ئالان کوردی ئەو زاروکێ کو ژیێ وی سێ ساڵ بوو، کوچبەر بوو کو دگەل ماڵباتا خوە د دەمێ شەڕی دگەل رێکخراوا تەرۆرستی یا دەوڵەتا ئیسلامی ل ئیراق و شامێ کو ب #داعش# ناڤێ خوە دەرکربوو ل ساڵا 2015ێ، ل ڕوژئاڤایێ کوردستانێ ڕە بەرەف دەوڵەتا تورکیێ چوون و پشتڕە دخواست کوو دەربازی وڵاتەکی ئەوروپایێ ببن.
تەڕمێ بێجانێ ئالانێ سێ ساڵی پشتی چەند ڕوژەکان، ژ ئالێ جەندرمەیەکێ تورک ل تەنشتاهییا دەریایەکا باژێڕێ بۆرما یا تورکیا، ل #02-09-2015#ێ هاتە دیتن و وێنەیەیێ تەرمێ ئالان وەکە سیمبولەکا ناخ هەژێن و ئەو غەدرا کو ل نەتەوێ کورد دهێتە کرن، دەنگڤەدانەکە زۆر ل تەڤایا کەنالێن ڕاگهاندن و سۆشیاڵ میدیا یێن ناڤخویی و جیهانی بدیف خوەدە ئینا و دیمەنەکێ زور یێ تراژیدی ل هەمی جیهانێ درووست کر، وەکوو دبێژی ب نڤستی د وێنەی دا دەردکەڤیت، ڤی دیمەنەی دەنگڤەدانکە زور بدیف خوەدە لسەر سیاسەتا ناڤنەتەوی ل جیهانێ و سیاسەتا دژبەری کۆچبەران و شەڕێ داعش ئانی.
ئالان بوویە سنبولێ ئەوێن کو ب ڤی سەدەمی کۆچ کری و بووینە قوربانی. ئەوێ کوو جهێ داخێ بوو دایک و برایێ پێنج ساڵی یێ وی ژی دناڤ ئاڤێ خەنقین و ب تەنێ بابێ وی دەرباز ببوو، پشتڕە ب ڕییا سەفارەتا کەنەدا بابێ ئالان مافی پەنابەریێ و نیشتەجێ بوونێ ل ڤی وڵاتەی پێهاتە دان، لێ وی ئەڤ چەندە ڕەت کرەڤە و مافێ ئاکنجی بوونێ ب ڕییا خوەشکا خوە کوو چەند ساڵەکان بوو ل وی وڵاتەی یا ئاکنجی بوو، بدەست خوەڤە ئینا.
ماڵباتا ئالان کوردی ناڤێ ئەیلان ڕەت کر کو دەزگەهێن میدیایی یێن تورک ئالان بناڤێ ئەیلان ناساند، بابێ وی ڕازی نەبوو ئەڤ ناڤێ تورکی بەکڤیتە سەر کوڕێ وی.
پشتڕە بابێ ئالان، ب ئێکجاری ڤەگەڕیا ڕۆئاڤایێ کوردستانێ ل #کوبانێ# ل ڕێککەفتا #04-09-2015# تەڕمێ خێزان و زارۆکێن وی هەر لوێرێ هاتن بخاک سپاردن[1]. [2]