Barkerdena Zerrî
Nustekar: Medet Can
Çapa Yewine: Gulane 2012
Çapxane: Kayhan
Herune : Stenbol
Wesar bi. Aldûş, Gozêreki, Tiwêreki, yazi, ro, ko, 'erd, azmên zey perdê unci kip kiho, zey mundia 'eysfatma hewt reng ew zey veyva new! xembilnaye u şermok bi. Verê tijî, dikan'a piya bi bi aya u dewarê xo berd bi çere. Cay çerî; çol nê, merga sozan bozan bi; wişk nê, bilusik bi; gemi né, qunca ceneti bi. 'Erdan mlyan ra bewrané gemi, deyan ser ra zeriki, vilikan çorşme ra perperikî perayê. Kişta zimi ra vayê do barékek ameyê ew ne vay, xeley, cewi, vași, awa roy hete veroc'ya kerde şane.
Yazi; rocakewtendê Aldûşî di, Rodé Ferati sero, Mêşedé Kihoyeki kaleka bi. Welat di 'erdi serrê karité, serra bîni nêkaritê ki bîrê xo. A serri 'erdê yazi veng bi. O 'erd di, nezdi di timinan toxim karîyayê. Herra ci zi gorey 'erdanê bînan sûr u fodili bi. Jew kemiyeya 'erdi bi: Çorşmey'a sêzêrê, şiqoqêrê, mazêrê çinê bî ki kes amnanî sersia ci di roșo, labire 'erdî zî zanayê ki no qisurê ey nê, ê waheran bi. Wertede ci di sîyê da bori bi. A sîyer sero; ge geçkan deyri kerde, ge keşişan malmaliki fetilnaye...
Kepa xo, siyer sero ronê u 'erdî mîyan di qoqoy qori denişnay ki qeçê xerîbî çerey ci nêçirane. Karê qoqoyan qediya tepeya, vaşî mîyan di bi derg. Ge hurna qolê xo akerdê, girotê, ge xo kerdé maqley, ge naye perperikan dima; hetana ki her zira...[1]