بڕیکاری وەزارەتی شەهیدان و ئەنفالکراوان ڕایدەگەیەنێت، پێویستە بەپێی دەستووری عێراق بەغدا قەرەبووی زەرەر و زیانەکانی هەرێمی کوردستان لای حکومەتەکانی عێراقی لە ساڵی 1963 تاوەکو 2003 بداتەوە کە بە 384 ملیار دۆلار دەخەملێندرێت.
بەرەڤان حەمدی، بڕیکاری وەزیری شەهیدان و ئەنفالکراوانی حکومەتی هەرێمی کوردستان بە دواڕۆژی ڕاگەیاند، قەرەبووی زەرەر و زیانەکانی هەرێمی کوردستان لای حکومەتی عێراقیی لە ساڵی 1963 تاوەکو 2003، دیراسەی وردیان بۆ کردەووە بە بڕی 384 ملیار دۆلار خەمڵێندراوە، بەڵام عێراق تاوەکو ئێستا ئه و دۆسیانەی پشتگوێ خستووه و قەرەبووی نەکردوونەتەوە.
ئەوەشی خستەڕوو، ئه و قەرەبووکردنەوە لە دەستووری عێراقدا هاتووە و ئه و خەمڵاندنانە بە پێی پێوەرە نێودەوڵەتییەکان لێکدراوەتەوە، بۆیە پێویستە یەکێک لە خاڵە سەرەکییەکانی دانیشتنی نێوان حکومەتی هەرێمی کوردستان و حکومەتی عێراقی لەسەر ئه و قەرەبووانە بێت.
ئه و بەرپرسەی وەزارەتی شەهیدان ڕوونیشیکردەوە، ئه و قەرەبووانە قەرەبووی مرۆیی و ماددی و ژینگەیی و کۆمەڵایەتی و ئابوورین، ئەم قەرەبووانەش تەنیا ئه و زەرەر و زیانانە لە خۆ دەگرێت کە لە ئەنجامدانی تاوان بەرانبەر گەلانی کوردستان لە ساڵی 1963 بۆ 2003 لەلایەن ڕژێمە یەک لە دوای یەکەکانی عێراقەوە ئەنجام دراوە.
وتیشی تاوەکو ئێستا حکومەتی عێراق ئه و بڕە پارانەی خەرج نەکردووە بۆ حکومەتی هەرێمی کوردستان، چونکە عێراق لە قەیراندایە و ناتوانێ پێداویستی و خزمەتگوزاری سەرەتایی و زۆرجاریش مووچە فەرمانبەران دابینبکات.[1]
#17-07-2018#

وەزارەتی کاروباری شەهیدان و ئەنفالکراوانی هەرێم ئاشکرایدەکات، کەیسی جینۆسایدی ئێزدییەکان و دەشتی نەینەوا ئامادەیە و تائێستاش لێکۆڵینەوە و وردبینییان لەبارەی زیاتر لە 2 هەزار و 500 کەیس ئەنجامداوە.
بەرەڤان حەمدی، بەڕێوەبەری گشتی لە وەزارەتی کاروباری شەهیدان و ئەنفالکراوانی حکومەتی هەرێم، بە دواڕۆژی ڕاگەیاند کەیسی جینۆسایدی ئێزیدییەکان و دەشتی نەینەوا ئامادەیە لەبارەی بەجینۆساید ناساندنی ئەو کارەساتە مرۆییەی بەهۆی چەکدارانی #داعش#ەوە دەرهەق بە پێکهاتەکانی نەینەوا و بەتایبەت شەنگال و ئێزدییەکان کراوە.
روونیشیکردەوە، دوای پڕۆسەی داگیرکردنی ناوچەکانی شەنگال و دەشتی نەینەوا ئەنجامدرا، هەر زوو حکومەتی هەرێمی کوردستان لیژنەیەکی باڵای ڕاگەیاند و ئەو لیژنەیە دەستەیەکی لێکۆڵینەوە و کۆکردنەوەی بەڵگەکانی لە پارێزگای دهۆک بەسەرپەرشتی دادوەرێک دامەزراند، بە هەماهەنگی نێوان وەزارەتەکان، ئێستاش لەڕووی بەڵگەنامە و دۆکیۆمێنت و لێکۆڵینەوە کەیسی جینۆسایدی ئێزدییەکان و دەشتی نەینەوا ئامادەیە بە دوو بەش، بەشێکیان لە هۆڵەندا پێشکەشی دادگای تاوانی نێودەوڵەتی کراوە، هەروەها ئەو دۆکیۆمێنت و بەڵگانە پێشکەشی نەتەوە یەکگرتووەکان و ئەنجوومەنی ئاسایشیش کراوە.
ئه و بەرپرسەی وەزارەتی شەهیدان و ئەنفالکراوەکان، وتیشی حکومەتی هەرێمی کوردستان لە ئەنجوومەنی وەزیران چەند پڕۆژەیەکی تاوتوێ کردووە کە ئەوانیش بە سێ ئاڕاستەدان، بریتین لەوەی یەکەم پڕۆژە ئەوەیە کە ئەگەر لە دادگای تاوانی نێودەوڵەتی ئەم کەیسە بکرێتەوە، دووەمیشیان ئەوەیە ئەگەر دادگایەکی نێودەوڵەتیی تایبەتمەند دروست بکرێت، سێهەمیش ئەوەیە ئەگەر لەسەر ئاستی نێوخۆدا بێت.
بەرەڤان، ئاماژەشی بەوەکرد، بژاردەی دووەمیان لەبەردەستدایە کە دامەزراندنی دادگایەکی نێودەوڵەتیی تایبەتمەندە بەڕەهەندێکی نێودەوڵەتی، دادگایەک بێت بە بڕیاری ئەنجوومەنی ئاسایش یان بە بڕیاری نەتەوە یەکگرتووەکان دابمەزرێت و دادوەر و لێکۆڵەری بیانی و نێوخۆیی تێدابێت و بەپێی یاساکانی عێراق و نێودەوڵەتی کاری تێدا بکرێت، هاوشێوەی ئەو دادگایانەی پێشتر لە یۆگسلافیا یان لە ئەڵمانیا و سربیا و لوبنان دامەزرا.
جەتیشی لەوەکردەوە، ئێستا ئاڕاستەکە بەرەو ئەوە دەچێت کە دادگایەکی تایبەت بۆ تاوانەکانی داعش دروست بکرێت و لەچوارچێوەی تاوانەکانی داعش تاوانەکانی دژ بە پێکهاتەی ئێزدی و پێکهاتەکانی دیکەی دەشتی نەینەوا ئەنجامدراوە.
ناوبراو، ئاشکراشیکرد کە ئامارەکانی دەستەی لێکۆڵینەوەی تاوانی جینۆساید زیاتر لە دوو هەزار کەیسی کردۆتەوە، هەزار کەیسیان هەموو بەڵگەنامە و لایەنی لێکۆڵینەوە و هەموو شتێکی تەواوە و کامڵ بووە و هیچ کەموکورتییان تێدا نییە.
ئەوەشی خستەڕوو، لەهەرێمی کوردستان بەڵگە و دۆکیۆمێنت و شایەتحاڵ و تاوانەکە و زەرەر و جەسامەتی ئەو تاوانەی ئەنجامدراوە هەمووی ئامادەکراوە و ماوەتەوە شوێنێک هەبێت ئەو کەیسەمان لێ وەربگرێت و لێکۆڵینەوە لەو مەسەلەیە بکات و بڕیاری کۆتایی لەبارەیەوە دەربکات.
وتیشی ئەو وڵاتانەی کە هەڵگرانی ڕەگەزنامەکانیان لە نێو داعش کاریگەرییان هەبووە و بەشداری قڕکردنی پێکهاتەکان بوون، دەبێت قەرەبووی قوربانییان بکەنەوە.
02-07-2017

22-10-2017

عادل مەلا ساڵح وتەبێژی وەزارەتی شەهیدان‌ و ئەنفالکراوانی حکومەتى هەرێم:
- هەموو خزمەتگوزارییە تەندرووستییەکانی تەواوی بنکە و نەخۆشخانە حکومییەکان 100٪ داشکاندن بۆ کەسوکاری شەهیدان دەکرێت‌ و خزمەتگوزارییەکان ئەمانە دەگرێتەوە، چارەسەر، پشکنین‌ و نەشتەرگەریی.
- لە نەخۆشخانە ئەهلییەکانیش بە ڕێژەی 50٪ داشکاندن بۆ کەسوکاری شەهیدان دەکرێت.
- زیاتر لە 19 ملیار دینار، قەرزی کرێی خوێندنی چەند ساڵێکی کەسوکاری شەهیدان و ئەنفالکراوانیان دراوەتەوە.
- لەسەر ئاستی ئەنجومەنی وەزیران کار لەسەر کراوە بۆ ئەوەی لە جێی پێدانی زەوی، یەکەی نیشتەجێبون بۆ کەسوکاری شەهیدان و ئەنفالکراوان درووستبکەین. [1]

#کاروان گەزنەیی#، پەڕڵەمانتاری #یەکێتیی نیشتمانیی کوردستان#، ڕەخنە لە وەزارەتی شەهیدان دەگرێت و دەڵێت (گرێبەستیان لەگەڵ ڕێکخراوێکی وەهمی کردووە) .
کاروان گەزنەیی ئەندامی پەڕڵەمانی کوردستان، لە کۆنگرەیەکی ڕۆژنامەوانیدا چەند دۆسیەیەکی گەندەڵی خستەڕوو کە تیایاندا پارەیەکی زۆر بە هەدەرچووە.
کاروان گەزنەیی وتی ”داهاتێکی زۆر لەبەر دەستی حکومەتە بۆ دابەشکردنی موچە، بەڵام موچەی مانگانە بە باشی دابەش ناکرێت”.
گەزنەیی ئاماژەی بەوەشکرد، ”گەندەڵی و نا شەفافییەکی زۆر لە دۆسیەی نەوتدا هەیە”.
ئەو پەڕڵەمانتارە دۆسەیەکی گەندەڵی لە وەزارەتی شەهیدانی حکومەتی هەرێم خستەڕوو و وتی (لە ئەنجامی بەدواداچوونمان بۆمان دەرکەوتووە، وەزارەتی شەهیدانی حکومەتی هەرێم، گرێبەستێکیان بە شێوەیەکی نا یاسایی لەگەڵ ڕێکخراوێکدا کردووە، بەڵام دواتر دەرکەوتووە کە ئەم ڕێکخراوە بوونی نییە، ڕێکخراوێکی وەهمیە، لەسەر دۆسیەی ئەنفال). [1]