$باکووری کوردستان$
- شاندێکی #کەجەدە#، هەدەپە و #دەبەپە# بۆ سەرەخۆشیکردن سەردانی خانەوادەی سەروەت تورگوتیان کرد کەبە هۆی خستەخوارەوەی لە هەلیکۆپتەرەوە گیانی لەدەستدا. هێزەکانی پۆلیس هەڵیان کوتایە سەر مەراسیمی سەرەخۆشیەکە و هەڕەشەیان کرد.[1](بڕوانە فایلی پەیوەندیدار)
- #پەروین بولدان# و میتحات سانجار هاوسەرۆکانی گشتی #هەدەپە# لە دژی ئۆپڕاسیۆنی پاکتاوی سیاسی لە پەرلەمان کۆنگرەیەکی ڕۆژنامەوانیان ساز کرد. سەرەتا بوڵدان قسەی کرد و لە بارەی کوشتنی هاوڵاتی سەروەت تورگوت کە سەربازانی تورک لە هەلیکۆپتەر خستیانە خوارەوە و گیانی لەدەستدا، وتی:ئەو کەسانەی ئەم ئەشکەنجەیەیان لە مرۆڤایەتی کرد و بەرپرسیارانی ئەو کردەوەیە و ئەوانەش کە دەیان پارێزن، ئیدانە و شەرمەزار دەکەین. بێگومان ناتوانن ئەو ئەشکەنجەیە بشارنەوە. بۆ ئەوەی بەرپرسیارەکان دادگایی بکرن، ئیمە وەکو هەدەپە چیمان لەدەست بێت، دەیکەین.[1]
- خانمە گۆرانیبێژی کورد #هۆزان جانێ#، دوای زیاتر لە دوو ساڵ زیندانیکردن لەلایەن حکومەتی تورکیا ئازاد کرا.[5]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/386638/0012.JPG=KTML_ImageCaption_Title=هۆزان جانێ ئازاد کرا=KTML_ImageCaption_CaptionStyle=000000=KTML_ImageCaption_Caption=هۆزان جانێ ئازاد کرا=KTML_ImageCaption_End=
- دەوڵەتی تورک لە بەردەوامیی ئۆپراسیۆنی پاکتاوکردنی سیاسیی گەلی کورد دا شەڤین ئالیجا هاوسەرۆکی شارەوانیی قەرس، جێگرانی هاوسەرۆکانی شارەوانیی قەرس و ئەندامانی ئەنجوومەنی گشتیی شارەکە و چەندین کەسی تریان دەستگیرکرد. هاوکات پۆلیسی تورک هەڵیشیانکوتاوەتە سەر ماڵی جەنگیز ئانلی هاوسەرۆکی شاری قەرسی هەدەپە و سەرقاڵی پشکنین و تێکدانی کەلوپەلەکانی ناو ماڵەکەی.[1]
- دەوڵەتی تورک ماڵپەڕی ئاژانسی هەواڵی میزۆپۆتامیا و سەندیکا دۆت ئۆرگی بە بڕیاری دەستەی ڕاگەیاندن و تەکنەلۆژیای زانیاری داخست.[1](بڕوانە فایلی پەیوەندیدار)
$رۆژهەڵاتی کوردستان$
- هاووڵاتییەکی کورد بە ناوی پشتیوان پەرتۆ کوڕی زۆراب تەمەن 28 ساڵ و خەڵکی گوندی نێی #مەریوان# لەلایەن هێزە ئەمنییەتییەکانەوە دەسبەسەر کرا.[8]
$باشووری کوردستان$
- ئێوارەی ئەمڕۆ، فڕۆکە جەنگییەکانی تورک چوار جار لە چیای گارە دەوروبەری گوندی مەرانێ-یان لە ناوچەی بەرواری خواروو بۆردوومان کرد.[2]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/386638/0005.JPG=KTML_ImageCaption_Title=تورک لە کاژێرێکدا چوار جار چیای گارە بۆردوومان دەکات=KTML_ImageCaption_CaptionStyle=000000=KTML_ImageCaption_Caption=تورک لە کاژێرێکدا چوار جار چیای گارە بۆردوومان دەکات=KTML_ImageCaption_End=
- بابەشێخ کەسایەتیی ناسراوی کوردانی ئێزدی و ڕابەری ڕۆحیی ئێزدییەکان، لە تەمەنی 87 ساڵیدا بە نەخۆشی کۆچی دواییکرد.[3]
- وەزارەتی تەندروستی حکومەتی هەرێمی کوردستان ئاماری نوێی #کۆرۆنا#ی بڵاوکردەوە و ئاشکرای کرد لە ماوەی 24 کاتژمێری ڕابردوودا 21 کەسی دیکە بەهۆی کۆرۆنا گیانیان لەدەستداوە.[5]
- سەرۆکی هەرێمی کوردستان پەیامێکی لەبارەی هێرشەکەی شەوی ڕابردووی #هەولێر# بڵاوکردەوە و دەڵێت، دەبێت بە هەموو لایەک ئاراميی هەرێمی کوردستان و عێراق بپارێزین و ئەو هێرشەش بە دەستدرێژی بۆ سەر خەڵکی هەرێمی کوردستان و هاوپەیمانەکانی لە شەڕی دژی تیرۆردا دەبینین.[2]
- هاوسەرۆکی یەکێتی ئیدانەی هێرشە موشەکییەکەی سەر هەولێر دەکات و ڕایدەگەیەنێت: نابێت هەرێم ببێتە جێگای ململانێ و توندوتیژییەکان و لێپرسراوانی ڕوداوەکەش لێکۆڵینەوەیان لەگەڵدا بکرێت.[4](بڕوانە فایلی پەیوەندیدار)
- ئاژانسی هەواڵگریی سەر بە #وەزارەتی ناوخۆ#ی عێراق ڕایگەیاند سەرکردەیەکی #داعش#یان لە شارۆچکەی #چەمچەماڵ# دەستگیرکرد.[2]
- تەندروستی #سلێمانی# لە ڕاگەیەندراوێکدا داوای بەخشینی پلازما لە چاکبوانی ڤایرۆسی کۆرۆنا دەکات.[4](بڕوانە فایلی پەیوەندیدار)
- پۆلیسی ڕاپەڕین ڕایگەیاند، ئەمڕۆ، دو برا لە #قەڵادزێ# بۆتە شەڕیان و دوای ئەوەی بە برینداری گەیەندراونەتە نەخۆشخانە یەکێکیان گیانی لەدەستداوە.[6]
$دەرەوەی کوردستان$
- بەرپرسێکی وەزارەتی بەرگری ئەمەریکا ڕایدەگەیەنێت، مووشەکی نوێ لە هێرشەکەی هەولێر بەکارهێندراون، ئەو مووشەکانە پێشتر لە هێرشەکانی ناوچەکانی دیکەی عێراق بەکارنەهێندراون. کەناڵی سی ئێن ئێن، لە زاری بەرپرسێکی باڵای وەزارەتی بەرگری ئەمەریکا بڵاویکردووەتەوە، سێ مووشەک لە نزیک بنکەی سەربازی هێزی هاوپەیمانان کەوتوونەتە خوارەوە، هێرشەکە هیچ زیانێکی ماددی و گیانی بە دوای خۆیدا نەهێناوە. بەرپرسە باڵاکەی پێنتاگۆن دووپاتیدەکاتەوە، ئەو مووشەکانەی لە هێرشەکەی هەولێردا بەکارهاتوون جیاوازن لەوانەی لە هێرشەکانی پێشووتری سەر هێزەکانی ئەمەریکا لە ناوچەکانی دیکەی عێراق. بەرپرسەکەی پێنتاگۆن هێرشەکە بە دروستکردنی کێشە وەسف دەکات، چونکە هێرشەکە فراوانترە لە هێرشەکانی پێشوو.[5]
- بەپێی نووسراوێک کە دەسەڵاتی فڕۆکەوانیی عێراق بۆ کۆمپانیا گەشتیارییەکانی ناردووە، گەشتە ئاسمانییەکانی نێوان تورکیا و عێراق لە ڕۆژی 3ی تشرینی یەکەمەوە ڕادەگیرێن جگە لەو گەشتانەی کە بۆ گەڕانەوەی هاووڵاتییانی تورکیایە لە عێراقەوە.[2]
- ویلایەتە یەکگرتووەکانی ئەمریکا هۆشداریی تووند دەداتە حکومەتی عێراق و دەڵێت، هێرشکردنە سەر بەرژەوەندییەکانی وڵاتەکەی لە عێراق لەلایەن گرووپە چەکدارەکانی سەر بە ئێرانەوە قبووڵ ناکات.[2]
- سەرۆکی فەرەنسا، ئیمانوێل ماکرۆن، ئەمڕۆ ڕایگەیاند، وڵاتەکەی زانیاری وردی هەیە، کە جەخت لە هەبوونی چەکدارە سوورییەکان دەکاتەوە لە شەڕی قەرەباخ و ئەو چەکدارانە لە لایەن تورکیاوە نێردراون بۆ ئەوێ.[5]
- گۆتەبێژی وەزارەتی دەرەوەی ڕووسیا، ماریا زاخارۆفا لە لێدوانێکی ڕۆژنامەوانیدا ئەمڕۆ گوتی: ئەو زانیارییانەی باسی ناردن و گواستنەوەی چەکداران دەکەن لە باکووری سووریا بەرەو قەرباخ، جێگەی نیگەرانییە. ڕوونیشیکردەوە، بڵاوبوونەوەی ئەو هەموو وێنە و ڤیدیۆیە لە پێگەکانی میدیای کۆمەڵایەتیدا ڕاستگۆیی ئەو ڕاپۆرتانە دەچەسپێنێ.[5]
- فەرماندەیی ئۆپەراسیۆنە هاوبەشەکانی عێراق، دەستگیرکردنی ئامر لیوای بەرپرسی ئەو ناوچەیەی کە مووشەکەکانی لێوە ئاڕاستەی هەولێر کراوە، ڕاگەیاند، دەزگا ئەمنیەکانی هەرێمیش دەڵێن، ئەو ناوچەیە لەژێر کۆنترۆڵی لیوایەکی #حەشدی شەعبی#دایە.[7]
- ڕوانگەی سوری بۆ مافەکانی مرۆڤ ئاشکرایکرد کە ڕەوانەکردنی چەتەکان لە سوریاوە بۆ ئازەربایجان لە لایەن دەوڵەتی تورکەوە بەردەوامە و لە دوو ڕۆژدا لە شەڕی ئەرتەساخ 28 چەتەی بەڕەگەز سوری کوژراون و62 چەتەش بریندار بوون.[7]

ڕاگەیەنراوی هەپەگە لەبارەی چالاکی و ئەنجامی چالاکیەکان بەم شێوەیەیە:
هێزەکانمان لە چوارچێوەی هەنگاوئ 'کات کاتی ئازادیە' لە 1ی تشرینی یەکەم کاتژمێر 06:30 لەدژی سوپای داگیرکەری تورک لە گردی کۆردینەی هەرێمی شەهید بێریتانی خواکورک، لە سێ قۆڵەوە چالاکی فراوانیان ئەنجامدا. لە قۆڵی یەکەمی چالاکیەکە داگیرکەرێک سزادرا و کامێرایەکی مۆبەسی سەر گردەکە تێکشکێنرا. لە قۆڵی دووەمیشەوە سەنگەرێکی داگیرکەران لەناوبرا و 5 داگیرکەری سزادران. هەروەها چەکێکی ئەی 4 تێکشکێنرا و دواتر 2 داگیرکەر کە چەکەکەیان بەکاردەهێنا سزادران. لە قۆڵی سێیەمەوە کامێرایەک و سەنگەرێکی سەر گردەکە لەناوبران. هەروەها هێزەکانمان ڕادار و سەرچاوەکەیان لە گردەکە لەناوبرد. دوای چالاکیەکە کە بۆ یادکردنەوەی هاوڕێ فەرماندەکەمان عەگید گارزان کە فەرماندەیەکی ویلایەتی خواکورک بوو ئەنجامدرا داگیرکەران بە هەلیکۆپتەری سکۆرسکی تەرمی سەربازە کوژراوەکان و بریندارەکانیان لە ناوچەکە دوور خستەوە.
24ی ئەیلول کاتژمێر 10:00 هێزەکانمان لە چوارچێوەی هەنگاوی شۆرشگێری جەنگی حەفتانیندا لەدژی داگیرکەرانی تورک لە گردی دووپشک چالاکیان ئەنجامدا. لە چالاکیەکەدا 3 داگیرکەر سزادران. دوای چالاکیەکە سوپای داگیرکەری تورک ناوچەکەی بە ئۆبۆس وهاوەن تۆپباران کرد.
سوپای داگیرکەری تورک دوای ئەوەی لە 27ی ئەیلول لە گردی کوردینەی هەرێمی حەفتانین سەربازی جێگیرکرد، 28ی ئەیلول لە دەڤەری کەشانێ دەستی بە ئۆپەڕاسیۆنی داگیرکەری کرد. دواتر زانیاری زیاتر لەبارەی چالاکیەکە بۆ ڕای گشتی بڵاودەکرێتەو.
23ی ئەیلول سوپای داگیرکەری تورک دوای ئەوەی کە لە دەڤەری قەلای شوکێ و شەهید بێکەسی سەر بە دەڤەری شوکێی ئاڤاشین سەربازی جێگیر کرد، لە هەرێمەکە دەستی بە ئۆپەڕاسیۆن کرد و ئۆپەڕاسیۆنەکە بەردەوامە.
هێرشی فرۆکەکانی سوپای داگیرکەری تورک بۆسەر هەرێمەکانی پاراستنی میدیا بەردەوامە و لەو چوارچێوەیەدا:
1ی تشرینی یەکەم کاتژمێر 17:30 فڕۆکە جەنگیەکانی دەوڵەتی داگیرکەری تورک گوندی چەمانکێی دهۆکی باشووری کوردستانیان بۆردومان کرد.
1ی تشرینی یەکەمی کاتژمێر 10:00 – 10:30 فڕۆکە جەنگیەکان دەڤەری گوندی فلای هەرێمی زاپیان بۆردومان کرد.
1ی تشرینی یەکەم کاتژمێر لەنێوان 16:00 – 16:30، 30ی ئەیلول کاتژمێر 16:00 فڕۆکە جەنگیەکان دەڤەری وەرخالێی هەرێمی ئاڤاشینیان بۆردومان کرد.
1ی تشرینی یەکەمی کاتژمێر لەنێوان 08:00 – 08:10 فڕۆکە جەنگیەکان دەڤەری مەرڤانۆس و شەهید دیرەنی هەرێمی ئاڤاشینیان بۆردومان کرد.
29ی ئەیلول کاتژمێر لەنێوان 16:30 – 17:00 و 1ی ئەیلول کاتژمێر لەنێوان 08:15 – 17:00 دەڤەری شوکێی ئاڤاشینیان بۆردومان کرد.[1]