان له و کۆپتەرانە وەشاند کە هەوڵیان دەدا سەرباز دابەزێنن. کۆپتەرێک کە گورزی لێ درا، بەبێ دابەزاندنی سەربازەکان، ناچار بوو لە هەرێمەکە دوور کەوێتەوە.)
$لە مەیدانەکانی جۆلەمێرگ 6 سەرباز کوژران$
ناوەندی ڕاگەیاندنی هێزەکانی پاراستنی گەل - هەپەگە دەستنیشانی کرد کە ڕۆژی 25ی ئایار\4ی جۆزەردان لە دۆڵی کۆنترانس-ی جۆلەمێرگ بە پشتیوانی فڕۆکەی بێ فڕۆکەوان، ئۆپەراسیۆنی سوپای تورکیا ئەنجامدرا و لە کاتی ئۆپەراسیۆنەکەدا گەریلاکان هێرشیان کردە سەر یەکینەیەکی نهێنی.
(کاتژمێر 18:00، هێزەکانمان لە دژی یەکینەیەکی نهێنی کە بەشداربوو لە ئۆپەراسیۆنەکە، چالاکییان ئەنجامدا. لە نزیکەوە گورز لە یەکینەکەی دوژمن درا و 6 سەرباز کوژران و 3ی دیکەش بریندار بوون.)
$لە چەلێ چالاکی$
لە درێژەی ڕاگەیەنراوەکەی هەپەگەدا ئاماژە بۆ ئەوە کراوە، 24ی ئایار\3ی جۆزەردان کاتژمێر 00:10 و 26ی ئایار\5ی جۆزەردان کاتژمێر 19، هێزەکانمان لە دژی سەربازانی دوژمن لەسەر گردی شوندرێی ناوچەی چەلێی جۆلەمێرگ 2 چالاکییان ئەنجامدا. لە سەنگەر و حەشارگەکانی دوژمن درا، بەڵام ژمارەی سەربازە کوژراو و بریندارەکان ڕوون نەبوویەوە.[1]
#29-05-2018#