Navê pirtûkê: Koçekê Derewîn
Navê nivîskar: #Erebê Şemo#
Cihê çapkirina pirtûkê: Amed
Navê çapxaneyê: Belkî


Erebê Şemo-Koçekê Derewîn
Erebê Şemo ev şano 1930’yî de nivîsiye; di ser çapa wê ya yekem re 84 sal derbas bûye ku heta niha ev şano ji bilî çapa wê ya yekem a li Ermenistan-Rewanê wekîdin çap nebûye û derneketiye ser rûyê erdê. Ev şano berî romana wî ya yekem “Şivanê Kurmanca” bi pênc salan hatiye nivîsîn. Şanoya “Koçekê Derewîn” di Kurdî de duyem şanoya bi Kurdî ye; ji ber vê yekê ev şano qels be jî teqlît be jî teksteke girîng e, di vê şanoyê de şînhatina pênûsa Erebê Şemo û pêkhatina pexşana Kurdî tê şopandin.
Peyva “koçek”ê rengdêreke hiyerarşiya dînî ye, ji kesên ku ji “şêx”an nizmtir û ji “şofî”yan bilintir re “koçek” tê gotin; koçektî di navbera şêxtî û sofîtiyê de meqamekî olî ye. Di vê şanoyê de hedefa Erebê Şemo dîndarekî derewîn e; Şemo di vê şanoyê de rûyê dîndarekî derewîn eşkere dike, sextekarî û derewên koçekekî deşîfre dike.[1]