$رۆژهەڵاتی کوردستان$
- ژمارەیەک لە کۆڵبەرانی کورد لە سنووری #ماکۆ#، دەکەونە بۆسەی هێزە چەکدارەکانی ئێرانەوە و لە ئاکامی تەقە کردنی ئەو هێزانەدا، کۆڵبەرێکی لاو بە ناویحوسێن بەڵخکانلوو ئەقدەمگیانی لە دەست دا.[5]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/165077/0019.JPG=KTML_ImageCaption_Title=حوسێن بەڵخکانلوو ئەقدەم=KTML_ImageCaption_CaptionStyle=000000=KTML_ImageCaption_Caption=حوسێن بەڵخکانلوو ئەقدەم=KTML_ImageCaption_End=
- شەوی یەکشەممە گرووپێک لە #کۆڵبەر#انی کورد، لە سنووری هەنگەژاڵی بانە کەوتوونەتە ناو مەیدانی مین و به هۆی تەقینەوەی مین دوو کۆڵبەر بە توندی بریندار بوون. هەواڵنێری کوردپا، شوناسی ئەو دوو کۆڵبەرە کوردەی بەم جۆرە ڕایگەیاندووە: ئەسعەد زەمانی خەڵکی گوندی حەوتاش و خالق خەڵکی گوندی مێرگه نەقشینه. ئەسعەد زەمانی بە هۆی تەقینەوەی مین لاقی پەڕیوە و خالقیش دەموچاوی بە توندی بریندار بووە.[5]
$باشووری کوردستان$
- #نێچیرڤان بارزانی# ڕەخنەی تووند لە هەڵسوکەوتی ئەو حیزبانە دەگرێت کە خاکی هەرێمی کوردستان بۆ دژایەتی دراوسێکان بەکاردەهێنێت و ڕایدەگەیێنێت، #پەکەکە# لێرە ڕاهێنان دەکات و خەڵکی ئێمە باجەکەی دەدات.[2] هەروەها وتی: بەرپرسانی ئەو ناوچەیە هاوڵاتیانیان ئاگادار کردووەتەوە کە نەچنە ئەو شوێنانەی تورکیا بۆردوومانی دەکات، بەڵام هاوڵاتیان گوێ بە ڕێنماییەکان نادەن.[3]
- گەنجانی وڵاتپارێز و ژنانی گەنجی تێکۆشەر لە لێدوانی نوسراودا وەڵامی نێچیرڤان بارزانیان دایەوە و دەڵێن، ئەو قسانە وەکو شەرمەزارییەک بۆ دەسەڵاتدارانی باشور دەزانین، کە ناتوانن گەلی ئێمە بپارێزن و خاوەندارێتیان لێ بکەن.[3]
- مەڵبەندی سێ-ی #یەکگرتووی ئیسلامیی کوردستان#، لە شاری #دهۆک#، لە ڕاگەیەندراوێکدا ئیدانەی بۆردوومانکردنی سنورەکانی هەرێمی کوردستان و شەهیدکردنی هاوڵاتیانی کرد لەلایەن فڕۆکە جەنگییەکانی دەوڵەتی تورکە و ڕایدەگەیەنێت، کە ئەرکی حکومەتی هەرێم و حکومەتی عێراقە چارەسەری ئەو دۆخە بکات.[3]
- دانیشتوانی بناری #قەندیل# خۆپیشاندانێکیان بۆ پشتگیریکردنی خەڵکی شیلادزێ ئەنجامدا.[1]
- هێزە ئەمنییەکان لە دهۆک و شیلادزێ دەستیان کرد بە دەستگیرکردنی خۆپیشاندەران و ئەو چالاکوانانەی کە پشتگیریی خۆپیشاندانەکانیان کردووە، خالید جەحفەر، #بەدەل بەرواری# و کۆڤان ساڵح ڕێکانی لەنێو گیراوەکاندان.[3]
- لە مەراسمێکدا بە ئامادەبوونی قایمقامی شارۆچکەی #کەلار# و ژمارەیەک لە بەڕێوەبەری فەرمانگەکان، ئیدارەی #گەرمیان# خەڵاتی ڕێزلێنانی بەخشییە دەیان کرێکاری سنورەکە کە ڕۆڵی بەرچاویان هەبووە لە پاکڕاگرتنی ژینگەی گەرمیان.[4]
- لە شارۆچکەی #سۆران#ی سەر بە پارێزگای #هەولێر# بەهۆی بارانەوە ئاو چووە چەند ماڵێک. قایمقامی شارۆچکەی سۆرانیش دەڵێت، تیمەکان فریایان کەوتوون و زیانی گیانی بەدواوە نەبووە.[2]
$رۆژئاوای کوردستان$
- ئاژانسی ئەنادۆڵی تورکیا بڵاویکردوەتەوە، بەپێی ڕاپۆرتی دەستەی هاوبەشی سوپای تورکیا، تۆپخانەکانی تورکیا و سوپای ئازادی سوریا سەنگەرەکانی #شەڕڤان#انیان لەناوچەکانی ئەعزازو معرە بۆردومان کردوە.[4]
$دەرەوەی کوردستان$
- وەزارەتی دەرەوەی عێراق لەبارەی ڕووداوەکەی دوێنێی شارەدێی #شیلادزێ# کە تیایدا هاوڵاتیانی ناوچەکە هێرشیان کردەسەر بنکەیەکی سەربازیی تورکیا لەکۆمەڵگەی سیریە، ڕایدەگەیەنێت: یاداشتێکی ناڕەزایی دەدەینە باڵیۆزی تورکیا لەبەغدا و داواشدەکەین ئەوە دووبارە نەکاتەوە.[1]
- لەکاتی بەسەرکردنەوەی چەند یەکەیەکی سەربازیی سوپای وڵاتەکەی لە ناوچە سنوورییەکاندا هوڵوسی ئاکار، وەزیری بەرگریی تورکیا باسی لە خۆپیشاندانەکانی شیلادزێ کرد، کە خۆپیشاندەران چوونە نێو سەربازگەیەکی سوپای تورکیا لە سنوورەکە، لە ئەنجامدا دوو کەس گیانیان لەدەستدا و چەند ئۆتۆمبێلێکی سەربازیش ئاگریان گرت. هوڵوسی ئاکار، پارتی کرێکارانی کوردستان (پەکەکە)ی بە هۆکاری خۆپیشاندانەکە دانا و گوتی کاتێک زانیان ناتوانن ڕووبەڕووی سەربازانمان ببنەوە، هەوڵدەدەن خەڵکی بێتاوان هانبدەن و بەمشێوەیە بگەن بە شتێک. بەڵام سەربازانمان ئەو هەوڵەیان لەباربرد.[2]

هێزەکانی ڕزگاریی #عەفرین# لە ڕۆژانی 25 و 26ی کانوونی دووەمی 2019 لە ناوەندی عەفرین و ناوچەی مارع لە دژی دەورییەی چەتە داگیرکەرەکان 4 چالاکییان ئەنجامدا.
چالاکیی سابوتاژ لە عەفرین
هێزەکانی ڕزگاریی عەفرین لەبارەی چالاکییەکانەوە ڕاگەیاندراوێکیان بڵاوکردەوە و لە ڕاگەیاندراوەکەدا هاتووە ڕۆژی 25ی کانوونی دووەمی 2019 / 5ی ڕێبەندان #شەڕڤان#مان لە ناوەندی عەفرین لە دژی ئۆتۆمبێلێک کە 5 سەربازی تورک و چەتەکانی سوڵتان مورادی تیادا بوو، چالاکییەکی سابوتاژ ئەنجامدرا. لەو چالاکییەدا سەربازانی تورک و چەتەکان کوژراو و برینداریان هەبوو، بەڵام بە ڕوونی ژمارەی کوژراوان و بریندارەکانیان دیار نییە.
لە مەحمودییە 3 سەرباز کوژران
رۆژی 26ی کانوونی دووەمی 2019 / 6ی ڕێبەندان لە گەڕەکی مەحمودییەی عەفرین چالاکییەکی سابوتاژ ئەنجامدرا. لەو چالاکییەدا 3 سەربازی تورک کوژران و سەربازێکی تریش بریندار بوو.
لە مارع چالاکی لە دژی چەتەکان
رۆژی 26ی کانوونی دووەمی 2019 / 6ی ڕێبەندان لە گوندی توسێ لە شارۆچکەی مارع لە دژی ئۆتۆمبێلێکی چەتەکانی جەبهەی شامی چالاکییەک بە چەکی قورس ئەنجامدرا. لەو چالاکییەدا ئۆتۆمبێلەکە بە تەواوی تێکشکا، بەڵام ژمارەی کوژراوان و بریندارانی چەتەکان ڕوون نەبووەتەوە.
چالاکی لە دژی سەنگەری چەتەکان؛ چەتەیەک کوژرا و 4 چەتەی تر بریندار بوون
رۆژی 26ی کانوونی دووەمی 2019 / 6ی ڕێبەندان هێزەکانمان لە شارۆچکەی مارع لە دژی سەنگەرێکی چەتەکان چالاکییەکیان ئەنجامدا. لەو چالاکییەدا شەڕ لە نێوان شەڕڤانەکانمان و چەتەکان ڕوویدا. لە ئەنجامی ئەو شەڕەدا چەتەیەک بە ناوی دیاب سەید کوژرا و هەر یەک لە چەتەکان ئیبراهیم محەمەد ئیدریس، زیا مەئمون نیهاری، سەمیری ئیبراهیم و زیا محەمەد بریندار بوون.[1]
#27-01-2019#

سەرلەبەیانیی ئەمڕۆ یەکشەممە 2019/1/27، بە سەرۆکایەتیی بەڕێز #نێچیرڤان بارزانی# سەرۆک وەزیران و بە ئامادەبوونی بەڕێز #قوباد تاڵەبانی# جێگری سەرۆک وەزیران، ئەنجومەنی وەزیرانی هەرێمی کوردستان، کۆبووەوە.
کۆبوونەوەکە تایبەت بوو بە هەڵسەنگاندنی یاسای بودجەی فیدراڵ بۆ ساڵی داراییی 2019 کە ڕۆژی 23/1/2019 تەشریع کرا. سەرەتا هەر یەک لە بەڕێزان وەزیری دارایی و ئابووری و سکرتێری ئەنجومەنی وەزیران لە ڕاپۆتێکدا وردەکاری و ماددە و بڕگە ئەر ێنییەکانی یاساکەیان خستە ڕوو کە هێشتا نەچووەتە بواری جێبەجێکردنەوە.
ئەنجومەنی وەزیران سوپاس و پێزانینی پێشکەش به و هەموو بەڕێزانە کرد کە ڕۆڵیان لە داڕشتن و پەسەندکردنی یاساکە لە ئەنجومەنی نوێنەران بینی، بەتایبەتی بەڕێزان سەرۆک وەزیران و وەزیری داراییی فیدراڵ، فراکسیۆنە کوردستانییەکان، بەتایبەتی ئەندامانی لیژنەی دارایی لە ئەنجومەنی نوێنەرانی عێراق و تیمی حکوومەتی هەرێمی کوردستان.
ئەنجومەنی وەزیران هەڵسەنگاندنێکی ئەرێنی بۆ یاساکە کرد کە لەچاو یاساکانی چەند ساڵی پێشوو باشترە و گۆڕانکاریی ئەرێنی لە بڕگە و ماددەکانیدا دەبینێرێت، هەرچەند هێشتا لە ئاستی ماف و خواست و شایستە داراییه دەستوورییەکانی هەرێمی کوردستاندا نییە. ئەنجومەنی وەزیران هەروەها هیوای خواست ساڵی داراییی 2019 چارەسەری ڕیشەیی لە چوارچێوەی دەستووردا بۆ کێشه داراییەکانی حکوومەتی هەرێم و فیدراڵ بدۆزێتەوە.
لە بەشێکی دیکەی کۆبوونەوەکەدا بەڕێز وەزیری دارایی و ئابووری خەرجییەکانی پەیوەست بە مووچه و دەرماڵە و ئیمتیازاتە داراییەکانی دیکە و ئه و داهاتەی پێویستە بۆ خەرجکردنی تەواوی مووچەی مووچەخۆران بۆ ساڵی 2019، خستەڕوو. ئەنجومەنی وەزیران دووپاتی کردەوە کە ئەولەوییەتی حکوومەت لە ئەگەری دابینکردنی داهاتی پێویست، بریتی دەبێت لە لابردنی پاشەکەوتی مووچە.
هەر لەم ڕوانگەیەوە، ئەنجومەنی وەزیران هەردوو #وەزارەتی دارایی# و ئابووری و پلاندانی ڕاسپارد کە لەگەڵ وەزارەتی داراییی حکوومەتی فیدراڵ لە پەیوەندی و هەماهەنگیدا بن بۆ هەرچی زووتر جێبەجێکردنی یاسای بودجە و بەرچاوڕوونی بۆ حکوومەتی هەرێمی کوردستان سەبارەت به و شایستە داراییانەی بۆ هەرێمی کوردستان خەرج دەکرێت، دوای ئەوەی یاساکە دەکەوێتە بواری جێبەجێکردن و ڕێنماییی دارایی بۆ ئاسانکاریی جێبەجێکردنی لەلایەن وەزارەتی داراییی فیدراڵەوە دەردەچێت.
دەرباری ڕووداوەکانی دوێنێی شێلادزێش، ئەنجومەنی وەزیران وێڕای نیگەرانی و دڵگرانی بەرامبەر بە ڕووداوەکان و پرسە و سەرەخۆشی بۆ خانەوادەی ئه و هاووڵاتییەی گیانی لە دەست دا و هیوای زوو چاکبوونەوە بۆ برینداران، دووپاتی کردەوە کە ئەوانەی دەستیان لە گۆڕینی ئاراستەی خۆپیشاندانی ڕێگەپێدراوی یاسایی و ئاشتیانە بۆ پشێوی هەبوو، ڕووبەڕووی یاسا دەبنەوە و بۆ ئەم مەبەستە لایەنە پەیوەندارەکان لێکۆڵینەوە لەم بابەتە دەکەن.
ئەنجومەنی وەزیران هەروەها دووپاتی کردەوە کە ناکرێت خاکی هەرێمی کوردستان بۆ هێرشکردنە سەر دراوسێکانی بەکار بهێنرێت و بەهانەیان بدرێتێ بۆ بۆردومانکردنی ناوچە سنوورییەکان و لە ئەنجامدا هاووڵاتیانی هەرێمی کوردستان باجەکەی بدەن.
#27-01-2019#

ناوەندی ڕاگەیاندنی یەکینەکانی پاراستنی سڤیل (یەپەسە) بڵاویکردەوە، یەکینەکانی شەهید زەریان و شەهید چیاگەر لە ڕۆژی 21ی کانوونی دووەمی 2019 / 1ی ڕێبەندان لە ناوچەی ئەسەن یورتی ئیستەنبول لە دژی دەورییە و ئێشکگران و پۆلیس چالاکییەکیان ئەنجامداوە.
لە ڕاگەیاندراوەکەی یەپەسەدا هاتووە، چالاکییەک لە ڕێگەی بۆمبەوە ئەنجامدراوە و چەندین چەکداری دەوڵەتی تورک بەو هۆیەوە کوژراون.
لە ڕاگەیاندراوەکەدا ئەوەش هاتووە، ڕۆژی 21ی کانوونی دووەم لە گەڕەکی ئۆرنەک لە دژی ئێشکگران و دەوریی پۆلیس چالاکییەک لە ڕێگەی تەقەمەنییەوە ئەنجامدراوە، بەڵام ئەنجامی چالاکییەکە و زیانەکانی دوژمن ڕوون نەبووەتەوە.
بەپێی ڕاگەیاندراوەکەی یەپەسە، لە گەڕەکی ئەسەن یورتی ئیستەنبول کارگەیەکی ڕستن و چنینی سەر بە ئاکەپە ئاگری تێبەردرا و بەپێچەوانەی ئەوەی میدیاکانی تورک بڵاویانکردووەتەوە، ئاگرکەوتنەوەکە بەهۆی شۆرتی کارەباوە نەبووە.
ئاماژە بەوەشکراوە، لەو چالاکییەی یەکینەکای یەپەسەدا ملیۆنها دۆلار زیان بە ڕژێمی ئاکەپە گەیشتووە.
ئەوەش خراوەتەڕوو، ڕۆژی 15ی کانوونی دووەم لە ئەسەن یورت ئۆتۆمبێلی بەرپرسێکی ئاکەپەی سوتێنرا.
لە ڕاگەیاندراوەکەدا باس ئەوەشکراوە، لە مانگی تشرینی دووەمی 2018 دا لە ئیزمیر ئۆتۆپارکێک ئاگری تێبەردراوە و سەدان ئۆتۆمبێلی تیادا سوتاوە.[1]
#27-01-2019#